紅蔥頭

营业中

休息中

去西九龍買開嘢，順路就入咗間好耐無食嘅餐廳到食埋飯先，呢間餐廳都開咗好耐啦，二人套餐都幾抵食，只係$299，餐廳入面仲有熊擺設，幾可愛呀餐湯+餐包芝士白汁焗青口 - 一份有4隻，每隻都落咗好多芝士入去焗，中間仲有薯蓉，好味道蜂蜜味bbq 燒豬仔骨 - 好大條豬仔骨，好輕易就切得開，豬仔骨甜甜地，面頭有些焦香，夠惹味，仲有薯條墊底同埋沙律食意大利魷魚墨汁意粉 - 意粉彈牙又掛滿濃濃嘅墨汁，魷魚爽口，如果可以加檸檬汁會更加好味自家制心太軟 +$19個心太軟好食，外脆內軟，入面真係流心，又唔會太甜喎，好濃朱古力味道，正曲奇雪糕 - 朋友話幾好食飲品熱檸茶橙色派對，呢杯幾好飲，係我鍾意嘅味道

🤪🤪🤪今日嚟到西九龍中心呢邊 經過見到呢間西餐廳好似幾平 所以就入去試下 點知有驚喜 質素唔錯 有幾多選擇 環境都舒服 大家來西九龍嘅時候可以試吓- 😎$299二人套餐附送湯 蒜蓉包 甜品同餐飲-🦪芝士白汁焗青口一份有4隻青口 好大隻而且新鮮 加埋芝士 好邪惡 但幾好食 啱晒芝士控-🦑意大利魷魚墨汁意粉佢好香墨汁味 意大利粉口感啱啱好 唔淋 宜且唔會太油-🥩深海帶子 拼 醬燒汁牛柳牛柳煮得啱啱好 唔會好韌 而且牛味都濃 帶子就正正常常 冇乜特別-🌹熱情玫瑰 玫瑰花茶再加埋熱情果 清清地又有少少酸酸甜甜 都幾好飲-🍋檸檬草蜜茶-📍紅蔥頭深水埗欽州街37號西九龍中心6樓601C號舖

陪小朋友去冒險樂園玩，對面就係紅蔥頭，近近地食個晚餐。心大心細唔知揀咩好，好彩有二人套餐🥘餐湯係忌廉湯，跟左一塊烘脆左嘅蒜蓉包，幾有誠意。蘆筍野菌意大利飯超正～個樣平平無奇，但係新鮮煮起勁熱辣辣，每一啖都有菇同濃濃香味，蘆筍切粒粒好爽口，無肉所以唔會漏，好推介👍🏻👍🏻蜂蜜味BBQ燒豬仔骨豬仔骨腌過再燒，好大塊，癡住骨嘅肉好嫩滑有油脂香，唔點醬都好味。伴碟薯條都好香脆。炸魷魚圈好香脆好熱氣😌粉漿可以薄番少少🤏🏻心太軟加$19就有一個，有流心皮又脆，值得等待🤤職員好似係全女班，幾親切🙂會同小朋友傾計。

星期六food court 晚市勁爆，如果唔係無位都唔會食依間，食到火滾。完全唔值依個價錢，西餐價比茶記質素首先湯得紅湯又唔岀聲，上到枱先知，其實唔係人人都飲，仲要加錢先有其次，芝士千島忌廉汁海鮮焗飯一啲千島醬味都無，面頭仲要有茄汁，完全係垃圾，收$84之後，軟殼蟹牛肝菌意粉$95，又係無牛肝菌味，完全唔知自己食緊乜，浮係食咗個炸軟殼蟹，成盤意粉食咗2啖真心無下次，一世都唔會再食。如果話比茶記價錢我唔會咁嬲，btw可能有啲茶記仲好食過佢，真係唔知個啲好評點寫得落手🙄

陪朋友嚟深水埗選購手機配件，之後過左去西九龍中心行下，順便搵間餐廳坐低傾下偈。揀左 6/F 呢間「紅蔥頭」，餐廳裝潢好有情調，既懷舊又帶點歐陸童話色彩，好適合打卡。店鋪主打平民價西式美食，有意粉、焗飯及扒餐等供應。嚟到剛好係下午茶時間，我哋揀左個特餐，另外再加兩份 Tea Set，一於齊齊開心 Share。馬來咖喱豬扒飯 ($58)，豬扒煎得很香口，肉質豐腴又彈牙。咖喱汁好濃郁，惹味又唔太辣，配埋薯仔同提子乾一齊食，口感超豐富，撈飯一流！吞拿魚法包 ($52)  法包即叫即製，送上時仍熱烘烘，食落好鬆脆，帶香草和牛油香。旁邊嘅吞拿魚醬，味道亦唔錯，營養豐富，美味可口，用嚟配法包吃，Perfect Match！焦糖肉桂法式西多士配雪糕球 ($52)  西多士切成長條狀，上檯時已聞到香味，入口外脆內軟，肉桂味非常突出，細嚐更帶陣陣焦糖香，配軟滑甜美嘅雪糕吃，呢個組合真係無得輸！每個餐都會配有咖啡或茶，如果想轉橙汁、凍飲或汽水，則須另+$3，特飲+$16。我哋點左奶茶、鴛鴦同紅豆冰，紅豆冰大大杯，甜度適中，紅豆顆粒飽滿，而且煮得夠晒腍身，入口甘甜香綿，很合我意。。

依家係西九租公仔機，所差吾多每日都要去西九補貨，今日補完貨落左樓下間西餐廳食飯餐廳門口放左1隻大啤啤熊，牆身用磚頭牆紙，燈光比較暗，令我放鬆心情餐牌方面有好多扒餐、意粉，我揀左鐵板薄西冷拼雞扒要燒汗配薯菜，扒餐有餐湯餐包同埋飲品，我揀左冷檸茶，另外揀左個小食鐵板上的蝸牛，姐係法式香草牛油焗田螺職員好快送上餐包同餐湯，餐湯係忌廉湯，餐包脆脆地幾好食，田螺味道吾錯，西冷有肉汁無根位好易咬開，雞扒好嫩滑，份量比較多，完全食吾曬

西九龍中心一向好多平嘢食，今次試咗6樓呢間紅蔥頭，佢嘅下午茶套餐好抵食，而家餐廳標榜食物100%唔落味精，食物唔使靠味精，都可以做出呢個水準嘅味道，食材一定好新鮮先做到！依間餐廳係平靚正之選，非常推介！板煎黑椒雞扒蛋飯塊雞扒一啲都唔細塊，食落口好juicy，個汁既味道調得好好好，食飯一流😋😋蒜片辣椒煙肉芫荽扁意粉呢個意粉啱晒鍾意食辣嘅人，個蒜頭味好香濃，感覺係放咗半個蒜頭咁，另外有好香嘅芫荽味，呢個配搭好特別，而意粉嘅質地都好好，好煙韌

以前係深水埗做野就會成日黎呢間食lunch 。今日黎呢邊行開，就順道食埋佢嘅下午茶啦。其實係幾好坐架，因為座位與座位之間有好多空間，所以我相信食晚餐都會好舒服。😌呢度點餐有個特別係自己先寫底食咩😂之後交俾侍應好啦，下午茶食物…我係有少少失望嘅。味道好正常，好食嘅；係分量好似少了點……😅期待有機會下次試吓食晚餐啦

經理好冇禮貌趕客走。星期六下午一時左右入座，叫咗兩份午餐，質素尚可。吃完午餐，我哋食完飯坐多咗一陣，當時大概兩點幾，跟住個男經理走過來，失驚無神擺咗張單喺枱面，跟住好冇禮貌咁講：「你哋坐咗好耐啦，係時候離開，你哋用咩方式找數。現金就而家俾錢，八達就出去櫃位。」我回答說「八達通」經理：「依家去啦去啦，去櫃位找數」我以為周圍好多人等位，冇乜所謂啦。找數時候發覺，餐廳根本大部份嘅位置係空置，唔明點解佢咁心急趕客。仲有態度極不友善。如果你唔想受氣，就唔好嚟呢間餐廳。

間餐廳係專食西餐特別多扒有雞扒同牛扒同埋豬扒特別好食配上番茄仲有薯條啱晒一家大細份量十足亦都有得揀醬汁 沙沙聲即叫即整熱辣辣超級好食10分大份10分足料炎炎夏日我哋都特別加錢飲特飲仲有啊套餐優惠所以又忌廉湯配上麵包仲有我哋亦都食咗好多唔同嘅小吃 特別係炸洋蔥圈超級好食熱辣辣好煙韌好有口感真係一食難忘仲有啊我哋有甜品食咗心太軟熱辣辣流晒汁環境好侍應服務10分好有分店如果大家去到附近都建議大家入去試性比較高

西九餐廳真心CP值高☀️ 紅蔥頭由細食到大，係童年回憶😂 同朋友兩個人去食二人套餐，Total 都係 $299 (會加$1).西湯 + 法包法式香草牛油焗田螺 田螺好味😋 焗完出黎連啲薯蓉都野味扒迷迭香羊扒·煙腩片 伴香草茄蓉汁羊扒好香酥，又唔會太酥，同埋佢有問幾多成熟，我地叫左8成，啲肉質都嫩意大利魷魚墨汁意粉佢一放落黎已經聞到好香墨汁味☀️ 本身鐘意佢意粉唔太油，乾乾地身又有適當既油包著仲有甜品，每人一球雪糕，個日有雲尼拿、朱古力同曲奇☀️

西九龍好多平價好食餐廳，今日試左呢間都一樣！假日餐牌有好多選擇，全部都包飲品。有啲可以加錢配套餐芝士忌廉汁焗三文魚長通粉我最鐘意食芝士，個汁好濃芝士味，岩哂我❤️加埋啲忌廉汁同三文魚碎，好夾好好味黑椒牛扒配飯呢個係套餐。有蒜蓉包+羅宋湯。牛扒唔會俾啲醃肉粉「拿」到好淋，係有口感果種，個汁都調得幾好，唔會太咸。白飯鬆軟，唔會一粒粒好硬特濃芝士焗鮮茄豬扒飯上面舖左好多好多芝士，食焗飯最鐘意食焗融左既芝士，超正。豬扒都幾好食，同好大塊三個餐既份量都好多，飲品沖得好濃味，唔係水汪汪果種，不錯👍🏼

在深水埗鴨寮街行下行下已經過咗午飯時間，唯有走入西九龍中心吃個下午茶填肚啦！CafeMed已經嚟過3次，今次吃下午茶都係第一次。老公叫咗個芝士焗蜜桃去骨雞腿配蛋炒飯，而我在云云套餐中就叫咗個泰式菠蘿粒雞肉炒飯，真係有啲奇怪🤔餐牌上大部分都係雞！正常應該焗豬扒飯、菠蘿海鮮炒飯和牛肉漢堡飽等等全部換上用雞肉所以真係搞到我有選擇困難症不過食物入口味道都好正常嘅！而且可以話好食我個泰式炒飯完全合我心意，不過用雞肉就扣咗少少分啦整體來講，咁嘅價錢有咁嘅水準叫做好抵食

位於西九龍中心4樓，紅蔥頭，門口放咗隻大啤啤熊，裹面環境幾大，有好多卡位，坐得舒服，侍應有禮貌，價錢貼地抵食，晚餐百零蚊就叫到個鐵板牛排餐。依家仲有個二人套餐$299，有餐湯，沙律，小食，兩份主菜，甜品，飲品，超抵食。但我地怕太多食唔晒，所以單點幾樣野食。蘑菇忌廉湯配蒜蓉包湯濃味，裹面有一粒粒既蘑菇肉。蒜蓉包好夠熱，香脆，好味，跟餐嘅湯一啲都唔馬虎。酥炸魷魚圈$48炸到好酥脆，配沙律醬食，能中和油膩感，唔錯，但略嫌炸粉太厚，如果薄返d就更好。小鐵板一口牛$48大約6件一口牛，中間係薯蓉球，配黑椒汁，甜甜地同帶少少黑椒辣，牛肉好軟淋，鐵板熱辣辣，唔錯的小食。鐵板西冷牛扒$149叫左七成熟，啱啱好，切開中間有粉嫩嫩色。肉質嫩滑，喺鐵板上一段時間都唔會乾，冇筋位，啖啖肉。炸薯條上有七面粉調味，有驚喜。海鮮咖喱飯$118配料有蝦仁🍤、魷魚🦑、香腸、煙肉、青口、橄欖🫒、紅黃椒。好豐富，一啖飯都食到有配菜。正！

好耐冇嚟過西九龍啦喺附近格仔鋪行完街就去咗搵嘢食啦去咗6樓轉角位呢間西餐廳紅蔥頭食😆叫咗個二人套餐另外再加多個意粉套餐裏面包咗兩個前菜兩個主菜同埋兩份甜品另外仲有兩杯嘢飲前菜: 蘑菇忌廉湯配牛油法包湯夠滑又香，法包好脆主菜香蒜西冷牛扒7成熟岩岩好唔會太鞋颯颯 肉質夠嫩 個汁好好味😋香草忌廉龍利柳飯個汁好惹味 個飯份量好多😆龍利柳煎得比較乾身 整體都ok黑松露忌廉汁煙三文魚天使麵$118呢個麵你比100分👍🏻👍🏻👍🏻👍🏻黑松露同忌廉汁簡直係絕配，啲汁完全心晒落啲面度好入味，天使麵煮得條條分明！好食最後埋單人均消費都係$200左右！抵！Janna 翻撻指數：9/10🥢🥢🥢🥢🥢🥢🥢🥢🥢