竹園重慶雞煲

营业中

休息中

食物質素ok 但趁朋友飲到酒醉，同外國人吾識睇中文。埋單乘機加多個item 落張單度，被發現後仲要態度勁差！雖然最後退回款項但服務態度很差！勸大家埋單小心睇清楚....

麻辣霸皇惹味雞煲 (半隻 $158)醬汁非常濃郁，用上大量花椒八角，食落麻辣味十足，肉質嫩滑，令到配菜都好入味。及後再加上旁邊的辣汁打邊努，令到成個雞煲精華都聚在一起。紅袍川辣墨魚頭($80)呢間火鍋店除咗雞煲係招牌菜後，仲有大量小食比人選擇。墨魚頭先炸到金黃，再加上川菜方式，用到芹菜，袍椒，炸蒜，花生炒香，加支啤酒一流！即炸響鈴 ($46)份量十足，有8大塊，上到枱時仲出煙！放落雞煲內灼兩秒就夠了！吸哂辣味之外脆卜卜！雜菜拼盤($47)平常內有三種蔬菜，因為喜歡食粟米的關係，餐廳特登幫我地轉！服務態度鄰近地鐵站，適合一大班人聚餐！但全部食物都偏辣，微辣都適合平常人了！

呢一間竹園鷄煲位於北角街市上面，人流很多,每次都最好打去訂枱！而每次每總會叫到食枱新鮮的打邊爐食物！食物也很新鮮，重點一定要推介佢嘅胡椒豬肚雞煲，鷄夠人味👍🏽打邊爐之前要飲佢的湯很濃郁

Tucked away at the back in the shadows of the famous Tung Po Restaurant in the Java Road Cooked Food Centre above the wet market, is this little chicken pot dai pai dong. Very friendly and helpful staff including the manager Ivy who takes care of us (and all her guests) when we’re there. Must have dishes (before the chicken pot) include the frogs legs with cumin, chicken soft bone with fried garlic, spicy duck kidneys. Then the spicy chicken pot itself with pork intestines! Sooo good. Make sure

餐廳位於市政局熟食中心裡頭，猶豫置身舊式大排檔，晚上10時後還會播放80、90年代熱舞勁歌，實有回到香港黃金時代感覺。雞煲足料，雞肉算多，辣度自算，辣香撲鼻。大眾食客應都能應付中辣，嗜辣人士當然挑戰最高級，口味地道帶有重慶風味。吃完雞肉，繼而加原湯，便可作為火鍋湯底，非常惹味。另外，可試試熟食的脆皮窩塔小唐菜，香口干脆。2人用餐，點單如下。1）美國雪花肥牛2）脆皮窩塔小唐菜3）麻辣霸王惹味雞煲4）朝日啤5）鮮甜爽窩筍無加一合計HK$428

本人就17歲.因為我去其他地方食野啲侍應就態度通常唔好.因為覺得我細個所以以為我冇錢.但係呢間野個阿姨對我地服務態度非常好.有傾有講又唔收服務費.而且呢度啲雞煲都好好食同埋有彈性.其他地方嘅雞煲有點兒唔夠味同埋唔夠新鮮.非常推薦呢間.價錢又抵.野食都算ok.因為我第一次黎呢間都覺得下次會翻黎食.如果一班人黎食都得.位置唔算細.環境算好.

book咗枱唔駛等位，貪佢就腳加埋大排檔隊啤豪飲嘅感覺。霸皇雞煲好惹味，特別鍾意佢開頭慢慢煮得乾乾哋身，跟住淋個辣湯落去嗰吓，大家搶住食。放冰豆腐落去，索哂啲麻辣汁，真係正到暈。有朋友唔係好食得辣，所以點咗微辣，反而因為唔太辣，個雞味好出。今次人多，叫多個胡椒豬肚羊腩雞煲，個胡椒味好濃（最怕啲鋪頭整到啲胡椒豬肚湯勁輕手，冇胡椒味），呢個湯一飲落去，個身滾咗，都未落其他料就勁飲個湯，雞好滑，豬肚都爽口。除咗雞煲，我啲朋友不停追加小食，特別係個醉豬手，啲酒落得好重手，酒味夠濃之餘仲有桂花香味，同出面食嘅醉乜醉物個味好唔同。鴨舌都正，又可以雙拼，有柄嘅鴨舌唔係周圍有得食，鹵水同麻辣都正，同埋份量都幾多，抵食。 最衰今次啲朋友唔多鍾意食羊，下次要試埋麻辣枝竹羊腩。

今晚同老公想搵辣雞煲食，係附近search 度le間野。味道很一般，跟一品辣雞煲比差非常遠！沒有白飯，辣煲沒有白飯配，一大缺憾！店員態度十分之差，問外面白飯買回來可以嗎，但回覆是要另外收我地錢bo!感覺很差，要不是在港島區，否則一定不會光顧！不會介紹朋友，亦不會再光顧！

酒後醉愛, 麻辣雞煲.... 請緊記要叫乾雞煲! 惹味好多一坐低先黎個戰鬥碗啤酒! Asahi啤一啤去! 飲勝叫左一個惹味乾辣雞煲加大腸(中辣), 一上枱已經香噴噴, 卜卜聲! 食指大動呀雞肉無論滾幾耐都係咁嫩, 重愈滾愈入味!! 正呀煲內的大腸可以留返最後食, 煮軟d入味d先食花膠仔, 滾3-5分鐘就食得, 補下膠質的首選廣島蠔, 我比較鍾意食細細的蠔, 蠔味會濃郁d, 不過千祈要睇住時間, 耐左就浪費左…雞子, 夠新鮮, 索晒d辣汁……魚皮餃, 非一般的魚皮餃, 呢個應該係街市豆腐檔個種, 無冰過, 非一般frozen貨可比最後係麻辣雞煲不可缺少的炸枝竹! 將所有的精華盡吸

男朋友一放工就係咁同我講話好想好想食d 濃味熱辣辣既野。經過半個多小時既網上搜尋及研究，我決定來位置離我家好近的北角街市熟食市場內這家叫竹園的雞煲餐廳。就坐時時間還早，所以顧客唔多。我同男朋友馬上點了味道較甜的奇味雞煲（半隻），我最愛的魚皮餃，蔬菜盆同埋一盆安格斯牛。唔洗好耐，雞煲就上桌!  非常非常香，好香既洋蔥及香料味道。店員會付上一碗好濃味好濃稠既湯比客人吃完雞肉後加入雞煲打邊爐用。雞肉好滑好入味，個汁超濃味，如果用黎送飯送公仔麵同烏冬就一流。雖然係奇味雞煲，但都幾辣下，我哩d 重口味人士就好中意，不過如果你係怕辣既人就要記得點餐時同店員講聲少辣啦！牛肉的份量不吝嗇，非常好吃！牛肉切得較厚，脂肪分佈平均很嫩，而且牛肉味好重，配上雞煲既汁...一流！雖然要價180元，但我覺得很值得！因為只顧住食，唔記得影底既魚皮餃都好好食，好滑好鮮味。雖然我份人懶...唔中意食有骨，偏向大啖大啖肉. 但哩一餐雞煲真係有比到surprise 我，連我哩個討厭骨頭既人都食唔停口。唯一我希望可以改善既地方就係，如果餐廳有供應白飯就好喇！一定會再光顧！

平時好鍾意食川菜既我，　今日同幾位朋友黎到呢間竹園雞煲食店係熟食中心上蓋，　細細間店自成一格，　人頭湧湧！傳來陣陣香味食店主力食雞煲同咪好多四川小食。叫左雞煲中辣，　好惹味，　其實而家甘多食店都有雞煲，　好難話邊間好食，　我就覺得呢間既香料做得比較特別，　有好多吾同辣椒，　洋葱，　麻子，　而且雞肉都算滑，　我幾喜歡另外不得不提小食都好有質素，　好似尖椒皮蛋，　麻辣魚皮，　夫妻肺片，　木耳等等都好美味。

很高興被邀請成坐上客因為當晚只招待熟客呢！起初都知有遊戲玩，點知原來每枱都送出雞煲一個意外呢！呢晚嘅雞煲係餐牌上係無嘅干身辣雞煲，雞嘅質素依舊好，嫩滑夠香！干身煲更惹味，香味更濃！無出面D雞煲咁鹹，醬汁又唔會過濃搶咗雞原本鮮味，另外仲另上一碗上湯比用嚟之後打邊爐，正！真係好想佢可以快D上餐牌昵!！當晚除咗老闆大派雞煲，仲每枱大派鞭鞭有力嘅牛喜喜兼大派禮物同現金券，又有MC搞気氛，令全場人都不停歡呼！小弟更抽到五百個大洋現金券，勁高興呀！由佢地開張，食到一週年，人客多咗，但食物質素仍然保持水準！希望兩位老闆再比D力，今年加D新菜式！做夠佢十幾廿週年！

月頭去過食，聽老闆講又有新野出!忍唔住又去試試啦要上次試過個麻辣牛鞭羊腩煲，都非常之唔錯~個牛鞭又夠味又夠林，可惜身邊D朋友有D忌諱徙晒!今次叫左酸辣豬肚雞煲，個湯底勁正! 未開始打就每人飲左兩大碗湯先!湯底淆得好濃，好似牛奶咁既色~而D酸菜同平時出去食既米線唔同，唔係一味得個酸酸酸，食落係爽口，唔太鹹，D雞又係滑嘟嘟，豬肚又爽無異味~讚!今次去有D見到個MENU有D唔同左，加多左D配料，有西洋菜啦~花膠仔啦~聖子啦~帶子啦~~~~~~值得一提，花膠仔唔係雪死晒個D，唔會6完唔見左，又唔會太耐林到散晒~唔錯!!食物保持到質素，新煲又有驚喜~(本人比較喜愛酸辣米線，食到尾整返個薯粉就正啦!!!不過我尋日叫左一丁兩個人食仲要叫埋3支大啤，都係三百鬆，打邊爐黎講真係平靚正~期待更多新野試喔~

雞煲一家接一家地開好像停不了似的,幾個月來已吃了十多家!但真正覺得好吃的卻幾隻手指數得完.其實這裡像一家川菜館多一點,差不多涼菜小吃及小炒佔了全版餐牌.來得當然什麼也會試一點吧!醉豬手----花彫味重但皮層不夠爽及豬毛清理得並不乾淨.尖椒皮蛋----皮蛋雖不是溏心但也沒有討厭的燥味,泡過油的尖椒暫軟腍好吃!麻辣窩荀----切成幼條的窩荀吃起來不太爽脆,每條也像泡水過久似的味道極淡,幸麻辣汁的辣度足麻感不強.青介辣米奇鼠耳----青介的調味甚為古怪!完全沒有攻鼻的感覺,是唯一吃剩的小吃.台式涼拌茄子----茄子軟淋醬油膏亦對辦屬於好吃類別!夫妻肺片----牛肚尚算入味,這裡的麻辣汁料也是同一問題就是只辣不麻!一連也試了多款小炒:麻辣沙貝利----即是炒大蜆?是最好吃的一款!鑊氣十足炒得火候剛好蜆肉鮮甜肥美.魔鬼香辣蝦----辣勁足蝦肉爽彈夠入味.紅袍川椒田雞及椒鹽鯇魚腩----味道尚算不俗略嫌泡油泡得有點過火肉質硬了一點.重慶麻辣雞煲大辣----湯底較偏重辣味麻只是一般,雞件尚算滑溜但不太入味.湯汁要滾多一會至開始收水才感覺到辣度慢慢增強.惜此時雞件已因淥得太耐而變老,未及反應侍應已自行

新開的咪去試吓,至少一有三好,服務好,衛生好,吾駛排隊~~今次五個人叫了兩個湯底-雞湯同麻辣,必吃的牛脊,嚮鈴,餃子很出色,墨魚滑及鯇魚喃精美小菜米奇老鼠也有突破.店主一家落手落腳很有熱誠,唯獨冷氣吾夠,夏天去打邊爐一定要夠冷氣,秋冬就冇問題.