糖宮甜品專門店 (金巴利道)

营业中

休息中

今日係父親節，亦係孖鴨仔要離開香港嘅一天。好唔捨得佢地呢好多一家大細冒住熱浪同風雨，都要去到金鐘同孖鴨說再見。因為我都好鍾意孖鴨仔，所以都同先生快閃去到金鐘同孖鴨仔打咗卡。人山人海，天氣好熱，搞到身水身汗。先生好體貼我，就帶咗我嚟尖沙咀食碗透心涼嘅糖水啦！呢間位於尖沙咀金巴利道８８號嘅糖宮，原來喺大圍都有間分店，呢間係新開，樓高兩層。座位非常舒服，好適合一班人聚會，一人點一款甜品，開心分享！由於又熱又餓，所以我地都各自點咗兩款甜品齊齊食啦！菠多野結冰（暗黑亂入篇配黑涼粉），個名起得又幾盞鬼喎，哈哈！嚟到嘅實物同圖片上面一樣，個菠蘿好巨型，上面嘅沙冰、涼粉同椰汁撈埋食，味道又夾，真係好好好透心涼呀！跟住嚟個飽肚嘅即製榴連酥皮拿破崙，啱曬我呢個榴連控啦，榴連好軟滑，配搭好鬆化嘅酥皮，真係非常之正呀！好好食！食完凍嘅又想食熱嘅。我地之後再追加咗一個熱椰皇燉蛋白，真係令我喜出望外呀！蛋白滑捋捋，食咗之後感覺皮膚都變滑咗呀！另外再嚟嘅係南北杏雪耳燉木瓜，又係潤肺養顏嘅健康食品！餐牌上面實在有太多太多選擇，好多望落都好好味喎，點算好呢！又要先生再帶我嚟過囉！食完甜品心情即刻好返曬啦！

響理大行去尖東嗰頭大概10分鐘就到呢間舖! 琴日落大雨舖頭而且係晏晝四點左右，未有好多客人，甜品舖來講鋪面都好闊落，又乾乾淨淨，有兩層，第二層睇落都幾大。椰皇燉蛋白啲蛋白做得唔會太甜，而且好滑，食落啲蛋白同椰皇嘅味道blend埋一齊😋朱古力雪花冰比較驚喜，因為平時好少食到咁綿滑嘅冰🙆🏻‍♀，似食緊朱古力雪糕多啲🤣P.S同老闆傾咗幾句計，佢請咗我哋飲椰青水，佢話啲椰青水係新鮮整嘅，飲落好清甜，啱夏天解渴~🉑️再encore^^

每次喺尖沙咀吃完飯，總係唔容易搵到合心水食糖水嘅地方，最近終於有個好選擇啦👏🏻 大圍嘅糖宮甜品喺尖沙咀開左新分店，而且環境闊落舒適☺️一坐低老闆就推介佢地嘅椰皇燉蛋白，係每天新鮮燉製，咁就試試啦🥥 當店員送上時，椰香撲鼻😌 椰子同鮮奶嘅味道都相當突出，蛋白十分嫰滑😋 果然好值得推介👍🏻而嗰份抹茶紅豆窩夫伴抹茶雪糕 (雪糕可以揀其他口味喔) 外脆內軟，甜度調較得好適中。當日同我一齊食嘅好友係一位廚藝了得之人，佢話要適當地拿捏窩夫嘅軟熟度同甜度並唔係一件容易嘅事，所以呢份窩夫的確係佳作，我地都食得相當滋味❣️當日剛好無拿破崙供應，下次一定會再同朋友們一齊來大快朵頤🥰

食飽飯本身想同朋友去食下呢排好hit嘅榴槤雪糕點知行到去先知賣晒真掃興 好彩搵下附近邊度有榴槤甜品就搵到有人介紹呢間去到見到餐牌熟口熟面 原來係平時去大圍都會食嘅甜品分店榴槤椰椰原個椰王上嘅甜品 入面有燉蛋白 西米露同榴槤蓉未送到埋嚟已經聞到好勁榴槤味 食落好香濃因為真係好大pat榴槤肉仲有球榴槤雪糕 個雪糕就相對奶味比較重菠多野結冰透明人間篇 個名好頂癮 次次去親糖宮都會叫菠蘿雪花冰酸酸甜甜食落好fresh透心涼 仲有原片菠蘿配水晶涼粉朱古力心太軟心太軟好濃朱古力味唔算太甜 可以自己揀兩球雪糕新鋪呢度幾好坐又有打卡位老闆仲話遲D有機會帶大圍D貓過嚟 諗起可以邊吸貓邊食甜品就開心

近排工作太忙碌,一直都好想食D甜品開心下! 今日放工專登約埋朋友一齊慶祝生日，食完飯點都要有下場去食糖水甜品係尖沙咀食完晚餐行左陣搵到呢間糖宮, 就比佢個招牌吸引左, 而且身為榴槤愛好者既我地, 見到佢MENU上面有唔少榴槤類糖水, 就已經抵抗唔住啦!我地一人嗌左一份糖水/甜品, 大家再SHARE食, 有榴槤糖水,窩夫,雪花冰,心太軟,連熱食燉蛋白都有好開心!美麗蓮夢露榴槤果肉真係冇,得,輸! 配搭埋芒果西米露, 濃濃既榴槤果肉味道更加突出, 因為成碗西米露都充滿榴槤味加上近排係榴槤當造季, 香味口感真係好滿足!!! 另外一提個餐單亦好盞鬼, 叫美麗蓮夢露榴槤雪花冰二號既榴槤佳麗就係榴槤雪花冰! 同樣有一球榴槤果肉, 既Creamy又濃厚, 食一啖成個口腔就充斥住果肉同果蓉 ! 另外雪花冰水準亦都幾高, 軟綿綿, 亦充滿榴槤味道, 唔洗擔心淨係得果肉而冰冇味玉桂香蕉窩夫伴雪糕 (綠茶雪糕）窩夫唔會死死實實, 有煙韌度而且外皮都係脆脆既, 係平時我最鐘意既雞蛋仔邊框既硬度! 玉桂味亦都好濃郁, 岩晒我地呢班朋友, 個個都鐘意食玉桂滿滿的肉桂粉椰皇燉蛋白(熱)大家嗌既唔係凍既糖水就係雪糕同

🌸《糖宮甜品專門店· 甜品/糖水· 尖沙咀》-𝐅𝐨𝐨𝐝 𝐑𝐞𝐯𝐢𝐞𝐰 食評 🍉西瓜汁 $32原個西瓜榨出黎，無加任何糖水🥳小編食個日咁岩天氣熱辣辣，所以飲完即刻透心涼💖👍🏻正❗️-🧇玉桂香蕉窩夫伴雪糕 $48窩夫分量兩個人岩岩好🙆🏻‍♀️食落外脆內軟，送到黎嘅時候仲熱辣辣，好好食🤩-🧁朱古力心太軟伴雪糕 $62心太軟係小編至愛❗️識食一定要求勁流心❗️呢度流心度岩岩好❤️‍🔥爆曬漿，仲要唔會好死甜🙆🏻‍♀️老闆話係好多種朱古力溝埋一齊，試左好多次先調到而家呢隻味道🫢真係好好食，大推❗️-🧁榴槤椰椰 $70鍾意食榴槤一定要叫呢個😋 榴槤肉好多，真材實料，配埋蛋白同小丸子，真係好多種口感👍🏻❗️-每個地區都要有一個糖品落腳點，尖沙咀嘅話小編會推薦可以試下糖宮🙆🏻‍♀️足料又好食，老闆同店員都好親切，會傾下計講下笑，所以當晚好多街坊都特登叫外賣仲同老闆吹左兩句水🫢-📍 糖宮甜品專門店 @dessertpalace61 尖沙咀金巴利道88號地舖及1樓全層-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：🌸🌸🌸🌸🌸Revisit:❤️‍🔥-#hkfoodie #foodbitxh #food

天氣咁熱，食完飯後嚟個甜品🍧就最正啦～前幾日喺尖沙咀食完飯行左陣，發現糖宮開到尖沙咀啦(*ˉ︶ˉ*)唔洗再入到大圍先得到！ o(≧v≦)o今晚食左：🥥 椰皇燉蛋白 單點 $60加埋芋圓 $10天氣咁熱，一定係食凍既⁄(⁄ ⁄ ⁄ω⁄ ⁄ ⁄)⁄凍既仲會有焦糖面！ ！ 超紹邪坳(≧∇≦)蛋白充滿椰香，好嫩滑！ 加上焦糖面，口感豐富！食完之後仲可以食埋椰皇肉(*ˉ︶ˉ*)不愧係招牌，試得過！ 三色芋圓大大粒，煙煙韌韌，好正！ 即製菠蘿酥皮拿破崙 $62比較常見會係用芒果做拿破崙🥭～難得呢度有菠蘿，一於試試佢！同一般食開拿破崙唔同，呢度係用西班牙酥皮整成o(≧v≦)o非常特別，加上地捫菠蘿同埋自家打既吉士啊，味道好正！重點係，超級大份，一嚿仲大過我拳頭！ ！ (⁎⁍̴̛ᴗ⁍̴̛⁎)另外再加左個芒果雪糕🍦，$10 球～味道都OK(≧∇≦)唔會過甜！

之前同朋友去過大圍分店，估唔到今晚路經尖沙咀金巴利道俾我發現到他家分店。新店環境比大圍總店的要大好多，地下果層有open kitchen 同少量吧檯位置，樓上就超多梳化位置，以及不少打卡位📸，超闊落又有chill的感覺。店長還想打造像平時coffee shop一樣，盡可能不趕人走，讓大家安心看書、溫書📚，聚會👭🏻等。 ⦁ 菠多野結冰 $70聽個名就知店長改名有一手，仲有 “洛重西” 、 “榴酷瓏” ，風趣又幽默。菠多野結冰除了一個菠蘿🍍綿綿冰🍧之外，仲有三選一的小糖水（黑涼粉、水晶涼粉、西米露）做搭配。我地揀左暗黑亂入的黑涼粉。在尖沙咀用$70食到兩款甜品，CP值超高！👍🏻👍🏻👍🏻 ⦁ 椰皇燉蛋白伴湯圓 $70店員介紹凍食會有一層焦糖面，輕敲焦糖脆面配上超嫩滑的蛋白，口感好足！食落仲有陣陣椰香🥥味。另外我仲搭配湯圓三粒，餡有花生🥜、芝麻，當然選了雙拼滿足嘴饞的我。🤪最後仲可以食埋椰肉，清涼解暑！ ⦁ 即製榴槤酥皮拿破崙 $68他們家的拿破崙是我最欣賞的一款甜品，第一即叫即整熱烘烘上菜。第二用的是酥皮香脆而不割嘴。第三用上自家製吉士醬，再配上濃郁綿滑而海量的新鮮榴槤果肉。仲要比別家的份

📍尖沙咀-糖宮甜品專門店🍰⚠️咩話？糖宮竟然開咗喺尖沙咀！😍😍😍平時食開大圍分店嘅我 一聽到呢個喜訊即刻去咗尖沙咀呢間分店試！冇諗過都係一樣咁好食 咁高質🥹🔥🍞榴槤拿破崙 $64 (+$10 榴槤雪糕) 之前去大圍分店食過芒果拿破崙 覺得佢哋焗嘅甜品好驚艷到我！首先係熱辣辣嘅🥹🔥而且酥皮係一層層 咬落口勁有質感 再配搭埋榴槤雪糕簡直係冰火嘅組合🩵🩵而且不得不提嘅係佢哋嘅榴槤甜品都好好食！鍾意食榴槤嘅朋友仔記得一試(*ˉ︶ˉ*)🩷🍫朱古力心太軟伴雪糕 (曲奇雪糕 雲呢拿雪糕) $62 跟住就到心太軟！講真真係次次去都食😋😚又係焗到熱辣辣！雪糕我好推介曲奇味 因為佢係好有質感嘅嗰種曲奇雪糕😍😍😍正吖！加埋落去心太軟真係冰火組合~~🧊☄️大家下次路過尖沙咀嗰頭都可以去試一試佢哋最新嘅分店！👍🏻✔️食物份量同埋質素都好得！正喔！———📍尖沙咀-糖宮甜品專門店🍰地址: 尖沙咀金巴利道88號地舖及1樓全層

六月已經天氣好熱🫠 係尖沙咀街頭要搵間甜品店坐吓先得😮 呢間我之前係大圍食過 原來係尖沙咀開咗分店 急不及待咁過嚟食👍🏻 下午茶餐由兩點去到八點 啱晒我地又食又飲🥤椰皇燉蛋白呢個係呢間甜品店嘅招牌菜🥥 有得揀凍定熱㗎 我就揀咗熱嘅 一整個椰皇入面都係蛋白☺️ 真係好滑 食完覺得連皮膚都會滑啲 味道仲有啲椰青水嘅味道 之後仲可以𢳂到椰肉食㗎即製芒果酥皮拿破崙一層一層非常足料🥭 即叫即焗嘅拿破崙好香脆 仲好厚身 都幾推薦呢個甜品 酥脆外皮配上吉士醬幾正飲品下午茶餐都有7款揀 我揀咗芒冰冰同埋菠冰冰 即係芒果沙冰同菠蘿沙冰🍍 兩者都好適合夏天飲 簡直係呢個天氣嘅及時雨😉 兩杯都唔會太甜 仲要有爆珠增強口感 芒冰冰入面嘅爆珠係芒果味 而菠冰冰入面嘅係乳酸味 兩款都令沙冰更好飲呢間甜品店嘅拿破崙真係鬆脆得好令人驚喜😍 尖沙咀分店有兩層 所以都幾多位 食完飯過嚟食埋甜品先返屋企就啱晒🤪

深夜總是餓 想食甜品點算好🥲呢間原本喺大圍嘅甜品鋪 喺尖沙咀開左新分店 營業到深夜1:30架🈺️除左有中式甜品 仲有西式甜品 花款好多 而且仲係自家製🤩.📌椰皇燉蛋白(凍) $60先嚟試下呢到嘅招牌甜品 真係幾特別✨面頭有一層脆脆焦糖面 多左陣焦香甜味🍮內裏蛋白好滑溜 不過蛋同奶味都唔出 反而係超濃嘅椰子味 似係食緊椰子奶凍多啲🥥再挖埋爽口嘅椰皇肉一齊食 椰香十足🌴平時都數都係食暖嘅燉蛋白 凍食另有一番風味❄️另外加埋左一球榴蓮雪糕+$10 榴蓮味好濃郁 仲有一絲絲果蓉 值得試🥰.📌芋圓楊枝甘露(凍) $50楊枝甘露底好香甜 質感比一般厚身 有啲似食緊乳酪咁👅加埋面頭嘅芒果同柚子肉 更加清甜 係天然果甜味 唔係死甜藥水味🥭整體甜度唔高 但如果柚子酸味濃啲就更好🙌🏻芋圓做得唔錯喎 有咬口得嚟唔會太硬😚芋頭, 蕃薯同紫薯嘅味道都食到🤍💜🧡.📌玉桂香蕉窩夫伴雪糕 $48窩夫唔算好重雞蛋香🥚但口感唔錯 做到外脆內鬆軟🧇香蕉配玉桂 呢個組合 又幾夾喎🍌雪糕揀左朱古力 味道夠濃苦 仲有啲朱古力碎碎🍫配上窩夫面頭嘅朱古力醬, 糖粉, 玉桂香蕉一齊食 超正💯.📌即製菠蘿酥皮卷伴雪糕 $56呢個幾特別 佢係

還沒到7、8月暑假已經那麼炎熱，想吃點什麼消消暑。記得之前在大圍 糖宮甜品專門店 吃過透心涼的雪花冰現在想吃不用長途跋涉去到新界區，在尖沙咀也可以吃得到囉！位於韓國街附近，晚餐後和朋友來這裡吃甜品聊天剛好。樓高兩層，地下座位不多但都有卡座，不介意走樓梯的話樓上空間會更寬落。整體裝潢走工業風，有些位置亦很好打卡。個人來說幾喜歡面窗的高桌位置，可以一邊享用甜品，一邊Chill住看人來人往。和大圍分店一樣都是主打中、西糖水、雪花冰等，亦有2點到8點的甜品+飲品Set。菠多野結冰 - 透明人間篇 配水晶涼粉 ($70)不得不說店家改名很有想法 (笑) 還有一個價錢可以吃到兩個甜品！用菠蘿盛著的雪花冰吃落有淡淡的菠蘿味，透心涼的同時底下還有新鮮菠蘿肉。旁邊是加了椰奶的水晶涼粉和椰果，還有兩片菠蘿。不論是吃還是打卡都絕對值得一試喔！朱古力心太軟伴兩球雪糕 ($78) 點這個配了一杯冰凍解渴、甘甜清爽的新鮮椰皇水。心太軟是這裡的招牌之一，香濃朱古力蛋糕內是流心朱古力漿，讓朱古力味道更為濃郁，而且甜度適中。想吃起來甜一點的可配雪糕一起吃，選了雲尼拿和抹茶口味，這也增加了蛋糕的濕潤度，層次更豐富。

位於尖沙咀金巴利道88號地舖及一樓全層嘅糖宮甜品專門店, 主打港式及西式甜品。甜品店鄰近諾士佛臺, 又近理工大學, 想 chill 啲, 唔想咁迫, 又想食得咁趕, 呢間啱哂啦, 淺木色嘅色調, 又有少少水泥風, 地方乾淨舒適, 老闆話想造出一間可以比大家Chill Chill嘅地方, 慢慢享受甜品, 仲同我地講佢有一間房, 成200幾尺, 可比10-15人坐, 但暫時唔會對外開放住。甜品店上層都有打卡位, 喺大圍仲有間總店已經開業咗八年啦; 睇得出老闆無論係甜品嘅製作同埋店面嘅設計都放哂心機係度呀! 呢到既甜品款式都唔少, 由傳統嘅芝麻糊到現代嘅雪花冰都有, 酥皮拿破崙, 窩夫, 果汁飲品都有。椰皇燉蛋白(冷) - $60配湯丸 (+$10) 老闆大推呢個椰皇🥥🥚燉蛋白, 聽老闆講呢個椰皇燉蛋白係招牌嚟呀, 每日限量發售。有分凍 / 熱, 凍既話會有焦糖面, 加上天氣咁熱, 識食一定食凍啦,😋 我平時比較少食中式甜品, 我真心覺得值得一讚, 蛋白係放落原個椰子殼入邊燉, 完全可以吸哂椰子汁嘅精華清甜味, 椰味加埋北海道3.6牛乳🥛嘅味道, 香甜濃郁, 甜度適中, 蛋白質地嫩滑綿幼,

食完晚飯硬係要食埋甜品先叫做完滿😂，行到去金巴利道果邊，公廁附近有間地下連一樓嘅甜品店，見到個名咁熟，原來係大圍糖宮嘅分店，我哋上咗一樓坐，環境舒適，有不少打卡位，叫咗四個甜品，榴槤椰椰$70、榴酷瓏$80、半紅不黑（即芝麻糊加紅豆沙)$36及即製玉桂香蕉酥皮拿破崙$62，拿破崙即叫即整熱辣辣，酥脆香口，玉桂味香，吉士醬滑身不膩，加埋啲酥皮食好味😋推介👍🏻.榴槤椰椰，係用椰子裝住啲燉蛋白及榴槤西米另外再配榴槤雪糕，榴槤味香，配埋西米小丸子幾夾，而且增加口感，榴槤雪糕奶味比較重，唔係幾食榴槤嘅人應該都接受到.榴酷瓏即榴槤刨冰，賣相吸引，切開半個蜜瓜，上面放了榴槤刨冰，藍莓🫐及其他toppings，半個香甜蜜瓜🤤果心挖空，放埋滑遛遛既果凍，好滿足.至於半紅不黑，黑芝麻香濃滑身，配埋紅豆沙出奇地夾👍🏻，全無違和感.服務方面好好，店員都好有禮貌，環境又舒服，價錢合理，整體來講好好，值得支持.#甜品#尖沙咀#分店#中式#西式#榴槤#Durian#デザート#Dessert#ドリアン

位於金巴利道嘅糖宮甜品專門店，原來跳出大圍喺尖沙咀開左分店，仲啱啱開業添！裝潢以型格工業風，地下連一樓嘅位置都幾多，樓上有一列窗空間感十足！餐牌主打中、西糖水甜品雪花冰等，選擇都幾多！🍍菠多野結冰 暗黑亂入篇 $70 菠多野結冰好igable，用左成個新鮮菠蘿，裡面有清甜嘅菠蘿味雪花冰同美味嘅菠蘿肉，配搭暗黑亂入篇即係涼粉加椰果，加左D椰奶令涼粉更滑溜同好味！冰冰涼涼啱哂夏天食！🍢糖不甩 $38好耐冇食中式甜品，見倒menu有立即叫黎食啦！糖不甩重頭戲係花生碎、椰絲、砂糖等粒粒碎拌住大大粒煙韌嘅丸子，軟糯甘香超好味！推介！糖宮甜品專門店📍尖沙咀金巴利道88號地鋪連1/F全層