紀文 (已結業)

好啦好啦, 今次第一次寫食評 寫得五好就請多多提點;) 住係呢區咁耐, 第一次去呢間食. 今日去五多人, 即刻有位, (星期六日建議五好去, 實在太多人. 今日都以旅客居多, 因為帝都酒店正正係隔離) 野食都算幾多款, 有飯, 烏冬, 仲有蕎麥麵.我叫左個自選炸瑕餅烏冬, 個自選瑕餅有六個味, 我要八爪魚味. 無野飲, 得個烏冬, 30大元都算OK啦 係一田呢D地方八爪魚炸蝦餅味道一般, 但係個麵都幾好食. D烏冬五係好似平時個D, 係扁扁地, 口感都幾煙韌.五知係咪因為我細食, 所以食五晒, 我覺得碗野都幾大下整體都OK 賣相OK如果對食野五係話有太大要求的話,呢間都幾啱架

話說今日考完試，得閒又無聊之下，來到新城市走一走。新城多好野食相信個個都認同，其中一間就係紀文。今次小弟試既係咖哩豬扒飯，有一枝水送，40元啦! ( 我覺得都ok 既，相對新城市其他食店來講)點知食落覺得正呀!!!雖然個樣出品唔太令，太多汁cover 在豬扒面，搞到件豬扒d皮諗左少少。 呢樣扣左分但當我打橫影件豬時，嘩 好正!! 件豬扒無肥架!! 以往我出去食親既豬扒飯，不是質地很粗糙，就是充滿肥肉，食到好無癮。而家呢個，40元價錢食到咁既豬扒真係好難得 ( 可能我出街食野少......) 加上d 咖哩味甜香..... 真係令我好難忘。

從小至大, 我也很喜歡吃日式魚餅 (太太說是浮板). 路過沙田, 及發現了紀文, 不可不試了.只叫了一個蝦餅烏冬, 加上幾粒魚蛋, 再加一罐汽水, 總數 $55, 下午茶來說的確是貴了一點.相比起日本的魚餅, 香港的少的一份誠意... 就算不是即製也不打緊, 不要叮熱吧... 蝦餅又剪碎了... 我還是喜歡在日本那些, 找一支竹籤串著私風味... 老實說烏冬不太好吃, 味精湯很難頂, 睇在紀文魚餅的臉上, 我把它吃完了... 而魚蛋方面, 有點似煎釀三寶那些, 不過加入了不同的饀料而已, 又是叮熱... 脹了又縮回去, 你也知道賣相有多好了...如果想吃魚餅, 我還是去一田, Apita, 等地, 買一份紀文回去煮吧...

老實講都幾慚愧，喺沙田做野都快三年，反而寫這裏的食評甚少，今後要認真一點！講返正題，沙田市中心有咩好食呢？搵食確實方便，連城廣場（應該叫2／F）FOOD COURT、新城市廣場一期7樓及1樓、好運中心外圍的食店及一田百貨的FOOD COURT，這裹都是比較集中，比較多選擇的，但當然還有其他零零碎碎的（例如RUBY TUESDAY），基本上各式其式，任君選擇。不過對於打工仔而言，莫非中午也吃個百元賣單的銀座梅林？其他一般的動輒也要四五十蚊賣單的。女士們吃得不多，又唔想日日都食差不多的東西，除了帶飯，可以食咩呢？紀文就係周圍試下試下的其中一間。一田FOOD COURT中，很顯眼的是賣炒面燒餅的，它後面就是紀文。紀文賣的是日式蓋飯、日式炸魚蛋／片、關東煮、漬飯這些簡單速食。類別款式不多，但價錢大眾化，一個咖喱吉列豬排飯才＄34（現在好像又加了一點），但來這裹，我近來都是吃關東煮。一個簡單的7種料的關東煮才＄24，可配個靚仔＄6變成漬飯，我叫的豆乳關東煮有10種材料＄32，價錢相對貴一點點。開放式廚房，即叫即執，不用5分鐘就有得食。傳統的福袋、竹輪、魚餅、沙魚蛋、椰菜卷等，加有少許雜菜，豆乳味

呢日同d fd來 沙田food court 食野,,4個人, order左:咖啡烏冬x燒飯慢魚飯關冬煮烏冬d 店員幾nice, 拎左幾個碗4個齊齊share 食..本人覺得咖喱烏冬最好食,,d烏冬彈牙到呢~~配理個咖哩d湯汁,,十個正!!!!!x燒飯都好好食,,d肉好軟好香

四月三日 (星期日)到沙田歷史博物館看PIXAR EXHIBITION之前,吃個QUICK LUNCH我們都是它的卡通FANS知道有這個EXHIBITION就立即要去由港鐵站行到一田在FOODCOURT找點食物我先去買食物見到紀文有個雜錦豆乳湯烏冬,一於試試當然是被那個特別的豆乳湯底吸引配料有魚餅,魚蛋和年糕等最喜歡的是它的烏冬,非常彈牙豆乳湯底也比想像中好,相當香濃四十多元一個烏冬不很便宜,質素卻高,推介!

同朋友即興食飯，兩個女仔中午想食清清地，行過一田見到紀文，就決定食烏冬。呢間紀文係food court一部分，要坐係food court嘅公家座位。Food court 午飯時間都唔算好爆，搵咗一陣就有４人位，可以坐得鬆動啲！左睇右睇，終於揀咗＄３４嘅日式叉燒烏冬，唔包飲品。比完錢等叫號碼，由於客人唔多，等咗２分鐘就有得攞。烏冬唔錯，幾滑幾彈牙。湯底係清湯，份量ＯＫ，味精唔多，不過好普通。碗內有紫菜，浸到腍腍地但有丁點兒爽口，不過就無咩紫菜味！仲有塊魚肉，又係無味的！最好味都係叉燒，薄切，質地軟熟，幾香豬肉味，吸埋啲湯就 very good。另外試過朋友的關東煮，每一件的味道都好獨特，清淡得來唔會覺得好寡，但就無咩烹調功夫可言啦。整體上，覺得啲食物自己都識煮！服務方面，呢間野真係唔周到。呢到係food court，所有餐廳提供的服務已經欠奉，呢點是明白的。但都可以提供紙巾下話...整體感覺一般，有其他選擇的話都未必會再來。

一個星期有2~3日出去食lunch因為貪方便,多數在附近食,但有時會用10mins時間行去一田食今次食紀文ga日式叉燒飯無錯,我記得個汁是甜的,不是咸味,都岩我口味!!d叉燒算多,係半肥瘦的。對於我呢d喜愛瘦叉燒口味的人,都接受到。就份量而言,叉燒起碼有6塊,覆蓋哂d飯。要彈的是,飯煮耐左,硬了d呢個飯$32,算係咁啦,仲有碗湯飲下,唔駛淨係飲水

佢地 D 野食唔夠熱囉 ! 尤其係飯呀 ! 我諗真係唔再黎一田呢面幫襯呢 度 D 舖呀 !至於個烏冬.... 出面求期搵包稻庭烏冬都好味過佢多多聲 !不過...... 我明既, 廿幾蚊, 你仲要求得 D 乜 ???

雖然已經plan定食下午茶Buffet，但十二點至兩點呢段時間，食野依然都係有需要做既事。之後就叫左一個咖哩吉列豬扒飯填肚啦。一食落去已經知出事。咖喱得個暖字，豬扒已經漸凍，珍珠米都差無幾。望向廚房位，D人係將D食物翻炸既，咁真係熱氣死Ga BoR@@"食完之後心諗:點解唔去mos burger買咖喱熱狗咪okay囉......

嚟到沙田foodcourt，好似間間都好熱氣咁，又唔想食漢堡包又唔想食sushi，諗住食餐正經飯，睇佢價錢都唔算太貴，所以選擇咗呢間。不過以後都唔會食佢lu佢當日推介嘅蜆肉帶子烏冬：個汁唔記得咗係咩汁，淨係記得好咸！係激咸！連個烏冬麵本身都係激咸！可想而知咸得有幾厲害。蜆肉，細粒到好似海味舖啲旺才咁。帶子，有1粒。味道，咪又係咸囉！滑蛋豬扒飯：咁common嘅嘢，都冇期待佢啲乜嘢架啦。點知食嘅時候，又真係比到驚起我。個粉皮已經比個茨汁(唔係滑蛋，唔好誤會)浸淋咗，算！我要求唔高。睇落塊豬扒好厚，咬落去個粉皮厚過塊豬扒(其實塊豬只得0.5mm)。仲要塊豬唔係豬扒，而係所謂嘅再造肉豬柳，即係人地攞嚟整麵包嗰啲。味道一模樣：咸囉！拆咗塊粉皮，有一匹布咁大。雖然價錢唔係話貴，係沙田呢個地方。不過咁樣有欺騙顧客嘅成份，連呢三十幾蚊我都覺得唔值！奇怪竟然有人覺得佢掂！？！

朋友介紹呢間個滑蛋豬扒飯好味於是叫左1客,連麵豉湯 及 茶, 承惠$32滑蛋豬扒飯 -- 即叫即整, 睇住佢將脆卜卜吉列豬扒放在蛋上面煮,之後滑落去碗飯上面 豬扒個面仲係脆, D麵包糠烤得鬆脆香口, 肉味亦OK 滑蛋 & 汁都幾好湯&茶都係好正常會再食D吉列豬扒!

上次來己是成兩年前, 今日來到新城市, 又不想食包, 又不想食壽司, 決定再食多次關東煮及烏冬~叫了一個關東煮烏冬; 未食過日式义燒飯, 也叫碗一試.等5分鐘喇.好采大豬女友已找到位坐, 不然攞住盤野都唔知行得去邊.义燒上有點汁, 一試, 咦, 汁略過甜, 但义燒是半肥瘦的, 肥瘦分佈卻是一邊肥另一邊瘦....飯則唔錯, 好采~關東煮烏冬都幾大碗; 關東煮每款都有d, 烏冬很標準, 彈牙, 也不錯.湯底是一般關東煮的清湯, 喝一口, 味也正常.义燒都是仍要改善, 但此店的關東煮始終都值一試.

汁燒雞飯: D雞好少..好似是但擺幾粒係面咁..食落又唔似雞肉..似腸仔多D.. 唯一係飯好多.. 我食左半碗已經覺得好飽 但$34食個咁ge飯仲要唔包野飲真係好唔抵..又無套餐俾人叫試一次都夠

My friend and I decided to have our lunch in Shatin's food court as we could discuss and plan our coming up Japan trip in the open seating area. The food court was very squished that it was pretty hard to find a spot to sit on. What's good about the food cout is that cleaning ladies were very efficient in cleaning up the tables. I went around the food court, trying to find some less oily food. There weren’t much choice available in the food court, mostly fried food. Later I found 紀文 and judging