紅磡冰室 (已結業)

本身打算嘆個早餐開始美好的long weekend，但表示起唔到身…唔緊要，食常餐！差不多12點去到，冰室已經好full，要搭台。一坐低要馬上order是常識吧~在冰室食野，服務也...沒有什麼要求了～我同朋友叫左兩個常餐，分別係茄牛通粉同埋沙爹牛肉公仔麵，跟蛋（炒蛋or煎雙蛋），包（牛油包or蒜蓉包），再跟杯野飲！滿足！番茄牛肉通粉，高質素！番茄味濃，湯絕對係唔稀，飲落鮮甜。牛肉好嫩，而且分量都唔少，唔係得一兩塊。沙爹牛肉公仔麵，沙爹味好出，不過略嫌比較咸，牛肉分量也是不少！公仔面我覺得比較硬身，本人不太中意，但岩朋友口味~炒蛋配多士，炒蛋表示係正常炒蛋，不過不失。但多士好食！無論係牛油定蒜蓉多士都好香同埋好軟熟。特別推介蒜蓉多士，蒜蓉味香到連隔離台都聞到，haha.再加杯熱奶茶，如何不滿足！下次再去食！

朋友講過"紅冰靠得住"， 講緊既係佢地既野食，佢講到咁，就一於試下佢。灣仔呢間分店其實位於鵝頸橋同Times Square附近，好易揾，依家如果黎銅鑼灣同灣仔又唔知食乜，好多時都會選擇佢。# XO醬豬頸肉炒公仔面 # ***** ***** 10/10咁既價錢，咁多既份量，咁既質表，抵比10分，豬頸肉又多，又爽，面唔洗講，更加多，面夠爽口，醬量份量充足，好滿足到我咁重口味既喜好。# 魚香茄子炆米 # ***** * 6/10魚香茄子炆米，無乜魚香味，茄子係多，但無左魚香就差好遠。其實整個份量都係多的，同埋佢地開到好晏，係深宵既選擇。

我一黎到 坐底，趕時間就話同對面客人既餐一樣，事後我望清楚之後 先知道有蒜蓉係多士上面，叫個伙記改個order，佢大聲夾惡，話頭先唔係話要一樣咩，大佬我得罪佢全家？整過個包姐，有幾難呀？我呢世都唔會再黎

話想有日做完 Facial，經過呢間見近近地，又多啲野食，入去食個 tea。超級後悔，早知過隔離食燒鵝，反正都係唔洗排隊。入到去望完餐牌，成間餐廳都係侍應，但叫餐就無人理，個個懶懶閒，誰不知個廚房仲衰。叫左個咸魚雞粒炒飯，加凍奶茶少奶。 2分鐘齊晒，心知不妙。先講奶茶，叫左少奶但都仲係一啲茶味都無，仲要係得個死甜。到個咸魚雞粒炒飯，個樣好似正正常常，粒粒分明，唔油，但重點係成碟飯都係凍冰冰，食落口咬落全部飯都係硬，就知道最少擺左20分鐘以上，去問職員佢話炒飯係甘架啦！唔會即炒，係夾單先開鑊炒，擺喺度凍左，好正常。唔滿意換過碟比你囉！去得茶記，就係為左食即煮熱辣辣嘅野食，如果晨早整好擺喺度，有客就裝比佢食，連翻熱都無，甘同快餐店有乜分別，甘樣心態做野，唔洗再幫襯。

和同事們食餐，自然要食便宜特餐～好香蒜蓉啊，烤得好香好厚身，炒蛋夠香好滑，叉燒多块，通粉爽滑蛋黃味夠香，蜆肉夠多，配埋肉碎好惹味，湯汁濃郁，這個泡飯午餐大大份，抵食

今晩放工已經9點幾，肚餓到打鼓，重有d暈眩，匆匆忙忙走入餐廳，係第一次的幫趁點叫濃香星洲炒米，涷〇茶端上來的星洲米，好大碟米粉呀，白雪雪的，好似烚熟甘，吾好講濃香，連味道都冇呀，因為實在太肚餓呢，揚手要辣椒油，差不多用了半樽，也無補於事...蝦有腥味，火腿少許，旦絲兩三條...勉強食左三箸，實在啃唔落，太難食呀！埋單$68 + ＄9凍飲縂之，食到一肚氣，永不再來後話： 付款時，順便告之收銀員，星洲米難食呀...她沒有道歉，反而回應：「我哋呢度樣樣都好好食架，除左，星洲炒米呀！」今時今日，如此服務態度...

红磡冰室早已经走出来红磡，作为比较小型的连锁茶餐厅品牌还是不错的，之前炮台山分店去过几次。铜锣湾分店交通非常便利，坐叮叮车到铜锣湾，过马路就是。饭点的时候生意也是很好的，餐厅装修的还可以吧。餐牌看着可选择的东西也不少。点了番茄牛肉饭，炒饭配奶茶，冻汽水。上菜速度很快，分量也还可以吧，口味么没太多亮点，不过不失吧。服务态度还可以。

每次去紅磡冰室都係食早餐/午餐，出面排哂長龍，今晚試下食小菜😜估唔到又幾好味wor! 每日小菜都跟白飯例湯，小菜就叫左咕嚕肉，牛柳粒，花膠海鮮煲三樣，強烈建議大家叫佢廚師推介菜式，因為最好味！個花膠煲好足料，辣辣地好開胃順利講下其實waiters 同waitresses 服務正常，只係無咩表情唔會笑太多同埋已經練習左multi tasking 所以唔望住你都落到單😂都ok la 唔係個個係咁！ 推介推介推介！

由於我公司同呢間鋪頭好近，所以成日都係食呢間既早餐，佢個服務都幾好，可以打電話去叫定先，去到就唔駛等直接攞。佢啲早餐好大份，我最鍾意食佢個吉列魚柳餐，嗰個套餐每次都有兩大塊魚柳，而且係即炸嗰種，好有誠意😂，而啲炒蛋簡直係世界級炒蛋，好好食，炒得好滑，仲有2塊大多士，幫你查埋牛油，脆當卜，呢個早餐真係飽到震，加埋杯凍鴛鴦就perfect池。不過飲過呢度嘅茶走就真係唔太好飲，好澀喉，而同事飲過杯齋啡都話好酸，所以都唔推介大家飲。

入坐時，我已說明2位，員工已安排我坐car 位，但同一個員工再行黎問我「有無人呀」，我心諗咪話左比你知2個。再第三次行埋黎問「幾位？」。咩事呢？🤔🤔🤔唔理佢喇，叫野食先，食物質素算係ok 啦，但未至於好好食，個蒜蓉包係淋嘅，好奇怪😑。最後就係d野未食完，有2個員工成日行埋黎要收碟，做咩事呢？😑😑

已經唔係第一次食紅磡冰室，嘢食麻麻，但係因為近所以一兩個禮拜都會食一次。不嬲都覺嗰度啲服務員態度唔好，碟嘢嚟到會大大力放個碟落你張枱度，太耐未嚟你催佢一次佢又唔show你，催兩次佢又會好唔耐煩咁啤住你話已經跟緊。最離譜嘅係上次一早嚟咗嘢飲，但係碟飯就遲遲都未到。等咗20分鐘我就催咗一次，佢話等等，到30分鐘都未到我就再催多次。最後我足足等咗40分鐘碟嘢先嚟到。大佬你炒碟飯駛唔駛炒40分鐘？個餐牌已經由午餐變下午茶啦！碟飯嚟到點知個惡夢仲未完，食食下突然聞到陣燒衣嘅味，陣味仲越嚟越濃。唔知係出面有人燒衣定係啲店員為舖入面嘅關公裝香，總之陣味就係令我唔舒服、好想作嘔，食到我成肚氣。我琴日病咗，晏晝就諗住近近地嚟買外賣自取。跟餐寫明有嘢飲，我就嗌咗熱檸蜜。我不嬲都知好多舖頭檸蜜都要加錢，但係通常侍應都會講加幾多錢。咁啱因為琴日狀態唔好就冇問到，就畀咗錢。我等下等下突然醒起好似冇咁貴，我望下張單，檸蜜佢竟然加咗我$12！我即刻同佢講話加咁多唔飲檸蜜轉檸水，佢就話已經整咗唔畀我轉。我check返餐牌，佢熱飲唔駛加錢、凍飲加$3、特飲加$8、特飲加雪糕加$12。我心諗一杯熱檸蜜你唔收我熱飲價錢都算

紅磡冰室嘅滑蛋真係滑 好creamy佢成個常餐嘅package 真係啱啱好有呢個瑞士汁雞翼炒公仔麵個瑞士汁又甜甜地拎黎炒公仔麵都好夾而且雞翼煮得啱啱好唔會太老所以我次次黎食都係食呢個常餐

因為之前小女去過尖沙咀食紅磡冰室的分店，當時食得好滿足，今日我和家人試下銅鑼灣這間，之前running man 韓國節目都經過這裡拍節目好快就攞到位，這間超大間，有兩層炒得好香，配菜有蝦和火腿條，辣椒條等等，但唔知是否炒得太耐，米粉炒得太碎，而且鹽散得不均勻，有時食得淡有時好鹹上面菌類，食落滑流流啊下面系炒飯，飯炒得有些干，而且食到飯有些不太熟好多排骨，超足本，蒸得好香，有豆豉和蔥花的惹味南瓜好綿超香

和朋友來個快食晚餐醫醫肚，經過這間就選這間吧！大家都不太肚餓，快速點了一個脆脆炒麵$58 share食。上枱正正常常好像不錯，看見也覺得少少肚餓，一食，我們兩個都面有難色的呆了，沒有味道的？不約而同問大家，”冇味既？” 奇怪地再試，真的是零。味。道！What??? 不是健康的淡味，是廚師忘記落任何調味料的情況，真的一點味道也沒有。不誇張，有的只有油味，那浸滿油味的炒麵味，直接也要說一句，真的好難吃。我們並不想做麻煩的食客，但也禁不住問了侍應哥仔一句這碟麵沒有味道喎，他只簡單回了兩個字:”係咩？” 沒有其他回應，無言，好吧，我們又問了他拿醋和鼓油，拌著吃還是好難吃。不知道是否我們太黑仔，遇著個大頭蝦廚師忘記下調味料，還是食物質素一向如此，但這間冰室我們不會再來了。

和好朋友一起上堂，在上堂前想吃少少東西，於是到了這冰室share一個「脆脆肉絲炒麵」。首先，它是一點也不脆的！但它叫「脆脆肉絲炒麵」！完全被個名欺騙了⋯另外，麵底明顯沒加任何味道，完全是沒有任何味道！只有油淋淋的感覺！不是我一人覺得，我朋友也是這樣覺得。連肉絲也是一點味道也沒有⋯⋯即是無醃過⋯我們忍不住，叫侍應給我們豉油和醋才吃得下一點⋯ 最後我們兩個人還是吃剩一半⋯⋯之後還有很膩的感覺⋯⋯幸好我和朋友是share 一個，否則中兩個伏⋯⋯