籽苗葉泰國餐廳

营业中

休息中

熊貓（悅來坊）裡面既餐廳都食得七七八八，今次試下「南洋工房」，12點放飯既人唔多，餐廳得小貓3,4隻，我地求其坐低睇menu。侍應問我地幾多個人，知道我地2個之後，好似食左屎但又唔嘔得既樣咁🤢，我地就講如果有人要坐我地先坐返對面啦。其實藍妹真係唔明，如果你餐廳明明冇人，點解要迫人兩個人打對面坐呢？😡—選擇唔多，黎黎去去都係果2樣😕 —海南雞飯嗯......難食嗎？唔難食。好食嗎？都唔好食。飯粒太削，有爛飯既感覺，味道尚算可以。雞冇乜骨，好滑🐔—食個lunch真係冇乜要求，但因為服務態度問題，拉低整體評價。😔

今天到荃灣打保齡球，點知多人到要等一個小時，甘就到附近的熊貓酒店樓下的商場吃午餐。我同朋友都想吃海南雞，所以就來左依間餐廳。 我們都點左海南雞($53)，配飲料的，我飲既係薑蜜，杯飲品係超級夠姜嘅。唉！不過我覺得海南雞真係完全冇海南雞嘅味道，我覺得是白切雞，然後我點的是河粉底，淡到。。。之後我不斷點它們給的海南雞醬，嗯，完全就是靠那個醬的，如果不是有那個醬，我完全唔知道係食緊海南雞。真的完全不推薦它們家的海南雞

本人第一次打食評，主要是因為其訂位態度惡劣。 打電話去訂座五大一小，佢話沒有8點半book位，只有8點和9點，那我就話:等我諗諗先... 只不過諗了一兩秒，她即態度輕佻咁話：咁你慢慢諗啦，我收錢先。另外，我好心提醒會唔會夠位置坐，擔心嬰兒車沒空間。 訂位果位小姐小小口，串串貢話: 哈哈 實有位咖。 電話旁另一邊的我十分憤怒，咁係咩服務態度？ 不論你食物質素，請埋啲咁既服務員，大家食之前就請三思了，隨時食完成肚氣。

今日係籽苗葉外賣了ㄧ盒牛丸金邊粉及ㄧ盒魚蛋金邊粉, 加配 2 杯凍芒果橙汁, 凍飲不另收費, 正。外賣佢會幫你將 d 粉同湯底分開 2 盒裝, 確保 d 粉唔會浸到淋晒, 認真夠細心。食落 d 金邊粉果然唔會太淋, 魚蛋有別於ㄧ般形狀, 係長條形, 夠彈牙, 至於牛丸, 有 6 粒, 細細粒, 一啖ㄧ粒, 食得夠爽, 杯凍芒果橙汁有齊芒果同橙嘅味道。溫馨提示各位, 假期堂食係要收加ㄧ服務費, 如果外賣就唔收加ㄧ, 只係收返每個餐 $1 外賣盒, 所以外賣係抵 d 嘅。

同朋友聚舊，今次就選擇去悅來酒店地庫一樓籽苗葉食泰國菜。我們一行三人揀咗（二人套餐$300），另加一碟炒金邊粉。二人套餐有：沙爹（6串）豬、雞各3串炸蝦餅 蝦餅炸得香口，沾上酸甜汁幾開胃黃咖哩雞肉 薯仔炆得好入味，但雞肉就麻麻地蒜蓉飽有6件 焗得十分香脆馬拉盞炒通菜 有濃濃的蝦醬味，通菜炒得非常青綠十分好食泰式炒金邊粉 有芽菜、豆干絲、雞蛋絲，上面還佈上一粒粒的花生碎，味道不錯，分量十足二人套餐還包兩杯飲品，相當抵食。

呢排夜晚都幾多新年飯食，搞到午餐唔知食咩好，就決定跟埋同事出去揾食，佢哋食咩我就食咩，最後跟大隊嚟到荃灣熊貓酒店的商場B1 的美食廣場既籽苗葉食下東南亞野食！午市都有提供好多唔同種類既野食，越式如火車頭，泰式有海南雞飯，印尼有炒飯等等，粉麵飯總有一樣啱心水！而我就點左個雞絲撈檬粉食，貪佢有d魚露甜酸汁，酸酸甜甜，一定開胃！ 個檬粉份量都ok, 足夠我一人食用，檬粉都係爽滑既，個汁就可以到濃味d! 至於d雞絲就好似無咩味，好彩有d魚露汁先可以有返d味！餐飲叫左杯洛神花茶，都係酸酸甜甜，好易入口，估唔到小店都有提供呢d特色飲品，仲唔駛加錢，又幾抵讚！

今天與媽來這裡午餐，原本擔心食物不合媽媽的口味，但媽一試。居然讚食物👍🏻，環境舒服，價錢相當抵食。叫了海南雞飯，雞都算滑，不點汁也好吃。特別要讚黃薑飯，有薑味，很香。份量十足。另外叫了炒金邊粉，酸甜味配搭合宜，豆乾、雞肉都不少，份量也大碟。午餐送湯及飲料，湯味有足夠的湯料，幾好飲。飲品叫了熱梨茶和芒果橙汁都幾好飲。原來星期六日都有這些午餐，只是要加一。今天我們二人埋單$100仲有得找（共$98），實在抵👍🏻。

這店是近來到荃灣食妟的一個好選擇，因為這裡款式多，有飯有河，有乾有濕，連飲品及清湯👍🏻。今天試了臘肉蠔仔炒飯，色澤均勻，香味十足。飯料軟硬適中，不會過濕或太乾。而且，蠔仔都有相當的數量，飯量亦十足。清湯內有紅蘿蔔及杞子，唔知有冇味精，但清甜好味，不像街外一般例湯（水）。埋單都只是$50，正、抵👍🏻一定會再來。

上次試過午市咖哩覺得不錯，今午特意再來😋。今天在泰式金邊粉同印尼炒飯要作抉擇🤔。最後叫了印尼炒飯，凍芒果橙汁。午市送湯，清甜。芒果橙汁正常，不苦澀，但橙汁味較濃。送來印尼炒飯時，非常香噴噴。有一隻炸雞翼、煎蛋同一串雞肉👍🏻👍🏻。個飯色香味都不錯，飯粒不會過濕或硬，份量十足。整個餐只是$50埋單，不用加一。下次同家人再來試試😁

今午想在悅來坊找食，原打算定食八，但款式價錢不吸引，轉了食這間。看看餐牌，價錢相宜，環境寬敞，包野飲，冇加一👍🏻👍🏻。我揀了咖哩牛腩。飯餸分上的，咖哩幾香，有重椰香味，不辣。有淋的薯仔同五大舊牛腩。牛腩炆得夠淋，份量很不錯。送一小碗湯，冷熱飲品同價。我叫了凍咖啡，味道正常。我👀不少人揀海南雞油飯，但看來雞不算滑。不用加一、不用等位，這也是好選擇

今日(27-5-2017 Sat)一個人幫老公落荃灣睇o野,睇完時間唔上唔落,等老公放工一齊食lunch?唔啦,要等兩個鐘o度,咁一個人食啦,行o黎呢層睇,有三間食日本o野同一間食泰國o野o既,睇完價錢後,就試呢間.由於時間尚早,冇乜人,我就可以坐卡位,我決定要$50.00o既泰式叉燒煎蛋飯午餐,飲芒果橙汁.落完單, 芒果橙汁好快到o黎,飲吓先,苦澀,芒果味好少,唔掂.幾分鐘後, 泰式叉燒煎蛋飯到o黎,睇見泰式叉燒份量唔少,重自動俾埋豉油同蔥油,泰式叉燒顏色比港式更橙,口感鬆但仍有彈性,味道就係甜,但唔同港式o既,因唔會用麥芽糖吧;佢亦唔會有燶同脆邊.而叉燒全部都係瘦肉,冇肥油.而煎蛋就有脆邊同半生熟,撈豉油食係我o既至愛,但佢o既豉油有少少甜味,感覺唔多o岩feel.味道係2.5分環境:都幾凍,可能未多人啦.價錢:跟餐凍飲都唔使加錢,但星期六,日同公眾假期就收加一服務費.2.8分

The lunches are reasonable priced at $40-$50 for a great selection of laksa/ Tom yum gong noodles. Their pomelo salad was promoted last week for $38 (original $55). The service charge is waived at lunch time. This place is usually not packed so it's a great place if you're in a hurry for lunch.

今日又到悅來坊附近，之前試咗幾間餐廳，今日太太話想再試新嘢，繞咗一個圈，見呢間餐廳都幾多人，不如就試下佢。餐廳裝修簡潔，地方都算大，空間感都幾好，不過可能係我地都算剛過午飯時間，所以唔會太逼。太太點了豬排湯檬，平日佢鐘意凍檬，但今日天氣轉冷，要食個熱湯，豬排賣相吸引，太太話雖然唔係碎上，不過都有切開幾刀，而且唔會好難咬，豬排都算嫩口，亦煎得好香口。35元連一杯飲品，的確抵食。我就點了個印尼炒飯，炒飯唔係濕立立，跟串燒，雞翼同煎蛋，炒飯粒粒分明，亦都好有鑊氣，跟一碗蓮藕湯，再加一杯飲品，50元，真心抵。飲品，我點了芒果橙汁，唔算太甜，不錯，太太點了龍眼水，入面有紅棗，適合女士，而且不太甜，不錯。

呢家係系出邊聞到香味入來的，烏頭聞起身酸酸甜甜，好吸引！點了蝦膏通菜，越南金邊粉，檸檬煮烏頭。通菜出品平平，可以接受，越南金邊粉味道不錯，不過亁身左D, 個烏頭就真係唔多掂，點的係檸檬味，所以不會辣，不過可能就因為唔辣，食起身有D腥，同埋魚肉麻麻地。不過菜式都幾多，下次可以過來試下其他的菜。

等45分鐘沒上菜，服務也很不好. 催促幾次才告知忘了做，打死不承認，最後用粵語跟廚房說忘了就快做！ 真的太差了.如果可以我寧可吃旁邊的其他餐廳，完全不老實，以後不會再來了！