籽苗葉泰國餐廳

营业中

休息中

中午食飯未試過呢間，諗住試下，叫左海南雞飯同义燒炒蛋飯，海南雞又瘦又乾，义燒乾到硬，咁普通嘅菜式都可以整到咁難食，求其一間茶餐廳整得好食過佢多多聲，真係冇下次。

放咗工想同同事聚一聚， 比較就腳就係位於熊貓酒店嘅泰國餐廳。 呢間餐廳好適合 一家大細同朋友開心食返餐。店內環境好寬敞， 充滿住泰式嘅氣氛， 餐廳職員很多， 服務都好細心， 坐下來就會問你有咩需要， 值得一讚。我哋一行三人， 見到餐牌都有好多特色嘅泰菜， 選擇有很多。 我哋都眼闊肚窄， 叫咗好多碟東西。首先嚟過海南雞， 份量都唔少， 啖啖肉，好滋味。另外泰式菠蘿炒飯， 炒得好乾身好香口。再叫咗碟馬拉盞炒通菜， 好惹味！總結來說， 呢間餐廳好有人情味， 食物嘅味道都不錯， 下次都會來吃！

收咗工之後同朋友去咗荃灣，有啲口痕想食泰國菜，上網搵見到呢間餐廳嘅裝修好吸引，行入去牆上有好多畫。服務員態度好好，介紹咗啲咩最出名同最多人揀嘅，最後揀咗生菜包、西柚沙律同海南雞飯。因為我唔係好食得辣，就叫咗少辣。就算少辣都好好食👍🏻👍🏻西柚沙律嚟到份量好多，好清甜同多汁。海南雞飯係去骨嘅，非常嫩滑。2個人食咗3樣嘢加2杯嘢飲都係二百幾，價錢唔貴但係質素唔錯，適合同朋友聚餐，一定會再嚟！🥰

悅來坊B1真係好多餐廳選擇今次揀咗食依間泰國菜嗌咗個晚市二人套餐- 冬蔭公（細）有D甜甜地 唔辣 唔係平時飲開嘅冬蔭公咁 有D融入咗香港味道- 海南雞（半隻）好似都係第一次食熱嘅海南雞 中規中矩- 黃咖哩牛腩唔辣嘅咖哩 牛腩都幾淋- 油飯比較黏嘅油飯 唔係粒粒分明果種·香草辣椒豆腐依個係齋菜嚟的吧？！最辣好似就係佢·椰汁西米糕佢唔同外面食到嘅咁 無用到塊葉包住 轉左用個膠杯仔 份量好似多咗 上面層白色好甜 要混埋下面西米食先得 都好多粟米粒 口感幾豐富

住喺悅來商場附近好多年，呢間泰國餐廳啱啱開張，幫襯過一次，發現D粉粉麵麵，炒得一般般，不過就好少料，所以之後就無幫襯！前幾日，又行過，入去食返個，菜雞絲炒河，送來一個好多獻，多菜，但雞絲只係有四條，連皮有三支牙籤咁粗，價錢成$60，好心啦！人哋茶餐廳，乾炒牛河都有五六片牛肉，唔係咁縮皮啩！下次不會幫趁了！

星期六（31/12/22）下午兩點令路經熊貓商場，餓餓地想揾野食，呢度都有吾少鋪頭，就試下泰國嘢。兩點令吾算多人，即時入座。有吾同套餐選擇，今日想試下甜酸醬炒金邊粉加熱啡。甜酸醬炒金邊粉：整體分數7/10首先上枱時熱辣辣份量都幾大另外味道就甜酸都算適中，吾會太過酸刺激喉嚨或太甜，泰式食品好多時偏甜。（如果再酸多少少更好，尤其夏天，呢個係個人喜好。）另外佢入面材料有雞肉，豆腐同椒等等去炒，都多材料既。熱啡就無咩特別，正常味道。咖啡粉沖出黎，不是泰式咖啡（或者是泰國出產既）套餐包飲品，選擇有啡有奶茶及有三四樣其他，但無留意）。整體來講，可以再試。

在悦來酒店有兩間泰菜，今天中午去了籽苗葉泰菜，我們一行三人沒有吃粉麵餐，點了咖喱炒蟹，楼面姐姐說是肉蟹並大力推介 ，我們又點了明爐燒。原本打算點蒜蓉飽來點咖哩汁，但要40多元，所以改點兩碗飯（$12@）便算了。咖喱蟹來時也很吸引，但一吃之下有些失望，基本上蟹沒有多少肉而且咖喱亦是甜的，沒有泰式的香辣味 。燒魚亦是不過不失而已。我們亦叫了椰青及薑茶，幸好椰青亦很清甜👍這一餐只能說不過不失😄

27-7-2022 (Wed)同老公放假睇中醫,咁食個晏先,我哋嚟到熊貓酒店搵嘢食,由於連續兩日都食日本嘢,我哋就唔暫停先,嚟到地庫一樓,行經我嚟過,多人嘅呢間(食評係2017年5月27日刊登嘅呢篇: https://www.openrice.com/zh/hongkong/review/%E4%BB%BD%E9%87%8Fo%E5%B2%A9o%E5%B2%A9%E5%A5%BD-e2792666),睇吓啲嘢,有泰式有港式,於是決定呢間.我哋坐低後睇完menu,決定要晒兩個星期三精選嘅set lunch.5. 唔知原來有個例湯,老公一飲就讚好正,呢個係蓮藕湯,我都飲吓先,係幾好飲.味道:4分3. 凍洛神花茶老公飲嘅,佢話好好飲.4. 凍青檸柑桔水清清涼涼冇問題.2. $55.00嘅清湯鴨肉湯河粉見到係成隻鴨髀,熟到唔使用力,鴨肉就好輕易咁咬出,佢嘅鴨香味仍有,而清湯又唔會清到冇味,滿滿嘅河粉滑溜.味道:4分1. $60.00嘅曹池咖哩魚柳配白飯曹池咖哩魚柳同白飯分開上,呢個一放低我就嗅到椰汁香味,呢個唔太辣,魚肉唔鯹亦唔梅,OK 嘅.白飯就普通唔太乾.味道:3.5分服務:我哋嚟到時,

早兩日同一班朋友口痕想食泰國菜，搵到呢間喺悅來坊嘅籽苗葉。天氣熱辣辣，先嚟每人一個椰青消消暑先啦 🤩頭盤叫咗一輪串燒同埋燒牛脷，加埋惹味醬汁真係好好食！牛脷夠冧唔會硬 👍🏻 餐飯食到中間仲再叫多次燒牛脷 🤭😋炸春卷非常香脆，點埋甜酸汁 夠正 😋海南雞就正正常常啦 😁冬陰功都非常惹味，如果再辣啲應該會再好味啲主菜叫咗咖喱蟹，可以配白飯、薄餅、蒜蓉包隻蟹好多肉，未影隻大蟹鉗就俾老友急不及待一口食咗 😢叫咗班老友留肚後面仲有幾道菜，但都點咗白飯，加埋咖喱汁成碗清晒...蒜蓉包非常香，面頭脆脆地包身好軟熟，點埋咖喱汁好食👍🏻👍🏻絕對唔係🙅🏻‍♂️硬掘掘嘅法包，本身預一人一件，最後都係encore多兩碟 😂😂爆炸蝦香香辣辣 好味！生菜包都推薦要叫！辣辣地幾好食 👍🏻雞肉炒金邊粉就正正常常 😄最後加埋個椰汁大菜糕同芒果糯米飯作結非常愉快完美嘅一餐 👍🏻👍🏻店員都非常親切，又主動幫忙影大合照 🤣食完呢餐，離開餐廳時已經討論下餐幾時再嚟食 😂

喺悅來坊嘅泰國菜選擇唔係好多，咁今次見到呢間籽苗葉就決定試一試下佢。Lunch set選擇唔係話好多，咁我就叫咗你嘅曹池咖喱魚柳飯，咖喱偏紅色同埋比較濃，魚柳經過煎炸處理。$60包埋杯嘢飲，不過不失啦。

下午茶大概$45-50一份。抵食。叫咗印尼炒飯同啦沙豬排金邊粉。炒飯冇肉。一般般啦。金邊粉好啲。份量唔多但夠飽。女仔夠飽嘅。位置可能唔太起眼又或者疫情期間所以冇乜人。

今天我和老公來到荃灣悅來商場逛街，順便找餐廳吃午餐，老實說這裡並沒有太多餐廳選擇，所以最後便隨便找間便宜的餐廳吃飯了No.1【泰式甜酸炒金邊粉】$55由於火候控制得剛剛好，所以金邊粉入口彈牙之餘時亦相當有嚼勁，口感煙煙韌韌，至於雞肉亦柔軟嫩滑，鮮美多汁，小口品嚐過後，雞肉和金邊粉混合後的濃濃氣息迴旋在口中，甜甜的，香香的，香甜軟糯，餘韻悠長，讓人食髓知味，甘旨肥濃No.2【黃咖哩牛腩配白飯】$55雖然咖哩的味道十分香甜可口，甜香四溢，可惜牛腩的肉質卻有些堅韌，同時亦不太入味，不次應該嚐試黃咖哩雞肉飯會更美味一點No.3【凍龍眼冰和熱洛神花茶】跟餐包括最近喝得太多檸茶檸水咖啡都悶了，重點是餐廳的特飲並不用加錢，偶然轉換一下口味都不錯的價錢方面，金邊粉和牛腩飯都是 $55，特飲跟餐免費，不過餐廳設有加一服務費，最後兩人總共 $121總結來說，這間餐廳的食物都算不錯，而且午餐價錢亦便宜，如果大家經過這裡的話不妨一試

今晚在對面荃薈更換智能身份證, 然後來了悅來坊（熊貓酒店）地牢一樓食好嘢, 試了這間籽苗葉泰國餐廳。餐廳四周掛了大大幅很特別的插畫, 有泰國特色又很有現代風格。 由於掛住食, 唔記得影低下次要同這些畫打下咭。今晚點了炭燒沙爹串燒, 炸魚餅, 青木瓜沙律。大力推薦炸魚餅味道正宗, 抵食！炭燒沙爹串燒, 必食肉夠大粒, 有咬口, 而且味道不錯, 好食過好多舖頭。 又點了一支泰國啤酒，最啱配搭串燒。整體以質素來說, 算抵食。很滿足

昨晚去食越級難食，不知所謂泰國菜，叫咗碟菜咸到苦叫左燒豬頸肉又唔知點解用麻辣整，咖喱雞只得三舊雞；仲有個蒜蓉包又係咸！以前比較真係差很遠！本人不會再幫襯，上次已經係咁，再俾多次機會都係咁樣😡

叫咗半隻海南雞，一拎起盒外賣，眼見盒細細，已經感到唔似有半隻，之後一打開外賣盒，隻雞翼同雞鎚都幾大隻，而雞髀放响底但就揾唔到雞背部分，其實隻雞翼都咁大隻，但個盒咁細，好懷疑有冇半隻雞。