米線陣 (樂富廣場)

营业中

休息中

香港人其實都真係幾鍾意食米線，好味又食得飽之餘，價錢都相當便宜，所以米線一直都好受歡迎。每次係放飯時間去，都會見到米線店鋪門口有一大堆人拎住飛係到等。所以，對於身邊有朋友好抗拒食米線，我真係甚或不解，不過其實都係各有所好姐。XD今日搞完活動都已經六點，我已經覺得好肚餓啦！諗起晏D仲要開會就更加擔心自己開開下會餓得制，血糖低，然後會訓著咗，到時如果有人發現就唔好啦！咁啱朋友表示返到屋企冇飯食，想搵飯腳。我心諗︰開會都唔知開到幾點，不如食D野打下底先！（係！只係打下底～夜晚會再食野！^^"）於是乎，我就捨命陪君子，決定陪朋友一齊去食米線。由於時間尚早，完全唔駛等，一入去就已經有位啦！有選擇困難症既我望住份MENU又要諗食咩啦！不過今次好快就諗到食咩lu！平時黎食，通常都只會食米線＋餸配蕃茄湯底，見到身邊朋友叫大汗豬扒擔擔米線，自己都好想試，但係個名講到大汗，感覺會好辣，所以一直都唔夠膽叫。不過又會係朋友食完之後問佢地好唔好食，朋友既回常都係答好食！所以今次見自已袋入面有支水，又一直心思思想試下，咁就叫咗大汗豬扒擔擔米線！落完單等咗一陣，碟大汗豬扒擔擔米線終於上枱啦！豬扒同米線分開上，咁樣就

踢波前想食少少野，見到佢食米線就入左去。叫左麻辣番茄湯肥牛魚角米線，加個小食蒜泥白肉同凍飲都係七十蚊有找。番茄湯個麻辣好夠味，兩隻味溝埋岩岩好。野飲叫左個青瓜豆漿，又係幾過癮。

因為公司附近都冇食店，最近都要行20分鐘，所以平時lunch都係帶飯或者食canteen多，canteen就是大X樂，食多幾日都食到厭。最近因為工作關係，耐唔耐都有機會去樂富，終於叫做唔洗行咁遠都可以有多啲選擇。同樂富的同事食lunch通常食貴嘢，今日同事都出外工作了，得返得一個，就自己去樂富商場睇下有咩食。＊＊＊＊＊＊＊＊＊＊＊＊＊天氣熱唔想食飯，而且特別想食酸嘢，附近冇譚仔或南記，見哩間米線陣都有酸辣米線，就決定揀哩間。黎到已經一點，入面坐滿人，好彩我得一個人，好快就可以有位。米線陣係美心旗下，座位就似貴版譚仔，比較乾淨整潔，就算一個人要搭枱都唔會好迫。餐牌入面有幾款固定米線，但因為冇酸辣，所以我決定揀米線自由配，可以自己揀米線、配料同湯底。鹵水牛展+清甜蘿蔔酸辣薯粉($41)湯底有六款選擇，有辣有唔辣，本身跟左腐皮、芽菜、芫荽、芝麻同米線($25)，另外亦可以加錢轉薯粉或稻庭烏冬，我就加左$3轉薯粉。配料則有廿多款選擇，由$5至$8，我揀左鹵水牛展($8)同清甜蘿白蔔($5)。酸辣湯底可以揀辣度，因為第一次食米線陣，唔知佢辣度點，所以我保守一點揀左小辣，辣度正常，但酸香就不及譚仔

一直對呢間米線陣冇咩興趣主要覺得佢位於角落唔起眼，又看似冇咩特色今日下午走著逛著來到了米線陣門口，看一看餐牌，食物與一般米線店相近，不抱著任何期待入內來個速食午餐！繁忙時間店內頗多人，但餐廳位置都闊落，能夠很舒服地用餐套餐附有小食，每款小食都非常吸引，但考慮到只想輕食午餐，便點了一碗麻辣番茄魚腐肥牛米線，可選大中小辣或蕃茄湯底，個人唔太食得辣，所以叫了小辣淺嚐一下賣相頗吸引，我非常欣賞佢既湯底米線湯底非常重要，有些湯底會太咸太濃太辣，但呢個蕃茄麻辣湯底，蕃茄鮮甜味道不會蓋過麻辣本身的效果，舌頭微微麻痺，辣道適中不會太嗆，係我少有地會飲埋既湯底！吃過後開始對米線陣有期待了，下次再去試下佢其他米線！

內部裝修唔錯，環境比一般米線舖頭好，得少少逼。我嗌咗麻辣雞肉大辣米線，麻辣得個辣字，無其他香料墊底，又或者其他香料味唔夠，變得唔夠甜，不過鍾意食辣既就啱哂啦。。

夜晚嚟咗依間食咗好多次嘅食店。今次終於寫佢喇。叫咗個二人餐。雞絲粉皮。唔算多雞絲。醬唔算多。但味道係正常ok的。有碟菜。份量算多。正常菜咁。唔會烚都又老又黃。醉雞。酒味唔算濃。份量都可以。味道都係ok的。啲雞肉唔會鞋鞋吓咁。包兩碗粉。叫咗碗麻辣雲吞。真係幾麻吓。雲吞都足料。唔會難蓉蓉。另一碗係蕃茄雲吞。嗰啲蕃茄完全唔酸。真的不錯當然佢啲米線都好彈牙。包兩杯嘢叫咗青檸梳打同菠蘿忌廉。菠蘿配忌廉都係第一次飲。兩樣嘢都夾得埋喎。總結依間餐廳啲嘢食價錢大眾化。味道都正正常常。所以成日幫趁。水準都無乜差到。算係咁。

係門口見到麻辣雞煲個牌好吸引就比佢吸引左入黎食晚餐，係門口等埋朋友先入去，入去坐低剛好九點，點知原來九點轉第二啲餐牌，我同雞煲無緣了😩，唯有叫其他野食啦。叫左個餐有一碗麻辣雞肉烏冬，一客小食雞絲粉皮，一杯飲品青檸薏米水。湯底同烏冬味道ok嘅，雞絲粉皮就差啲喇，麻醬味唔夠，同埋好似擺左好耐咁，青檸薏米水直頭強差人意，我本身非常喜歡飲薏米水，明明個底有好多薏米🤔，但一啲薏米味都冇，仲有明明話青檸，點解變左普通檸檬😑，我覺得檸檬同薏米唔係好夾。

我是一個素食者，今日陪人來這裡食嘢，有個一人嘅雞煲，佢好開心。至於我，個menu係有素湯米線架，不過今日未ready，話要下個禮拜先有喎。唔緊要啦，飲杯嘢陪下坐都開心嘅。重點係，呢度d staff勁好(有個叫raymond)，來來回回廚房幫我問左好多問題，睇下幫唔幫到我準備一d岩我食嘅嘢。雖然最後都係冇嘢落到肚，但係服務一百二十分。下次一定會再黎，希望下次有嘢食🤗。友人表示: 食物正常，價錢超值，個蔬菜盤好岩我食，可惜要落入雞煲湯裡...

是日下午來到樂富覓食，在這邊，有多一點較九龍塘便宜的選擇。云云食肆中，最後選擇了米線陣，因為這裡供應較便宜和飽肚的米線下午茶餐。下午餐有3款，包括豬扒稻庭烏冬、鮮菌碎牛腩米線和蕃茄肥牛芝心太米線，而以上三款更可選擇清湯、蕃茄湯、麻辣和酸辣湯四款。筆者雖然選擇了碎牛肉米線，亦加$5升級成嫩滑中帶煙韌的稻庭烏冬。另外，筆者忍不住口。。。單點了一客雞絲粉皮（$26）。雖然省錢大計泡湯，但吃到惹味開胃的雞絲粉皮，過了過口癮。推薦指數：4/5至於，主角烏冬湯底味道正常，帶點淡淡豬骨湯的味道，配上烏冬來吃，效果非常好。配料碎牛腩是炆煮過的，帶點醬油的香味，不是鬆化而是像炆得煙韌的腩位。不過，加了一點料的湯，還是扣了粉。推薦指數：4/5而凍檸檬茶也值得一提，茶味夠，甜度夠，加上檸檬的酸味，讓人感到是一杯做得不錯的飲品。推薦指數：5/5綜觀下午茶人流不少，但位置大，不難找到位置。而且，價錢尚算公道，值得推薦給大家的下午茶好去處。

每個月1號或者11號在樂富廣場一間寵物店會有會員九五折購物優惠，所以每個月我哋都會襯九五折去幫啲仔女入貨，然後去米線陣食宵夜套餐，雖然只有2款選擇，但貪佢抵食又飽肚嘛～魚腐蟹棒蘿蔔米線餐配鮮茄湯底，湯底夠味，次次我都連湯乾晒佢鮮炸豬扒稻庭烏冬餐配清湯底，烏冬都彈滑，豬扒醃料入味，炸到有小小乾身，而且塊豬扒越嚟越細塊平平地又一餐

週末突然想念了重慶酸辣薯粉，便來到了米線陣。其實這一帶的特色小店不多，吃個米線也離不開大集團經營的連鎖店。即使樂富現有的餐廳選擇頗多，於假日還是要等位，所以今次將米線外帶回家好了。我是極少吃米線陣，因此花了不到五分鐘的時間選我想點的，但卻被不耐煩的女服務員催促我快點下單，而事實上只有我一個在買外賣，根本沒有阻礙其他客人我也不能吃太辣，對服務員提出只要小辣，卻被她說：我們都要賣小辣的，若你要大辣才需要跟我說！要付錢的客人受氣，這是香港食肆的服務態度嗎？重慶酸辣薯粉的配料有炸醬、榨菜、花生、芽菜、莞菜，另外加錢點了黑醋豬軟骨。平心而論，品質是不錯的，用料也豐富，份量也頗多。打開盒蓋後，已聞到陣陣濃烈的酸辣味，薯粉彈牙，配菜清新爽口，黑醋豬軟骨酸中帶甜，很開胃如果肥肉的部份小一點會較好。但由於惡劣的服務態度，我會寧願吃別的餐廳。希望餐廳可以就員工的服務態度檢討一下。

Good place with a reasonable price. Three of us went to this place and waited for 15 minutes. I  ordered the customized noodle with a tomato soup. The taste is good. 

新年去食米線，因大年初一，但有食材居然好新鮮木耳，青瓜夠夾爽，青瓜的口味跟三哥很似。但但好口感生菜等 都好新鮮 ，未雪過 ，更勝譚仔米線勁 ， 彈牙腐皮夠滑，咁樣的價錢，有咁新鮮的素材，真係估唔到

今天經過樂富，偶然看到一間新店叫米線陣，一定是食米線啦！我和老公最鍾愛試新野，當然立刻入內試試😪湯底有辣有吾辣，老公選了清湯底，配菜選了雞亦、魚旦、豬腸，雞亦和豬腸都很入味又夠林，魚旦彈牙，湯底有腐竹菜，味道清甜，本來有芫茜，但當時已賣曬，所以欠缺芫茜的香味。奶茶一般，不及茶餐廳的香滑濃。我因為吾係好肚餓，所以只叫清湯米線加鮮蝦雲吞，本人至愛食雲呑，所以每到一新店就必定一試，米線陣的鮮蝦雲吞值得推介，因為雲呑𥚃有彈牙的鮮蝦，而且味道比正式雲吞麵店還好👍

夜晚 近近地就去樂富個間米線陣 本身對米線無咩興趣 因為覺得間間刀差吾多一系清湯一系就麻辣 無啲新意!!不過..."米線陣"就未食過 而且見佢價錢又吾貴 而且環境好乾淨 就入去try 一 try la~~~~~但系一入到"米線陣",見到個menu 完全系好意外  !!!! 有好多特色湯底揀咖~~~有 農場番茄湯, 香菜濃湯, 麻辣番茄湯 等等....有個套餐系叫"米線自由配" - 湯底一款 + 腐度 +芽菜 + 芫荽 +芝麻 + 米線 ($24) + 另外每款配料 $5/$7好中意番茄湯底既我 當然要左個農場番茄湯加美國肥牛($7)  同 鹵水豬大腸 ($5) ~~~~~好快就黎左我個碗米線, 大大碗甘實夠飽肚~農場番茄湯果然有好多番茄肉 有好fresh既湯底 甜甜地 好開胃至於 鹵水豬大腸就更加驚起  !!!!!!!啲鹵水入晒落豬大腸 咬落去就會食到佢系幾甘入味 但系豬大腸帶有少少肥膏的!另外 美國肥牛 熟度岩岩好 吾系話熟到硬 但數量就比較少...