紅蔥頭

营业中

休息中

We came here @cafemed_hk for a quick lunch after getting some errands done nearby. Conveniently located in @dragoncentremall , what’s good here is that they’ve eliminated the service charge throughout the day, though the set is already cheap. They serve mostly Hong Kong style western food. There’re quite a lot of options from the menu but unfortunately they didn’t serve pastas on the day so we opted for steaks instead. The set we chose came with a chicken cream soup, butter toast and drinks. You

今日（3/8）同亞媽及一對仔女去食tea，我叫左番茄豬扒焗蛋炒飯、亞媽食星洲炒米、亞仔食三文魚白汁長通粉、亞女食炸雞包。落單時玩自助，好似食車仔麵咁自己係張紙度寫，但餐牌又無統一嘅食物編號編碼，睇到一頭霧水，按餐牌上嘅號碼寫完，個waitress仲要問返我即係落左咩餐！飲品牌又無放係枱，所以最後都係要叫職員落單！真係搵黎攪！Tea set嘅食物味道麻麻，豬扒好「鞋」同難咬開、白汁水「朗朗」、星洲炒米太淋、炸雞包塊炸雞好似雞乾咁。最大問題仲係一行四人食完都肚痛肚屙，每人都痾左2-3次！我地果朝瞓到好晏，去果度食野前都無食過野，所以好懷疑係佢啲野嘅問題，但我地痾左3次後就無再痾，估計唔係食物中毒就無睇醫生了，不過以後都唔敢再去。

紅蔥頭深水埗欽州街37號西九龍中心6樓601C號舖本身比較少去深水埗呢區，今日難得過黎探朋友當然一齊食埋飯啦，朋友就帶左我過黎西九龍中心行左陣順便開餐啦，印像中呢到頂樓既美食廣場好多嘢食，但我地今日想坐得舒服d傾下計，最後就揀左係<紅蔥頭>食西餐，估唔到價錢經濟實惠之餘，食物既水準都幾高見到Meun入面選擇都幾多，最後我地揀左2人餐，分別有餐湯，湯包，小食，2份主食仲包埋飲品先2百幾蚊，真係好抵食呀今日既餐湯係忌廉雞湯，熱辣辣飲落好Creamy配埋法式蒜蓉包就最夾啦法式香草牛油焗田螺小食揀左我最鐘意既焗田螺，陣陣濃郁既香草牛油味撲鼻而來，而田螺本身都幾大隻，口感一流，另一重點就係伴碟既薯蓉，沾滿左牛油既香味，真係食到停唔到口鐵板肉眼扒超大塊既肉眼扒夠晒份量，生熟既程度岩岩好，我地揀左5成熟，肉質仍然保持鮮嫩，絕對唔會太靭，配合埋燒汁就岩晒啦香草忌廉龍脷飯香草忌廉汁同龍脷柳就最夾啦，煎得好香而且有2大塊，真係睇見到流晒口水呀，除左白飯仲可以揀意粉架

有時好鍾意同朋友行西九龍 因為有好多小店 久唔久就搵到好野 今次就行到倦倦地 同朋友就搵間餐廳食下西餐先～今次叫左「二人套餐新食法」有餐湯🥣、主菜(兩個)、飲品🍹、雪糕🍦🥣羅宋湯-跟餐嘅羅宋湯好夠熱、而且真係飲到有牛味 有質素既餐湯👍🏻👍🏻🍝卡邦尼煙肉意粉-睇個樣以為無咩味 食落芝士味勁濃 炒得好香 又夠大碟 有驚喜😁🐑扒迷迭香羊扒拌香草茄蓉汁-估唔到跟餐既羊扒有三大塊 羊扒質地好稔身 個薯蓉係有少少薯仔粒 有咬口 好好味👍🏻👍🏻曲奇雪糕係甜品 雖然唔係大公司牌子 但係食完咁多肉 解一解膩係唔錯既～另外小食質素都相當不錯😌今次用餐好有驚喜 地方又好大 坐得都幾舒服 而且餐點大大碟 夠哂飽😁經開西九龍想食西餐 可以過黎試下👍🏻👍🏻

上星五晚, 我地去佐去咗西九龍中心嘅「紅蔥頭」餐廳食嘢！好耐冇來呢一區，中學時期成日去頂樓溜冰同玩過山車。真係好懷念！晚餐我叫咗兩個SET嚟食，分別係4號嘅鐵板牛柳拼炸魚（7成熟）同埋6號嘅鐵板肉眼扒（5成熟）。餐廳嘅服務幾好，員工態度好好，好有禮貌！首先上嚟嘅係羅宋湯，味道好濃郁，湯底入口滑溜，真係開胃又暖胃㗎！我真係一啖接一啖咁飲，令人回味無窮！再來講下我嘅飲品，一杯熱奶茶同一杯凍奶茶。話真係，香港嘅奶茶，冇得輸嘅！熱奶茶香濃馥郁，啖住一口，啊味道就喺口中散佈開嚟，好滿足呢！凍奶茶更加係消暑聖品，凍凍地飲落去，真係好解渴！最後嚟緊就係主角嘅鐵板料理啦！我地叫咗5號嘅鐵板牛柳拼炸魚同埋6號嘅鐵板肉眼扒。牛柳好嫩好滑，每一口都似入口即溶，而炸魚外脆內嫩，鮮甜多汁，真係好正啊！肉眼扒大大塊又厚身，肉質鮮嫩，五成熟嘅口感啱啱好，完全冇多冇少，火候控制得好好，值得稱讚！

#fafafoodblog西餐 #fafafoodblog深水埗🍴二人套餐 299 蚊1歐陸濃湯兩客加牛油法包🍲,湯係羅宋湯 好多蘿蔔 洋葱 足料 蒜蓉包好香濃 蒜味香夠香脆 2法式香草牛油焗田螺🐌田螺好軟林 醬汁入味 帶 d蒜香同黑椒 鐵板既田螺用薯蓉做底薯蓉熱辣辣夠軟熟 正 3鐵板肉眼扒🐂鐵皮扒 肉眼好軟林 厚切 juicy有粟米 薯條露筍 醬汁應該係洋葱汁 好入味 鐵板熱辣辣 一路食扒一路食薯條 正4卡邦尼煙肉扁意粉🍝🧀卡邦尼汁芝士味香濃度適中 食落好軟滑 撈埋爽口既意粉好正 有切得好幼身既煙肉同蘑菇 夠足料盡吸卡邦尼汁👍🏻 5 甜品雪糕球兩客加 29 蚊加心太軟雪糕都幾大球 係雲尼拿 加 d朱古力醬同碎 好食心太軟整得好好 出面厚度適中。入面夠流心朱古力味香 好食 6飲品 凍奶茶加多16 蚊轉特飲 熱情玫瑰#西餐 #肉眼 #心太軟 #薯條 #雪糕 #意粉 #卡邦尼Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻

閒日晚餐輕鬆食今晚同男朋友黎到紅蔥頭，餐廳算得上係西九龍老店，價錢親民幾抵食！點左299二人餐，包餐湯、小食、主食、甜品、餐飲，超抵食！餐湯方面係羅宋湯，大量蔬菜，酸酸甜甜少少辣，味度恰到好處。加埋蒜蓉包，香脆又好食！小食點左芝士白汁焗青口四隻大大隻，青口肉夠哂飽滿，認真唔錯！主食點左鐵板肉眼扒，配黑椒汁香噴噴！要左五成熟，肉質口感嫩滑，加埋黑椒汁好惹味！另外要左蕃茄奶油吞拿魚螺絲粉！蕃茄味酸酸地幾開胃，吞拿魚夠多超滿足，入口啖啖肉！甜品加左錢轉心太軟，嫌失色，中間太熟！但朱古力味夠香濃

西九龍中心一向都好多平靚正嘅餐廳， 今日去咗6樓呢間紅葱頭，我哋12點幾就入咗餐廳，好彩早少少，之後已經見到餐廳出邊排滿晒人。餐廳午市套餐有好多選擇，最重要係所有食物都冇味精！而家出街食飯要搵間冇味精嘅餐廳真係唔容易，仲要食物質素唔錯，價錢又優惠！芝士忌廉焗三文魚長意粉芝士焗三文魚意粉滿足咗我對芝士嘅渴望，三文魚都焗得啱啱好，唔會太乾。唐揚脆雞翼肉醬意粉雞翼肉質嫩滑，意粉都煮得啱啱好。黑椒牛扒好食，牛扒煮得剛剛好，個黑椒汁唔會太辣，啱啱好。薯菜都煮得幾軟身同香口，同牛扒一齊食好岩。

陪小朋友去開心樂園玩，對面就係紅蔥頭啦。其實套餐真係最抵，兩個主菜仲跟餐湯餐包飲品，加$19有個即叫即焗嘅心太軟，流心效果超靚，小朋友食得好開心🥳👉🏻鐵板西冷扒超級大塊，一啲都唔韌，有口感，啱啱好六成熟👍🏻伴碟薯條好脆。👉🏻巴薩酒醋燻鴨胸意粉酸酸地幾開胃，未食過呢個口味嘅意粉可以一試。👉🏻唐揚脆雞翼勁大隻厚肉雞翼炸得好脆，一定要叫。🐻🐻🐻🐻🐻🐻🐻🐻🐻一眼睇晒「二人套餐新食法」有咩食：歐陸式濃湯兩客 + 牛油法包是日沙律一客 或 今日精選雪糕两球香蒜西冷牛扒（鐵板盛上）黑椒雞扒（鐵板盛上）（2選1）巴薩酒醋燻鴨胸意粉香草忌廉龍利柳飯蒜片辣椒煙肉芫茜扁意粉（3選1）咖啡或茶

呢日喺深水埗附近做完嘢，諗住入西九龍中心涼下冷氣同埋睇吓有咩啱食，見到門口有人等位，望吓原來係好耐冇食過嘅紅蔥頭，見到Menu上有好多套餐選擇，全部平民價🤩 我俾啲扒餐吸引住，食完發現原來平嘢真係有好嘢👍🏻👍🏻.▪️鐵板什扒有雞扒、豬扒、煙肉、雞蛋，粟米、薯條，翠玉瓜、紅蘿蔔🥕 鐵板上 熱辣辣有儀式感😆雞扒同埋豬扒都大大塊，厚身而肉質不鞋，淋上黑椒汁，經過鐵板嘅燒焦份外惹味，香氣撲鼻。.❣️如果一個女仔食，呢個餐份量會偏大，可以同朋友開心share.▪️露筍野菌意大利飯意大利飯有咬口，配上露筍同埋野菌，味道清新，上面灑上芝士粉，令人越食越開胃🫶🏼 重點係呢個飯只係$67，超抵食.🙊唔使餐餐食貴嘢，養吓荷包食平民價餐都會食到好嘢✌🏼

今次去左西九覓食🤪平時去親西九都係去food court，今次諗住坐得舒服啲就去左呢間西餐廳😬佢嘅環境都幾舒服，好多卡位坐🫶🏻我地叫左個鐵板肉眼扒餐（$155）同黑松露蟹籽帶子黃金意大利飯（$136）🙌🏻是日餐湯係忌廉湯，飲落幾creamy，加埋個蒜蓉包食都幾正😂個肉眼扒餐有得揀汁同熟度，我揀左七成熟，咬落去都好軟嫩，表面煎到微焦幾香口，再淋埋個蒜蓉汁上去就更香🧡配菜方面有薯條同蔬菜，啲薯條外脆內綿👍🏻個Risotto好香黑松露味，上面仲有三粒煎到表面金黃嘅帶子，味道鮮美🫶🏻而個黃金指嘅係粟米，令個risotto食落多份甜味，口感都豐富左😬整體嚟講呢間餐廳坐得舒服，食物選擇都多，而且價錢唔貴，野食大份，幾啱同fd嚟坐下傾下計🤪

紅蔥頭早幾日出咗去深水埗買電話卡，買完去行下西九龍中心，行到6樓見到「紅蔥頭」餐廳門口比個下午茶個價錢吸引住，之後入咗去食個下午茶！呢間餐廳估唔到搭正2點都有咁多人食，深水埗出名多平價野食，就連喺商場入面都咁平，可能好多人係等到2點先入去食，每個下午茶餐都係大約$40左右，性價比好高！👍👍👍1.板煎黑椒雞扒蛋飯$42 配熱咖啡（9/10）呢個板煎黑椒雞扒蛋飯入面個雞扒肉質好嫩滑，除咗肉質嫩滑之外，外皮煎到少少脆，煎蛋仲係流心，配埋少少蔬菜（翠玉瓜、粟米粒同紅蘿蔔）就好均衡，呢個餐仲有埋熱咖啡送，唔洗加錢！👍👍👍2.漢堡炸雞包$50 配凍奶茶$3（8.5/10）呢個漢堡炸雞包個炸雞件好大舊，炸得好脆又保留到肉汁唔乾身，肉質好嫩滑，入面仲有蕃茄同生菜，加埋沙律醬一齊食好夾，凍奶茶只係加$3，唔錯！😋😋3.咸酥流心芝士吐司$46 配熱咖啡（9/10）呢個芝士吐司好邪惡，吐司上面放咗好多芝士，咬落去好酥脆，芝士咸咸地仲拉到絲，呢個餐仲有埋熱咖啡送，唔洗加錢！👍👍👍2人總共價錢$141個人口味總評分：8.83/10地址：深水埗欽州街37號西九龍中心6樓601C號舖Please follow me

食過最難食嘅千層麵，d皮嘅厚度層層唔同，有d薄到透，有d厚到成cm 咁，整體擺落口口感似食粉團調味上唔知點解除甜之外冇其他，連埋口感， 就係食緊d未熟嘅甜飯團，十分驚嚇茄醬層薄到好似淨係放咗蕃茄皮上去咁，肉醬又炒過又冇配料

星期日見樓上8樓好多人，又想試吓新嘢，見呢間裝修幾靚，價錢又正正常常，就想入嚟試吓。坐低想叫嘢食，個女經理企喺你面前叫咗佢五六次都冇反應，最後一次叫你自己寫紙仔就走開咗，態度極之差。之後嘢食上到嚟，同圖片完全唔一樣，貨不對辦，份量更加對不起價錢。以後都唔會再嚟食

深水埗是一個充滿活力和熱鬧的地方，而西九龍中心的 Cafe MED 是我喜歡的去處，對於那些想享受美味下午茶的人來說，Cafe MED 絕對是一個不容錯過的地方。這家咖啡館的下午茶套餐價格大約在 $40 左右，這個價位不僅可以享受到美味的食物，還可以在一個舒適的環境中放鬆身心。.下午茶套餐包括許多美味的選項，讓客人可以根據自己的口味和偏好選擇。今次我食了板煎黑椒雞扒蛋飯，這道菜色搭配了嫩滑的雞肉和香辣的黑椒醬汁，再加上一個煎蛋和香氣四溢的飯飯，絕對是下午茶時段的完美選擇。另外，鐵板一口牛配薯蓉也是一道不容錯過的菜色，這道菜色搭配了嫩滑的牛肉和香氣四溢的薯蓉，口感豐富，令人回味無窮。.Cafe MED 的下午茶套餐還包括其他美味的選擇，例如飯意粉、薯條和多士等等。此外，套餐包熱飲，也提供各種飲品，包括咖啡、茶和特飲。.除了美食和飲品，Cafe MED 的環境也非常舒適。這家咖啡館裝飾精美，環境寬敞，充滿歐陸風格及有可愛的小熊。此外，他們的員工服務態度友好，總是笑容滿面地迎接客人的到來。這一切都讓人感覺舒適和溫馨，讓客人可以放鬆身心，享受美好的下午茶時光。.總的來說，Cafe MED 是一