紅蔥頭

营业中

休息中

環境裝修有feel，略嫌射燈太強，有散光人事就麻麻，好似我咁😅每個餐都係$5x左右價位，有啲包湯飲，有啲淨包飲，阿華田好立克唔洗加錢餐湯ok，多士好味蜜桃芝士焗雞扒飯罐頭蜜桃幾粒，雞扒件4-5件，唔足一塊，汁充足，不過飯好淋好爛蜜桃汁煎豬扒飯可以揀意粉或薯菜，煎豬扒可以接受，白飯一樣好淋好爛奶茶唔係茶餐廳味，係西餐廳嘅黃牌紅茶底，所以好麻麻。。。。呢間餐廳真係試一次就夠，同一地點我會揀上去foodcourt揾食，因為選擇同口味更多，價錢更抵

晏晝專登去左高登買啲野，買完順便係西九龍中心覓食～見呢間西餐廳幾抵食又坐得舒服，即管入去試下😗⭐️羅宋湯配牛油法包 ➕💰6️⃣羅宋湯偏清淡，唔太酸亦唔太重黑椒味法包既牛油幾香但脆度就爭少少😅⭐️芝士焗蜜桃去骨雞腿配蛋炒飯 💰5️⃣4️⃣新鮮焗起熱辣辣，賣相吸引😍面頭既🧀多到令人讚歎😱😂雞腿起晒骨，帶輕微黑椒味，肉質嫩滑😋蜜桃好甜，同呢個焗飯幾夾😁炒飯帶蛋香但略嫌濕左啲，如果可以乾身少少就完美❤️入去之前喺門口既餐牌左下角見到寫住No MSG，呢個都係其中一個吸引我入嚟嘅原因之一😇 對於我呢啲外食一族都幾重要😂

鶏肉サラダ 🐓🥗原本沒有太大期望，只是想食菜。但無想到平凡的紅蒽頭都有surprises：意大利烤雜菜沙律拌香草雞肉。除了有少量的沙律菜之外，我更加鍾意會有唔同種類嘅蔬菜🥬 可以一次過試到不同口味：1 生菜 2 彩椒 3 烤茄子🍆 4 烤翠玉瓜 5 黑橄欖🫒 烤菜蔬本身都好夠味，但如果怕太淡（我夠得ok) 都有黑醋味的沙律醬汁可以點。已所以，係一個幾好嘅食菜經驗。雞肉方面的surprise 是有足夠溫度，打開仲係暖笠笠，有少少油脂滲出嚟😌 香草醬🌿 都唔會太過濃味，加添適量flavour 另外我叫杯熱的honey lemongrass ~ 味道清香，甜度適中，入口舒服😌 不過記得用匙羹攪勻成杯嘢，因為啲蜜糖會沉喺底部。我最後都忍唔住用匙羹食埋啲蜜糖🍯🐻😋張枱唔錯，夠大，可以一邊做嘢💻一邊食嘢🍽

侍應服務態度唔好，下午五點半去到餐廳，侍應話要快啲落單，下午茶餐開始冇，跟住要食晚餐，又話要等到六點先落單，坐了十幾分鐘，水都冇一杯，原來阻住侍應收工，唂鬼氣自己走去斟水

餐廳：紅蔥頭地區：深水埗地址：深水埗欽州街37號西九龍中心6樓601C號舖日期：10/6/2022時間：19:50人數：2人 等位： 0 min價錢： ＄402.6超抵食嘅🌟 $299二人套餐🌟- 芝士白汁焗青口- 鐵板肉眼扒👍🏻👍🏻👍🏻👍🏻👍🏻- 意大利魷魚墨汁意粉- 附白湯、蒜蓉包、雪糕同餐飲🌟芝士白汁焗青口🌟一份有4隻青口，全部都大大隻，啲芝士比咗勁多😂食落完全唔會腥，而且好有罪惡感🙈真心幾好食😋芝士控必食！🌟 🌟 🌟鐵板肉眼扒🌟 🌟 🌟超超超超超級好味嘅鐵板肉眼扒！👍🏻叫咗7成熟，上菜應該5-6成左右，靠鐵板再加熱，扒嘅熟度控制得非常好！值得一讚👍🏻而塊肉眼扒食落非常嫩滑，唔需要過多嘅嘴嚼，再加上蒜蓉汁食真係好正😍無得輸！大推！😝🌟意大利魷魚墨汁意粉🌟墨汁意粉收汁做得唔錯，味道都夠，而且佢加咗橄欖油令意粉更滑身，唔錯唔錯👍🏻🌟意式炸烏賊🌟$48每隻魷魚圈好多肉🤩炸得又脆又香口，而炸衣就似打冷炸蠔餅咁，口感一流，食整唔膩！😙

係 荷 里 活 廣 場 shopping 完 附 近 食 呢 間 黎 過 幾 次 了。 感 覺 吾 錯 之 前 已 試 過 露 筍 野 菌 意 大 利 飯 仲 記 得 好 好 食 😋  今 次 試 新 野  ✨✨✨✨✨✨✨✨✨✨✨  忌 廉 汁 黑 松 露 煙 三 文 魚 天 使 麵  👦🏻  讚 不 絕 口。吾 會 整 到 好 黏 身  食 落 又 吾 會 乾 身。倆 個 係 咁 食 。   橙 醬 蜂 蜜 BBQ 燒 豬 仔 骨 一 上 枱 就 覺 得 好 大 碟 大 塊 得 黎 又 多 肉 食。 岩 哂 食 肉 獸 呢 個 醬 汁 加 左 橙 醬 無 咁 甜 食 哂 酸 酸 甜 甜 幾 開 胃  ❤️❤️❤️❤️❤️❤️❤️❤️❤️❤️❤️  店鋪：紅蔥頭  地址：深水埗欽州街37號西九龍中心6樓601C號舖

今日去深水埗買野，之後開咗好耐冇去嘅西九龍廣場搵嘢食！估唔到呢間記憶中嘅餐廳仲係度，而且價錢實惠，食物質素一點也不馬虎！🤗🤗鐵板一口牛🧆🥘🥩（$56）大約有六件牛柳粒，中間係一球薯蓉，甜味嘅醬汁配合一口牛同薯蓉一齊食，相當夾，牛肉嘅肉汁頗多，用熱鐵板烘住d牛肉，外脆內軟，一啲都唔靱，😍😍好味😋😋瘋薯🍟🍟（$40）食薯條係情意結泥，係我去餐廳必叫之選，唔好問點解！🤫焦糖肉桂法式西多士配雪糕球🫔🍨🍽（$52）有四件長條狀西多士，西多上面有焦糖，雪糕。熱嘅西多，一冷一熱，消暑一流。👏👏鮮茄豬扒炒烏冬🥩🥣（$45）豬扒肉嫩唔靭，每一條烏冬表面上都掛住蕃茄醬汁，夠曬火喉👍👍🥢玫瑰熱情果茶（+$16）通常玫瑰嘢飲都會中伏，但呢杯好飲啊🫶🏻感覺清新又解渴，仲有少少花瓣喺上面添🌹🌹

收工去咗深水埗附近行街買野，之後去咗西九龍中心「紅蔥頭」食晚餐🍴係一間開業咗好多年嘅港式西餐廳。餐牌上嘅食物選擇多元化，定價適中親民二人套餐價值$299，包括餐湯、前菜、兩份主菜及甜品南瓜忌廉湯 & 牛油法包湯入口香滑，帶南瓜香～牛油法包好香脆呢法式香草牛油焗田螺田螺口感鮮嫩，充滿香草牛油味。薯蓉粉粉的，同田螺好夾帶子拼醬燒汁牛柳七成熟的牛柳厚厚的，熟度剛好，肉質香軟，牛味濃郁！伴碟有兩粒帶子，口感鮮嫩，味道鮮甜蘆筍野菌意大利飯意大利飯粒粒分明，軟硬適中，充滿忌廉奶油香。當中有唔少雜菌及蘆筍，口感同味道都好豐富，夠晒健康朱古力心太軟跟餐加$19可將甜品升級至自家製朱古力心太軟，賣相不錯❤️外脆內軟，夾心朱古力漿一湧而出，味道濃郁，甜而不膩精選雪糕球雪糕球可選芒果或朱古力味，冰凍甜美熱咖啡及熱檸茶

黎到西九呢間有歐陸風情既西餐廳，餐廳用熊仔🐻主題，以木飾裝修為主，燈光偏暗，好岩朋友相聚，今次就揀左2人套餐再加左份薯條😋✅鐵板上的蝸牛個名夠特別，鐵板上既蝸牛面大大粒有嚼口，薯蓉夠綿滑又有牛油味，個人好鐘意✅海鹽瘋薯條薯條香脆又夠鹽，點埋檸檬沙律汁，唔會覺得油膩✅鐵板肉眼扒7成熟既肉眼扒上碟大過隻手掌🖐️切開微紅狀態，肉質嫩滑冇硬筋，燒汁亦夠味👍🏾✅露荀野菌意大利飯意大利飯煮得岩岩好，食落微微嚼口既感覺，cream sauce好香濃，掛滿左係意大利飯度，建議同人分享會比較好，如果唔係食完就好快會覺得飽🤪✅精選雪糕球&自家製心太軟呢個自家製心太軟值得一讚，朱古力味濃，即叫即熱，確保入面有流心既狀態，配埋cream同雪糕一熱一凍既質感，令人好滿足，下次黎到都會再食，只係加$19就食到啦😉🌟呢暗西餐選擇多，計埋份量同味道都覺得性價比幾高，去開西九既朋友仔可以去一試，氣氛寧靜，最岩邊食邊同朋友傾計啦👭👫

紅蔥頭深水埗欽州街37號西九龍中心6樓601C號舖去開西九龍中心都係食下food court, 原來6樓有個平價西餐廳！份量味道都竟然唔錯😍！揀左2人c餐試一試，感覺最抵食🫰！ 另外想食炸野叫左炸雞翼，點知最有驚喜係佢！唐揚脆脆雞中翼🍗皮薄肉滑雞中翼超好味，配埋檸檬沙津醬🍋既唐揚炸雞口味，先聲奪人！實在有驚喜！想encore! 卡邦尼煙肉意粉🍝超級濃旭既卡邦尼真係少見！每一啖都好滿足，令我第一時間諗起落左好多忌廉同蛋黃🥚，但肥死🫃都唔理啦！蜂蜜味BBQ燒豬仔骨🥓上枱份量大到嚇死人！足足兩大排，但大份得來口感竟然唔粗糙，好有誠意，平時出去食呢個份量可能就係呢個二人餐既價錢💰，果然深水埗餐廳性價比高😍！其餘前茶🥗🍜🍲野飲🥤幾好無扣分，總結咁抵既餐廳，好少見，大家可以試試！😎

今日同朋友重拾以前嘅回憶一齊行西九龍中心，行完就一於喺度食埋嘢，見好耐冇食過依間同入面好闊落好岩傾計！嘢食選擇都多，有扒餐、二人餐、意粉焗飯、小食甜品都有！散叫嘅話加$28就有埋餐湯、餐包同野飲。是日餐湯係忌廉湯，好滑。餐包係蒜蓉包幾脆同香。首先叫咗個卡邦尼煙肉扁意粉($82)，好香雞蛋味同芝士味，仲好creamy！另外叫咗個黑松露蟹籽帶子黃金意大利飯($92)，鍾意個飯軟硬度適中，有少少咬口但唔會過硬，有淡淡的黑松露香，加埋粟米清甜嘅味道令creamy嘅醬汁唔會太Heavy！飲品方面估唔到呢度有紅豆冰，邪惡但好飲，紅豆好軟熟。簡簡單單一餐，經濟實惠！

今日去開深水埗個頭，就順便係呢間紅蔥頭食個午餐先走。餐牌有廚之推介，特餐，品味新嚐。今日一支公，求其叫左個漢堡包餐。烤美國安格斯漢堡伴炸薯條 $79 烤美國安格斯漢堡伴炸薯條用塊木板上枱。烤美國安格斯漢堡用竹籤固定，上下兩塊麵包都滿佈白芝麻粒，雖然唔脆，不過好香同鬆軟。中間安格斯漢保扒好厚身，煎得全熟不過夠腍又唔乾，就咁食就油膩少少，所以有番茄片同生菜加少少沙律醬就可以平衡返。炸薯條係粗身，足有20幾條，我叫左走鹽，食落啖啖澱粉質。另上茄汁比你點。加$6可以加配歐陸式濃湯+牛油法包。歐陸式濃湯係羅宋湯，有好多菜，包括梛菜，紅蘿蔔，紅辣椒，洋蔥，牛肉粒。個湯都辣辣地，好開胃！塊牛油法包香脆，上面加左蒜蓉醬，味道幾好呀。鮮橙汁 加$3個餐包咖啡或茶，或加$3有凍飲，汽水或鮮橙汁。我叫左鮮橙汁，真係有粒粒橙肉，味道又唔會假。整體而言，食物有細個學生餐既感覺，食完真係非常之飽。

【Background】西九龍中心有間隱世餐廳「紅蔥頭」，以木系為主的裝修設計，加上懷舊風格，仲有吾少熊仔擺設，壁畫等，好似去左童話世界中────────────────────【套餐：鐵板肉眼扒 $155】肉眼扒厚身，而個Size如一個手掌般大架！放係鐵板上，再淋上黑椒汁，即時聽到莎莎聲響，濃濃嘅香氣徐徐升上。肉眼扒味道金香，油花好豐富，口感軟腍，牛味濃厚，加上黑椒汁嘅加持，層次感豐富，仲有粗薯條做配菜添～➜隨set送餐湯+牛油法包+咖啡或茶.【單點：鮮蝦蒜片辣椒芫荽扁意粉 $89】條條意粉沾滿辣椒香，加上香脆蒜片同彈牙鮮蝦嘅加持，香辣又惹味.【單點升級】A la carte 可以另外以優惠價升級➜ 餐湯+牛油法包+凍熱飲品 +$28➜ 心太軟 +29餐湯：羅宋湯，酸酸辣辣仲要勁足料， 有牛肉粒，紅蘿蔔，芹菜等飲品：包一般凍熱飲品，特飲A需再加+$16心太軟：自家製嘅心太軟，而且即叫即做，需提早10分鐘落單。輕輕切開心太軟，濃濃嘅朱古力濃漿流哂出嚟，外層鬆脆帶淡淡嘅蛋香，值得encore！.【特飲A: 清涼仲夏 +$16】好適合夏天時飲，味道青新唔會過甜，仲有一陣薄荷嘅清爽.【Rem

🚶‍♀️西九龍中心 尋尋覓覓 🚶‍♂️今天同朋友誤打誤撞，比餐廳門口隻 大熊人 吸引佐入嚟，[ 紅葱頭 西餐廳 ]，今晚就試吓你啦。食物質素唔可以用驚艷來形容，但絕對不會令你失望，肯定對得起 $299 套餐呢個價錢。😄頭盤 法式香草牛油焗田螺，配以薯蓉，口感 細滑，上枱時仍熱辣辣，加分不少。☺️湯類羅宋湯 配蒜蓉多士，湯不是屬於濃稠那一類，但較稀嘅口惑卻出奇地好飲，正。😉主菜蜂蜜味 bbq 烤豬仔骨，呢度菜式烤到非軟淋，非常入味，份量亦頗大，好好味。🤤意粉類意大利魷魚墨汁意粉，這個就相對比其他就略為遜色，味淡無味，一般。😐甜品芒果及雲呢拿雪糕，味道不過不失，正常野啦。😗餐飲凍檸茶 茶味濃郁，入口順滑，唔錯。🤪整體而言，餐廳環境舒服，座位舒適，相宜價錢，絕對超值。😎

相信西九係好多人讀書年代都會去嘅！今次嚟到西九，突然想据下扒，咁就入咗嚟呢間餐廳試一試！見佢午餐又有餐湯、主菜同埋飲品！首先講吓個餐湯！就係冇得揀，今日係忌廉湯！個湯真係有少少流，可能小編飲唔慣！但係個味都仲可以接受嘅！甜甜地都算唔錯！佢仲有件麵包仔，都唔錯呀，幾香蒜蓉味👍嚟到主菜啦！味道都OK嘅！小編揀咗配薯菜嘅！主菜係牛扒，都夠林既，但係真係熟咗少少啦！個人就唔太喜歡啦！但係個汁都可以接受！另外啲薯條都算脆加咗少少椒鹽粉最後飲品方面就一般啦！茶底就爭少少，唔係好夠清最後環境都算乾淨嘅！但係服務態度就唔係太理想啦！要再做好啲