築地GINDACO (已結業)

行完朗豪坊, 過隧道去荷里活買牛仔褲, 落雨都好多人, 似乎大家都唔係太擔心高空擲物了 經過築地, 買左一客原味八爪魚丸食我自己食左兩粒, 味道真好, 個八爪魚丸皮好脆, 裡面熱辣辣, 好好食!個日式燒汁好美味, 加埋紫菜絲同沙律醬食, 感覺真好!街頭小食之中, 這個八爪魚丸係不錯之選

今日又係因為早收工…所以就同同事一齊去旺角行街"呢期的推介的是Max大船，5粒章魚5粒大蝦，上次已經和男友叫了一次，所以今次都係叫了呢個"可能我們買的時候是在空閒時間，只有一個整緊，一個服務員，很快地把做好的章魚燒給我地可能無人買，只是微暖，不過我們想盡快食完繼續行街，所以就繼續食但食到一半發現，原來10粒都係章魚，同服務員講，即場重整10粒給我今次因為是即時整的，好熱好脆！想不到就算是岩岩整好的同已經放了幾分鐘的都係咁好食！

燒丸子,我次次行街經過呢度都會買黎食、加上紫菜碎同甜味燒烤汁、味道正啊..熱辣辣食嘅時候,一咬,出面層系脆脆哋噶,入面就軟淋淋..真系一流呀...行街首選...!

旺角又有傻佬擲強水, 好嚇人, 希望快d捉到個衰人諗番起都一額汗, 因為六點幾經過嗰個位, 仲經過八爪魚丸店買左盒四個裝八爪魚丸食, 八爪魚丸係原味的, 其實係預先燒好左, 唔係即叫即燒, 不過到我手時候仲好熱, 都係燒好無幾耐!味道係唔錯的, 八爪魚丸入面有什菜絲, 仲有大粒八爪魚肉, 個甜味的燒汁, 加埋沙律醬汁食, 十分之野味, 唯一唔好食的, 係紫菜絲, 無味兼淋gi gi, 落左仲衰過無落, 可能近排濕氣重啦總括嚟講, 個八爪魚丸係一個不錯的小食

經過築地gindaco, 又再排隊買八爪魚小丸子食, 不過今次覺得味道差左同之前一樣, 一邊排隊一邊睇住工作人員燒八爪魚丸, 見到燒板上的粉漿比以往稀, 已心感不妙, 果然食粒八爪魚丸時同以往大為不同了 八爪魚丸的外層一點也不脆, 仲有少少"潺"的感覺, 幸好食的時候仲係好熱, 凍左可能都唔可以入口...八爪魚粒好細件, 成粒八爪魚丸好似軟棉棉, 同之前實bon bon的感覺有好大分別味道差左, 好大程度覺得係偷工減料 燒出嚟的八爪魚丸一d都唔好食

大蝦燒一客有四粒, 係築地GINDACO 的新出品!買一客一邊行一邊食, 熱辣辣的燒丸子, 加上紫菜碎同甜味燒醬汁, 又幾鬼好味 之前食過燒八爪魚丸好似更好食, 因為入面有塊八爪魚肉, 感覺上好似有舊八爪魚o趙, 如果這個大蝦燒有塊蝦肉就真係好

怎麼了, 為什麼今次多食評的餐廳會唔好食呢? 難道openrice資料不準確?所指的, 是築地的大蝦燒, 一客四大粒, 連飲品25 蚊四粒大蝦燒, 沒有蝦的味道, 只是一團麵粉, 裡面有些什菜, 味道有一點甜, 其實都唔知主要是什麼味, 這個產品, 名字是很吸引, 都令我花了 25蚊去買來試了, 但唔係好值得law仲有的是四粒大蝦燒, 不覺得很熱, 只是暖暖的狀態, 口感一般如果 25蚊用來買其他野, 有很多好的選擇呢!

一直都喜歡吃這家的章魚燒，喜歡它外脆內軟，章魚大大粒，比街邊的正宗前陣子試了它的炒麵，沒想到原來也很好吃!!!$20一個的炒麵，有肉絲，有菜, 還有一隻太陽蛋，麵的份量也不算少，蛋黃醬和炒麵很配合! ，醬油份量剛剛好，麵又不會太淋...胃口小的吃一份炒麵都夠飽了~現在相比起章魚燒，我更喜歡它的炒麵！！！可能是師父不同的關係，太陽蛋有時會煮得熟了點，但大部份時間都煮得剛剛好, 整體上這樣的價錢，這樣的味道也真的很不錯!!

9/4(四) 6pm屹立於旺角良久的章魚丸店,是日適逢其會,一試究竟.玉子章魚丸$20四粒,有點獅子開大頭!章魚丸薄有脆意,內裏的八爪魚頗彈牙,質地不俗,伴以雞蛋粒加入蛋黃醬來吃,感覺良好!另加$7的?茶豆漿$7豆味偏差,其間還啖出未溶化的綠茶粉.高消費的下午茶....

吃得街邊的冒名章魚丸多, 發覺還是築地最好. 價錢是貴了一點,但一分錢一分貨, 其他的都無得比. 之前吃過蝦丸, 個人覺得比章魚丸還好吃,但可能是口味問題,現塲所見, 蝦的銷情和章魚丸似乎只是三七比例. 其實, 我愛的不是內裡包着的是什麼, 而是那外脆內軟的粉團. 現在有雙併口味 ($38/10粒) 一半章魚,一半蝦, 非常好的配搭, 怕單調的人, 大可同時滿足多心的慾望.

去開旺角諗住搵d野食下買左4粒小丸子同朋友share*個醬係咩玉子醬即係蛋黃醬個4粒入面有3粒係微暖1粒好熱因為有3粒係事先拎左上黎跟住見有order先係個爐度拎多粒出黎不過算啦咬落香口鱆魚夠彈牙鮮味濃厚唔同一般街邊1蚊粒個d成口粉蛋黃醬都幾特別幾濃味不過個蛋黃醬係凍的加埋落d熱野度就..

同樣係小食, 八爪魚丸好似好食好多一盒小周有四大粒, 啱啱用鐵板燒起, 熱辣辣, 十八蚊既價錢, 比起之前既小食好似抵好多, 八爪魚丸擁有脆卜卜既外殼, 每粒丸都有一塊爽口既八爪魚肉, 不過其實都唔係好有八爪魚味, 餡料幾精彩, 有椰菜絲等菜絲, 舖上紫菜絲同照燒醬, 加沙律醬食, 做成美味複雜既效果!十八蚊四粒係唔係抵就見仁見智, 因為咁既時勢, 其實十八蚊已經可以食一碟燒味飯, 不過食一d好食既野, 貴少少都係值!

曾經去過沙田果間分店食過兩次 , 真係好鐘意食佢d 丸丸 , 最鐘情係原味 , 見旺角呢間開左咁耐都未試過 , 就再帶我老公黎試試~起初諗住叫大船 , 因為我覺得好味~嗌硬大船架喇~一黎到 , 只有兩個女仔係度等緊食物 , 加埋我地只有四人。我地就排係佢地後面啦~點知 , 有個女人突然插隊 , 收銀既女仔睇唔到 ----- 都算 !諗住我地希望一排到就唔好比呢個女人插隊啦 , 點知後面男既肥職員 , 一句"DUCK"埋黎話 :"呢個小姐先既呢個小姐先既 , 排隊呢邊‥"(睇都唔睇清楚就以為我地係插隊架囉！)嘩....火都黎呀 ! 本來諗住即走人算 , 真係食之無味!想老公試下 , 唯有啞忍 ‥ 改嗌小船‥希望個肥職員行返埋去繼續燒佢d丸算啦 , 我地都仲要返去再排過添 , 唉‥點知‥佢無端端中途又過黎幫我地TAKE ORDER , 呢下我最火 , 我講我要d咩明明講得好清楚要原味、拎走 , 佢仲要再問兩次 , 之後又狂問 :"要唔要沙律醬!" 我巳經好晦氣咁開始答 :"要呀!!!" , 可惡!! 佢仲要大大力"呯"一聲放返低佢支沙律醬囉‥事後我老公都話嚇左一嚇 , 咩事呀依家 , 你本

2009.3.25好耐都冇食過了, 口痕又去過下癮今次去見到有新炒面, 不過冇試到叫左舊炒面, 玉子小丸子+抹茶牛奶我前面個女人叫左3客大船, 搞到我等左好耐之後炒面既係新人, 佢炒好慢, 我以為拎得時點知係前幾個人order既...結果等左成4個字, 食晒小丸子先有個炒面唔知係咪新人炒既關係....水準唔及以前雖然都係即叫即炒, 但個蛋就熟過頭, 唔係流心d沙律醬就淨係"o芝"係一邊(??)d面入面又冇乜菜, 肉都少左就不在話下總之呢個炒面都幾令人失望講下小丸子, 我地叫左個4粒玉子小丸子佢比我地個陣係熱辣辣的, 但可惜d玉子勁少雞蛋又唔係咩貴野都比咁少食落係好脆, 只得小丸子係好味抹茶牛奶, 冇乜奶味, d綠茶又淡仲要係裝唔滿的=.=" 某個肥+戴眼鏡既店員仲要一路咁教個新人做(我個小丸子都係佢"不"玉子的...)個新人就更加裝得少...咁樣教新人唔多好吧....

美味固然要推介,十分美味既食物沒人知便可惜了,食完GINDACO既八爪魚丸,覺得好想快d叫大家去試吓小周係四粒,份量啱啱係一個人食既份量,唔多唔少,每粒八爪魚丸都咁好食,皮就脆卜卜,味道夾雜住甜同紫菜,脆得嚟有點煙靭,好食!咬入個心,一股熱氣撲入喉嚨,八爪魚肉大大粒, 雖然無新觧既八爪魚咁好食,但係配合菜絲等餡料,食起上嚟又真係幾過癮!跟餐加杯凍綠茶,令熱氣降溫,perfect!