米線陣 (Citylink)

营业中

休息中

平時過來都是食午餐的，第一次試食他們的晚餐，他們有一個2人晚餐附小食，咁我就揀咗平時晏晝點嗰個炸豬扒，真的外脆內軟，加埋辣椒粉味道，味道真是十分惹味。選擇比午餐的更多，而且有兩款小食加飲品，食起上嚟更划算，兩個人埋單都係$150左右，在沙田新城市的消費來說，實在不貴了！最值得推介都是他們的蘿蔔，不會苦，煮的時間又充足，食起上嚟來真的很甜美、又夠林。酸辣湯嘅味道能夠維持一貫水準，朋友點的麻辣，亦是不錯的選擇！

2020/10/28 沙田連城17：38入去，17：40自動落單，17：50追過店員，17：56追多一次，都未有得食，18：00發現17：57先真正幫我追單，期間不停隔離枱都有餐到，我隔離枱係人手落單，兩分鐘有餐到係點解？我到最後18：04乜都無食過就離開左而家係佢地漏我單，點解無人幫我優先處理，差不多半個鐘嘅order都未能上到餐桌，係合理時間嗎？我未試過食碗麵會咁唔開心，仲要餓住走

一朝早當然要食個早餐先有動力去迎接新一日(老土MODE) 肚餓就肚餓啦.......行去附近商場呢間，多款醒神早餐由廿幾蚊起跳，今日食左F餐 (沙嗲牛肉通粉/$32) 先黎個牛通，份量唔算係好大碗但都夠食嘅 牛肉食落無梳打粉味，沙嗲味幾香，肉質唔韌，配埋通粉一齊食，朝早第一餐有D湯粉類入口都幾唔錯! 跟餐仲有自選配料一款，清清地就要烚蛋，再有埋餐飽一個，食埋都確係飽肚呀 天氣熱忍唔住加$2叫凍奶茶，幾香滑，配合環保走飲管，爽呀~

雞絲粉皮味道偏淡，醬汁有啲少，粉皮有啲油膩，而且份量好少，唔推薦嗌黎食。麻辣湯底都係幾淡口，而且唔辣，我開始以為會同餐牌張圖一樣，會有辣油係面，結果黎到見湯既顏色都係好清，米線份量都係正常偏少，但配料就好足，整體都唔錯。擔擔米線湯底好濃郁，有陣陣花生香味，配搭埋芫茜好夾，米線唔會太硬，另外套餐組合有個大汗豬扒，個人認為好辣，而且辣椒粉多得有啲苦，好彩叫左杯青瓜豆漿解辣，青瓜豆漿好清新，唔會太甜，豆味濃之餘仲食到好碎既青瓜蓉，感覺係真材實料，無添加人造香精既感覺。

兩個人入去諗住簡簡單單食碗米線點知點下一樣餸點下一又樣 最後食到七八十蚊一碗😂不過當佢碗米線擺低嘅時候覺得物超所值嗰碗米線大過我個頭先講過番茄湯底番茄同湯嘅比例恰到好處唔會太酸亦都好突出到番茄嘅鮮味由於有兩個餸我哋兩個人都想叫兩個湯底亦都唔同味道所以我哋就叫佢分開上佢亦都好爽快地幫我落單跟住微辣嘅酸辣湯底我開頭以為好似上海菜嘅酸辣湯咁原來係佢哋煮嘅酸辣唔同上海菜咁酸辣得嚟又好清新嘅感覺食起來特別開胃米線底亦都好滑 可以再幫襯不過有個小問題由於本人極度討厭食菇😨叫個豬肉丸啲菇仲多個貢丸賣相好似山竹牛肉下次去到我一定唔會點肉丸

前一陣見到沙田間米線陣close左，以為佢執左，點知原來係裝修， 咁耐冇食都要去食反轉啦另外散叫左個豬扒，味道係冇問題，但煮到太乾身，超dry，飲勁多水先掂魷魚要夠脆先好食， 落左孜然粉係好野味， 但漏左氣， 淋哂咁就唔係咁好青檸薏米～食埋D薏米，去濕去水腫， 女士恩物食過幾間米線陣，都係依間既大汗豬扒好食D,湯底唔會稀nail nail,辣味同花生味剛剛好，大家唔會搶左大家既味道甜甜酸酸好開胃， 不過依個唔知係咪屬於冷盤， 佢只有微溫

之前食開銅鑼灣分店 一路都覺得好好食 介紹朋友試直到轉到沙田工作 一試呢間分店第一次已經失望 因我完全不能接受芫茜味道 一而再再而三提waiter走芫茜 結果米線上枱已見到有芫茜 同waiter前後反映兩次 第一次就咁畢走 第二次重新煮過 都係同一碗 所以我依然食到有芫茜味 可能趕收工 我都算 當一次失誤到今日第二次來 叫左紅豆冰 一來無乜奶味 好淡 再食紅豆係酸 同waiter講完 道歉都無聲 淨係問我轉唔轉其他野飲（明顯紅豆擺左好耐無新貨 咁就收人$22）然後人類總要犯同樣錯誤 難怪我碗米線等左咁耐 原來又係忘記走芫茜 就咁畢走再煮過就以為無左浸味 但由於我真係太討厭芫茜 所以食得出 我朋友個碗完全無芫茜味 所以唔會存在可能烚米線/配料都落左芫茜先有芫茜味總括可能只係加盟店/沙田分店細無人做品質監控 呢間分店一定無下次！

👣米線陣沙田車站圍1號連城廣場1樓102-103號舖皇牌套餐 $74🔸麻辣蕃茄肥牛餃子皇米線 蕃茄湯底既米線我會揀米線陣，佢用真材實料蕃茄煲，湯底超濃郁，仲有啖啖蕃茄蓉，加埋麻辣更加突出蕃茄既鮮味，配埋一杯摯愛凍檸茶，超爽皮！豬肉餡餃子大大顆，一咬啖啖汁，好味好味！🔸黑醋豬軟骨一人套餐有三款小食揀，今次揀左黑醋豬軟骨，酸酸甜甜，豬軟骨又夠稔，軟骨爽口，食下食下好快就食哂😂套餐包兩餸米線，小食，飲料，份量岩岩好，一個人食都好豐富滿足！湯底好味度：7/10食物好味度：6.5/10性價比超值度：8/10

由於近年愛上麻辣，加上自從試過米線陣個口水雞米線後就對佢念念不忘了，基本上十次有八次都係食佢🤣口水雞米線😍可以選大、中、少辣，除左主角口水雞外，仲有芽菜、炸菜、腐皮，唔同既口感，加起來相當豐富😁👍🏼除左因爲喜歡麻辣，其實佢啲雞都幾嫩滑呢！另外佢仲會加幾樣配菜，包括炸菜、金菇、肉碎、芽菜同芫茜，口感超豐富😍而男朋友仔因為唔太食辣，所以通掌叫番茄湯底或者擔擔麵湯底 😁今晚佢叫左牛𦟌餃子擔擔麵米線。😁👍🏼佢仲有杯極度解辣既飲品～～青瓜豆漿🥰超級推介，不過今次唔記得影想😂

今日午餐來到沙田連城呢間米線陣，因為唔想食辣野既關係，無揀到酸辣味道既米線，選擇左蕃茄湯底米線，呢個湯底名堂叫農場蕃茄湯，其實同普通蕃茄湯底差不多餸方面選擇左仿松葉蟹棒同埋雞脾肉，仿松葉蟹捧好味，雖然講明係仿，但竟有點鮮味呢！而雞脾肉就OK的，都幾大塊雞肉的，整體評價不錯。

超鍾意食米線嘅我，原來呢度開咗間米線陣，6:00時間未有人潮，即刻入去食先！真係見到有大汗系列食品非常吸引！見到都流口水⋯我點左個B餐，大汗霸氣雞扒蕃茄米線試吓！另外叫咗個雞絲粉皮俾小朋友食～好食呀！好爽滑～麻汁夠香～仲有蜜糖雞翼，外皮好香脆，蜜糖汁好食！雞肉好嫩多汁！好好食~蕃茄米線！份量都幾多喎，入面有新鮮蕃茄，蕃茄唔酸好甜，湯底都好濃番茄味，好食！大汗雞扒！賣相好吸引，大大件！蒜蓉辣椒香料鋪滿雞扒～個皮好香脆可口！肉嫩多汁！加埋香料勁惹味！雖然對我來講有啲辣，但係好好食唔想停口！食完辣野～飲番杯海鹽柚子雪碧，推介呀！一定要叫～超爽口好好飲！柚子加雪碧原來味道好夾！正～最後叫咗個外賣俾老公～佢仲擔心返到嚟會唔會唔好食林晒～原來佢哋湯同米線係分開裝㗎！返到屋企仲熱辣辣！米線仲勁爽口～完全冇影響味道～係屋企都可以嘆到米線！超正啦～

今日一條友去沙田做完Facial，近近地去米線陣食吓嘢嚕。3點左右去 有6成坐位，都幾闊落。終於可以食啲唔洗同個女share嘅嘢，就係辣嘢！我就望下餐牌見到有個精選係大汗系列，叫咗大汗霸氣雞扒番茄米線再配海鹽柚子雪碧，另外叫咗花雕醉雞翼。先黎嘅花雕醉雞翼，侍應好細心咁配上放骨碟，1個人食3隻岩岩好，食落暖暖地，比平時嗰啲凍嘅有啲唔同感覺，雞翼入味嘅，尚算合格。另外係大汗霸氣雞扒番茄米線再配海鹽柚子雪碧，建議雪碧黎到自己搞混先好飲，否則同一般雪碧一樣因為海鹽沈哂底啦，原來柚子味加海鹽好夾喎。大汗霸氣雞扒番茄米線湯底係蕃茄，甜玵酸酸都OK，最期待嘅大汗霸氣雞扒我揀嘅係小辣，因為我又唔係好食得辣，但呢個堅係好食配埋炸蒜粒勁香，份量十足，2個人食都得！小辣我接受到，岩岩炸起熱食最好，如果怕辣浸茄湯食一樣得。雞扒唔止份量近，而且厚度都夠嫁喎！下次再黎encore 先得。一個人食好啲 97元埋單！

前排先第一次食呢間，估五到又不錯！！不嬲都食開譚仔，行過見到呢間食米線既，朋友又話好食，所以就入左去。朋友果然冇介紹錯！真係一試難忘我叫左豬大腸麻辣湯，先五講米線淋，好好食，個豬大腸真係世界級！！！！！我係平時五多好豬大腸，不過朋友又話好好食，叫我一定要試下，所以盲中中就叫左黎試估五到真係好正，個汁好香，咬落去有咬口得黎又五會太硬！！加埋個麻辣湯，真係好match！！！！中意食辣既朋友五好放過！最緊要試個豬大腸！

旦旦米線好評同好食，嘢食出得快其他小菜都好味。大汗豬扒先炸，夠辣。我過得除咗旦旦湯底其他湯底麻麻地。比馬鞍山鋪頭貴少少。好快有位，下午茶餐都低。地址近地鐵站，容易搵到。我推介

平日間唔時都有幫襯米線陣。不過今次係第一次叫佢個二人餐呢。佢個二人餐係餐牌到睇落個都幾多野，除左米線之外，仲可以揀兩款小食同野飲添。不過179抵唔抵見人見智。成個套餐到齊喇，望落係咪都好豐富呢。平時一人食一個米線，女仕可能岩岩好，不過男仔喇喎，就除非撞正唔算太餓。唔係既話都未必夠飽。如果約埋個伴，叫下佢呢二人餐都ok ga。一來多啲野食，又有野飲，二來更加可以試下平時試唔到既小食。今次叫既豬軟骨，好入味。但唔夠雲吞搶鏡，熱辣辣好新鮮上枱。下次都會叫。