紅蔥頭 (已結業)

今日難得同老公一齊出門口到鑽石山。想揾個地方嘆個靚早餐。點知原來呢度比馬鞍山更沙漠。沒選擇，只係搵到呢度。餐廳係地面面向大街，装修以地中海為題。早餐都係茶餐嘢。人唔多，坐卡位幾舒服。老公要沙爹牛肉麵，地中海厚多士配煎蛋，凍奶茶。先講下個麵，麵太冧。牛肉有D"諧"，唔合格。至於煎蛋多士，煎蛋凍咗，厚多士反宜幾好，有D咸牛油，厚身有口感。凍奶茶不過不失。整體合格以下。至於我個餐，雞扒炒蛋麵，個樣有D睇頭，但麵身一樣係冧。整體不合格。如有其他選擇，呢度冇下次。但如果冇，焗著食，下次我會試炸魚柳+地中海厚多士。見到第二枱叫，好似睇得下。

週六的早上來荷里活廣場看電影，所以來這家吃早餐。典型的港式餐廳，有卡位。稍等了两分鐘便有位。吉列炸得够脆，炒蛋够滑，只是公仔麵煮得有些過火候。杯咖啡是即磨的，所以香濃，不用加糖都好易入口。三個套餐102元，算是幾抵食。

星期日唔想同人地迫, 所以食左個早既晚餐.黎到Cafe MED, 人唔算好多, 好悠閒~跟餐有湯, 蒜蓉包同野飲. 個湯好香濃, 蒜蓉包好好食, 好香好脆呀!叫左個70年代懷舊鐵板套餐.好鍾意聽D汁淋落去鐵板度D Saaaa聲, 如果驚整污糟件衫, 可以請侍應淋上去先再上枱叫左什扒, 都幾大碟! 有雞扒,豬扒,煙肉同雞蛋, 真係啖啖肉呀!叫左個啖啖肉餐, 另一個就唔食得咁heavy.露筍野菌意大利飯, 味道都幾好!

今日唔使返學，喺屋企附近同阿㸘爸嘆返個靚早餐。一入去侍應都幾熱情，主動俾卡位我地，環境唔太光唔太暗，同埋唔係好多人，幾舒服睇一睇原來早餐係要自己✅，仲有留意下紙嘅下方，逢星期一至五都有優惠，早市仲可以免加一，都幾抵依家好難搵到$30早餐架啦，比較期待佢個多士，講到好出色咁，又地中海，都唔知咩意思😂我叫左個5號餐，阿爸叫左個3號餐，兩個餐都有得-$4，野飲要左2杯熱奶茶。首先黎嘅係我叫嘅火腿通粉。通粉比我想像中細碗，不過我食量細，都食唔曬要外賣拎返屋企。火腿量都幾多，有10-15條，通粉唔係好淋，啱啱好，不過個湯就麻麻地原本expect佢係金寶湯，但係聞起黎食起黎都係普普通通既唔知乜湯，下面有一舊舊嘢，懷疑係罐頭湯溝水未攪勻，有點失望，但係整體都幾好，依個價錢好難有咁高期望阿爸叫嘅雞扒餐同火腿通粉一齊上。果件雞扒有點驚喜，估唔到咁大件，保證大件過大x活大家x。食落都幾滑，有少少肥膏喺中間，幾juicy，抵讚腸仔普通，起碼唔係太鹹，又唔係凍嘅，煎蛋一般。最後黎嘅係炒蛋配咩咩地中海多士。好好食件多士食完簡直好似上左天堂咁多士烤得好脆，兩面都查左牛油，雖然本人減肥中（哈哈，女人終身事業😂）但係

這間餐廳位置相當偏僻，不是到附近工作根本不知道這裡有鋪頭食野。今日天氣超熱估計三十度有多，好彩間餐廳冷氣夠涼，座位都幾舒適。叫了特餐8號仔芝士焗忌廉汁菠菜龍利飯，其忌廉芝士味道又幾濃郁，芝士拉得出絲，蛋炒飯有鑊氣粒粒分明和翠綠的菠菜，香濃可口，配料也十足，有少許磨菇和洋蔥。喝了一杯熱咖啡，已很飽和滿足了，$47元吃很飽又唔係好差，算是過得去吧。龍利魚再煎香一些，那就完美無暇了！同行朋友叫了7號仔意大利卡邦尼煙肉扁意粉。朋友給我試了少少，超濃蛋香忌廉味，中意食芝士味既朋友一定超中意，有蛋香味有忌廉味，煮出來唔水汪汪。朋友話$48元食到甘既意大利卡邦尼扁意粉加埋有野飲都算話抵！

因為5月1日假期，又帶住小朋友，都預左出面好難搵位。所以揀左間唔駛可以BOOK位又唔駛點等位既餐廳。點知。。。中伏。。。友人話平時有茶餐，但今日(講緊係下午3點), 餐牌都係食飯同麵麵係意大利麵，不是米粉，通粉個Ｄ，更加唔駛講話食雞翼薯條，西多士添啦。而且Ｄ餐係成5十幾蚊，凍飲又要加3蚊，又要加埋一，即係成6十幾蚊食茶餐.......好啦，既然我地都坐底左，又有ＢＢ係度，我地免為其難揀左每人一個飯/麵餐。我就揀左意粉全餐(包括有肉醬意粉, 薯條, 雞翼同一條香腸) 我想講既係，肉醬意粉好難食，薯條更難食，老麥都好食過佢，雞翼冇味，唯獨香腸正常........我老公同友人份餐等左半個鐘都未有，我地個個都食完仲未黎，催佢地又冇乜反應，勁hea我地囉。。。最恐怖係超多烏蠅，一隻飛左去我個頭，一隻俾我老公拍死。環境質素好差。。。咁差既服務仲要加一真係一肚氣.......

今日係新蒲崗試完妝，就搭地鐵過到黎荷里活廣場醫肚😆😆上次試衫試得太晏，食唔到紅蔥頭，今次藉此機會食番先我地黎到都差不多9點坐了，好彩都仲俾我地入！我地揀左卡位位置坐低。地方寬倘舒適，夠曬大，坐得好舒服！！點左個dinner2⃣️人餐，等左陣野食已經隆續送到今次食粉，兩人個食一碟，都仲有食剩 不得了 我地主打係咁食牛扒 食到滯曬haha 牛扒煎得岩岩好 唔怕韌，下面仲有好多薯蓉係底 吸曬牛扒D汁 好惹味甜品跟餐附送兩球雪糕 賣相精美 味道就同出面食既冇麥分別

雖然呢間係連鎖店，但味道又好價錢又唔貴，所以紅蔥頭係我其中一間飯堂黎～咸芝士多士...食左好多次但我食極都唔會厭...一黎到已經香到不得了，熱辣辣咁一刀切落去，中間嘅芝士要漏出黎喇！要見到呢一幕一定要快啲切！外面咸咸脆脆，入面又有好濃郁嘅芝士....食一啖真係好幸福...！🤤平時我唔食牛的..但唔知點解又係見人食又好想叫黎食...蒜香牛柳粒，中間係薯蓉，撈埋啲有少少燶嘅蒜汁...勁惹味呀...牛又夠淋..又幸福多一次☺️😂

放咗工約了朋友行荷里活廣場， 去到已經七點幾， 想食完晚飯才shopping， 但間間食肆都要排隊， 想起以前曾經食過紅蔥頭，位置在商場側邊， 希望人會少啲。如我所願， 人唔算多， 去到即刻有位， 侍應特別為我們趕快清理了一張二人卡位，服務唔錯。今期特別推出一個70年代懷舊晚餐 ，價錢好平， 但最後都選了個 229元二人套餐。沙律 +餐湯+牛油多士+香蒜西冷牛扒+巴薩酒醋燻鴨胸意粉+餐飲蔬菜沙律新鮮，加上黑醋芝麻醬， 味道清新 如果份量多些更好餐湯叫了甘筍忌廉湯和羅宋湯， 甘筍味淡而且唔夠creamy， 羅宋湯ok， 番茄味濃帶少少辣蒜蓉多士脆又熱意粉醬汁醋味濃酸酸甜甜開胃， 但意粉硬又乾，可惜！ 鴨胸不太薄，有口感西冷扒叫了七成熟， 肉質較韌，味道偏鹹飲完杯熱檸茶， 趕住去shopping了。

話說老婆繼上次遇到極差服務，已經唔話唔會再黎，今次唔識死再黎試下有冇改善，結果真係大開眼界，所謂高級D既侍應一様係咁，麻煩呢度位老闆培訓下你D員工，永遠唔會再黎。P.s.第一次寫食評，見到原來已經見度有唔少人閙爆呢度侍應態度差，希望各位引以為鑑，唔好食到一肚氣。

Miss 左班公司車, 諗住近近地, 快手食個晏要坐下一班公司車。 叫在個吞拿魚意粉, 一食, 中伏, 咸到呢 (唔係一般咸, 係非常非常非常咸....) 真係高血壓就多得佢... 費事浪費夾硬食晒佢... 以後咪搞我, 相都費事影 !!

來到鑽石山荷里活廣場，想吃西式的菜，選擇了紅蔥頭。但其位置比較隱蔽，入口在商場外面。簡單的點了個二人套餐A。湯和麵包羅宋湯：味道可以，不太咸，但好像沒有什麼牛味。磨菇湯：味道比較鹹，蘑菇味道不夠。蒜容包：味道很好。醋汁很好味，菜也很新鮮。露筍野菌意大利飯很夠芝士味，愛芝士人士應該感覺不錯，飯的軟硬度也適中。鮮蝦蒜片辣椒芫茜扁意粉意粉有很香的蒜味，蝦有去腸，讚。因聽說生的芫茜會有細菌，故不敢吃，如果將芫茜一煮，芫茜味以及辣味可以加到意粉中，相信會更好吃。這個餐還有餐飲。地方ok，侍應服務不錯，價錢適中，有加一，可以一試。

即使成日會去荷里活廣場，但都醒唔起哩個位有嘢食，因為它實在是與世隔絕，連去洗手間都要行老遠入返商場今日突然靈光一閃，醒起哩度，唔駛同人喺商場迫等位，所以嚟試一試，叫咗個2人套餐C餐湯味道一般，蜜味BBQ燒豬仔骨唔夠入味，肉質輆澀澀芝士焗茄子肉醬螺絲粉味道濃郁可口奶茶無乜茶味原先諗住加錢將甜品雪糕轉為心太軟，可惜售罄2人餐份量不少，食到好飽

其實星期日搵一間人少清靜的下午茶之地都幾困難，不過好彩鑽石山荷里活地下，有間略隱蔽的餐廳，價錢不貴，一個茶餐加一杯咖啡或茶38蚊起，都算便宜。一般炸物，甜品，三文治都有，款式都算多，咁我地就點了西多士，心太軟，棉花吐司西多士有6件，都幾多件，可以揀蜜糖或朱古力漿，但略嫌漿唔夠同唔夠熱心太軟上枱時都好失望，比想像中偏細過，感覺家庭式size，加上配cream又係一個失望點，配雲尼拿味雪糕會更好食落去味道都幾好，係配搭上不值50蚊之後棉花糖吐司，可以話最好的一個棉花糖係賣點另外值得一提，咖啡不合格，淡如水，點檸茶檸水會較好啊!

係鑽石山食完個晚餐先去睇戲 八點去到唔洗等位 👌🏼 三個人 嗌左個set for 2 ($2xx) 再散叫多樣野 ($8x) 食物正正常常既 但性價比唔高囉餐包係蒜蓉包 個包幾好食 餐湯叫左羅宋湯 估唔到都幾辣 有d嗆口 食唔到辣既都係飲白湯好d 牛柳焗飯 👌🏼茄子肉醬螺絲粉😐 d茄子都幾油 無乜芝士 覺得一般豬仔骨 一般💁🏻溫馨提示 無得碌卡 只收現金