紅葉茶屋 (奧海城2期)

营业中

休息中

早前想食茶漬飯，就去咗大角咀嘅紅葉茶屋🍁舖頭嘅裝修比較簡約，有少少似啲日本速食店食咗兩款茶漬飯，一個叫做昆布湯，另一個就叫咗蝦湯，兩個飯都配左刺身 (諗落其實刺身陪茶漬飯會唔會有少少奇怪呢)昆布湯係幾好味嘅，不過試完蝦湯之後就覺得完全比下去蝦湯勁有蝦味，係真嗰啲蝦唔係櫻花蝦喎！略嫌有少少咸，不過都接受到嘅~刺身尚算新鮮，整體感覺都唔錯。

放工時間7點將，唸住去奧海城求其食番一餐。由於我遲到，朋友好快就搵左拉，咁我直接入去。剛到鋪頭，發現仲有好多空位，心唸應該唔會好食。睇睇個menu, 有一般嘅牛肉同埋豬肉定食，仲有比較少見嘅茶漬飯。既然好耐都冇得去日本，決定就叫個海鮮四色茶漬飯（$148）我諗過一試驚為天人，無諗過是但去食一間餐廳會咁好食，都見OpenRice無咩人寫價錢就中規中矩，個飯有三文魚，吞拿魚，魚子同埋兩隻大蝦。蝦頭稍為帶白色同埋黑色，賣相一般。然後跟餐我點了蝦湯，因為蝦湯嘅組合比較少見，唔鍾意大濃嘅朋友可以點鰹魚湯。食法係將適量嘅飯同魚生放到旁邊嘅細碗，然後倒入蝦湯，再加上蝦湯。然後魚生就因為熱湯變成半生熟嘅狀態，更加帶出鮮半。好耐都冇食過咁高水準嘅日本菜，睇番介紹話總店設於日本鐮倉，食物自然有保證。值得一試再試。

價錢合理，甜點好吃。食過兩次，一次在TOP，個人覺得值得推介推介！首先價格方面：個人認為價錢非常合理，可惜沒有網上預約或電話預約訂位，兩個人食飯時間是六點半，但輪候時間不算長。大概十分鐘左右。食物方面食物出菜時間亦算快，整個流程都順暢無需等候太耐。值得關注甜點好吃，有多種日本甜點可選擇，有自選芭菲，黑蜜抹茶蕨餅，自選新地，抹茶提拉米蘇，窩夫，可以一解大家掛住日本之情！環境方面環境佈置非常簡約衛生但座位舒適。適合普通聚餐或下午茶。服務方面不過不失，員工服務態度普通，但算快手所以落單流程都順暢。整體方面：如果鍾意吃甜品的你，就值得去試，芭菲和新地都可以自選，所以選擇多樣化，價錢亦不昂貴，對比其他日本食肆算是價錢合理，地點方便又多間分店，所以如果行過都值得去試。

見到舖頭幾日本幾靚咪走入去試吓啦而且又三點半又唔使等好耐⋯只係等左大概10分鐘左右本來想入去落地玻璃可以望吓出邊點知見到有個職員喺度瞓緊覺，而且服務員都安排其他人坐近門口我諗係方便招呼客人啦！唔緊要服務員俾我坐咗喺門口附近都OK嘅！一坐低咪叫咗個甜品試吓等咗10分鐘左右就上枱即刻想試吓個窩夫點知係林同靱🤢再試下啲忌廉又鞋又冇味🤮見到果球紅豆蓉真係想嘔車厘子係罐頭嘅所以梗係唔食啦🥱食咗兩啖梗係唔食啦晒quota🥴冇下次超難食🤮計埋加一接近成百⋯竟然垃圾🤬環境可以吖所以呃左入去服務態度一般⋯因為可能一腳踢😐

⛩紅葉茶屋走和式茶館的格調，來自於日本古都鎌倉，提供輕懷石風定食料理、手作洋、和菓子甜點和飲品。我們今次這個girls date👯‍♀️的重點當然是吃些甜點🍮、喝喝茶🍵和聊聊天💕。我們點了🍁紅葉推介🍁的甜點：.🍨抹茶蕨餅新地 $65雲呢拿新地雪糕🍦入口香甜，質感軟滑，驚喜的是沒有很快溶化。我自己最喜歡的卻是抹茶雪糕和抹茶蕨餅，配上雲呢拿雪糕真的很配💯！煙韌的白玉也要給讚！🥰🥰🥰 反而我本身對紅豆蓉一向都不是很有興趣，因為覺得太甜🤭😵‍💫 不過這一球紅豆蓉一吃便知道用上的是質素高的紅豆，做得非常粉糯。所以我把大部分都送了喜歡吃紅豆蓉的朋友～ 另外我都沒有怎麼吃到那一顆藥水味、酸酸的櫻桃🍒🙈😂推介程度：🐰🐰🐰🐰/5.🍧非常雜莓芭菲 $65滿滿的一杯芭菲～賣相十分吸引🤩 最上層是雲呢拿軟雪糕，表面舀上了草莓醬🍓，中間有一些雜莓，底層是脆脆的玉米片🌽和草莓醬。這杯芭菲酸酸甜甜，而且伴有水果，味道比較清新開胃。不過我還是比較喜歡抹茶多點啦！😝😝😝推介程度：🐰🐰🐰/5.紅葉茶屋 (奧海城) (大角咀)大角咀海庭道18號奧海城二期地下G36-G37號舖

想念日本，為解鄉愁，食物是最好的療法😂紅葉茶屋，真正日本店舖，在香港有三間分店，今次經過奧海城，3:00下午茶時間，被甜品所吸引，一於坐低試吓😋本來主要試甜品，但被餐牌上的Lunch Set所吸引，所以點了個午餐，再以優惠價加飲品、小食、甜品。牛肉醬汁烏冬🍜，估唔到咁大碗仲有兩小碟前菜紙巾圖案和碟仔都係葉子形狀，好靚🍀凍即磨咖啡🧋自己加糖漿及奶，可控制份量楓黃豆腐魚餅🐟好香豆腐味抹茶蕨餅新地🍨推介之選👍🏻👍🏻👍🏻濃郁嘅抹茶雪糕，蕨餅煙韌美味，配以紅豆，味道十分夾！

行過紅葉茶屋，見到門口晚市餐牌幾多選擇，同朋友見晚市開始多人，又見佢仲有位就試下佢既晚餐，職員門口登記都好著緊做得好足，跟住就安排左我地坐窗口旁，晚市定食有12款，選擇困難症又出現，最後揀左和牛肉壽喜燒同一口牛定食，同埋加左一口芝士，兩杯抹茶拿鐵，小食同飲品都可以減$10兩款定食牛肉都唔會煮到全熟，口感岩岩好，壽喜燒個汁唔會太濃味，食晒成個都冇問題，一口牛個汁就好開胃，兩個女仔食都仲可以加飯，*定食既白飯可以任添😋一口芝士熱辣辣，芝士味幾濃，一碟得幾粒有啲唔夠喉，抹茶拿鐵抹茶味同奶調味適中，唔會太澀飲唔到，整體黎講係奧海城食晚餐CP值算ok下次聚會可以再選擇呢度

食完飯行咗陣街 行到好攰想搵甜品先發現原來成個奧海城都冇乜甜品食 最後入咗嚟呢度食 因為以前試過個抹茶甜品好好食 8點鐘入去都冇咩人 可以好舒服咁坐亦冇最低消費所以兩個人只係嗌咗一個甜品 🍮 —————————— 抹茶提拉米蘇 唔知係咪冇乜人叫 個甜品擺咗好耐咁上面啲抹茶粉都變咗一粒粒冇咗以前好好食嗰種感覺 中間戈層嘅唔夠creamy 蛋糕有啲濕 整體感覺係原本係好好食但係佢實在擺得太耐 不過50幾蚊兩個人都OK嘅。下次都會再黎食

依間我起旺角T.O.P見過幾次之前已經想試 點知原來佢奧海城都有分店今日行開就試吓餐牌超級多選擇 丼飯 魚生飯 烏冬 拉麵等 又有小食最吸引莫過於甜品 好多抹茶😍特別想試佢嘅茶漬飯1️⃣叫咗個鉄火茶漬飯 (吞拿魚刺身) ($128)超靚仔 勁有日式風味真係有小茶壼放茶另外仲有兩碟前菜: wasabi味嘅波菜 炒牛蒡紅蘿蔔絲味道少少鹹 不過就幾開胃同幾刺激到味蕾個吞拿魚刺身飯都好大個 而且吞拿魚勁足 全部大大片🐟佢有個空嘅細碗仔 係俾你張啲飯同吞拿魚夾出嚟 再倒茶入去食咁就可以品嚐到普通吞拿魚刺身味道 同倒完熱湯之後少少熟既吞拿魚原先個飯係真係一啲味都冇而且飯質唔係珍珠米 一啲都唔黏唔飽滿 係唔好食嘅🍚但係加咗茶就ok 起碼索左啲味 好似食湯飯咁另外佢加咗啲紫菜絲同白芝麻 同個茶幾夾最得意係佢個茶唔係原全茶味 而係半茶半湯 間中聞到好似麵豉湯味🍵至於吞拿魚刺身 佢有成8-9大片全部都厚切 色澤紅潤 都應該好新鮮食落都ok 未至於好好味 間中有啲位會韌啲同埋佢唔太重吞拿魚味🤥好嘅就係唔腥結論係都係倒咗湯茶好食啲 先會有味 另外仲要加豉油建議唔好當刺身飯食 因為米飯口感唔算好食完成個飯都飽 但由

喺附近上堂，嚟咗呢間餐廳食lunch，因為假期關係，餐廳比較忙，同時亦顯得唔夠人手咁。.「海鮮四色茶漬飯」$128🍽：隨餐會遞上一張茶漬飯食嘅方法教學，我個人第一次食魚生嘅茶漬飯，感覺幾特別，刺身分別有三文魚吞拿魚蝦同埋魚子，刺身係新鮮嘅，飯嘅份量偏少，整體味道唔錯，不過價錢我覺得略貴，連加一要$140幾。

今日約左妹妹去奧海城shopping 行到肚餓 就搵下有咩好野食行到去二期見到有間紅葉葉屋 裝修望落簡潔 感覺好舒服然後望下個餐牌 我同妹妹二話不說就入左去餐廳 平日下午茶時間 唔算好多人 座位亦算舒適揀野食啦～我揀左個牛肉壽喜燒定食 個定食跟左個湯 仲有兩個前菜 跟左個白飯 牛肉份量好多 而且配菜亦好多 有豆腐，蘿蔔絲，什菇個壽喜燒汁好好味 由於白飯仲可以無限添加 我食左兩碗飯 好飽好滿足另外 我仲見到好多特色甜品 但我同妹妹都好飽 所以等下一次再黎試值得一提既係員工們既服務好好 好有禮貌 唔錯唔錯

日式餐廳，裝修簡潔，地方唔算大，所以食飯時間都要排隊等位。原本俾佢主打的茶漬飯賣點吸引，但入到去見到餐牌就叫咗香蔥柚子蜆肉烏冬，因為本人喜歡吃用柚子做嘅食物。性價比高，蜆有好多隻，蜆肉都肥美，夠多蔥花，可惜吃不到柚子嘅味道。唔緊要啦，有咁都蜆肉，已經好開心，烏冬正常，湯底清清地，感覺唔係太飽，女生吃分量剛剛好。另外，兩開胃小吃，冇得揀，是日精選，兩款都冷盤蔬菜夾菇菌，都好味，感覺健康清新，係加分位。一貫日式食堂做法，有個吉碗喺旁邊俾你放食完嘅蜆殼，整體感覺良好，不過味道冇乜驚喜。

見到個「夕張哈密瓜🍈」嘅軟雪糕🍦，當然被吸引咗入去食🤣。呢間餐廳🍴都係主打日式料理為主，店舖唔大都算幾擠迫下，晚巿都算坐滿😌———————————————————————————🍦特製軟雪糕芭菲💬滿滿嘅一杯芭菲，最上層係夕張哈密瓜🍈軟雪糕🍦，仲有紅豆、丸子、燒餅、抹茶凍、抹茶忌廉，當去咗轉日本🇯🇵先🥺.🍱一口和牛定食🐮💬定食有野菜沙律🥗、麵豉湯、兩碟小前菜、白飯🍚，和牛粒夠肉味又鬆軟😌.🍜壽喜燒烏冬💬相比之下感覺比較淡，壽喜燒汁應該係濃味一點，可以加以改善

同家人去左嘗試新開左好耐但無食過嘅紅葉茶屋咁我地嗌左牛肉壽喜燒定食同埋抹茶蕨餅新地牛肉壽喜燒定食大大碗牛肉同窩 裡面有蘑菇同豆腐洋蔥同少少菜 成個套餐係有埋溫泉蛋 兩碟小食 一碗麵豉湯 一碗白飯 同埋 d牛肉嘅分量好多 唔係超肥嘅牛 d汁嘅味好濃郁 只係汁陪飯咁食都已經好好食😝 除此之外 飯仲要係任添 所以兩個人食一個set已經好足夠~好味!大力推介呢個套餐!😍抹茶蕨餅新地賣相吸引!睇落去雖然有少少細 不過其實食落去都好飽肚!個雲呢拉新地好軟甜 陪埋紅豆 抹茶mochi同埋個餅食係絕配!ฅ۶•ﻌ•♡不過個人認為價錢都係少貴😌

星期六黎到紅葉茶屋食午餐，假日比較多人，等左一段時間先入到。餐廳位子吾算寬敞，但環境都叫舒服，燈光柔和。我地叫左兩個定食午餐，分別係生薑豚肉定食同炸豬扒定食，另外加左兩樣小食，單骨雞翼同豆腐魚餅。定食有兩個細細地既開胃小配菜同昆布面鼓湯，味道不過不失。飯既分量好多，差d食吾晒。首先講左個生薑豚肉定食先，比左一細碟既芝麻，加落飯去一齊食都幾香。沙津菜配上酸酸地既醬汁，清新又開胃，中和返豚肉既油膩感。豚肉用黎送飯味道岩岩好，但齋食就偏重味，同埋d肉偏碎，食落去無咩口感。整體黎講都算吾錯！跟住講下個炸豬扒定食，豬扒都算厚肉，炸衣吾會太厚，咬入去仲有肉汁，吾會乾，算係做得吾錯既豬扒。 醬汁方面，可以揤少少檸檬汁或者點燒汁。🤗到小食啦，上次食過既豆腐魚餅今次黎到再叫，出面脆脆地，裏面就軟林林，應該係加左紅蘿蔔同粟米係入面，甜甜地好香😋想講呢間餐廳既炸物做得幾好，除左炸豬扒，個單骨雞翼都炸到好酥脆好香，微辣，但可能我口味較淡，覺得咸左少少～🤭下次再黎就試下其他小食😋