紅茶 (已結業)

夜晚睇完淪落人，心情大好，打算食個輕營又至愛的沙嗲牛肉常餐延續，見呢間咁有勇氣開喺彌敦道呢一段，就入去試一試啦。蛋奄列同包先上枱，可能因為我坐風口位，塊包喺唔暖的，蛋屬老唔香且偏硬，薄薄的，個人喜歡偏濕同滑的蛋，所以呢個唔合格。但塊包就好得，好香牛油味，如果可以，我情願要兩塊包唔要個奄列...主菜出爐...呢個沙嗲牛肉通係屬最差一種，因為完全無沙嗲味！根本係蠔油煮牛肉！作為沙嗲牛肉的忠實粉絲，我最唔鍾意啲餐廳用蠔油牛肉扮就出餐，完全失望！唔會再揀！

太太話午餐同同事會到紅茶用膳，大讚呢度嘢食好味，所以帶我地一家黎食餐晚餐。佢話特餐話係必食，所以叫咗試下，麵底幾好，個沙嗲牛肉及醬係正常味道，唔咸。咖哩牛腩飯，料足味濃夠大份，筋位大大條，正。奄列多汁。

行街街到倦倦地，想嘆番杯熱奶茶，見裝修都幾靚，仲有好多卡位，坐得舒服，下午茶時間，order 左菠蘿油餐$25 ，抵食菠蘿飽賣相都ok, 個皮都幾脆，同埋唔太甜奶茶都好飲

紅茶冰室似乎近幾個月越開越多，路過又要搵野食，諗住呢間應該有信心保證。叫左個特餐：即係沙爹牛肉麵、火腿奄列、同丹麥多士。可能有比較嘅緣故，個沙爹牛肉無觀塘分店咁入味。雖然睇落牛肉好似多過觀塘分店，但似乎味道都唔夠香濃，同埋睇落都有幾多油。奄列係正常貨色，但都係偏多油。丹麥多士應該比較少茶餐廳有，簡單黎講就係多士加糖漿同牛油。食落好香口。順帶一提，呢度個檸茶，茶底夠香濃，不過好似佢地都偏向落好多糖漿，唔食太甜嘅人士記住叫少甜。

今日早上11點到油麻地彌敦道的紅茶食早餐，樓上滿座坐了樓下，樓下只有10張枱坐了人，不是滿座但只有2位女侍應，11:10已經叫了2個D餐( 酸辣肥牛米粉)，5分鐘後飲品和炒蛋多士已到，但等20分鐘還未有米粉，於是詢問女侍應沒有回應😠，問了她第二次，她說多單但沒有幫我們跟進😠😠，已經等了25分鐘還未到😡，我已經再問女侍應她才去廚房問😠😠😠，足足等了30分鐘11:40才有肥牛米粉!!!😡😡😡😡我覺得這間餐廳不知所謂，食個早餐足足等足30分鐘才有得食，仲要女侍應態度非常差! 而且食物味道好鹹和價錢貴!🤨又貴又唔好食服務又差!

喺旺角真係太多食肆喇~今日要去信和果頭整d嘢，見餓就直接踩入一間未去過嘅餐廳，見佢有甜品櫃同麵包櫃，都好似幾吸引咁~除咗一般嘅常餐內容，都見到有包類嘅亮點，中途仲見到有個侍應拎住個大焗盤，大叫「新鮮蛋撻出爐喇!」，感覺一定要試吓佢地嘅包類，所以叫咗以下item~嗯~~~~~果然無選擇錯，個包好新鮮好脆口，包嘅餡料部分配搭得好好，香滑炒蛋+芝士+脆炸魚柳+爆汁番茄+新解爽脆嘅生菜，burger厚度剛好，唔會食到污糟哂！個炸薯角都有驚喜！好香薯味，而且炸漿好薄亦好夠味~good呀!老公點嘅特餐我只係食咗一啖包........真係好鬆軟，好好味！凍咖啡老公都話好飲，如果以茶餐廳嚟講，可算係超班！

平時唔想諗食咩都會去紅茶（佐敦）搞掂 🥴見到彌敦道都開咗，就試吓有咩唔同。餐牌大致上一樣，旺角尼間仲多左麵包、甜品、泰色食物等。1. 福建炒飯 （$65）⭐️⭐️⭐️⭐️平時食開都係白色頹碟上，見到旺角尼間有心思用彩繪碟上，食慾都多啲 🥳蛋炒飯底做得好，帶子粒同蝦嘅量都多。美中不足係啲芡多左少少水，口感差啲。2. 招牌冰火脆皮菠蘿油 （$11）⭐️⭐️⭐️⭐️⭐️就食飽之際，聽到餐廳侍應（一個接一個，日式餐廳果隻）話有新鮮菠蘿包出爐，拿拿臨落左單。包因為新鮮出爐，夠熱夠脆。而牛油用冰鎮方法分開上，誠意之舉 👍🏻👍🏻

簡單講幾句。早餐經常食既係E餐, 有牛扒、法蘭克福腸、炒蛋、多士及飲品。牛扒唔係一般茶記早餐既「柴皮」, 有多少厚度食落口亦唔韌, 飲埋凍飲只售四十幾蚊我覺得幾抵食。午市晚市係呢度就一定係點焗海鮮飯。最吸引我係個飯既芝士同忌廉汁非常夠份量, 唔似一般茶記食到一半已經無晒汁要乾哽炒飯, 夠晒JUICY。

紅茶顛覆了茶餐廳的世界，不再局限於沙嗲牛肉麵，而是匯入特式甜品。1. 貓山皇蛋糕 -- 愛榴槤的不要錯過。·外形用了刺蝟設計，核心是榴槤肉，第二層是榴槤忌廉，最後是忌廉，再曬一層朱古力粉。·人是貪心的，我想要多D 榴槤肉。🙋 味道：🌕🌕🌕🌕🌕份量：🌕🌕🌕🌖環境：🌕🌕🌕🌕性價比：🌕🌕🌕🌗整體：🌕🌕🌕🌕🌘·2. 阿華田朱古力略嫌阿華田被朱古力味搶了，因為頂層朱古力味太香濃🤤，每層以阿華田慕絲及朱古力間隔。·味道：🌕🌕🌕🌕份量：🌕🌕🌕🌕🌗環境：🌕🌕🌕🌕性價比：🌕🌕🌕🌖整體：🌕🌕🌕🌖·3. 楊枝金露它竟然用叉子別？是師傅將它製了布甸，再不是糖水了。堂食以棉花糖裝飾，擺設更讓人心動，有點少女心💕內裡的西米有咬口，是一個新嘗試。·味道：🌕🌕🌕🌖份量：🌕🌕🌕🌗環境：🌕🌕🌕🌕性價比：🌕🌕🌕🌖整體：🌕🌕🌕🌖·4. 飲品：檳治 都係$25一杯，好大杯，好味，慢慢飲，好合悶熱天氣。·味道：🌕🌕🌕🌕份量：🌕🌕🌕🌕🌘環境：🌕🌕🌕🌕性價比：🌕🌕🌕🌕整體：🌕🌕🌕🌕🌘·

平靚正的港式茶餐廳1. 食物質素好，選擇夠2. 環境乾淨企理3. 服務態度要讚揚一下，樓面、收銀、清潔伯伯也很好禮貌。不是一般茶餐廳的服務態度：食完唔該快閃，永遠係前世欠佢咁。香港搵到咁嘅質素嘅茶餐廳難度很高！請繼續努力保持水準！Must try Hong Kong style ‘char chaan teng’ Food quality is consistent and serves a wide range of food. It’s good value for money.Surprisingly good customer service for a char chaan teng!

呢間啲嘢普通啦價錢比出面同類餐可能貴少少, 不過冇乜驚喜. 今朝喺度食咗個早餐c 榨菜米 跟個多士, 點知個餐原來冇跟炒蛋乜嘢其他都冇, 而其他餐就有跟好多唔同嘅嘢。 好似畀人裝咗彈弓咁， 雖然佢 呢個餐 平一兩蚊， 不過感覺都好似中咗圈套， 唔知呢間嘢個老闆個腦諗乜嘢， 乜嘢logic, 設計到呢個餐除咗個米粉之外咁dry. 係咪食米粉溝炒蛋或者其他就會屙.

中午經過呢間紅茶，見到好多人食緊咪諗住試下，點知中左伏。叫左一個招牌泰式海南雞飯，雞肉唔算好硬，不過冇乜味，通常呢類似呢啲海南雞飯，個汁先係精粹所在，但呢間個汁唔好食。另外叫左個楊枝甘露，本身以為係一碗碗嘅糖水，點知原來係蛋糕，老實講賣相唔算差，人地畫隻兔仔裝飾都唔容易麻，個蛋糕食落一般啦，雖然有芒果味同粒粒柚子肉，食得多感覺好膩，好甜，下面啲棉花糖有啲乾硬。我覺得呢間餐廳嘅價錢又唔係特別平，可能地理位置好所以多人，不過我唔會再黎lu。

今朝早午餐試左附近新開嘅茶餐廳😋，位於彌敦道，好當眼，地方唔算大，但座位寬敞，所以食得都幾舒適。早餐set選擇大路，但感覺比一般茶餐廳精緻同用心，我今次棄沙爹牛麵而揀左酸辣牛肉麵就係貪佢夠特別，而且我嚟到都十點幾啦，當埋午餐食辣野可以的。😊佢個酸辣肥牛麵好惹味啊，碗麵一放低就已經好香香茅味，湯底勁似冬陰功，肥牛都好實在唔會好少或碎濕濕。跟餐仲有片丹麥多士，咁酥香應該落左好多牛油🙈。好肥但好滿足！家姐就要左牛扒拼腸仔早餐😁，的確好大份，牛扒有手掌咁大塊，而且厚身，肉質實在多汁，淋上黑椒汁，好惹味😍。食完應該可以skip午餐。但個奶茶就中規中矩咁啦，愛港式奶茶嘅誰人覺得有啲美中不足囉😏。