糖山莊 (已結業)

住附近想食糖水但怕人多又坐唔耐，呢間唔錯，不過位置真係偏避d，唔係朋友話我知都唔知有呢間舖。之前食過佢心太軟好好食，夠熱同流心。今晚無食飯所以就試左佢幾個熱食，蕃茄意粉麻麻地無咩蕃茄味，茄汁味重d，白汁意粉就好食好多，鍾意佢個胡椒味令到成個意粉味道變得豐富。另外仲叫左個柑桔檸檬沙香，好大杯，黎到已經有少少溶，唔會有一粒粒冰，攪得好溶，又唔會太甜，好味，之前飲過白桃沙冰都好味，青蘋果沙冰個顏色就古怪d，係螢光綠。朋友叫左白桃乳酸，佢隻乳酸奶味比較重，我個人唔係幾鍾意。

都唔明點解啲人講到咁差，本人就覺得係一間良心有heart親切嘅甜品店。首先要讚嘅係楊支甘露，夠特別...唔似出面食開嘅甜品店用西米咁冇特式，改用爽爽珠來增強口感，非常特別，又足料👍🏻👍🏻其實有次都聽過一位客人問店員點解腐竹糖水冇雞蛋嘅！？而店員都好客氣地解釋佢哋係用蛋白代替，所以名為"腐竹蛋白糖水"，並不是"腐竹雞蛋糖水"，咁又冇錯bor...所以我哋做顧客嘅都要睇清楚menu先好落單。大家支持小店💪🏻💪🏻你哋要繼續努力發掘新甜品

甜品份量不多不少令你肚子豐滿甜品品質新鮮食後令你難以忘懷服務態度親切友善令你賓至如歸出品速度快又亁淨令你絕不耐煩店鋪裝修感覺自然令你……………仲然知就超級好味delicious

買咗一個楊枝甘露同埋腐竹糖水，首先楊枝甘露入面正常應該都有西米，但係一粒都無，無錯係一粒西米都無，芒果數過係得四小粒，另外再加碌柚，再加一堆糖水，每一啖都食唔到有料。至於富足糖水啲腐竹都煮到散晒都算每啖真係食緊水咁樣，咁點解我要落去糖水舖買唔自己係屋企煮呢？最衰嘅就係外賣拎左返屋企又懶得拎返落去同佢理論，其實買外賣最睇到佢哋整嘢食嘅誠意，係咪諗住外賣拎左返屋企之後打開求其食完就算，希望佢哋睇到呢篇食評嘅之後可以改善一下佢哋對外賣的質素及誠意。

腐竹雞蛋糖水的腐竹勁碎，好少料，白果得兩粒，雞蛋直情無出現過，成碗水咁，簡單的糖水都做到咁，成個順利得佢一間，無選擇無競爭無誠意，唔會再幫襯！劣評！名符其實的糖水，糖加水！

本身唔諗住寫的 實在係忍唔住喇 買左兩碗 一碗係哈蜜瓜黑珍珠（即蘭香子）一個係爽珠  問佢（員工）係咪會爆汁嗰啲？ ：呢個唔係爆珠 已經講係加多個糖水 後來又用責怪語氣話 ：哦 你係要兩個嘅 。。。。糖水 太甜 個底真係用純糖水浸 唔係咁老套牙嘛 爽珠並吾係貢茶嗰隻寒天 但餐寫明係寒天類 救命呀 係膠粒咁嘅物質 到蘭香子 一睇係知用劣質蘭香子 講番時間方面等左幾耐下 以為可以食到新鮮即浸蘭香子 都係無口感 底下嗰層仲要成層都係水尼 係糖水 好勁甜呀 講水果 瓜爽口 不太甜 藍莓得五粒 普普通通 姐係睇得出都唔係咩好野 （爛頭微黃頭）普通水果咁 唔會再買第二次 其實尼買都係因為見到6個好評 應該唔差wo..何來六個好評丫 要寫好的話就係裝修唔錯 有錢就可以開舖頭 水吧前面個牌寫住大大隻領匯 oh我的順利邨 仲有就係兩個糖水每一個外賣盒分別加一蚊 可以入microwave架 幾好 $21 $27 咁就48

見到有新開嘅甜品店,咁啱又喺屋企隔離,嗰日游完水就同屋企人去試下。我叫左一個宇治金時,真係好好食!平時出面嗰啲宇治金時,雪糕下面嗰啲冰係無味嘅而呢間嘅冰係抺茶味嘅綿花冰,啲紅豆又煲得好食,成個甜品好夾,好好味。另一個唔知咩芝士咩鍋巴定點,我有圖LOL都好好食,第一次見呢款甜品,啲餅脆脆地,配芝士再加一球雪糕。店員服務態度又好,鋪頭新開店面好乾淨,食得好開心。

今日食咗芒果糯米糍($24 有3粒)宇治金時($36) 芒果糯米糍外層夠晒軟綿綿又有椰汁味，芒果餡亦好味，good宇治金時綠茶綿花冰做底，加上綠茶雪糕，紅豆同小丸子綿花冰軟滑又有好濃綠茶味唔會淡，其他配料亦好好，實在係perfect match.呢個甜品好睇又好食，份量又夠絕對值得支持嘅小店宇治金時 - 驚喜之作  

今日，帶囡囡上去順利村探朋友，食完晚飯後，朋友話我生日，就話請我哋落去商場食特色甜品，心諗，甜品來來去去都係咁㗎啦，有幾特別？遠處望，見到個招牌叫＂糖山莊＂，內裡環境都唔錯，朋友推介，一定要試個心太軟，我哋四個人，就叫咗心太軟$35，鮮果泡芙伴雪糕$30，芒果白珍珠奶凍$28，隨意$30，芒果撈河$26，個靚女話心太軟係即焗，要等10分鐘，所以大約10分鐘後，所有食品一齊上，一上枱，我個小朋友嘩一聲，見到好鬼開心，大家一齊食，個心太軟雖然個心甜咗少少，但好正，個芒果撈河好香椰汁味，我問佢哋係咪街市果啲河粉，佢哋笑笑口話係（講笑啫）。個泡芙內裡夾住個雪糕，外脆內凍，好鬼得意，而個芒果白珍珠奶凍，個奶凍軟得嚟又滑，配白色珍珠又有咬口，加埋芒果粒同芒果汁，簡直係絕配，最後要講就係個隨意，我朋友問點隨意法，店員就話，你隨意揀雪糕，如果你唔想揀，就我哋師傅幫你揀，好，就比師傅仔揀，原來係涼粉底，有啲白珍珠，一香芋一曲奇，有西瓜，有蜜瓜，好豐富呀，今晚甜品真係食到好滿足，唔怪之得啲人話食甜品可以食到咁開心，原來就係咁解~仲有，朋友話真係好彩，原來今日開始，食滿$40就蓋一個印花，集齊10個，當$3

今日放假 同家人食完飯 回家路中 發現屋村新開左一間糖水舖橫掂無野做 咁就叫埋屋企人一齊食 入到去個裝修好好 好舒服 咁坐低 叫左個芒酥拿破崙、 6粒芒果糯米糍 、心太軟、同埋楊枝甘露等左大約15分鐘到 就出晒 都好快手下我地首先食糯米糍 個糯米糍 都唔錯 又夠凍 佢埋地同出面唔同 佢地係上面加多左蛋王醬 同芒果 加起黎食好夾之後就食 芒酥拿破崙 。 好特別 塊皮聽老闆講係用腐皮做 食落超脆 同芒味十足 仲要跟雪糕一個 都係$32 好抵食好 再食心太軟 賣相好靚 好似係酒店食咁 味道都好好 朱古力味濃 又唔太甜 同埋又跟一個雪糕 $35又平又好食!! 正!最後係食楊枝甘露 食落同出面啲糖水舖好大分別 芒味重 同好多芒果粒 一食就知好足料!!正 下次會約埋朋友一齊再去

好好食!!!推介果日我啱啱放學,於是約埋同學去糖山莊食(因為係學校上面),去到咁啱冇人,因為係晏就1:00。一入去就聞到勁香蛋味~~我地叫左兩個楊枝小丸子雪糕球($28),好快就到。好好食,重芒果味!又嗌左朱古力綿綿冰($36),一様yummy最後我地唔夠飽再嗌多一個心太軟伴雪糕($35),一整開,D朱古力流唒出泥,流心Feel!!!,不過食到最後我地覺得好甜,嗌左個椰汁紫米露($16)清一清口。一定會再幫襯,又平,老闆又nice,見我地著校服,比折我地tim

呢款普普通通,但勝在夠凍甜度剛剛好！屋村價＄，還可以喇呢款分別有３粒同６粒咁嗌．．．我地人多所以嗌左６粒芒果味好重如果可以再凍ｄ就完美喇喜歡榴槤的我，每次去試新的甜品都會試下糖水店的榴槤糖水呢款叫「愛槤」．．岩哂愛榴槤之人！