築間酸菜魚

营业中

休息中

鐵漢小酥肉：新鮮炸起，炸口唔會太乾。椒鹽雞軟骨：呢個用左雞胸既軟骨而唔係食開平時雞髀既軟骨。食落更加脆口 亦無咁肥，頗有驚喜。涼菜：點咗蘿蔔同雲耳 酸酸甜甜 有柚子香，有解油膩之效。無雙腸血旺魚：配有大腸，鴨血，魚片同臭豆腐，啱哂香港人既口味。湯底辣辣地，有少少韓國既風味，魚片好細滑，份量都唔細，仲有公仔面送，食飽飽總長酸菜魚：無咁辣，主要係酸酸麻麻既湯底。酸菜魚份量好足，配埋寬粉，將湯底既精華吸收哂，衝擊味蕾。飲品：除左menu 上的飲品之外，亦有免費自助 茶水區，有洛神花同陳皮，比你即沖，非常有誠意。出面一杯洛神花茶都坐底要幾十蚊杯。總結：Cyber 裝修風格，坐位闊落，性價比高，份量好足，年輕人既聚腳點

銅鑼灣新開台灣過江龍酸菜魚-築間酸菜魚 主打可以連湯都飲埋嘅酸菜魚 自家古法醃製酸菜 係銅鑼灣廣場勁大個招牌 用左漫畫風格設計 吸引我去試試.平日晚市去到幾爆場 啱啱好唔使等位佢哋主打酸菜魚 變化出好多唔同口味例如⭐️純愛蕃茄魚⭐️海派蝦湯魚⭐️極道明太子奶香魚第一次黎到 當然先試試招牌⭐️總長酸菜魚叫左中size 2-3人份量 $228😍中size已經好大份 賣相吸引 👍🏻先試試魚肉 喺香港咁多間酸菜魚 佢地滑最滑 冇骨👍🏻魚肉同酸菜食極都有 底下仲有大量薯粉見到落咗唔少乾辣椒 少少花椒 酸味明顯 惹味開胃湯底唔油 辣到唔高 少少麻香 正因為咁佢哋湯底的確飲得‼️平時唔食得辣嘅朋友 都輕鬆享受到如果三個女仔食 份量就啱啱好啦.如果Openrice收藏 築間酸菜魚 仲會送台式飲品一杯⭐️檸檬紅茶 ⭐️冬瓜檸檬⭐️蜂蜜檸檬水.再試試第二個湯底⭐️極度明太奶香魚佢哋呢一款好創新 用咗牛奶芝士做醬汁質感會比較濃厚 配上唔同海鮮 都容易沾上醬汁少少似西餐意粉嘅做法 呢款係有驚喜如果想要特別新體驗 可以試試但呢間店當然酸菜魚係先係佢哋重點.本來想試埋⭐️高雄甜不辣$28 但賣哂唯有點多個⭐️浪子鹽酥雞$35 試試口感

今日朋友一行四人提議食酸菜魚，大陸品牌酸菜魚就食得多，來自台灣的＂築間酸菜魚＂真係第一次，是全港首家台N G式酸菜魚，位於銅鑼灣一期2樓！餐廳裝修簡約以桃紅色為主，但不失玩味，座位都算闊落！另設有自助飲品區，有陳皮洛神花茶提供👍🏻👍🏻👍🏻！人多食嘢的好處就係可以叫多幾個不同款式的菜式，每樣都試吓，我哋點咗以下食品：總長酸菜魚 小 $148
 餐廳招牌菜之一，必須要試吓！酸菜魚湯頭濃郁，酸中帶微辣，配有金針菇、酸菜、蛋絲等等配菜加上一塊塊無骨鮮滑魚片，非常惹味！海派蝦湯魚 小 $178海鮮非常足料，有大大隻蝦、青口、沙白等配上各式各樣的配菜，新鮮又好味，大愛！嘉義沙鍋魚 小 $128相對酸菜魚，這個味道較淡而且多骨，但對於愛＂損骨＂的我，絕對是不錯！而且配料豐富，有鵪鶉蛋、豆腐、黑木耳、腐竹、冬菇絲等，值得一試！另外我哋叫咗好多小食：滷肉西蘭花香菇小貢丸浪子鹹酥雞鐵漢小酥肉春日涼菜拼盤最愛鹹酥雞和小酥肉，新鮮熱辣又香口，而且每款只係數十元，又平又抵食！飲品蜂蜜檸檬水冬瓜檸檬茶暴走波奶茶甜品紅豆仙草芒果奶凍整體餐廳食物質素不錯，職員都細心有禮，又會介紹餐廳王牌菜式！最欣賞係主菜魚的款式

位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___  ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿  小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿  甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~

全港首間台式酸菜魚🐟登陸銅鑼灣啦😎台灣過江龍「築間酸菜魚」坐落銅鑼灣廣場，餐廳設計去玩味風， 周圍都係打卡位😍佢地主打6款特色酸菜魚+ 1款湯料理選擇，包括招牌總長酸菜魚、純愛番茄魚、打破沙鍋魚、海派蝦湯魚、極道明太子奶香魚同無雙腸血旺魚，有辣有唔辣🌶️每款都有大、中、小Size揀，就算獨自開飯都冇問題😋另外仲有其他台灣特色小食、甜品、飲品，好豐富😍_👨🏻‍🍳總長酸菜魚 $148(小)湯頭嘅酸菜同酸蘿蔔都係自家製，搭配獨門高湯、泡椒、花椒熬製而成😋唔怪之得店家座右銘標榜「湯比魚更鮮，一碗記三天」可以飲埋湯😆 烏鱧魚片少骨鮮嫩，湯鍋入面仲有金菇、腐皮、台式寬粉等，索滿湯汁精華好惹味🌶️無雙腸血旺魚 $148(小)召集鐘意食臭豆腐嘅朋友仔，呢款有齊大腸、臭豆腐同鴨血，全場唯獨呢款酸菜魚有埋台灣王子麵🍜配上麻辣湯絕配🐷奥義豬肚骨煲 $128(小)天氣凍食就最岩❄️豬肚骨煲加咗胡椒、滋補藥材煮製，飲幾啖湯帶胡椒香好暖胃🦴配料有豬軟骨、雞翼、豬肚等，十分足料🥰 另外可加配不同的配料包括蛋餃、手工丸等，價錢由$12-$30不等▪️小食🍋柚香蘿蔔 $15蘿蔔酸酸甜甜開胃解膩，加入柚子更為清新🦐神帝酒嗆蝦 $

餐廳環境好光猛，有落地玻璃感覺舒適。座位嘅闊度都夠。漫畫風嘅裝修感覺都好台灣。午市有二人餐，叫咗個中size招牌總長酸菜魚，兩個人食完都覺得好滿足！好大一盆！魚冇骨又超級滑，大大啖品嘗都唔怕。辣度同埋酸味都適中，中size魚既份量都夠👍🏻，原本仲配有少少蘿蔔、金菇、寬粉，有需要可以自己唔同嘅食材！啖啖鮮蝦滑不錯，彈牙香口！鐵漢小酥肉好香好好食！雖然係炸但又唔會好乾身！推薦！酸菜魚有大中細份，就算一個人嚟食都可以叫細嘅過下口癮！

今日全日都同朋友係銅鑼灣夜晚揀咗呢間食酸菜魚新開嘅台灣過江龍 終於可以試吓裝修風格好有台灣熱血青年感覺呢度主打「湯比魚更鮮」有辣又有唔辣唔一定要一大班人嚟食 有個1-2人份量幾多個人嚟就叫幾多個口味都得總共7個口味 當中得3個係唔辣- - - - - - - - - - - - - - - - - - - - - - - - 1. 總長酸菜魚一般食開嘅酸菜魚係好重口味嘅 重油、重辣、重麻呢度就唔同啦 腸胃唔好嘅人完全唔怕食完肚痛雖然味道唔重 但都幾有鮮味 因為本身係柴魚昆布湯加咗用鮮甜芥菜醃成嘅酸菜 同酸蘿蔔 會更提升酸味層次仲有朝天椒、泡椒、青花椒調味食材 不失應有香氣烏鱧魚肉口感滑溜無骨 可以試吓用湯盛住嚿魚入口2. 海派蝦湯魚呢個湯底見佢寫住推介 本身仲以為得蝦喺入面嚟到發現好多海鮮 青口、帶子、魷魚等等數量都唔少咖 鍾意食海鮮嘅可以試吓呢個咁多海鮮 加埋蝦頭蝦殼炒好混合蝦膏蝦醬令到海底鮮味都好濃郁 唔辣可以直接飲啊 3. 椒鹽雞軟骨呢個真係驚喜到我 可能我冇食過台灣嘅椒鹽雞軟骨第一次見咁大嘅雞軟骨 係長條形 裡面唔係空氣比起粒狀嘅雞軟骨 呢個冇咁硬身 唔使咁多牙力去咬同埋口感似

酸菜魚，是近來常找的美食。今日和幾個朋友，一起來到銅鑼灣shopping完後在附近的銅鑼灣廣場找美食 —— 築間酸菜魚 (銅鑼灣)。【總長酸菜魚】是餐廳的招牌菜之一，這道菜使用精選的魚肉，搭配自家調配的酸菜，魚肉經過長時間的低溫烹煮，保持了極佳的嫩度和鮮味，而酸菜則帶來了一絲絲的酸香和提味效果，使整道菜的風味層次分明，讓人一次又一次地回味。【嘉義沙鍋魚】則提供了一種不同的口感和風味，選用鮮美的魚肉與多種香料一同熬煮，獨特烹煮方式使得魚肉更加吸收湯汁的精華，口感滑嫩，湯汁濃郁，每一口都是對味蕾的極致挑逗。【海派蝦湯魚】我另加了腐竹，是一種創意十足的料理。湯頭鮮美濃郁，加入經典的腐竹和精選魚片，腐竹吸滿了蝦湯的精華，魚肉在湯汁中烹煮到剛好的熟度，保持鮮嫩，這樣的組合既創新又美味。【台灣滷肉西蘭花】將傳統台灣滷肉的香味與西蘭花的清甜結合，創造出一道既健康又美味的佳餚。【香菇小貢丸】經過切開再炸的烹飪手法，令香菇的香味更加濃郁，外皮酥脆，內裡多汁，別有一番風味。【浪子鹹酥雞】小塊的炸雞外酥內嫩，帶有淡淡的鹹味，炸得鬆脆，是下酒或是作為點心的絕佳選擇。【鐵漢小蘇肉】炸得恰到好處，外皮酥脆，內裡肉

朋友推介食酸菜魚，是來自台灣，全港首間台式酸菜魚，一人也能食，於是去了築簡酸菜魚，港鐵銅鑼灣C出口，步行約1-2分鐘，交通非常方便。店內裝修新穎很時尚，走年青人路線，牆壁上佈滿漫畫推介招牌菜，別緻又有趣，落地大玻璃，座位寬敞清潔，很舒適的用餐環境。服務員禮貌推介店內招牌菜，菜譜簡單易明，多款不同味道的魚盤、台灣小食、甜品和炸物，都非常吸引。自助免費洛神花、陳皮茶，任斟任飲，雖然免費但真是很好飲，酸甜味道任客人自選，紫紅色花茶生津又解渴，還使人感到陣陣暖意。1.椒鹽雞軟骨$28金黃色的雞軟骨炸至鬆脆，肉質彈牙又嚼口。2.鐵漢小酥肉$35小酥肉炸至外脆內軟，調味適中，是最佳餐前小菜。3.嘉義沙鍋魚（小）$128嘉義沙鍋魚材料很豐富，有炸魚鮫、津菜、木耳、豆腐、芋頭粒、蛋絲、冬菇、炸鵪鶉蛋、薯粉，湯汁香濃，口感豐富。4.純愛蕃茄魚（小）$148這鍋魚味道很清新，蕃茄味香濃加上青檸，使魚肉提鮮和特別滑溜，薯粉吸入湯汁粉條彈牙，還有腐竹更加惹味可口。5.紅豆仙草$28、芒果奶凍$28紅豆煮得很冧甜，仙草夠滑溜爽口，甜度適中。鮮甜芒果味和香濃奶凍味，口感非常幼滑，為這餐美食劃上完美句號。

顏色鮮艷 玩味十足 裏面有好多卡通公仔 成個氣氛係歡樂地食酸菜魚古法工藝來醃製芥菜，自然發酵 酸脆勁爽過程產生獨特乳酸菌能幫助食材提鮮去腥湯比魚更鮮一碗記三天 呢個係佢地強調嘅嘢濃口豬肚骨煲 蕃茄魚 血旺魚 海鮮蝦湯 明太子奶香魚好幾種特色魚揀浪子鹹酥雞$35一層酥脆外衣 金黃酥脆 已經成為香港人嘅日常小吃搭配著特殊調味料和香料 如辣椒粉、五香粉、蒜粉總長酸菜魚$228 ＋ 烏鱧魚片$45高湯、酸菜 腐竹、木耳 辣椒等材料熬煮 湯底呈酸辣可口湯汁酸辣適中，不會太酸或太辣，適合大多數人口味口感醇厚 酸辣味刺激味蕾 飯都可食多碗haha魚肉質鮮嫩，容易入味 多樣配料組合在一起烏鱧魚肉質細嫩、濕潤，味道鮮美 有150克

築間酸菜魚 地址: 銅鑼灣軒尼詩道489號銅鑼灣廣場一期2樓202-203號舖一人享受都酸菜魚，平時出街食都是大大盤，要2-4人先可以點，有一人份量，細細份1-2人share 就可以留更多quota 試其他野啦台式酸菜魚，在酸辣度有所不同，分大中細，由$128 起店家獨創$178 明太子奶香魚，因為同女朋友各點要款口味share ,兩道要唔同特別些。出乎意料好夾，魚蝦青口和蜆等海鮮，個白汁加了明太子，仲有好多寛粉 腐皮金菇，如fusion 吃海鮮白汁麵 ，愈食愈開胃。$148 純愛蕃茄魚，酸酸甜甜就是戀愛味道呀！酸菜是自家發酵製，入口不會太酸嗆，湯富蕃茄香，好好飲令人一飲而盡。來自台灣，小食系列怎會少了台灣最受歡迎的炸物，$35 鹹酥雞 $28 雞軟骨，香口惹味！有免費洛神花陳皮茶酸菜魚來自台灣，果然特別

有一日突然好想食酸菜魚，不過有時主打內地嘅酸菜魚口味太重🥲發現咗銅鑼灣有一間主打台灣酸菜魚嘅餐廳😍😍😍價錢仲要好親民貼地～😍😍先講高雄甜不辣，其實即係炸魚餅嗰種，不過佢超級煙韌😙上面仲有少少辣粉，令到個味道更加好食，仲要只係$2x-3x，份量咁多超級抵食👍🏻再嚟就係鐵漢小酥肉，炸得啱啱好，外脆內嫩，一咬落去，啲香氣同肉汁彌漫☺️！！極道酸菜魚亦都係另一道必試嘅招牌菜😁湯頭清新酸辣，魚肉鮮嫩無渣，加埋啲酸菜，味道更加豐富🥹❤️啲魚啖啖肉又鮮甜，配上啲香料，酸酸辣辣嘅口味啱啱好😙👍🏻最後嘅嘉義沙鍋魚，更係嚟呢度唔可錯過嘅一款✨湯頭濃郁，魚嘅份量都好多，不過就比較多骨，可能就冇酸菜魚食得咁爽🤣裏面仲有好多鵪鶉蛋、魚腐、蔬菜等等，沙茶醬亦都係非常好送飯😙

酸菜魚，你愛嗎？我愛，知道邊度有酸菜魚，都會飛奔過去，這就是我，朋友中亦有咁嘅人，所以約埋一齊就最好啦。更何況佢係來自台灣 的全港首家台式酸菜魚，食過嘅係四川酸菜魚居多，係唔係呢？而且呢間“築界酸菜魚”好細心地分為大中細三種唔同嘅分量，同朋友食得，一人食亦都冇問題。仲有仲有如果你唔食酸菜魚，仲有另外4款你揀，佢哋就係嘉義砂鍋魚、純愛番茄魚、海派蝦湯魚和極道明太子奶香魚，超貼❤️💗💙嗌咗“總長酸菜魚”，果然正宗酸爽，加入咗築間自家製古法醃製酸菜，香辣带酸，另加的金針菇也吸收了美味，而本身的魚肉鮮甜嫩滑，薯粉亦是Q彈，樣様都咁正；除此之外“酒蒸鮮沙白”係另一食物選擇，朋友係唔飲酒嘅，佢擔心有酒味佢食唔到，但係呢個擔心係多餘嘅，因為淡淡的酒香配埋沙真係好夾好好味；台灣小食“鐵漢小酥肉”亦好到位。

朋友介紹銅鑼灣一期又入咗間台灣過江龍，就係一人也能食嘅築間酸菜魚~餐廳裝修用鮮艷暴走漫畫為主題~一坐低店員就主動介紹菜式，我地就點佢話台灣每日大賣嘅極道明太子奶香魚!中等份量夠2-3人食，有大量青口、蜆、豆卜、墨魚等配料，而魚片亦都有好多!厚薄適中，浸o係奶香味重嘅湯底入面，入口更覺軟滑鮮甜!我地仲額外加上招牌蛋餃、特級手工丸同牛五花，每款都有唔少混左o係奶香魚當中，牛五花軟淋有牛味~鐘意香口食物嘅我就再加份百花釀油條!用鮮花枝，魚漿等釀進油條，浸入湯底一陣索下d湯汁就更美味!要碟柚子蘿蔔，清清口腔~除左唔同台式飲品外，仲可以自行無限任添陳皮水/洛神花茶，幽香解膩~~其實仲有仙草/奶凍等甜品，不過今次實在太飽，下次要留肚再試!

突然想食酸菜魚，係街見到個招牌，上openrice睇，見係新開就試下築間酸菜魚，酸菜魚味道啱我，唔太酸唔太辣，適合我呢d唔食得好辣既人，但如果食得辣又可能唔足夠，落單唔見可以更改辣道。魚片足夠滑又無骨，但呢個1-2人份量唔足夠2個人食，要另加魚片先好又或者叫大份d。之後個明太子就算吧啦，成個忌廉雞湯咁🤦‍♀️，等我加左魚片，完全唔夾味。雞軟骨係雞胸骨黎，good!凍飲好彩係送既，一d都唔好味🙈