紅糖

营业中

休息中

呢到最好係唔洗理件數😙 全部都可以按價錢比例加件數😎 唔洗讓嚟讓去，嗰個都食到🫶🏻 呢度環境係真係好舒服嘅，望住嗰海景，坐位又舒服，亦有服務，會主動幫手斟茶，同staff都有啲互動🤗total嗌咗8個點心，一個炒飯，茶芥$32/位，人均消費大約$300🤑紅糖金魚餃 $78/位 - 打卡推介，值得一試，但未必值得一人一粒😂 兩嗰人share都okay，係精緻加咗分，但係味道相對普通🫣松露鵝肝海鮮荔茸盒 $78 - 入面有大大粒鵝肝，外脆內軟，係有驚喜嘅，但係做茸盒就厭未夠鬆🤔香梨鹹水角 $72 - 同市面食到嘅鹹水角都有幾大分別，呢嗰都值得一試🤔脆蝦紅米腸粉/梅菜皇叉燒腸粉 $88 - 兩個腸粉都正常水平，無乜特別特出😬原隻鮑魚燒賣 $98/3粒，紅糖蝦餃皇 $98/4粒，松露白菌鮮蝦腐皮卷 $82 - 最突出係燒賣，但未算太吸引瑤柱糙米海鮮炒飯 $268 - 炒飯嚟講算好好食，足料又夠味👍🏻整體嚟講，所有嘢都好食，但性價比同期望值都同想像中有啲出入，食物無乜記憶點，無乜嘢有令我一試難忘嘅感覺🤔

精緻點心賀生日🎈咸甜點全部有驚喜❣️滿意💯🥢「紅糖」金魚餃 4⭐️金魚造型栩栩如生，餡料為鱈魚同欖菜，加上冬瓜湯蓉，有如浮游在小魚塘中。🥢鱘龍魚籽瀨尿蝦餃 5⭐️瀨尿蝦爽口鮮甜，加上魚子同金箔更加精美🥢原隻鮑魚燒賣 4⭐️一口 size鮑魚煙靭鮮味，燒賣都大粒嘅🥢藕斷絲連 4.5⭐️蘿蔔絲酥餅內加入少許芝士，做成原個蓮藕，非常得意🥢香梨鹹水角 4.5⭐️小香梨造型好的骰，容易令人誤會係甜品😂🥢松露白菌鮮蝦腐皮卷 4.5⭐️黑松露香濃，令香脆腐皮卷味道更特別🥢楓糖黑豚肉叉燒 5⭐️肥瘦適中，好稔，加上蜜糖，入口即化，果然係中菜部名菜之一🥢紅糖甜品拼盤 4.5⭐️(奶黃小柑桔，青蘋果菊花凍，琥珀核桃酥）青蘋果菊花啫喱好有驚喜，感覺清新，唔甜，透心涼，琥珀核桃加入了少許朱古力，味道幾濃厚，小柑桔係奶皇/吉士，造型可愛餐廳望到全海景，配上紅磚設計，環境闊落坐得舒服，服務員好專業有禮，整體來講非常滿意，呢度作為慶祝目的都唔錯！有機會想試吓晚餐，同另外一邊露天酒吧，夜晚嚟會幾chill ~

午市分兩個時段,一點半明顯較少人,但想坐窗邊,就必須預約,太受歡迎.酒店新,大堂靚，店內裝修獨特，枱與枱之間都不會太密，環境舒服，服務就到，態度有善。金魚餃大受歡迎，賣相好，打卡必備， 餡料新鮮，芡汁清清地，一齊食，好睇又好食，雖然略貴，但仍要試下，值得番叮。柚子鳳爪有驚喜，柚子入味，吸曬D汁但又不覺得膩 ，鳳爪有柚子味好特別，不會像平時豉椒鳳爪死咸，他的味道恰到好處，蚊得好入味。Xo醬抄腸粉，瑤柱同蝦米炒到好香，腸粉相當入味，好正。雞包唔錯，不過不失。隔離就有酒吧，還以為可以叫 cocktail 過嚟,可惜酒吧未開，只能飲茶，美中不足。整體感覺良好，價錢合理，會再來。

之前去完旅行係Kerry Hotel隔離，酒店送左d dining coupon，就一於去試吓呢間好出名嘅中菜廳😋🌃 環境 (4.5/5)係Kerry Hotel裏面嘅紅糖地理位置優越，坐擁維港海景🤩 Weekday夜晚去唔算多人，餐廳安排左窗邊位比我地，可以望住靚景食飯😚 餐廳裝修行modern路線，幾有格調，配合返佢地新派中菜廳嘅定位😙😋 食物 (5/5)🐟 桂花糖脆鱔球 $218🐮 酥炸和牛面頰 $268🦐 金果青檸明蝦球 $338🐠 欖菜荷葉鹽焗鱈魚球 $368估唔到每道菜都有驚喜！🤩🤩 脆鱔球香甜酥脆，啖啖魚肉好鮮味，而且每塊都好大舊🥰 酥炸和牛面頰係必叫招牌菜！🐮和牛牛味濃郁，肉質鮮嫩，炸到外脆內軟，咬落好腍而且無筋，食到唔停口❤️青檸明蝦球酸酸甜甜，好開胃，而且蝦球好大隻，炸衣唔會過厚😚 呢度都好味但比起前兩道菜就少左d驚喜😆 鹽焗鱈魚球離遠已經聞到好香嘅荷葉味😍 鱈魚顏色焗到好靚，入口有好重嘅鹽焗香同欖菜嘅味道，魚肉好嫩滑，超有驚喜🤩💰 價錢 (4.5/5)紅糖菜式精緻，環境好好，食物收費都合理，唔會太離地☺️ 而且佢地嘅食物水準好高，絕對值得一試！💕...Excellen

👍精緻中菜，味道絕佳-紅糖係嘉里酒店入面嘅中菜餐廳，今次因為媽咪生日，特登提早預約海景位嘆午餐。餐廳以現代中式風格裝潢，又以紅磚牆作裝飾，非常有特色。有得望住海景食晏，食物又十分有質素，依餐午餐可以話係忙碌之中嘅小確幸。😍-推介尊尚商務午市套餐 $638 位 (兩位起)💛紅糖三小碟 (楓糖黑豚肉叉燒/陳醋黃瓜拌海蜇頭/冰燒三層肉)💛菜膽北菇燉花膠💛自選小菜 (蒜豉爆炒日本尖椒蝦球/酥炸和牛面頰)💛上湯竹笙浸菜苗💛瑤柱糙米海鮮炒飯💛楊枝甘露-紅糖三小碟分外出色，海蜇頭爽口，燒肉叉燒肥瘦適中，值得一推👍-菜膽北菇燉花膠以湯品呈上，北菇味道濃郁，花膠品質亦不錯❣-自選小菜方面，推介酥炸和牛面頰，肉質軟腍，沒有油膩感，蝦球相比之下就較失色，蝦肉雖然爽口，但調味上就偏鹹了些少🤧-上湯竹笙浸菜苗和瑤柱糙米海鮮炒飯不過不失，未算極有驚喜😄-不得不提的是甜品楊枝甘露，以金奇異果作底，可謂將依款甜品提升了一個新層次。甜品酸酸甜甜，特別適合夏日熱辣辣消暑降溫😍-午市收加一 回頭推介度：5/5食物質素：5/5餐廳環境：5/5 $$性價比：4/5#香港#香港美食#hkfood#hkfoodie#cheral_

身邊的朋友都知我鍾情一盅兩件，更試過一日之內走訪三間不同級別的餐廳。位於紅磡Kerry Hotel的紅糖中菜廳，點心造型有心思，金魚餃、燒鵝酥、梨形咸水角同奶黃小柑都非常有趣，當然味道亦同樣出色，所以係自己同舊同事飲茶的好地方。而近日又有新點心出現，心思思又去試試。在蔚藍的天空下，四周景色都變得更立體，但30幾度氣溫，還是躲入酒店嘆杯茶更好。藕斷絲連（$78）蘿蔔絲酥餅食得多，之前是甘筍造型，今次加入芝士又幾有新意，依然用上日本大根，甜度有保證，賣相更是似迷你版蓮藕，切開見一絲絲蘿蔔，仲有芝士帶來拉絲效果，不單視覺效果一流，食落外層酥化而內裡是濃郁的蘿蔔香氣。雪山叉燒包（$88）很鬆化的外層，內裡是叉燒餡料，幸好叉燒醬未算太多，而且叉燒亦刴得夠細粒，我鍾意。巴馬火腿黃橋燒餅（$88）起初還以為是普通燒餅，但烘得色澤金黃，而且外層帶點酥化，餡料是巴馬火腿，揉合了中西食材的元素，雖然未必為大眾接受，但無疑肯嘗試是好事。鱘龍魚籽富貴蝦餃（$98）畢竟是酒店中菜廳，用料都份外講究，簡單的蝦餃都要加上鱘龍魚籽，矜貴之餘，餃皮搓得通透富彈性。蝦籽遼參和牛面札（$88）在傳統中注入新元素，是酒店中菜

前排父親節唔知大家去咗邊度同爸爸慶祝呢？長輩通常會比較鐘意食中菜又要坐得舒服，所以我shortlist咗幾間中菜餐廳畀佢哋揀，點知有位嘴刁嘅屋企人原來一早已有心水，指名要去Kerry Hotel嘅紅糖 🫖 紅糖嘅點心賣相都相當精緻，燒味就更加出色，而且地方寛敞又有個大海景睇，的確幾適合家庭聚餐💁🏻‍♀️ 尤其是天氣好嘅時候去，沿路途經嘅海旁真係好靚 🌊📷 唯一有點小遺憾嘅係本身叫咗個龍蝦湯西施泡飯（屋企人話之前食過好好食）漏咗單無嚟，試唔到好可惜呀😿✧ 楓糖黑豚肉叉燒 $𝟛𝟛𝟠 （推介✨）✧ 脆皮醬油燒雞 $𝟚𝟡𝟠 （推介✨）✧ 原隻鮑魚燒賣 $𝟡𝟠 ✧ 七味椒鹽豆腐 $𝟡𝟠✧ 脆蝦紅米腸粉 $𝟠𝟠 （推介✨）✧ 海味雜菜煲 $𝟛𝟚𝟠✧ 菠蘿咕嚕肉 $𝟚𝟙𝟠✧ 雪山叉燒包 $𝟠𝟠 （推介✨）✧ 流心醬油包 $𝟟𝟠✧ 紅糖金魚餃 $𝟟𝟠-睇完記得 ƑօӀӀօա @todaynomnom ʕ•ᴥ•ʔ

黎嘅時候都知價錢貴, 但係知道呢度有個靚海景, 同埋食評都有好高的評價, 所以都決定試下😜我地坐喺窗邊嘅長木枱, 好休閒好寫意咁嘆咗一個靚茶, 確實好有渡假feel🥰先黎三款醬汁分別係辣椒醬、醬油及自家製XO醬，我覺得自家製XO醬最惹味🥢😋雙籽鱈魚蟹肉餃$88餃皮薄得黎又煙韌彈牙好食, 餃面上層有蟹子同埋魚子已經非常吸睛, 咸香唔覺腥, 餡料非常充足, 有鱈魚及蟹肉, 鱈魚鮮味又好味, 蟹肉無鮮味, 味道適中, 又夠juicy🥢😋魚子金箔帶子餃$98呢個賣相又係冇得輸, 原粒帶子在面, 有金箔, 魚子及露筍點綴, 餃皮薄亦都係煙韌彈牙好食, 充足嘅餡料,當然有帶子及蝦在內, 調味唔濃, 食到佢嘅鮮味有肉汁🥢😋原隻鮑魚燒賣$98每粒燒賣配一粒鮑魚, 大概5cm, 同埋都幾厚, 食落有咬感但有少少鞋及韌, 鮑汁略甜, 但入味剛剛好, 燒賣皮蒸得唔太乾身, 啱啱好, 燒賣亦都大大粒, 豬肉爽口彈牙, 有肉汁, 有東菇香味, 調味過濃, 虾及豬肉大概6:4比例🥢😋紅糖蝦餃皇$88相當大隻, 賣相非常靚仔, 餃皮超薄, 彈牙煙韌好食, 餡料非常充足實揼揼, 食落juicy有蝦味, 蝦肉爽彈,

.♦ 脆蝦紅米腸粉 ⋆ $𝟽𝟾腸粉每次都會叫🙈 紅米腸粉入面係炸蝦，外軟內脆好得意。同出面既腸粉最明顯分別就係個皮又滑又薄，唔會糊💯.♦ 汁燒廣島蠔春卷 ⋆ $𝟽𝟾春卷入面係切粒既廣島蠔，係濃味版既春卷～成個ᴄᴏᴍʙɪɴᴀᴛɪᴏɴ幾新鮮！.♦ xᴏ醬蘿蔔糕 ⋆ $𝟽𝟸蘿蔔糕夠軟，唔會實的的。可惜xᴏ醬唔夠香🙈早幾日係#糖水熊 廿零蚊既好食過佢😛ʏᴇᴀʜ!.♦ 松露野菌餃 ⋆ $𝟾𝟸 ♦ 羊肚菌雞湯小籠包 ⋆ $𝟽𝟸兩者我都好鐘意！小籠包皮好滑，羊肚菌味清清地，整體口味好ʙᴀʟᴀɴᴄᴇ 野菌餃比較爽，外皮煙煙韌韌咁。不過松露味唔算好明顯

客戶請食飯嚟到呢一間，味道都幾好而且亦都有特色嘅食物，對於第一次黎食嘅我都係有驚喜嘅，最緊要呢個氣氛都好好而且有一個海景可以睇環境都唔錯，對於點心你講越式點心嚟講呢個價格算係貴㗎喇，不過有返咁上下環境都可以接受嘅

第五波疫情前公司在這間酒店開會當時想訂位在這𥚃午餐結果滿座 無緣一試今次秘書預早訂位終於吃到了 蜜汁黑豚叉燒果然名不虛傳 肉質鬆軟彈牙 蜜汁香濃惹味金魚造型湯餃靚到一個點餡料係鱈魚欖菜我覺得配搭麻麻地糖皮脆鱔酥脆鮮味 好味到停唔到口酥炸豆腐 外脆內嫩口感一流 又係食唔停脆皮牛面脥牛肉好鮮嫩 鬆軟又不失嚼口脆皮略嫌厚咗我係牛魔王 所以特別高要求馳名紅米腸粉不過不失 上枱時有啲凍咗都ok嘅呢餐午飯無論環境食味都超級享受會再來的

又來集郵，嘉里酒店，5星酒店，我又係貪慕，放假特登拜訪，原先發現酒店open area 望海酒吧，從而才發現佢，原來佢位於酒吧隔隣，所以佈置設計像扒房西餐，可能係平日，餐廳只有4,5枱客，比較清静，我們坐於向海長木枱，幾悠閒，渡假feel。 先點例牌要食椒塩豆腐，近日喜歡週圍比較，考考工夫，掂，外皮薄脆，豆腐芯有濃郁豆味及軟滑，同駿景軒一樣水準。 羊肚菌雞湯小籠包$72，感覺有益又矜貴，味零捨不同，多汁，浪吓浪吓，特別菌香味。 松露鵝肝茘茸盒$78，一見鵝肝又吸引，外面穌炸不油也不厚，芋蓉不厚，餡飽滿，松露微至無，鹅肝多，無肝羶味。 煎糯米雞，想起有蛋香美味，但此件蛋漿較薄，顏色金黄，再煎香耐少少會香的，因為酒店出品，比較精緻，糯米層不厚，軟硬適中，餡一般。 每次不要食太飽，留肚去cafe食甜品。

紅糖飲茶有靚景，但如要坐窗口，最好提前預約。松露鵝肝海鮮荔茸盒一放入口只感覺到荔茸，因為荔茸份量偏多，隱約有小量松露味道。脆蝦紅米腸粉看似普通，個係所點食物入面最讚的。腸粉皮薄，入口香脆，放一陣後才吃，仍然脆口。雙籽鱈魚蟹肉餃皮薄，比普通蝦餃味道較為濃郁。蝦餃王當然都係皮薄餡靚，蝦肉爽口。瑤柱蟹肉灌湯餃湯比較清，感覺似菜湯。另外點左兩樣係主餐牌的食物桂花糖脆鱔球分量都可以，但偏甜，雖然表面醬汁很多，但是入面依然是脆的。糯米釀雞翼手工菜，味道都可以，但是$128只得一隻，略嫌少了。奶黃小金橘最尾食捚個甜品外表非常可愛，機本上除左外面嘅皮之外，成粒都係奶黃，變相太甜。二人lunch份量剛好，共大約$1000，性價比中上。

生日食好D！要報復式晚市堂食！book位時要求窗邊位，真係冇失望，食好野之餘食埋個景吖我地冇order set menu，散叫幾個想試既餸。第一碟上菜就已經令我地眼前一亮！第一道：欖菜荷葉鹽焗鱈魚球唔好睇佢份量唔多，賣相唔精緻，但係真係好味到笑！魚肉嫩滑，有淡淡荷葉香味，鹹度適中，令人好想送飯食.第二道：酥炸和牛面頰呢道餸應該係必點，我當初都係因為佢而想黎紅糖。果然，完全冇失望！原來和牛塊面咁肥美？？！！加埋個山椒肉汁，脂肪與牛肉既香味真係齒頰留香佢打敗「響」既牛舌，榮升我心目中最好味既牛料理！不過，佢實在太肥美啦，食完第二舊就會開始膩，我就停手等素菜。第三道：燒味雙拼但係唔知係咪個菜漏單，等好耐最尾催先上。然後就黎左呢個叉燒+燒鵝雙拼。配上酸梅汁，味道其實都唔差，但係同上面兩者相比，就顯得有些少平平無奇，所以我只係比四星。第四道：上湯浸時菜好滿足的一餐。下次想試旁邊的Red Sugar，同朋友望住海景摸杯底傾下計應該唔錯

一月一日，用美食展開新一年，實在是美事，很喜歡中菜的我們，又多一個吃飯好去處了👍🏻環境典雅寧靜，燈光較暗，帶點神秘感，是談心吃飯的好去處👍🏻七味椒鹽豆腐好出色的前菜，豆腐豆味香濃、滑口，加上適量的七味粉，帶點點咸味，好吃👍🏻桂花糖脆鱔球鱔肉質鮮嫩，炸得恰到好處，是有桂花清香味的，但仍然略嫌有點太甜，不合我們口味。每人吃一件也覺得很飽肚。酸辣海鮮羹值得推薦👍🏻用料足，辣度適合我們，不算太辣，不用加醋也可以。生拆蟹肉玉米羹吃到蟹的鮮味，但整體味道似家常菜的感覺，沒有驚喜。蜂蜜青胡椒燒排骨很推介的一道菜👍🏻👍🏻👍🏻肉質鮮嫩，調味恰當，即使不加一點蜜糖，味道已不錯。加了蜜糖，令味道更清新，帶點清甜，值這個價錢。沖繩涼瓜炒和牛脷我們喜歡吃沖繩涼瓜，口感爽脆，苦味較強，但我們喜歡吃。和牛脷則沒有甚麼特別。松露南瓜海鮮炒飯份量十分足，配料份量多，令我們很飽。紅糖甜品拼盤這個高質素之作，最喜歡中間的蘋果啫喱👍🏻廚師是根據時令水果而整不同口味啫喱👍🏻很飽足的一頓飯，值👍🏻👍🏻👍🏻