糊塗燒肉 (已結業)

冬天好想食燒肉，除意搜尋一間食燒肉嘅地方，見到呢間新開嘅燒肉店就去一試。環境：地方雖小（只有三張枱）但氣氛非常好，環境都好乾淨，非常適合二人世界或者三五知己聚一聚。食物：套餐可選2種（包三種牛肉部位每款各兩片或者加$128 A5和牛西冷一件）、海鮮（蝦x2或扇貝x1）新鮮有鮮甜味、蔬菜拼盤（菇，京蔥，蘆筍及豬x4片或雞x3件，一人套餐$588。我同老公2個人叫咗2款不同肉，可以試晒啲肉類丫嘛🤣，另外可以追加肉類同埋小食，我地都試咗小食（紫蘇墨魚棒，再加泡菜）如果鍾意食紫蘇嘅人一定會覺得紫蘇墨魚棒係非常好味👍🏻👍🏻服務：地方雖然細，但係服務員都有四五個，店員都非常親切，久唔久都會行埋你問吓你啲嘢食覺得點樣，又會同你傾吓閒計，所以好有小店嘅氣氛！感覺好舒服！值得推介呀！🤗可能因為地方有限，張椅其實有啲細，我已經係出名瘦嘅人😬，但都好似坐得唔係好舒服，所以如果Pat Pat 大嘅朋友🤭，可能要問下店員有冇得換張寛啲嘅枱喇！😝

同男朋友行完星街，轉落去聖佛蘭士街，發現到呢間日式燒肉，睇完個餐牌價錢都OK，就入去試吓，座位唔多，好彩冇book位walkin 都有位。小店得幾張枱，餐牌亦唔係勁多選擇，但我好鍾意食牛，所以嗌咗和牛套餐，啲牛好靚同價錢都唔算貴，後巷仲要有遊戲機打勁得意我哋叫咗和牛套餐同埋海鮮盒，仲有叫咗啲菜，都已經好舊式，同埋可能小店關係，座位唔太迫，其他都係訂枱客人。啲牛同海鮮都好新鮮，侍應同我哋講係因為每日去街市買新鮮食材，同埋好多客人都係訂位嘅，所以叫我哋記住下次訂位，如果唔係可能海鮮就未必會有得叫，佢亦都唔會1個鐘頭趕我哋走仲請我哋飲咗杯啤酒，唔使食都趕頭趕命真係好開心。

放工後同成班朋友一齊聚會，朋友介紹之下嚟咗呢一間日式燒肉店，入到黎未上菜嘅時候感覺已經相當唔錯，店舖內嘅環境十分舒服同埋加埋少少昏暗嘅燈光，適合朋友聚會一齊傾吓計吹吓水！今次我哋嗌咗海鮮拼盤同埋數款和牛，首先講吓海鮮👍🏻我哋嗌左鮑魚，巨型帶子同埋魚鮫。不得不說鮑魚10分不錯，味道鮮甜同埋10分新鮮，如果鍾意食海鮮嘅一定要試！另外帶子方面，味道亦都係相當鮮甜同埋口感好豐富✌️，魚鮫我哋唔小心燒燶咗少少🤦🏻‍♀️，所以有少少少少燶味🤦🏻‍♂️。至於肉類方面，和牛基本上係必食，大大塊之餘，油脂分布十分平均，牛控必定要試！！薄切牛舌都好推介，擺落去燒一陣就已經差不多，爽口感覺幾唔錯👍🏻店員都好詳細同我哋介紹每一款嘅肉類同埋食法，仲有兩個醬汁，一個係for肉類去點，另一個係for 海鮮去點，相當仔細！拍拖或者三五知己過嚟聚會，必定要試一試👍🏻

有次行過見到新開張就叫埋啲朋友嚟試下。個人經驗食呢啲燒烤餐廳一定要揀啲提供到新鮮食材嘅餐廳，食材夠新鮮，自己點燒都好食。好彩呢間餐廳啲菜同肉都幾夠fresh，尤其係啲牛肉，色澤同油花都幾豐富👍環境氣氛都不錯，我個人就覺得燈光暗淡得嚟幾有情調，應該幾適合情侶嚟拍拖食飯😁另外值得一提嘅係呢間鋪頭有賣熱嘅清酒，佢係用一盆熱水裝住枝酒，我同朋友飲下飲下盆熱水開始唔係幾夠熱，啲staff都好醒即刻過嚟幫我哋refill返熱水，無論枝酒定啲staff都好正👍

今天放工後，相約幾個朋友來到這間餐廳，第一次來到這間餐廳感覺很熟悉，但之前好像沒有見過。餐廳名字叫「糊塗燒肉」，一個給特別的名字。我哋隨便嗌了幾款不同種類的和牛，價錢不菲，相等於一般中或者中上級燒肉店的價錢，不過在灣仔區來說價錢亦合理。牛肉的味道質素不錯，入口感覺即溶，但亦不會有肥膩的感覺，配上啤酒一流！另外我哋都食咗幾款海鮮，口感OK（不過可能我哋燒得耐咗😂😂)整體感覺舒服，店舖唔算太大，啱啱好，有少少日本舊式嘅感覺。最得意嘅係，聽師傅講原來店舖後面有個古井，好似係幾十年前嘅歷史文物，所以成個店舖感覺幾有傳統嘅風味。價錢方面，屬於中上價位，但係同區內嘅算合理，鍾意食燒肉或者鍾意一個舒服感覺嘅朋友可以試吓。

咁啱路過，見到新開張自己一條友入去試試，整體來講性價比高，嘢食算係有驚喜。佢呢度行師傅發板+放題，第一輪先上海鮮：鮑魚係師傅即叫即開，另外扇貝同埋油甘魚骹都非常唔錯，夠新鮮👍🏻第二輪上肉類：A四和牛係佢哋主打，不過份量有限制，另外個人比較鍾意個清酒雞柳，燒香左送Sake有feel。去到最尾見個肚仲有啲quota，追加左個雞肉同埋北海道豚肉，飲飽食醉… 老闆超nice過嚟飲咗兩杯，仲醒咗我一shot威士忌😂👍🏻