粥棧小廚

营业中

休息中

行過一兩次, 但覺得少訐冷清. 沒有入去試. 但直至那晚, 真係好想食粥, 其他都close 咗. 好彩其他close 咗, 唔係都唔知唔可以睇少這小小ga 鋪頭. 先頭只叫了個粥, 足有5-6大豌. 好足料. 仲想試埋其他出品, 選咗好simple ga 雞球炒麵. 唔多油, 好住家feel, 好好味. 自婆婆過身後, 都無食過咁好食ga一個炒麵.

07/11/2007 去大浪灣玩咗半日，盡慶而回。想起有集誌介紹就試吓。叫咗波蘿咗嚕肉，上桌時熱辣辣，個汁好味，甜酸適中；肉片上粉炸過後外脆肉嫩！招牌美極焗海蝦，估唔到，點解唔係好熱嘅？美極味對我和太太來講都覺得淡，蝦本身唔算新鮮，有D膏咁囉。魚湯杞子浸豆苗，湯底甜得怪怪的，豆苗一定嫩GA LA...BUT又係唔夠熱！我認為做小菜鑊氣好重要，佢嘅厨師要注意！試過就算！

呢間餐廳在筲箕灣東大街很入的位置，不起眼，但見都幾多人讚，所以去試下。店子很小，都算整潔，叫得做粥棧，就試試他們的雞粥。是一小窩的，很熱，剛煲好的，都幾香和棉，另外點了個炒班球，真的很不錯，大大塊的，炒得很有獲氣。總括來說，食物不錯，不過以小店來說，是貴了點。

真係有D唔抵,一間咁好食的舖頭比人咁寫法，想唔出聲都晤得!........我都經常去哩度食野，因為係全條街最好食的一間。我覺得哩五隻羊牯係唔識欣賞人地D野,好似佢地食果碟"唔知乜肉"，據我所知佢地用新鮮豬肉做成本都要二十幾元一舊，仲未計制做過程要幾個鐘，咁賣88元都唔過份喎......佢地又話唔夠食，咁駛唔駛好似耶穌咁"五餅二魚"就食飽晒D門徒呀!.....哩間店係個老闆自已煮返比客人食,唔係其他舖頭靠個廚師做。我亦試過一次碟菜有少少問題咁同侍應妹妹反映下，唔駛一陣就有碟熱辣辣從新煮過一碟比我地,攪到我地幾唔好意思!你話哩D食店去邊度搵呀!!(完)

食左田雞粥,豉油王炒麵及風味辣子雞,除左覺得用既唔係新油,樣樣都好滿意!D雞真係好正...唔通...用嘉美雞??

特登走入筲箕灣覓食，不二之選當然係安利，但見到條人龍就當堂唔多開胃。排咗一陣就頂唔順。醒起有個老友住响附近，就問吓佢有乜好路數。佢話呢度幾OK，就順步走嚟...聽佢講話呢度嘅粥好得手。但呢排真係食咗好鬼多粥，就決定食個午市套餐...例湯落咗少少味精，印象麻麻...油菜竟然係坊間套餐少見嘅菜心苗，好甜好甜，加番分^_^豉汁雞球份量非常足，雞雖用雪藏貨，但煮得幾入味，汁份量剛剛好，亦不過鹹，出色之作...多謝老友好介紹...

偶然和男友路過,想食粥,便坐下一試,叫左個潮式蠔仔粥、炒斑球、上湯西洋菜,味道係出乎意料之外的好,清淡而鮮味,不同其他死落味精嘅食肆,肯定唔會食完口渴死,呢度真係有住家菜feel,我鍾意,下次有機會會再幫襯!

一個禮拜叫食5 餐，算不算得我的食堂？這裡食品係好抵食！廚房所下的功夫實在只能驚嘆！許多人都吃過招牌菜等菜式，其實有幾個菜單是食刀工都值回票價。第一個係潮州砂鍋粥。放入口內細味，喚醒身體內每一個細胞。正！第二個是午市客飯小菜。雖然有33 和38 元正價錢，許多人也話好好吃午市客飯小菜，但吃過後，他會和朋友一一定再接再厲這間食店啞。下次如果筲箕灣東大街認識下粥棧小廚。這兩個是我至愛的菜式。百吃不厭。

今日午餐想食粥, 所以就選此店試下...叫左條蒸魚, 炒菜同蠔仔粥...3個人share食...魚剛熟所以d魚肉好滑好好味, 炒菜明顯無加味道好清甜又唔會太油...最嚇人算係窩粥..真係好大窩3個人都食左好多碗先食得完...不過好鮮甜d蠔仔亦好新鮮..作為一個成日都要出街食好重味道送既人來講, 此店真係俾到有家庭食既feel唯一係佢地可能即叫即煮, 所以等好耐先來一個送...如果多人d都會有人手不足既情況

本來想去去粉麵...點知安利同王李記都打烊了~男友見呢間店都ok多人...但係門口就冇menu..唔知幾$..但係都照入~打開餐牌,樣樣送都要50蚊以上..就算菜類都要40蚊~(本來諗住食碗麵都係20蚊...家陣見到d價錢真係打左個突!)之前我地兩個都食左少少壽司..都唔太肚餓見潮州粥都唔係太貴...都係40~50蚊...兩個人當試下味~叫左個方魚肉碎,點知waitress話冇左方魚,咁就轉左做蠔仔肉碎~但係依舊照返個平既價錢..都算幾好~d粥上台...嘩~~原來係大鍋黎架..我地本來以之為係一大碗~鍋粥上台果時d粥仲滾緊,起泡泡架~~好新鮮~食落d蠔仔幾鮮味..最緊要係..冇沙!!!!好乾淨!!男友對d蠔仔讚不絕口~~不過係d粥唔夠鹹,唯有自己落鹽啦~兩個人食到好飽~都只不過係40~50蚊..冇加一,茶芥~~!!每人廿幾蚊食到d咁靚既粥..都算幾抵~d waitress都好好招呼~不過個老闆娘就目冇表情...真係有點影響食欲~其他食桌都係一家大小來晚餐,睇到d送我諗應該幾好味~~可以一試...係餐牌價錢有少少嚇人,不過份量應該都唔少~