篤篤車 (已搬遷) 新店位置

車仔麵一向以「餸」見稱！好似美味雞翼或者勁辣咖哩汁！而篤篤車就向另一方向發展，以特別上湯打招牌！招牌菜：藥膳鱷魚湯服務：4/5（以同行比較）清潔：4/5（以同行比較）坐位舒適度：2/5價錢：$38三餸面，好合理！食物：以車仔麵計，餸款太少；或者叫基本餸一定有，特別嘅找不到！是次點了牛肚、雞腎、蘿白牛肚用滷水整，唔太討好雞腎唔錯，夠林同入味蘿白都夠林，但吸唔到招牌湯味藥膳湯係唔錯，但我加了微辣就影響咗本身湯味，建議選不辣！佢本身唔錯，環境理想，食物正常！但要跟元朗其他老字號比，佢難以發圍！不過對於一眾怕污衊嘅人來說，佢地方係絕對比到你信心坐下食個面！加上特別湯料，來拍照打咭一流！

今日有D事, 下午拎左事假,但返屋企處理事情前, 都要先去醫肚嫁?難得平日下午去食野, 可以冇咁多人,就去D我未試過, 平時又怕多人嫁啦~今日試 - 篤篤車。聽聞呢間野都好一陣子嫁喇, 但一直都未試過, 今日終於有機會試~睇左陣餐牌, 我決定叫超值套餐($67)。但留意返, 本身我2點半去食係有下午茶,如果你叫3餸麵係送冷熱餐飲的~但唔知點解叫套餐貴D反而冇得送,真係有D令人廢解Anyway, 我叫左泰國鱷魚湯底, 要小辣,豬大腸, 蘿蔔同墨魚丸米線~泰酥炸雞翼(原味)同馬拉盞菜心~另外就加$6要左杯薄荷青檸梳打~好豐富豬大腸, 蘿蔔同墨魚丸米線(泰國鱷魚湯底, 小辣)泰國鱷魚湯底wow, 我對奶白色湯底有情意結嫁!!!奶白色嘅湯底一定係正野!!!!可惜我有d後悔我揀左小辣,個辣係唔錯的, 但蓋左個湯嘅原味~下次要記得叫唔辣先得!個湯底仲要有配料嫁!有紅棗片, 杞子同菇~杞子睇得出係靚野來!大粒色又靚~ 係杞子皇?d菇鮮甜又有口感, 我覺得好好食呀!豬大腸呢個都好食! 佢係用滷水滷過的~好入味好林~份量都要幾多~食極都好似仲有咁蘿蔔d蘿蔔好甜好林好好食!但如果大舊d/份量多d就好了馬拉

元朗呢排真係開左好多食車仔麪既舖頭,今次呢間玩D Fusion 野 “車仔麪X泰國風”既湯底,聽落去係好有特色,但食落去又另一件事,覺得唔中又唔泰,好似怪怪地😂😂😂價錢都唔算平民38蚊3餸,但無野飲,想要有野飲就可以啊Set67蚊有3餸+小食(大)+野飲(特飲加$6)+菜,所以我地叫左一個38蚊3餸麪同一個67蚊Set+特飲,整體份量都唔錯講左3餸麫先叫左豬腸、豬紅同雞翼+冬蔭公湯底+河粉豬腸同雞翼都好入味滷既時間岩岩好,唔會過鹹,個個豬紅都係爽口,唔會有腥味,不過個個冬蔭公湯底就好唔得❌❌,唔算係好正宗,（ 平時喺泰國食肆食賣嘅冬陰功都會酸酸地辣辣地咁好醒胃），但係呢間嘢完全唔係甘，完全食唔到酸味，淨係食到辣味，雖然叫咗小辣，但係都有三x米線嘅中辣，仲要係死辣嗰種，辣到食唔到😂😂咁67蚊套餐嗰碗， 我哋就叫咗牛柏葉，金錢肚 同埋牛筋+泰國鱷魚湯底 同樣都係食河粉佢嗰個牛柏葉同金錢肚都好爽， 唔會咬極都咬唔開硬到食唔到， 而牛筋就好淋， 不過我同樣地係衰喺個湯底度， 個湯睇飲落去❌畀人一個 潤喉嘅感覺，而係好多味精配搭成嘅一個湯咁， 好笠口同好味精上述兩方面個湯底都做得遜色少少， 但總

🍜🍜🍜篤篤車 (元朗)元朗馬田路22號安寧大廈地下6號舖🍲味道：3 / 5兩碗湯底都叫咗冬蔭公平時係香港食到既冬蔭公都係偏酸而哩到就偏辣 無乜驚喜 唔似冬蔭公不過 餸嗰方面就幾正兩碗分別夾埋叫咗：炸魚皮、牛腩、金錢肚蘿蔔、豬腸、牛筋全部都好足量 餸多過麵淨係金錢肚我都數到有成六舊叫咗哩六款餸都好正加返唔少食慾菜有得㨂唔同既味道我哋就叫咗馬拉盞生菜好香好入味 即都唔太油 可試吓有味🍲位置：3 / 5都近啲落車點識去舊B仔就一定識去係舊B仔對面明渠🍲環境：3 / 5普通車仔麵店不過好乾淨有單人面壁位大概共20個座位🍲價錢：4 / 5價錢方面 $100左右都算係咁 咁多餸 抵！

今次黎到元朗食車仔麵，食完之後發現依間真係篤篤車唔錯，以依個價錢(38蚊3餸)黎講又真係好抵食，份量好多每一款餸，性價比十分高。食物質素都尚算ok，幾入味，但係d雞腎比較厚，丸類質素麻麻，肉類好d，雞翼老得幾好食佢地上錯左餸之後送多款新既俾我地，值得一讚。湯底都唔錯，有d藥材係入面。餐廳環境正常，係座位少左d。整體黎講都食得過既餐廳，地點亦唔算好遠評分:食物:6/10態度:7/10環境:4/10性價比:7/10總分:23/40 (合格)

是咁的~車仔麵一直係我其中一樣最鐘意食嘅野 因為又平又多選擇 所以有時都會特登搵下食下唔同區嘅車仔麵身為半個元朗人梗係要黎試下篤篤車 啱啱開張果陣都聽聞過幾高水準 今次終於的起心肝黎會一會佢入黎元朗食野當然同埋女朋友仔黎食啦 一人一碗麵 其中一碗就叫左呢到最出名嘅鱷魚骨湯 另一碗就叫番大路嘅牛腩湯配料方面叫左牛柏葉 牛腩 冬菇 蘿白 生菜 鱷魚湯底唔算味道好濃 有啖啖嘅藥膳味 感覺幾養生幾舒服 但呢種特別湯可能未必個個啱飲喇不過我自己就幾鐘意但最正嘅湯底都係右邊嘅腩湯 好香濃又唔會好油膩 飲得出用幾多時間去煲嘅湯 不過飲真d有少少偏甜 都有可能落過糖去掉一掉味 合理嘅 點都好過落味精呀車仔麵一定要食油麵先得正宗 呢到嘅油麵都做得幾出色 爽口乾身 麵質唔會太淋太硬 餸方面牛腩固之然炆得好淋 而且係靚腩 啫係件件都係有肉有根有肥膏三為一體正呀 不過我覺得最正係鮮冬菇 菇類個人黎講好鐘意 冬菇平時都成日食 但食開曬乾左果d 鮮冬菇有另一番風味 特別香嘅菇味加上吸曬咁正嗨湯汁 真係完美呀老實講 車仔麵好多地方都有 亦唔難整 但做得出色/用個心去煮嘅未必多 一碗車仔麵得唔得 最基本係睇個湯假唔假

上網睇左好耐，終於有機會試，地點係壽司之神隔離，唔難搵地邊算寬敞，叫左個鱷魚湯小辣，魚皮、冬菇、雞翼，係冬菇好少少，湯底好重胡椒味，成碗野都好重味精，食完係咁飲水。試過一次就算了！

篤篤車雜誌介紹老闆做過米芝蓮星級西餐fine dining，連太太都是泰國廚師今日特別入元朗試篤篤車仔麵。鱷魚湯底見到有杞子紅棗，但飲吾到乜野味，因為都比鹵水味蓋過，好可惜啊，如何可以麵底和配料分開上就更好～滷豬腸好有油脂，有滷水甜香，有咬口～冬菇連錠都食埋，爽，香～白蝦細細只，爽，但蝦味不明顯～豬皮帶點辣，QQ 的，不錯另外～廚房都幾整齊乾淨，看到做麵的女廚師跌了麵到地上，扔掉後馬上洗手，小店這樣已經不錯啊。～要冰水又是免費～面外排隊可以改善

是日午餐試左鱷魚湯底，配料有蘿蔔，雞翼，牛丸。個湯真係幾好，有啲菇同紅棗同杞子一齊煲，夠味，飲完又冇口渴。蘿蔔幾甜，雞翼入味，係牛丸有啲油膩🤢...個湯麵叫左小辣（平時食10小辣）所以對我黎講幾辣但又幾過癮😬會再幫襯，想試下個冬蔭功湯底😋

看到傳媒的介紹。泰式鱷魚湯底車仔麵！要了油麵，餸就點了豬紅，蘿蔔，豬皮及冬菇。還有一碟腐乳唐生菜和薄荷青檸梳打水。當店員放碗麵在我面前時，我想這不是我要的東西！再看清楚碗中的餸又的確是我點的。問題是湯底！ 魚湯！ 還有紅棗！！車仔麵有紅棗，很奇怪的感覺。無奈地吃吧！味道是好的 ☺️！湯是甜的（本人喝不到有味精）。蘿蔔甜，味道好恰當。冬菇味道更好，爽又腍，但沒有除去蒂。豬皮可以腍多些就好。腐乳唐生菜有點貴（$14）。至於薄荷青檸梳打也不錯。總結是：味道不錯但魚湯配車仔麵是奇怪的。

今日約咗朋友一齊去試食車仔麵小店，上次夜晚八點嚟食，但係佢就已經賣晒，所以提早閂門。今次lunch 再試過，佢呢度可以普通散叫或者有一個套餐叫。套餐方面包左一碗2餸車仔麵，一個小食，同埋一杯飲品，大約60幾蚊。呢度有2款湯底比較特別，分別係鱷魚湯底同埋冬陰公湯底。鱷魚湯底好足料，飲落好清甜，好順喉，唔會太咸，而且上面仲有雜菇同杞子添。我覺得應該冇味精，因為食完之後我都唔會話口渴。蘿蔔都幾鮮甜，冇渣嘅，牛筋牛腩炆得好入味好林。另外飲咗啖冬陰公湯底，個人認為唔係好正宗，因為唔似平時去開泰國餐廳飲嘅味道，同埋太油，味道方面唔會太酸但亦都唔係好辣。炸雞翼熱辣辣，超大隻，好味道。炸春卷，好足料，冇記錯入面好似有肉碎，紅蘿蔔絲之類。

去試新開車仔麵，8 點幾去到要係門口排隊，由於 9 點就關門，我地好好彩咁成為最後一批食客✌🏻不過可惜既係，我最後叫左呢碗冬蔭功龍蝦丸雞腎咖哩魚蛋幼麵，因為果陣米粉、米線、河粉、蘿蔔、雞翼都無了😫冬蔭功偏酸，同有 d 油，湯怪如我都只係飲左兩啖就放棄了。。。雞腎竟然係腍既，唔係平時好爽果種口感但都 ok咖哩魚蛋係以前既陳皮魚蛋，好似浸左成日咁入面都係深色既，但我覺得有 d 鹹🙈龍蝦丸就好奇怪地係煙肉味，唔係平時甜甜地咁既🤔所以最後我無食哂小食叫左雞翼同菜，兩樣都普通啦。反而男朋友叫左舖頭主打既鱷魚湯真係正，辣辣地幾惹味，牛筋軟腍，豬大腸入味。所以下次黎真係要早 d 到同埋揀岩餸🙈

如果想吃得特別這裡就真係一個唔錯嘅地方，平時行過都見到好多人等，今日就見不是太多人，於是便入去一嘗佢嘅特色套餐同湯底，因怕客人要等，所以門口有點菜紙，客人心急未入得去時可以先在點菜紙上點了要吃嘅食物或套餐，一有位入去就可以即刻落單省回在餐廳內慢慢選擇嘅時間，而今日就點了個這裡最多人點嘅超值套餐，有麵跟三餸、小食、菜，$67再加埋$6杯嘅特飲，絕對超值，呢個區要吃得飽，又要有以上嘅配搭，一百元一個人真冇走雞，但要好味道又特別，這裡就係能一次過滿足晒！湯底嘅泰國鱷魚湯底就已經夠晒正，味道香濃鮮味！另外讓有海鮮做配菜，價錢都係一個十分合理嘅價錢$9，推介嘅白蝦仁，雖然細隻，但勝在係鮮蝦去殼，而肉質十分彈牙，墨魚仔亦好新鮮彈牙煙韌，而食車仔麵嘅特色就係要多餸，紅腸、雞翼、牛腩、豬紅，多加嘅餸就係補上差額就ok，咁吃都好似叫多了，但都不是加多好多，最緊要係好味道！小吃就吃了泰酥炸雞翼原味，4大隻，堅香脆入味！而有營疏菜就係馬拉盞炒芥蘭，味道濃郁，芥蘭入口爽口夠味加杯特飲薄荷青檸梳打，個啲薄荷葉多到真係可以飲完沖水變多杯都得，入口清涼爽快，食完濃味嘅湯麵，飲啖酸甜嘅有氣梳打，當堂中和了一下！喜歡車

講起特色車仔麵，不得不提篤篤車。呢度嘅車仔麵湯底係泰式風味🇹🇭有冬蔭公、鱷魚湯等，聽講仲係泰國廚主理單係餸都有二十幾款選擇，我叫咗個鱷魚湯底自由配搭三餸車仔麵。碗麵一上枱已經聞到香味，雪白嘅鱷魚湯食落似豆乳/ 牛乳湯，清澈得黎帶鹹香，食落同河粉都好夾。豬大腸不帶羶，脂肪少。蘿蔔入味稔身，生根亦富油香，整體而言係碗出色嘅車仔麵。

今日part-time返元朗，又可以跟住其他同事去捐窿捐啦搵嘢食，靚女帶咗我去食車仔麵，佢話係非一般好味的。個名叫篤篤車，好泰國口味嘅風格。下午茶時間都仍然滿座，店員叫我地等一陣順便可以劃定order紙。最快到嘅就係我杯特色飲品，好似去咗泰國渡假一樣嘅薄荷青檸梳打，清新涼透心。跟住我碗九大簋嘅車仔麵送到上台啦！睇到都覺得好正！滿滿的好開心！最緊要就係揀個特色湯底，我一見到就想食牛腩湯，揀咗小辣，點知原來都真係幾辣！車仔麵當然個麵好緊要啦！傳統粉面我就揀咗粗麵啦！特別有口感。車仔麵好少有得食海鮮，所以我揀咗墨魚仔，好鮮甜。至於車仔麵嘅餸係可以自由配搭嘅，我第一眼就離不開咖喱魚蛋，元朗先食得到呢一種風味，雖然細細粒但係好紮實！牛腩同埋金錢肚都好入味，並唔係一般嘅質素，係真係傳統車仔麵嘅出色味道。而我冇諗過車仔麵可以食響鈴真係好得意。套餐嘅小食我就要左香脆炸魚皮，真係又薄又脆口，配埋秘製醬，特別清新好有夏天的味道。有營蔬菜 我揀咗腐乳唐山菜，越食就越想食。真係忍唔住要俾個讚！咁豐富嘅一餐都係唔使 $100，真係好味到不得了！