籽苗葉泰國餐廳

营业中

休息中

雖然一直都係荃灣番工，但其實就好小出去食lunch ，不過食外賣都真係食到悶悶地、而且外賣價錢都愈來愈貴，直迫堂食價。今日就出去食lunch ，見到有泰國嘢就試吓啦！在悅來嘅 籽苗葉泰國餐廳，同同事各自叫咗午餐套餐海南雞飯、豬手蛋飯，另跟一杯飲品，每人都係$55，同叫外賣真係差唔多，同一價錢唔使食飯盒，新鮮即煮好食好多。海南雞飯，皮爽肉滑，啖啖肉，飯嘅份量亦，好足夠。豬手蛋飯，豬手肉嫰，而且入晒味，加埋隻蛋好滿足。

今日行過悅來酒店，有啲肚餓所以揀都冇揀就求其入左間餐廳度食，點知充滿驚喜，係唔好食嘅驚喜。首先講吓佢嘅雞肉濕炒河，食得出係佢嘅軒汁，充滿着味精味，因為食完之後非常非常之口渴。再講下佢嘅雞肉，有一浸酸宿嘅味道，明顯就係放喺雪櫃度好耐先至再拎出黎炒。然後佢嘅獻汁仲要非常非常之油。但係佢啲魚香茄子飯雖然冇雞肉炒河咁難食，都算係普普通通啦。啲肉碎都算係新鮮炒出嚟都算惹味。總結如果要喺呢間舖頭食嘢嘅朋友仔，一定要有無比嘅勇氣，因為你永遠唔知道你嗌嘅菜式到底係好食，抑或唔好食。

星期日到來光顧午市，叫了印尼炒飯、蠔仔炒飯及海南雞湯河。兩年前這店是我鍾愛的食店，因為其印尼炒飯顏色吸引、飯炒得香噴噴，配上一串雞肉及一隻炸雞翼，正呀！但是今次到來，十分失望，因為色不再，味道也遜色了。從前有適量的紅綠椒等作襯，現在只有飯色。講真，這樣的飯真不如「印尼炒飯」。另外的蠔仔臘腸炒飯，顏色外貌沒有大改變，依然吸引，炒得香。不過蠔仔質素一般，感覺不鮮，不過未至於變。這個飯還可以的。還有海南雞湯河粉，河粉是幼身滑滑，阿仔話湯底清甜，不覺得油。海南雞的肉質很滑，份量不會少，但未算正，只是正常，因為荃灣有另一食店的海南雞更正。總括而言，如果就近經過，食無妨，但專登走過來就不會了。

諗住試下呢間餐廳，叫個普通既印尼炒飯試試，點知就出左事。本身見到張相飯入面應該係有d 配菜咁，就諗住trytry, 點知圖文不符一碟野入面得上左色既飯+ 1隻蛋+1隻雞翼+ 1雞肉串。 真心唔知入面食緊d 咩完左

我和fd 今日放假，喺荃灣搵下食咩先？剛剛遇上lunch hour，見到呢間都幾多人，所以入去食下好唔好食先。環境乾淨，位置還可以。我哋叫咗兩個set lunch。一碟甜酸金邊粉，另外，一碗泰式 喇沙，跟魚蛋 、粉絲。飲品我哋叫咗凍嘅洛神花茶，另一杯凍龍眼水，兩杯都要少少冰。甜酸金邊粉都好足料 又夠乾身，粉又炒得唔太硬，可惜我哋顧住傾偈，搞到啲粉絲吸曬大部份湯,下次要 選另一款粉，個湯底都好好味， 又唔太辣，有椰香味，另外嗰兩杯飲品都唔會好甜，我哋飲完都覺得好清涼

是日想食泰菜，近近地就簡左悅來坊上菜都好快明爐烏頭好大條，新鮮，食到捧住個肚，湯都飲埋（雖然好酸）138蚊咋，起碼有斤幾重食物好入味，唔會太酸都唔會太咸岩岩好青咖哩雜菜用來送飯送薄餅一流呀，不過略稀，濃稠多少少就更好肉碎唔會太油，酸酸地好開胃，生菜新鮮，兩者夾埋一齊岩岩好個薄餅兩塊30蚊，以為好少啦，點知食食下原來都好多份量餐廳仲有提供紙袋裝口罩提供既清水有d酸冇食甜品，因為已經好飽啦下次會再試下其他野食

工作關係會不定期到大窩口，因為個人喜歡食東南亞菜，所以呢間餐廳都係會重覆光顧。店舖喺熊貓悅來坊下層，午餐時間都唔洗排隊。而呢度早喺二月，呢度已準備紙袋俾客人放口罩，貼心。上次叫左冬蔭公湯粉，有泰國風味但唔算好辣，都算惹味，特別喜歡個金邊粉ge口感。同事則叫左Pad Thai，午餐$50一大碟仲包一杯飲品，感覺都抵，而且味道不錯，於是今次再叫。今次午餐叫左香草肉碎蛋飯+Pad Thai，肉碎炒得好乾身亦夠香味，用來送飯不錯。但今次Pad Thai份量似乎比上次的少，雖然味道都保持水準。同區黎講呢間餐廳都算抵食，打工仔午餐選擇之一

本人愛食辣，尤其泰式嘅辣就最啱口味😋同男友經過幾間餐廳都諗吾到食咩好，但見到呢間餐廳款式特別多，好似多國菜咁，咁啱男友想食叉燒蛋飯，而我想食嘅有好多，包括喇沙湯粉、撈檬同炒金邊粉，但前二係其他鋪都經常食，所以今次一於試下個炒粉。結果個叉燒蛋飯除左啲色同普通吾同，但食落其實都系一樣普普通通嘅一個叉蛋飯，吾系咩泰式叉燒。另外，我揀嘅炒金邊粉望落都還可以。雖然上枱果陣見到系濕濕地，見吾到有鑊氣，試左一啖甜甜地。不過黎到食泰餐梗系要加番嘅辣味粉同辣油調下味，即刻乾啲好食啲，辣辣地夠刺激味蕾😋飲品方面:味道不符期望，很淡。😑職員方面:一開頭有個男職員好積極想招我地入去食，招呼尚佳，會主動比一支水擺系你面前，見吾夠會換一支新。見到客人食物有可能需要調味，會主動奉上調味架。環境舒適，設有梳化位，與朋友、家人，同事相聚一試無妨。餐前有湯送，夠濃😋

個飯炒埋一碟都幾大碟，咁嘅價錢，包一隻蛋、一隻雞翼、一條雞肉串燒、一杯野飲都叫ok。隻雞翼同串燒係成碟飯最好食嘅野，但其實碟飯嘅味道真係有進步空間。。。有點普通，唔知食緊咩咁。

位於大窩口熊貓悅來坊，下一層後，在最旁面的位置，原來有一列的餐廳。沿路走著，想見此餐廳的lunch款式多，價錢也合理，不會太貴，所以就走入去。中午都滿座，但不消片刻就有位置了我跟友人分別點了無骨海南雞脾飯 和 叉燒雲吞撈麵。無骨海南雞脾飯：黃薑飯不油膩，但略覺黃薑味道不滿；雞脾滑滑的，甜酸辣泰式汁不錯，不是太辣，友人也能享受另一個，叉燒雲吞撈麵就失望。下次到泰國餐廳點回泰式美食好了。麵太乾，上菜是已經變成麵餅，難以再撈。雲吞和叉燒是一般，沒什麼特別。

天氣炎熱冇乜胃口走到去食泰國菜！左兜右兜走到呢個熊貓酒店附近的商場！當一入到去叫咗個海南雞飯丶冬陰公雜錦金邊粉和一個蝦餅皮蛋！首先講到海南雞飯個飯係顯示黃色但係完全冇雞油味猶豫白飯一樣跟住去到個冬陰公普普通通冇帶到驚喜個湯，都冇乜味道，基本上要有甜酸辣一點都做到！

以前喺悅來坊附近返工，會周不時嚟到呢到食lunch，夠近夠方便。不過自從轉咗工之後就好小再嚟呢到，今次返黎呢到食係因為新工放假，lunch時間搵返啲舊同事食飯傾下計，估唔到又水準又差咗唔小小妹今次叫咗越式肥牛湯河配龍眼蜜，諗住清清地食啲野又可以同同事傾下計，因為lunch時間有時都唔係太多人唔洗點等位可以坐耐啲。點知個湯好咸，要落返啲辣椒油去蓋啲咸味肥牛同粉都唔會話有咩特別，普普通通，但個湯真係咸都我唔識講野。。之前我都係會食啲冬蔭功湯粉﹑印尼炒飯都正正常常，但今次的確令我失望咗！龍眼蜜正正常常，唔會太甜落太多糖漿，呢次係我唯一一樣仲接受到嘅野！唔知仲會唔會有下次，下次如果再約返舊同事喺附近食飯我都唔會再簡佢了應該

我們經常都到這店午飯，但原來沒留意這裡男服務員（可能是老細）經常板著面對。我們每次都是一群人去有時一張大桌或有時兩張。今天我們有二十人去（非煩忙時間）坐了兩張大卓，有些員工不滿地要希望改成一大一小桌，我說坐不到堅持坐回原位。然後整個食飯過程就都黑板著面服務我們。回想以前期實他們也有這情況，只是我們不太計較所以再去，但今次他（那男人）臉部表情就說明不想做我們生意…實在令人氣忿！

點了一客 泰式金邊粉 和 印尼炒飯。明明食物不差，但處處透露出餐廳不花心思，一式一樣的碟，餐牌求其不講究，簡單來說，就是有「頹」味。但悅來坊頹食何其之多，有銀咖哩又有薩莉亞，所以試過一次之後應該很少再來。金邊粉：份量較少，但用料不馬虎，啖啖都食到配菜，味道重而雜。印尼炒飯：正好相反，飯多，但料少，串燒不夠熱，味道淡，與家中炒個飯的味道差不多。兩碟價錢$50以上，加飲品上到$60，抵就完全算不上。四個字總結：唔差但頹

次次食lunch時間 都唔知食乜 行到去熊貓既餐廳都會見到冇乜人 今次睇中呢間籽苗葉 入到去得幾個人 侍應本身唔想我地坐同一邊 但係果到真係冇人坐 最後我地都係坐同一邊我同女朋友唔係太肚餓 叫左個海南雞飯真係冇乜評價 飯太林 冇乜味道 難食又未至於 雞係滑既 味道還可以 價錢方面熊貓黎講我覺得$50算係咁食個lunch廢事要求太高 求求其其算啦