紅磡冰室 (已結業)

好久沒有食物過茶餐廳啦！一黎到當然要叫個常餐食下。（本人叫了兩個常餐C $44/set，本人覺得有點貴。。。@_@）嫩滑炒蛋 & 牛油多士炒蛋好好味，真的很滑，而且又有半熟的感覺。厚厚的多士同樣好食，鬆鬆地又軟軟地，中間一層薄薄的牛油好香。瑞士雞翼撈公仔麵雞翼好香，好軟，沒有紅色的。公仔麵是撈豉油汁，又香又甜，就好似兒時食的豉油撈飯的味道！香煎豬排撈公仔麵公仔麵同以上的一樣。豬排煎得好軟。整體上本人覺得唔錯，最好味的是牛油多士與嫩滑炒蛋。

食開紅墈冰室嘅午餐，比我嘅感覺係廚房有心煮餸，整體水準唔錯。唔知晚市小菜又係點樣嘅呢？今日一於走去試吓。椒鹽魷魚：先講賣相，確實係幾唔錯，而茶餐廳質素依然，可以拎滿分。味道方面，蒜蓉炸得香脆，魷魚嚥靭，外皮炸得香脆，但唔會太厚。唔會太鹹，可惜辣味唔係好夠，但係整體而言係幾好食。魚香茄子煲：煲仔菜當然係貪佢夠熱夠鑊氣先至叫架啦。有時候，去到一啲大型連鎖快餐店order咗煲仔菜，但係竟然唔係滾住上。呢度嘅煲仔菜就唔同啦，以我叫嘅魚香茄子煲為例，上枱嘅時候仍然係滾住嘅，香噴噴，香氣令人想食多幾碗飯。賣相方面，麻麻地。味道方面，魚香唔係幾夠，但係咸味同埋辣味嘅平衡做得唔錯，唔會太鹹，有唔會太辣，算係幾啱一家大細食嘅一個魚香茄子煲。不過，叫得煲仔菜，最主要都係食佢個鑊氣嘅者。菠蘿咕嚕肉：唔講咁多，講下賣相先，攞滿分！presentation好似酒店嘅中菜廳咁樣，茶餐廳做到呢一個水準係難得一見，抵讚！ 口感方面，豬肉炸得夠火喉，外皮香脆，可惜嘅係太多骨。配料唔會話炒得太腍，洋蔥同埋三色椒都保留著一定程度嘅脆口，就好似食緊沙律嘅洋蔥一樣咁脆。味道方面，甜酸味道夠balance，最重要係唔會話太酸，啱

機緣巧合之下，被安排去紅磡做research. 然後見到間茶餐廳都有幾隻貓仔係度排隊咪入去試下甘囉。😅叫左個F餐： 芝士番茄濃湯螺絲粉($32)＋9蚊 轉奶油穌 ($41)1) 番茄濃湯認真好俾貨 🍅酸甜得宜夠稠糊  ;  2) 奶油穌 新鮮熱辣辣  又鬆化又香口 超出預期囉；3) 奶茶夠濃n滑  值4⭐呢間冰室值得一試呢

中午的紅冰，依舊多人。雖然環境較為迫夾，但無阻我哋一齊食好西。豬扒撈公仔麵：超水準！瑞士汁公仔麵，al dante，有咬口但唔係爛溶溶嘅公仔麵，瑞士汁甜甜地，但唔會過咸，香味濃郁，好好味。豬扒好淋，但係唔係煎到乾晒果種，仲係有肉汁嘅，相當juicy，最緊要係無渣。總括嚟講，塊豬扒幾靚同埋火候啱啱好。炒蛋同埋蒜蓉多士：【由於太肚餓嘅關係，唔記得咗影相，so sorry !】炒蛋：好creamy，應該落咗唔少牛油炒，聞落好重奶油嘅味道，同埋食落好dense，有少少肥膩，但係好食嘅。蒜蓉多士：同坊間嘅茶餐廳唔同，呢度嘅蒜蓉多士係用上厚多士，大約有三塊方包嘅厚度。蒜蓉醬撈埋牛油一齊搽上塊面包上面，但係口味偏向大眾化，蒜蓉唔夠多，辣味不足，但尚可接受。唯一要批評嘅係多士烘得唔夠脆，失去多士應有嘅風味。跟餐包熱飲，我揀咗熱鴛鴦，咖啡同埋奶茶嘅比例合適，最緊要嘅係淡奶落得足夠，唔似某啲連鎖快餐店嘅鴛鴦一樣，為咗慳錢，喺奶茶咖啡鴛鴦等等嘅熱飲減少淡奶嘅份量，影響品質味道。但總括而言，$44蚊嘅午餐，喺紅磡區嚟講，係物有所值。

一直都知呢到個瑞士雞翼撈丁好岀名食日就専登番工前黎食呢個係餐牌 42蚊有好多嗎食加9蚊有波羅油同牛角酥添不過我今次無加鋪仔細細 多人既時候都有d迫奶茶先上 茶香都算有 不過唔太滑同有d澀以茶餐廳既水準黎講 正常 無咩特別蒜蓉多士好香 姐姐拎上枱已經好大陣蒜容香不過我覺得個多士可以再脆身d個炒蛋好香牛油味 好滑身將d炒蛋放上個多士一齊食 好正主角上枱雞翼好入味個瑞士汁甜甜地 加埋個面好好食不過個公仔面好似唔夠熱好快就凍左食完之後都成日心思思想去食

難得早起，就黎出名食物高質嘅紅冰食早餐9:35左右就到左，雖然好多人，但幸運地唔使等即刻有位坐。叫左個吉列魚柳+炒蛋+火腿+菠蘿油。吉列魚柳炸得鬆脆可口，外脆內嫩，極度開胃。炒蛋份量多又嫩滑，熟得啱啱好。特別推介菠蘿油，牛油係熱辣辣嘅菠蘿包入面融化滲透，菠蘿包啱啱整起嘅脆皮鬆脆香甜，真係熱量再高都忍唔住口嘅人間美味！沙爹牛肉公仔麵看似普通，但紅冰出名野食入味，牛肉嫩滑得黎充滿濃香嘅沙爹味，湯底都有沙爹汁，簡直係港式公仔麵界嘅王者。由於本人比較大食，以上份量只係夠我七成包，因此價格屬於稍貴，不過食物質量絕對補救到。

係紅磡做完野，就霖著係附近隨便搵啲野食填飽個肚算啦，不過食完之後，覺得以後搵野食都係唔可以咁隨便...！哩間餐廳環境都OK，睇落去幾乾淨，一坐低都有例湯送炒雞蛋嘅味道唔錯，蒜蓉多士都比較新奇，第一次食！總體食品味道都可以嘅，but！！！服務可以話係零吖撈麵，豬扒都唔錯，麵比較甜同埋乾，熱奶茶難飲啊⋯⋯奶味唔夠濃，茶味又淡雞翼撈麵要等幾張單一起落先會整，所以下次絕對唔會等佢，上餐速度真係好慢

以前在炮台山番工一個星期總有一日會食紅磡冰室嘅常餐！是日中午來紅磡搵朋友食lunch，決定黎試試紅磡分店又如何。黎紅磡冰室食常餐，通常會叫生滾牛肉鮮茄湯螺絲粉餐或者係瑞士雞翼撈公仔麵，今日我就叫左前者。先黎牛油多士配嫩滑炒蛋，滑蛋仍然嫩滑，唔會少到太散，味道亦岩岩好唔好過淡或咸，所以我都唔洗再加鹽。為求健康，其實牛油多士我係走咗牛油嘅，但多士都冇烘到變更。而我最愛嘅食法就係放啲滑蛋落多士上面食，呢個組合真係好正！另外值得加許嘅係，呢間分店上野食都算快，我多士食到一半呢個生滾牛肉鮮茄湯螺絲粉就上到黎喇。鮮茄湯濃稠但冇過酸，牛肉嫩滑一啲都唔鞋，同我之前食嘅一樣。餐飲叫左熱啡，呢杯熱啡就中規中矩喇，勝在提晨 哈。

由於實在比預期差，所有完全冇意欲影相...下午茶時段經過附近，又見到這間餐廳的食評都不錯，所以就入去試一試。簡簡單單叫了一個常餐，一杯熱檸水，結果就出事喇...先講常餐有咩，有個蕃茄牛肉螺絲粉，配蒜蓉包或多士，我揀左蒜蓉包同煎雙蛋。先黎一杯熱熱檸水，咦，熱檸水上面係乜野？點解有啲半透明浮游物體，似油非油，只好用茶匙撇走去...飲一飲，帶苦，檸檬唔靚，水唔熱。之後到蒜蓉包，唉，差差差，可能係我唔好彩，點解個包咁濃？係大半塊麵包面都佈滿黑色濃左既蒜粒，比我預期金黃色的蒜蓉包差得好遠好遠...唯一慶幸，係個蕃茄牛肉螺絲粉叫做正常。

星期二同老公去食晚飯，是日晚餐叫左西蘭花炒花枝片，茄子炆黃立倉，前者夠晒鑊氣，後者外脆內軟，共通點都係抵食夾大件，跟餐送靚湯，埋單都只係$166👍🏻👍🏻

放工後，和朋友到紅磡吃晚飯， 他帶我到紅磡覓食。 這裏的飯很大碟， 就算是男子也不會覺得不飽。一個餐大概50至70元，有湯，有主菜和飯一碗。這個是有人很推介的西檸雞， 真的很好食 上面有檸檬片，而檬汁不是很厚實打了打芡汁 的那種，它是水水的， 沾在雞常上，很配，而雞也微炸了，另餸菜更好食了湯是冬瓜湯，友人說他加了一點味精，但我喝起來很好喝，不是很重味的那一種

港式茶餐廳質素品牌，下午一試招牌茶餐。蒜蓉飽配炒蛋：蒜蓉飽鬆軟，炒蛋夠香滑！瑞士汁雞翼撈公仔麵：雞翼大只入味，公仔麵硬左少少！凍咖啡：香式凍啡，味道一流，水準之作。

星期一至五lunch時間黎都要等位，不過入坐後差不多見枱枱都食常餐就知應該不錯！炒滑蛋加蒜蓉厚多士，滑蛋真係好滑，蒜蓉多士熱辣辣又夠蒜蓉味瑞士雞翼撈丁，雞翼雖然唔入味，不過個撈丁真係撈得好好，瑞士汁夠晒味！餐飲凍飲加＄3蚊，紅豆冰加＄5咋，味道淡左少少，不過紅豆算大粒同煲得淋，＄40幾蚊一個常餐，雖然有Ｄ貴，不過真係好飽肚！

一直都記低左要黎食，但一直都唔順路，今次就趁放假入左紅磡試試你啦！人人都叫瑞士汁撈丁，但愛薯仔同蕃茄湯如命既我就簡左呢個！一上枱即刻試下湯底，好濃！係我中意既濃度呢，帶點蕃茄既微酸，真係好得。仲有大量薯仔附送，下次再黎一定會再叫呀！

叫左咸蛋肉餅。上枱先發現，嘩咁大份既，三個人叫兩個餸都夠食喎。見格離枱既女仔望到自己個個餐都嚇左嚇😳。肉餅比想像中軟，肥肉都幾多，味道唔錯，不過調味可以再重手少少，加埋蔥花同鹹蛋，秒速清左成碗飯。