紅米 (六合街)

营业中

休息中

依間親民餐廳性價比好高，喺香港有好多分店🫶🏻 今日同朋友嚟新蒲崗，食物選擇非常豐富，餐廳環境好闊落，氣氛舒適 適合同朋友聚會，人均只需$60左右，超抵食！💟蒲燒鰻魚鐵板炒烏冬推薦！熱辣辣，鰻魚的醬汁帶有濃郁的甜味，與炒烏冬的清爽口感形成了完美的對比。整體而言，這道菜色香味俱佳，見到都流口水🤤 💟韓式泡菜豚肉粉絲湯飯韓式泡菜的酸辣風味加上豚肉的鮮嫩口感，好正呀🤤🤤 粉絲的滑嫩口感增添了整道菜的層次感，味道濃郁豐富，好惹味😍 💟板煎雞扒冷烏冬板煎雞扒的外皮酥脆，肉質嫩滑多汁，搭配冷烏冬，非常美味可口🤤💟蠔油生菜只需加$10，簡單又美味😋 新鮮清爽

—————以下內容絕對真實—————好少寫食評，以前食過幾次呢間野，不過不失尚算ok但今次叫咗早餐打算夾出嚟俾小朋友食，個米粉入面竟然有撮毛，好恐怖唔知咩動物毛連皮肉🤢實在不能接受了，驚係米奇已報食環，成個餐掉咗好想嘔🤮如果我冇夾出嚟成碗俾小朋友食，後果真係不堪設想，從未見過一間餐廳可以咁，衛生情況極惡劣，好污糟又嘥哂我啲錢，以後都唔敢再食呢間嘢圖片可能引致不安😔。。。。。。。。。。。。。。。。。。。

係新蒲岡返咗公幾個月, 第一次食尼間，估唔到入面又幾大，幾多野食。同事叫咗個拉麵，睇落都唔錯。我就叫咗個鰻魚鐵板烏冬。睇落都幾大碟，鐵板仲要夠熱🔥，上菜嘅時候聽到啲喳喳聲，即刻流晒口水🤤。塊鰻魚又無骨，還有木魚碎同粟米粒，口感都幾豐富🤪。最驚喜就是烏冬唔會淋，仲好煙靭。整體嚟講，lunch 食佢都幾開心。🥰

今次叫左外賣，價錢方面都幾抵，平均60至70蚊已經食到👍🏻我就叫左2人餐，一份鐵板牛肉飯，另一份就係鮑魚花膠雞湯配烏冬。跟餐仲有湯俾你揀、同埋油菜、小食。先講小食方便，我試過佢嘅蝦多士同埋雞翼，唔知係咪因為外賣關係，所以兩次送過嚟嘅炸物都唔係太啱食🙈反而鮑魚花膠雞湯，我覺得可以再encore😋整體來講CP值都高，可以搵機會堂食試吓😄

Intro: 先前就介紹左呢間嘅下午茶，上次試過鐵板鰻魚烏冬，味道真係好而份量都好足；而呢一次喺夜晚就見到有$50蚊嘅鐵板雞扒餐，特飲半價，大時大節有點心動決定就試呢個餐！___________________🍽 蒜茸雞扒 - 鐵板餐（跟意粉、黑椒汁）💰 50 ⭐️ 7.75/10✍🏻 仲諗住可以自己落黑椒汁，因為可以聽到jaja聲，好開心咁，但原來廚師事先落左；✍🏻 而呢個餐嘅賣相無咁靚，但總算色彩繽紛，有西蘭花、車厘茄、粟米、意粉同雞扒；✍🏻 雞扒好滑，煎得幾靚，醃得夠咪，✍🏻 意粉就煮過頭，好乾仲要痴埋一舊；✍🏻 呢個餐味道唔錯，但就有改善空間，建議大家都係試番其他嘅餐。🍹 虎紋黑糖珍珠奶💰 跟餐+14 ⭐️ 7/10✍🏻 奶茶奶味好強好甜，搶左奶茶嘅味道；✍🏻 甜嘅奶茶加埋黑糖真係邪惡，但真係過甜；✍🏻 珍珠比較散唔煙韌，個人喜愛煙韌嘅珍珠。🍹火山阿華田芝士奶蓋💰 跟餐+14 ⭐️ 7.25/10✍🏻 賣相好靚，杯面撒上阿華田粉，之後下面係奶蓋，底下全部阿華田；✍🏻 但芝士奶蓋無乜味，同阿華田冇乜太大嘅配搭，感覺係阿華田嘅邪惡版。___________________🏠 Red Ri

糧尾飯堂假日lunch40-50 幾蚊不等份量巨大想撐爆你肚皮公司四寶飯45 蚊包熱飲好抵膽固醇組合包括雙蛋餐肉廚師腸火腿白飯上澆上蔥油 香噴噴唔係靚料 但係超值焗豬扒飯茶記必備 大兜一定飽不過焗得唔夠耐冇咩焦香味醬汁不過不失豬扒太肥了 7成都係肥膏同骨呢個唔推介飲品加幾蚊竟然可升級黑糖鮮奶大如所料 口味好淡

紅米 (六合街) (新蒲崗)新蒲崗六合街11-13號安隆工業大廈地下B室今日係新蒲崗附近做完野，終於可以再去紅米食返個lunch 啦。 點解？平！靚！正！岩曬自己一個人去食🤫對上個次係食佢個焗豬扒飯，味道方面，幾好味架，又大份！ 今日想食d濕野，叫咗個黑蒜油豬骨濃湯拉麵伴日式叉燒 $56。 依個價錢叫唔叫正式？ 但都要接受，因為真係好想食🤭好可惜今日無拉麵，轉左做烏冬，份量其實都幾大份，叉燒得4片但好厚，所以好飽。 茶餐廳黎講個人覺得好足料，味道唔錯。 有幾會大家經過可以試一試架，盡量唔好lunch time 時間去，因為太好味關係勁多人😜地點⭐️⭐️味道⭐️⭐️⭐️⭐️環境⭐️⭐️⭐️服務態度⭐️⭐️⭐️（5星為最高分）

年三十晚，我下午4點幾山長水遠買個盤菜番屋企做節，拎個陣同我講話有湯，番到去咩都冇，過時過節一年一次，你點賠？番到去打電話又冇人聽，咁係咪即係唔洗負責，整個湯我唔係唔識，但係又要我屋企老人家等，你地公司好唔好意思？

Intro: 喺鑽石山同新蒲崗之間有坐立唔少工廈，喺呢到麵有唔少餐廳架！今次下午茶時段就揀左米飯主題餐廳，雖然近年加左價，但勝在食物有保證，環境都好舒服，而今日叫左極邪惡嘅鐵板烏冬！___________________🍽 鰻魚鐵板烏冬 - 配熱飲💰 48（下午茶價錢）⭐️8.5/10✍🏻 想像唔到用48蚊可以食到咁大塊嘅鰻魚，仲有得食鐵板烏冬✍🏻 烏冬好彈牙，應該採用左最靚嘅急凍烏冬✍🏻 鰻魚彈牙而肉質唔會散開，濃濃嘅燒汁味真係好夾鰻魚味✍🏻 但食到底就覺得額外嘅燒汁落得重手左，啲青椒同洋蔥真係幾鹹，扣左少少分___________________🏠 Red Rice 米飯主題餐廳(六合街)📍 新蒲崗六合街11-13號安隆工業大廈地下B室⭐️ 8/10___________________

喺貝爾特酒店Check-out後，因著寒冷天氣沒走多遠，就走進了隔鄰的「紅米」用膳，男友睇中佢哋的黑蒜油拉麵==========🔹 黑蒜油豬骨濃湯拉麵伴日式叉燒 $56 (配飲品)當日冇拉麵提供，所以轉咗烏冬以價錢嚟講，份量同賣相絕對係合格有餘蟹柳肉呈一絲絲狀態，叉燒肥瘦適中，入口軟嫩肉味濃郁；烏冬煙韌彈牙湯底帶輕淡豬骨味，黑蒜油味則不算突出跟餐凍奶茶質素正常推介指數：8.5/10==========🔹全日歐陸早餐 $58 (配飲品)板煎蜜糖烤雞扒/美式千島炸魚柳/王牌厚切豬扒 配 香滑炒蛋+法蘭克福腸+牛角包+三角薯餅+雜果蛋沙律揀咗雞扒，外皮煎得香脆，雞肉帶甜度剛好的蜜糖香，肉質嫩滑炒蛋選用日本蛋，蛋味香濃炒得軟滑牛角包鬆軟，惟牛油味道不足推介指數：8/10==========埋單$1️⃣1️⃣7️⃣，食物質素不錯而定價不高，值得回訪

酸菜魚數曬成兜得6小塊魚片，一舊菜同幾塊酸菜雖然係lunch $58都預左唔會係平時出面食一份咁多料但一打開真係呆左，真係只可以攞湯泥送泡飯第一次食呢間外賣，灰_左

呢間餐廳雖然唔係經常嚟，但好多時要喺鑽石山附近搵嘢食，都會諗起去呢度。呢度除咗食物款式選擇多之外，價錢都真係幾平！1-2年前，呢度的全日早餐只係<$40，我真係未見過平得過佢架喇，而且佢啲飲品選擇都多元化，記得有次嗌過貓屎咖啡，有一次係話梅茶，總之就唔係一般餐廳會提供的飲品選擇。事隔1年，又再嚟呢度食嘢，而我第一樣留意到嘅係：食物的價錢大幅提升咗呀！而家一個全日早餐係$55，以前價廉物美的光境不復再。今次2個人點咗一個全日早餐，一個蟹柳沙律午餐，其中一杯飲品就加咗錢飲凍薑茶特飲（好似係薑桃茶？）。全日早餐睇餐牌係有薯餅，但嚟到就變咗得少量薯條，落單時侍應冇講有呢個改動。其他食物都算豐富，不過好多都係得半份，例如：厚多士同埋司華力腸，都只係半件/半條。雞扒同沙律睇落同以前份量差唔多，所以整體嚟講，我覺得加價的幅度未免有啲進取。。。而沙律就係一個唔錯的選擇，始終我覺得呢間餐廳的定位係夾咗喺「餐廳」同「茶餐廳」之間，所以當我當自己係去茶餐廳開餐而又能夠點到沙律的話，我覺得係幾滿意同意外既。沙律菜新鮮，份量亦足，而芝士牛角包係迷你版，食完成個餐都夠飽。呢個午餐好似係$50。至於杯薑味特

下班行路經過睇到呢間餐廳，比呢間餐廳嘅外觀吸引到決定入來一試。裝修用左明亮的紅色為主，室内同样色彩鮮豔嘅裝修令人坐得心情愉悅。入到去燈光明亮，乾淨整潔，位置都比較寬敞。餐牌菜式選擇好多，中式西式都有。原條蒲燒.鰻魚蛋包鐵板飯賣相很討好，份量多得似一座小山。配了照燒汁，另外加左肥牛同埋芝士，鰻魚份量多得黎又厚切。多種配搭全部鋪埋喺一層嫩滑嘅蛋上邊，將全部材料同埋米飯撈埋一齊食，每一啖都好好味！性價比很高！美國重量級.爵士西冷呢份牛扒真係有重量既，超大塊又厚身。呢嗰價錢可以食到呢種質素嘅牛扒真係超級抵。配搭嘅薯條都唔錯，又粗身又脆😄。小食拼盤種類豐富，有春卷，炸雞，雞翼。春卷皮炸得好鬆脆，炸雞香脆好味入邊又多汁，雞翼完全不油膩，不會炸過火👍🏻。綜合水果茶，果味濃郁飲落口好香甜。龍鳳大檸樂，淡淡檸檬香味嘅可樂味道好清新。

今日早咗放工，天氣熱又唔想煮嘢食，就同家姐去咗附近新蒲崗嘅紅米食晚餐。本來想健康啲叫個菜，但係我哋最後叫咗邪惡嘅香濃芝士焗白汁煙肉西蘭花，芝士佈滿西蘭花，焗到有少少金黃色，配菜嘅粟米亦好甜。我叫咗個美國重量級爵士西冷，揀咗薯條做配菜，薯條偏粗身，有紫菜粉調味，唔洗點茄汁都ok。西冷上碟時熱辣辣，分量夠大而且肥瘦適中，肉身夠淋易切易咬，仲有黑椒醃製，就咁食都好夠味。家姐叫咗日式炸蝦冷烏冬伴煙三文魚，烏冬嘅芝麻醬一啲都唔唔手軟，所以烏冬夠濕潤，唔驚會太乾。煙三文魚好大塊，仲有青瓜、蟹子等等沙律做配菜，唔會覺得太單調。我哋仲叫咗蜜糖柚子烤雞翼做小食，雞翼烤到啱啱好，皮脆得嚟肉又juicy，柚子蜜甜甜地，好似燒嘢食搽嗰層蜜糖。炎炎夏日，當然要晏涷嘢飲啦，我就叫咗綜合水果茶，可以叫少甜，入面仲有菠蘿、水蜜桃，非常清新。家姐就叫咗藍蝶花雪梨蜜伴愛玉，味道偏甜，加埋愛玉可以當甜品食。

最近熱衷於工廈尋找美食🌠🍽原來都有好多好吸引的餐廳~~而且價錢更加相宜!💡所以值得在工廈尋寶!💓-最近多了機會要到新蒲崗🎈原來係工廈附近都好見多選擇!今日路過看到紅米📍在工廈的餐廳，價錢好相宜呢!所以決定一試!🥳-環境好大間同闊落，選擇都比一般的茶餐廳多!而且價錢真係好抵食!✔️以晚餐來講好正呀!♥️小食方面，點了挪威三文魚凱撒沙律🥗原來份量禁多禁滿! 仲有大大塊的三文魚!🧡加埋新鮮的蔬菜好好食又開心!😍另外都點了蜜糖柚子烤雞翼3隻🍖蜜糖加上柚子，甜甜酸酸的，好開胃🍗~而且比單做的蜜糖雞翼口感更豐富呢!⚡️-主食方面，真係好驚喜有酸菜魚!✅我一向都好鍾意食酸菜魚!😋所以我點了老壇養身湯飯-酸菜魚🤩入面仲有芫茜泡椒，泡飯!🍚價錢好抵的湯菜魚泡飯，而且份量絕不欺場!魚身都好滑，好大份!✔️而且入面仲有好多酸菜、芽菜等配料!🥬🥒🌽而且唔會太辣太酸，味道剛剛好!滿足!💖-另外的主食點了美國重量級。爵士西冷🥩配薯菜及照燒汁!🫙絕對係鐵板之選! 而且份量好大份!鍾意食牛的朋友好過癮，大大份之選!🤎-飲品方面我點了茉莉花玫瑰蜜。伴愛玉🍻特飲跟餐半價，所以好抵飲呢!🍸茉莉花玫瑰蜜甜甜的，好易入口!🤩😉我本身好