築地GINDACO (已結業)

上星期六行行下街見餓，朋友同我都唔想食正餐，咁就決定食小丸子。初時佢係食開第二間，我就話不如去我食開果間。我地叫左原味同玉子，好好味！尤其係個玉子鋪係小丸子既面，味道就如某大法國麵包店既白汁醉蛋醬，好新鮮，買樣好靚，而每粒丸入面都放夠料，細細件章魚好好味，唔似其他，只係食D粉，得個皮厚。

記得中學時代舊大丸附近有一間叫熊太郎的食店專賣燒章魚丸及日本便當，好奇心下令當時的我喜歡上燒章魚丸，其後雖知道築地出名，但一直因種種關係未能一試，今晚始終第一次試食期待很久的築地章魚丸，細盒 $18 / 4 粒由於已經 8:45，人流不多，章魚丸應該放了一段時間，外層不算太熱，幸好仍不會變得太淋，內裡章魚令丸子變得有口感，味道不會太重太濃，品質算是合格，相信如新鮮即做的話效果會更好問題是這店的店員看來相當不專業，宣傳語亂叫一通，不知是日文還是廣東話，一直叫一直當傾計，令環境無無謂謂變得嘈吵，這是應注意的一點

妹蛋鐘意食墨魚丸,最鐘意呢到D小丸子材料豐富,味道頂呱呱全店飲品都係一般

燒八爪魚丸係小弟最愛之一,在築地買了一盒小舟食,十八蚊,四粒,無論價錢,份量都啱啱好,合哂一個人,我食係原味,自己加左一包沙律醬,好好食八爪魚丸因為生意好,即燒起即賣俾我,因為根本整唔切,粒八爪魚肉大大粒,感覺良好,加多五蚊有杯可樂,大力推介俾各方好友^^

跟朋友share一個大舟,每人5粒叫了個玉子味,同岩岩燒出黎既八爪魚丸好夾八爪魚真係大大粒外層燒得脆卜卜,配合沙律醬,燒汁等,味道唔錯下次去試下原味加$5有杯可樂,不過呢間分店既可樂唔係一罐罐而係一杯杯,冰加得太多喇,下次都係走冰先p.s cwb果間既汽水係一罐罐咖不過最好推出返6粒既套餐啦overall,我會再去食。

Order 一盒大舟外賣。番到屋企先食仍是熱到燙口，軟淋淋的，感覺良好，不會實得得。咬一口，八爪魚真係幾大粒，唔算太韌。個外醬幾好食，帶微酸，又有點薑絲，惹味。又飽肚，一個人無可能食得晒一隻大舟，因為食食吓都覺漏。

嚮又一城板前食左d 難食ge 壽司, 諗住落旺角食下章魚丸.... 去左築地同日船 先去築地見openrice評分都有3.47 笑臉69個, 諗住試下一向都見呢間係六粒咁賣~去到... e... 點解得番4粒同10粒裝ge 應該就係變相加價喇... 成$18 / 4粒10粒買係平d, 不過未試過就廢事買咁多喇~(另外就照舊+ $5杯綠茶) 果然...雖然係岩岩整好...但出面唔脆, 入面大部分仍然係漿!!味度好普通, 不過入面真係有粒章魚, that\'s all另外, 杯綠茶無乜味... never try it again環境: 似普通街邊店, 只係多番少少裝修味道: 一般啦~ 只係叫真係有粒章魚服務: 服務員態度唔錯抵食: 咁ge 質數仲要加價?乾淨: 麻麻地... 檯度都仲有野未清走

好耐無寫食評了,其實都食左唔少好野,當然都有一些唔好或者無咁好,不過都無時間坐低對住部電腦打!尋日食左築地既八爪魚丸,覺得好好食,所以都的起心肝寫番篇食評同大家分享吓,買左一盒小舟set,加三蚊有埋杯飲品,見職員整八爪魚丸好純熟,用兩枝义拮吓拮吓,好怏就變成丸形,食既時候企喺條街度,有啲異相,不過佢又真係幾好食,大大粒八爪魚肉,配合埋沙律醬汁,燒汁,真係味覺一大享受!如果下次經過,我又會再買嚟食,而且仲買埋番屋企食添,你話有幾好食??!!

食完牛肉粉,仲食左八爪魚丸!柯打左一盒小舟,六粒八爪魚丸兩個女仔企喺度食,味道唔錯!八爪魚丸粒粒都脆卜卜,八爪魚肉又大大件,食到我地兩個好滋味,有d後悔,因為點解無買個大舟嚟食!d木薯郁吓郁吓,好似有生命咁,好得意!服務好好,舖頭又乾淨,做得唔錯,下次一定再嚟食!

今日去旺角同朋友仔買野///經過呢度...就食...排哂長龍我地都叫左玉子味o既八爪魚丸同綠茶...(本身想飲可樂....但係見到好多人都飲綠茶)八爪魚丸食落熱辣辣加埋杯凍綠茶真係一流好好味．．．不過我就覺得貴左少少...'因為只係口痕食下我地排緊隊個陣見到一個師傅整"loan"左成盤,,,跟住係咁同圍望...偷偷地掉哂佢...好好笑

大家好呀,今次係我甘地第一次寫食評,希望以後可以同大家分享一吓我對各食肆既睇法啦!第一間我想寫既係築地銀座,因為佢地個八爪魚丸真係好好食架,八爪魚肉大大粒,我今次買左一盒大既嚟食,一個人可以食得哂十粒,你話有幾好食吖,不過,坦白講,其實食到最後兩粒已經有點捱既感覺,但係我就係一個咁貪心既人喇,哈哈!好彩最後都食得哂,無浪費到食物!

早兩日同男友係朗豪坊睇完"我的最愛"口痕痕又唔想食太飽..就去左築地食!叫左<玉子八爪魚丸>..其實只係o係上面加d碎蛋沙律!男友唔鐘意..咁我就食晒佢d蛋沙律..同八爪魚丸好似唔太夾!下次都係食番原味好啦!值得一讚..今次食,唔洗等咁耐但係都好夠熱!夠脆口!

好耐無寫食評喇,考完試,又可以周圍食,周圍玩,yeah!!今日最有印象就係喺築地食左八爪魚丸,一盒六粒,八爪魚丸燒到香噴噴,八爪魚肉大大粒,好好食呀!佢地既日式燒醬味道好好,我有啲後悔點解唔叫大盒,但係又怕十粒又穴係食唔哂,少食多滋味,算啦,下次再食過!跟餐加埋杯凍綠茶,完美!

跟媽經過，聞到香味，就進了！要了大船，還是燒汁和綠茶，味道沒變，還是這麼大粒的章魚，很香口，好喜歡這種味道！印象中的這種味道，曾經有這麼一刻在腦海出現過

去完旺角電腦中心,經過呢度買左盒小舟食,六大粒,味道好!皮脆卜卜,佢地用既粉好好味,唔會一pet pet,墨魚肉大大粒,睇完佢地張海報,都覺得食左有益身體...哈!俾佢催眠左...仲有d紫菜,醬汁都做得幾好味!