紅葉茶屋 (奧海城二期)

营业中

休息中

好耐無喺奧海城食飯，想食清淡少少，揀左呢間紅葉茶屋食晚餐，之前淨係食過外賣甜品，今次係第一次堂食，不得不讚d餐碟真係好靚.✨牛肉壽喜燒定食✨前菜有醃蘿蔔同牛蒡，壽喜燒汁唔會過咸，好送飯，可惜味噌湯感覺似即沖✨蒲燒鰻魚茶漬飯✨茶漬飯無茶揀🙈揀左鰹魚昆布湯，湯份量太少，但味道不俗，鰻魚肥美，可惜得一件✨藍莓芝士忌廉窩夫✨呢間日式餐廳好多甜品選擇，好多都好吸引，呢個窩夫有好多配料，好豐富，只係個窩夫感覺係現成野，唔係新鮮壓出黎，質感偏軟，但過吓口癮都唔錯既

又係成日幫襯既餐廳，因為係屋企附近。貪佢唔使book位定食又有得免費添飯～設施方面有啲舊，櫈同啲托盤都睇得出經過時間既洗禮，算係求其食餐飯既好去處。今次我壽喜燒個賣相真係好一般，一舊野咁。男朋友叫既A4黑毛和牛就正常好多。味道無咩特別，不過啲菜真係好一般，好硬～似白烚左一陣就放落去～其實我就唔覺得值依個價。今次叫埋個甜品Tiramisu ，反而我幾中意。佢唔係傳統手指餅既整法，質感亦比較硬身，蛋糕底～雖然唔係authentic 不過岩我口味所以我覺得好食！同埋我中意佢個presentation，好整齊既感覺，推介！

一入店，馬上就俾豪邁既卡邦尼烏冬俘虜咗味蕾🍜。想像下啦，濃郁嘅蛋黃混合澎湃嘅芝士同煙肉塊，每一啖都係烏冬滑溜溜嘅幸福感！烏冬面彈牙，吸滿咗醬汁，當溫泉蛋一炮開，黃金嘅蛋液流得到處都係，幾美味囉～好像有個小宇宙喺口中爆炸噠！點多碟抹茶白玉雪糕，哥哥！清新嘅抹茶味道，配上滑嫩嘅雪糕，舌尖上嘅熱氣一下子就消失曬！白玉又加咗幾許QQ嘅食感，一句話，清新爽口到不得了！每樣菜色都喺筷子上盡情跳舞、啖啖肉的和牛好滋味，豬排厚切多汁，呢間茶屋簡直就係口福之家。茶屋裝潢得寫意又舒服，啱哂同三五知己小聚，聊聊天嘆嘆茶。食單簡單直接，一掃就選到自己鍾意嘅美食，真係方便到爆炸啦🎉！下次再來試試其他招牌，儅然要再次打卡啦！👍🍵

好想好想破戒食雪糕見公司附近有間日式茶室日式木系裝修都幾靚既有芭菲食又唔太貴就入咗去試吓叫左抹茶芭菲今日雪糕係密瓜味中間有d抹茶雪糕同抹茶啫喱蜜瓜幾香甜仲有個抹茶生朱古力無諗過係抹茶粉入面係黑朱古力🍫😅有少少失望

本人昨晚一行三人到奧海城這間餐廳吃飯，完全係比佢門口嗰張牛肉壽喜燒poster吸引。因為本人十喜歡吃壽喜燒。我叫咗牛肉壽喜燒套餐。首先當食物上枱的時候發現賣相極差。擺盤都懶、牛肉質素唔好，煮法亦差。上枱食物冇一樣嘢係熱嘅我唔係要求熱到出晒煙。佢碗飯、牛肉壽喜燒、同埋湯連暖都稱不上。好明顯喺廚房攤到凍晒先俾我。附上佢放喺門口張poster同埋我上枱嘅時候食物嘅樣。大家明我講乜。其實佢要用心做好都唔係好難。將個壽喜燒湯底煮到好熱先轉落個砂鍋度，喺面擺生牛肉立即serve俾個客。就算你啲牛肉質素唔係好好，應該都唔會差嘅。我覺得完全係廚房問題唔關服務員事。所以都冇即場反映。不如喺呢度俾大家評下理. $133 +10% 要俾返啲質素個客。希望管理層或管理食物質素人士立即正視呢個問題.

之前喺D2食過一次紅葉茶屋，嗰次食甜品，已經覺得擁有滿滿嘅日本風味。所以今日去開奧海城，就試佢地嘅午餐。餐牌超多選擇，我地兩個選擇左以下嘅餐單：牛肉壽喜燒定食 $128北海道味噌叉燒野菜拉麵 $98抺茶白玉 $48炸牛肉薯餅 $35我本身好鍾意食sukiyaki, 不過原來紅葉茶屋唔係火鍋上，未能夠熱辣辣食，所以起初都有少少失望，但係唔緊要，味道真係唔錯，所以都開心番😅😅屋企人就食拉麵，佢話麵質唔錯，個湯底好好飲。我哋好為食，叫多一份牛肉薯餅，但係竟然唔記得左影相😭牛肉薯餅又係好好食，好Juicy🥰最驚喜係個甜品，兩種味道嘅丸子，配上手打抺葉，我完全感受到日本嘅風味，呢個係我推介必試嘅甜品👍🏻👍🏻👍🏻

今日黃雨，但又吾想浪費一天假期，所以去左商場行街睇戲，經過見到紅葉🍁茶屋就入左去醫肚💕主食：卡邦尼烏冬平日卡邦尼意粉就食得多，卡邦尼烏冬就第一次試🫢烏冬出奇地好夾卡邦尼，烏冬面係粗身烏冬，比較有嚼口，配有芝士粉、煙肉、溫泉蛋，又香又好味🤤另外覺得卡邦尼烏冬十分有創意🫶🏻🫶🏻飲品：抹茶白玉雪糕身為抹茶控既我十分中意飲，加左白玉同雪糕，白玉有咬口，雪糕又消暑，啱哂熱辣辣的夏天😎🍁餐廳係用QR code形式自動落單，如果想要水係以自助形式去拎😁

紅葉屋 以前吃過旺角分店感覺還不錯所以今天在這裡繞一圈後決定吃這家家沒想到選擇錯誤了首先拿了票後叫過了沒注意想說問問店員可否輪下一個不過事先我們也先多領一張票在嘗試跟門口女店員溝通後在完全被無視的情況下我們為店員加上設計對白來消磨我們繼續等待的時間也沒有等很久就入座了我們被無言語之下帶到最入的位置店員們辛勤工作我們一坐下來就知道了因為我們坐在布草袋旁邊舊的衣物髒味汗味陣陣飄出自助茶水間有幾隻渠蠅在休息不是說餐廳有昆蟲不對但有客人入座是否應該多加注意點完餐後我們有點受不住味道了於是希望能轉個位置沒想到店員聽完後沒任何回應就轉身走了這是什麼？過了一陣又另一位男店員來問我們「你想調到哪裡？」原來這裡的店員是會說話的這是我們由等票到現在聽到店員跟我們說的第一句話最後還是換了個比較好的位置至少沒味道空氣也更流通一點餐點也隨即送到只能說普普通通但光是服務那麼高質就讓我們沒辦法好好享受食物了總結食物正常服務欠佳環境普通衛生超差同樣的價錢有更好的選擇

今次到紅葉茶屋食晚飯🥢，位於大角咀海庭道18號奧海城二期地下G36-G37號舖。 餐廳是一間來自日本鎌倉的過江龍，以抹茶提拉米蘇出名。定食種類多， 我被壽喜燒和茶漬飯吸引了， 點要兩款再加甜品，和牛肉壽喜燒定食$168、 豪華海鮮丼茶漬飯( 香濃蝦湯) $168、 鎌倉紅葉茶屋特製軟雪糕芭菲$75、 芒果焦糖窩夫$68。 🔸和牛肉壽喜燒定食 ～ 很喜歡食和牛肉壽喜燒， 有濃郁肉香， 肉質細嫩入口即溶。     🔸豪華海鮮丼茶漬飯( 香濃蝦湯) ～ 茶漬飯有兩款食法，1.先食刺身和飯，配山葵及醬油。2.再把熱湯倒進碗內，加入少量山葵。 刺身都算幾新鮮， 茶漬飯加入蝦湯， 清甜美味。 🔸鎌倉紅葉茶屋特製軟雪糕芭菲 ～面層有香滑的軟雪糕， 配上焦糖、紅豆蓉、丸子和小熱香餅，夾層有抹茶雪糕、幼滑忌廉和綠茶啫喱， 有不同層次的口感， 非常好味，推介。 🔸芒果焦糖窩夫 ～ 芒果粒太凍， 焦糖窩夫味道正常發揮。 欣賞這裏的雪糕芭菲， 抵食大杯又好味。🏷️溫馨提示～ 整個用餐體驗均屬個人分享意見， 只作參考😊。

I wanted to try their orange tiramisu but it was not available and changed to the seasonal strawberry one. I loved their sukiyaki set and green tea last time. I ordered their cold matcha with ice cream this time. My friend and I decided to try the regular beef sukiyaki set meal and also the wagyu beef sukiyaki set meal to see the difference.The drinks were served first and their maccha, despite the ice-cream and ice, tasted really rich. The shiratama was a nice touch to the drink given you somet

餐牌：茶漬飯係滿足你兩個願望的丼飯，用醬油和山葵來享用的海鮮丼和配上熱湯享用的茶漬飯於是我就叫咗個茶漬飯試吓根據餐牌嘅茶漬飯的享用方法第一碗：以附有山葵的醬油點刺身和飯一起吃第二碗：把適量的飯和刺身放在小碗裏，放入熱湯，然後按喜好加人一點山葵享用。口味清新美味第三碗：以你喜歡的方法再來一次！其實都幾特別，好似食緊海鮮丼咁，加啲熱湯，又好似食緊泡飯，原本以為真係茶泡飯咁解，但係其實嗰啲「茶」其實係鹹鹹地嘅湯，齋飲其實好鹹送飯就啱啱好

我個女最鍾意去日式餐廳，今日經開D2見有一問富日本風的茶屋，就帶個女去坐下❤️入到去當然揀阿女鍾意嘅吉列豬扒滑蛋丼啦，依到嘅前菜同其他店舖唔同，佢哋係涼拌牛蒡絲同涼拌青菜，感覺清新。吉列豬扒炸得很鬆化香脆，豬肉食落多汁。牙仔唔多舒服嘅女女都食得好輕鬆👍🏻 滑蛋蛋味濃郁，份量恰當，同埋白飯一齊食感覺好溫暖❤️最後叫個黑蜜抹茶蕨餅做甜品🍮抹茶味十足，煙煙韌韌。食完超級滿足。下次帶埋老公過嚟試下其他嘢。

2位住附近的朋友都推介這間餐廳,坐得舒服,野食好味,仲要係吾貴!所以佢地帶左我依度聚舊。大愛那種有親切的日式小店的氛圍朋友叫了刺身茶泡飯,佢話佢食過好多次!我的生薑燒豚肉定食,不錯吃,喜歡食軟飯的我表示個飯好軟熟😂個豚肉好入味,有d洋蔥的甜味。另一朋友的和牛壽喜燒,佢話好好食,佢過左幾日之後又走去食多次🤣🤣朋友們點的雜錦天婦羅,我覺得還可以。三個女仔其實好飽,但甜品係第二個胃,我地一人點左一個share,三個都好好味呀🥰😊食完超滿足。

今日同朋友去咗奧海城嘅一間日本餐廳，食日本嘢，呢一間係非常值得推介嘅日本菜，首先先講一講餐廳環境，裏面嘅間隔好有日本風格，用一些木秋做裝修，感覺好平靜舒適，每一個座位都有好大嘅空間，好適合同朋友來相聚一刻，最重要這裏的食物都係超級好食，今日叫咗個魚生刺身，生蝦等等，我發現呢間餐廳嘅刺身凍食壽司都係好新鮮，口感一流，同埋好油鮮味，所以我覺得呢一間係真正嘅日本菜，而且個價錢都唔貴，當個餐嚟嘅時候，好有驚喜，好有特色有擺盆，有前菜，有沙律，仲有大大碟餸，同埋大大碗飯，覺得好爆肚，而且好有家居的感覺，好整潔，所以食嘅時候都特別開心，我朋友仲叫咗個肥牛鍋飯，裏面嘅肥牛都係好好食，好多肉，仲有加埋碗湯，超級抵食，如果下次要約會的時候，奧海城呢間日本餐廳一定要泥食，推薦推薦😍😍

同屋企人去開哩邊買野.見開返堂食.所以同屋企人揀左哩間日本野試下!我地3個人叫左3個餐🔎牛肉壽喜燒定食🔎芝士雞肉蕃茄忌廉烏冬🔎特盛黑麻油濃厚豚骨湯拉麵每樣野都配2個前菜.另外壽喜燒定食會配埋個飯同埋個湯👍🏻牛肉份量都幾多味道幾好送飯一流.媽媽揀咗拉麵叫左特盛有4大塊肉幾抵食.湯底正常發揮唔會太鹹都ok.我就食忌廉烏冬好濃郁好好食😋啱晒鍾意芝士忌廉嘅我😎🔎整體雖然餐廳唔大.但係都唔算迫.只係落單之後等候嘅時間太長.等咗接近30分鐘先有嘢食.真係要改善下.同埋員工太少.等執枱攞水加飯都要等好耐.味道中規中矩.勝在價錢唔算好貴.人均$110 可以接受🤟