粥棧小廚

营业中

休息中

係筲箕灣做左甘耐，這是我第2次黎呢度食lunch! 上次，砂鍋粥幾好食，不過今次有幾個同事，所以我地叫小菜，share一齊食！小菜午餐贈送例湯+白飯白飯唔知有冇得免運加，但呢碗飯好細碗，但自己又唔敢問可唔可以添飯😂菜乾湯是真材實料地好飲，清香入味，一飲就知老火湯，沒有味精！酸酸甜甜咕嚕骨，菠蘿好甜，是豬扒嗎？ 酥軟好吃菜甫肉碎煎蛋！ 唔油，好食，口感軟Q一致，仲有幾層架！南瓜蒸排骨：好腍的南瓜，排骨入味，味道難以形容金針雲耳蒸雞：雞是滑嫩，有絲瓜，但它偏偏是最平凡的，是我要求高吧？份量偏小，但小菜是好吃！

星期日放假兼中秋前夕，與家人到筲箕灣東大街嚐美食，找到這家食店。以前也來過這店吃，有美好回憶。也是午餐。試過駕車來，找不到位。今次好彩沒有人龍，即刻可以入座。今次三人叫了假日午餐，有鎮江排骨和豉汁蒸湛魚。每位70元。另外叫了蠔仔粥，份量足4-5人，每人一大碗。蠔仔很飽滿、粥很綿。對於不愛吃魚的我，湛魚適合不過。魚肉連膠質豐富的魚皮，又無骨，好入味！排骨微酸，漿汁畧歉太濃，令排骨貼在一起，但味道還可以。下次再来東大街，希望可以再試。

開學前約了肥髀小學一班同學食晚餐（11大+7小），因為明天開學，所以訂早啲，6點鐘準時到，7點半要交枱，店內簡單放啲方枱椅，桌椅幾迫（走道只可以側身過，人齊可以上菜！）我哋大人一張長枱，小朋友一張枱，已經佔咗店內7成座位！美極焗海蝦：連殼上，外面鹹香，蝦肉微微彈牙，好味陳皮蒸鮑魚：鮑魚彈牙，陳皮香，蒸魚豉油微甜吊味剛剛好陳醋排骨：呢個好味，外皮炸得薄脆，有肉汁，包裹啲酸味陳醋汁，好似玻璃咁！好味脆皮咕嚕肉：肉係肉片，炸我外面脆，入面煙韌彈牙，包上酸甜玻璃醬汁，好味，配菜嘅洋蔥青椒爽脆，菠蘿酸甜！好好味蒸蟶子：豉汁大蟶子，蟶子彈牙有咬口，好鮮味！豉汁微鹹，無搶咗蟶子味道蝦米醬唐生菜：砂煲上存熱，生菜爽脆，蝦米醬鮮味鹹香，好味豉油王炒麵：無食籠仔荷葉蒸雞飯：雞飯有荷葉香，索晒啲雞汁，飯略濕偏淋，雞肉嫩滑，好味排骨蒸飯：飯索晒排骨味，飯略濕偏淋，醬汁杰身，喜歡蒸雞飯多啲豉油王雞：砂煲上，甜豉油汁入晒雞肉，微甜香濃，雞肉好嫩滑（雞胸雞髀都好嫩）好好好味（食唔晒都包走）芋頭南瓜淮山煲：呢個砂煲上，奶白色椰汁白濃，入面嘅南瓜甜糯，淮山消爽、芋頭粉糯，好夾椰汁，好好味蒸水蛋：影唔到全相，蛋嫩滑，下面

兩口子一坐下來侍應就極力推介豉油雞（$2xx半隻），由於不喜歡吃，所以一再拒絕。餐牌小菜無咩選擇，小菜最低消費百幾元，最後點了兩個餸：沙窩魚頭煲（魚頭乾身只有一件有小許肉，其他都是乾骨，煲底全是姜，只有小許葱頭，無嘢食。）及椒鹽鮮魷（炸漿是淋的並不是脆身，可能是這店的煮法）及白飯一個，共290。惟一可取是個小電視在餐桌旁，有小小娛樂。可能東大街的鋪租真的太貴了，所消費的只有小部分放在食品中。如早早看看其他食評一定不會選這店，不會推介！

一入餐廳，環境都還算乾淨，咁就去拎個餐單黎睇啦，見到有粥食都ok la, 都林住叫粥食，跟住就埋位就坐。坐底無耐， 有個服務員，見到我地叫了一鍋粥，就好唔滿意走黎同我地講，你地兩個人食咁小野呀？食一鍋粥炸，心想給細胃口食小小野唔可以的嗎？然後，隔左十分鐘到，同一個服務員又開始發功啦，又黎話我地兩個食咁小野 食得果一百幾蚊鍋粥咁小，我地店丫，人均消費要一百幾蚊以上嫁，你地食得果一鍋粥，我地舖租都唔夠交丫，滿滿的黑面，同講到成間舖都要知道咁.... 真係好差的一次飲食體驗....哎呀，呀服務員生活壓力真係大，各位大大無人均一百幾蚊的預算，真係唔好考慮挑戰，如果唔係再係呀服務員考驗你EQ的體驗⋯⋯

1月1號第一個晚餐，十五十六唔知食乜好，索性去東大街行一轉揾吓靈感。 沿路一直行到粥棧小廚，見到全店滿座，但咁啱有一張枱埋單，於是就入去試試。睇晒餐牌，最後叫咗咕嚕肉 / 魚湯浸豆苗 / 荷葉蒸雞飯。❨1❩ 咕嚕肉 - 汁嘅味道唔錯，甜酸適中，美中不足嘅係用咗豬扒，而且外皮唔夠脆口❨2❩ 魚湯浸豆苗 - 完全冇魚湯味，只係普通上湯，而且湯好油膩，可取嘅係份量夠多❨3❩ 荷葉蒸雞飯 - 標榜係用新鮮黄油雞，油就夠油，不過係d飯。 雞冇雞味，而且肉冇彈性，係唔係鮮雞，有商榷餘地整體嚟講，只可以用不過不失去形容。 行過唔洗等位嘅可以試吓

想不到這餐廳會令我特意註冊來留食評！下班後和父母到東大街找吃的，走到街尾看到這餐廳，反正不用候位而父母也有興趣，所以便試一下。經店員提議下點了豉油雞、蝦乾雜菜煲和鎮江骨，豉油雞入味非常且不鹹，鎮江骨脆口非常，菜煲的魚湯非常好喝，連一向怕䶢的家母亦讚口不絕，更把剩下的豉油汁打包回家哩！一眾店員的家庭式招待更令人窩心非常。笑著和店員告別後我們決定下回一定要再回去試美極蝦，牛仔骨及龍躉蒸荷葉飯！誠意推介

上次沒有預約去這餐廳，結果吃了閉門羹。這次朋友特地提早預約，我們點了美肌極焗海蝦，鎮江排骨，瓦 煲雞還有黃鱔粥，真的沒有讓我們失望，味道非常好，特別是雞煲，又滑又不會太重味。服務態度也很好，我們還會帶更多朋友來品嚐。

食過鎮江骨、唐生菜蝦乾煲、砂鍋粥，簡直欲罷不能，尤其鎮江骨，百吃不厭，水準穩定，絕對唔係一般食肆嘅生炒骨、咕嚕骨可以媲美。整體制作認真，連例湯都一絲不苟。午膳時間有套餐，最抵食！不過最好訂位！

下著大雨的星期五,下班後便相約好友到屋企附近位於箕灣東大街的粥棧小廚 食晚飯係人都知東大街有好多美食,但呢間唔起眼既餐廳絕對係隱世美食,之前黎好多次都唔覺眼,有一次朋友食完就大讚話超好味要推介我,坐低睇個餐牌已經有好多野想食,但我地兩個人又食唔到咁多,唯有下次多D人先叫首先叫既係招牌雞睇個樣就知好吸引啦,賣點係佢用既係新鮮雞,重雞味,雞汁濃滑,上面仲浦滿好多薑葸,薑葸同出面好唔同,呢個特別惹味,其實我一個人可以食晒成碟再叫左籠排骨籠仔蒸飯,個飯好豐富,鼓汁味好香,好多排骨,個飯係炒飯底,仲有好多既荷葉味,好味到暈咁多肉就緊係要叫個菜啦: 蝦米醬唐生菜,炒得好入味真心推介

東大道內臥虎藏龍,  都能把簡單食材變成人間美食. 荷葉蒸黃鱔飯, 一打開蒸籠蓋, 滿是荷香,  火喉剛好, 黃鱔切成片, 一口一片, 爽彈得來也非常鮮嫩, 一丁點泥味及腥味也沒有,  也不油膩, 加了醬油和葱花, 色香味全又滋補. 不經不覺吃了超過三碗.. 連晚飯的配額也滿了. 此時另一驚喜 梅菜肉碎蒸茄子 剛好上桌,  甜梅菜豬肉硺成肉餅, 舖在用走了油的茄子上蒸,  肉餅調味剛好, 很是下飯, 茄子由於曾走油, 所以不會太軟爛.  我又再吃了一碗茄子加黃鱔飯......走時肚大得看不見腳趾!!!

去完海防博物館, 不太餓, 經過東大街名叫粥棧的小店。 買了三個午餐回家吃, 份量足, 有湯和白飯.....可能因為我本身飽, 食完簡直飽到上心口.... 好味，服務好, 有禮貌, 環境清潔. 結果.....真係太滿足. 味道係ok, 清淡, 係個湯唔夠飲, 因為太好味了。下次一定會訂位食番個招牌雞湯趐，咕嚕肉及南乳燒雞.....

茶餐廳的擠逼格局，餐牌只有蒸飯，雞，田雞，豬，牛，魚頭，炒粉面可選擇。點黃鱔飯，無黃鱔；豉油雞，無訂就無；牛只有牛仔骨，一直sell我吃龍躉，但沒頭腩，得炒球，魚頭，也沒有，蝦子炒面，沒蝦子很久了。好吧，什麼都沒有我們也點了四個餸一杯俾酒：鎮江骨：不是用鎮江醋做的普通酸甜排骨，一度懷疑上錯，但店員肯定它是，味道ok;龍躉球：不新鮮蒸豬面肉：一吃就是普通豬頸肉，且有一陣豬氣味籠仔蒸飯：飯好，但田雞無味炒面：漏單無上，好彩埋單520蚊結論：只用最cheap的食材，賣私房菜的價錢，也沒有味道心思搭救，無下次Ps:以後都唔信阿蘇（絲黃）推介

這是媽媽看openrice食評後,知道有好吃的雞煲地方。在我訂位的時候,接聽電話的人已提我是否留定雞煲,他們工作態度很好,值得一讚 。原來馳名的瓦煲豉油雞,真係幾好味,怪不得以往食評分數那麼高 。今次我只訂了半隻雞。D豉油味好入雞肉之餘,D雞件又出奇地「霖」(音),真係好霖 。一家五人行,再加田雞籠仔飯,及另外兩小菜已足夠了。但因為雞煲那麼好味,叫足一隻雞也可能吃得下 。雖然環境一般、座位簡單,但它還一間不可錯過的家庭feel小菜館。

令人不斷 wow 嘩!好好味呀的餐廳。身心满足極了。越看似簡單越難做得好。所以先說炒麵。蝦子铺得满满剛剛好，麵身烩得恰恰好又入味，简直人間精品。茄子蒸的不油，難得是肉和莱甫的鲜味都一r被茄子吸收了，清甜得過分其他每樣都讓人喜出望外，質素好比五星级酒店，環境逼些简單些，但無損我們的雅興，食物高干一切，難怪是名人飯館，卧虎藏龍的小店! 拜託頂住高租金不要结業。(希望老细是此店業主)