紅蔥頭 (已結業)

服務態度超差，簡直不知所謂😡經理同下屬都係西口西面，如果做得咁唔開心，不如返屋企😡如果間食店食物質素有幾高，但態度超差，我會選擇唔去😡1間鋪入面有呢D員工，簡直不幸😩

勁大雨既一個下午🌧，諗住早啲出門，歎返個下午茶，就去考試。點知突然黑雨⚫️，唔使去考試，就他他條條咁，慢慢歎我既下午茶😁第一次來依間餐廳，不過個名好熟，應該有分店吧！本來諗住唔使淋雨💦，就選擇來荷里活入面既餐廳，點知千揀萬揀,偏偏呢間餐廳門口，係對住馬路的，即係我一定要開傘☔️，先行到來門口😅想懶啲都唔得😂芝士蛋包肉醬飯$35賣相不錯，我都係因佢張相而落單😁蛋同肉醬還可以，不過啲飯就😑唔知係落得太多水，定係冷飯，啲飲好爛，唔夠熱⋯⋯ 餐茶咖啡，好啖，無乜咖啡味總括來講，食物一般，不過環境舒服，唔會坐得太擠迫！

lunch 時候, 係鑽石山廣場搵野食, 行過 紅蔥頭 ,門口 見 lunch set , 有洋蔥雞扒 有埋 餐湯餐包 , 見有卡位 人又吾太多 , 就試試啦～ 味道ok , 再煎 香d d, 脆d 會較好,

第一次嚟食，貪呢度唔洗排隊，但，最後的評論係:無下次!首先上菜已經係無次序可言，我地三個人叫左一個二人餐同一個48號蜜桃雞扒焗飯，先上個餐嘅墨魚汁意粉，個意粉中規中矩，但敗筆係上面d墨魚，無任何味道!第二上左兩個羅宋湯，係凍嘅第三上左個餐嘅前菜，焗青口，味道不過不失，中間有d薯蓉，又係無味道的之後上左個焗飯，覺得個焗飯好好食可能都因為好餓喇分量好細!第四上左期待已久的主菜:加拿大aa級牛排(我唔係好記得個名)一切，一食，無味道好"鞋".塊排中間位仲要好生，我地當時係叫7成熟!最後上左跟餐雪糕，其中一個係藍莓味，我只可以講無食過d甘難食的雪糕其實食完呢餐都唔飽，但唔想再係度食

之前已經睇定地址,但行左半個鍾都搵唔到只好打電話去問,原來係商場外好隱蔽,但環境靜靜地好舒服睇完餐牌配搭都好方便,唔叫2人餐都可以,但餐湯好普通唔想影相蕃茄茄子芝士闊麵拌燒羊扒-分量奇細但闊條麵軟硬度剛好,味道酸酸甜甜好開胃,羊扒好重香料味又唔蘇,肉質好林滑生熟度剛好,咬2啖就食晒芝士千島忌廉汁焗鮑魚海龍皇飯-忌廉汁好香又夠多,但千島汁味就食唔出啦,鮑魚勁仔但夠林,魚柳好乂塊但有d腥,青口普通,話海龍其實係焗海鮮飯,食送夠多味道都唔錯,飯係炒飯底夠乾身但分量太小

叫黑椒雞扒，變燒汁雞扒。仲同我講係黑椒汁。之後比支黑椒我就算。我老婆叫白菌汁牛扒，又係燒汁。之後攞返去㕑房，加二片磿菇落去就當白菌汁比我地。佢地仲教我地話磨菇就係白菌。

雜菜湯好濃，有少少辣(味道濃郁，美味) 餐包軟身，不過唔熱驚喜……杯熱奶茶，好濃茶味，奶香滑套餐沙律(菜新鮮，但配汁比較少)龍脷魚淡味(汁很淡)而且飯上枱，只係暖西冷扒(要求七成熟)但熟到過熟肉質唔鲜嫩(肉汁不錯，濃味)價錢,抵食$250以下有個沙律/雪糕，可揀2個主菜，有餐湯，餐包，餐飲(但味道一般)

到荷里活廣場想找個地方食晚餐，但是商場西餐廳鋪頭又不太多，決定選擇紅蔥頭，其實餐廳位置都幾偏僻下，要穿過馬莎百貨才見到紅蔥頭餐廳。心諗應該不會十分之好吧。姑且一試。羅宋湯夠熱，酸辣度調配合適，足料還有牛肉粒湯夠曬濃。蒜容法包竟然超香脆，蒜容牛油味也足夠，脆而不硬熱得適中，讚。炸薯條夠熱且脆，酸忌廉汁濃郁帶有檸檬的酸味，令人一條接一條甘食。個人感覺是份量非常多，天使麵軟硬度適中，忌廉汁味道不會蓋過黑松露，而且三交魚食出鮮味，無論買相，味道也滿意。熱騰騰的焗飯，芝士焗到焦有點脆，大家都讚忌廉汁恰到好處，可惜海鮮是普遍的貨色無乜特別囉，炒飯底都食得出有鑊氣噶，不過不失啦。服務竟然不差，侍應及經理有禮貌很驚喜。

話說下午1點多 我帶著我兒子和我媽媽 2大1小 進入這間餐廳時 職員當視而不見 等到有位後 想要水 職員態度非常惡劣！！大大聲眼神極惡 似不滿意 感覺歧視帶著小孩的顧客！！這間從此黑名單！！只此1次 不再惠顧

荷里活廣場不嬲都係我既最愛，是關買滿$200就有3個鐘free park，Easy！今日去幫襯之前從來無幫襯過既紅葱頭。餐廳好特別，係商場既外面，馬莎度行出去先見到。Lunch Set揀左黑椒汁雞扒意粉，有湯有包有野飲，$50都算係咁。本身想叫Waiter寫野，之後發現隔離有個筆筒，有堆紙係度既！原來係自己落單架喎，我覺得好似食車仔麵咁！是日餐湯係蘑菇湯，個湯幾濃，好香，仲有少少蘑菇碎食到tim！黑椒雞扒意粉個黑椒汁有種香辣既味道，好惹味！雞扒唔算好大塊，但肉質好嫩滑，無雪味，煎得好香口，黑椒汁都好入味，意粉仲有青瓜做配菜tim！餐飲要左熱好立克，嘩！淡到爆炸，完全無好立克粉，得奶...我又趕時間，費時叫佢地換了，好立克的確令我失望！

平時同另一半都會成日中午去到鑽石山荷里活廣場食lunch，有時一個月去幾次，依排個大食代仲裝修緊， 令到本來已經小食肆選擇嘅商場變得少上加少。今日行開見到紅蔥頭原來平時都有做開優惠，中午12點前埋單就免加一。記得上一次食紅蔥頭已經係五，六年前喺荃灣食。所以見咁耐冇食過咁就入去試吓，兩個人叫咗一個蘆筍野菌忌廉意大利飯同一個西式牛扒午餐。等左一陣，侍應已經開始將啲食物送到。個蘆筍忌廉意大利飯望落去同餐牌張相有少許出入，賣相冇咁吸引。意大利飯食落去冇乜菇味，成個意大利飯都係會比忌廉味蓋過晒。另外就係個牛扒餐，味道不過不失，牛扒幾大塊冇偷工減料，呢個價錢都算係咁。而餐廳環境都好舒服整潔，燈光偏暗，幾適合喺度傾吓計坐下，不過餐廳嘅入口就要離開商場啊出返去馬莎旁邊先入到。

日日落咁大雨，選擇行街食飯既地方梗係商場好，早兩日去左荷里活廣場行街睇戲兼食飯，一入紅蔥頭cafe，裏面燈光超暗，好似好有情調咁，點左一個$228二人餐，有南瓜忌廉湯、芝麻醬沙律菜、黑松露忌廉汁煙三文魚天使麵、番茄奶油鮪魚螺絲粉、即磨咖啡同榛子奶茶，湯好creamy 好香南瓜味，沙律普普通通不過芝麻醬都好多好好食，三文魚天使麺份量唔多但舖面黑松露片算幾多，撈均可以啖啖都食到有黑松露味道，番茄奶油鮪魚螺絲粉麻麻地、螺絲粉較硬又少鮪魚，即磨咖啡好香咖啡味、榛子奶茶好香甜滑，重榛子味。

服務態度其差。原來餐飲汽水凍好立克加三蚊，點餐時只講凍好立克要加錢，埋單再問先知。叫佢加水，有個阿嬸加左杯滾水，之後叫個姐仔加水，我哋話要溫水, 黑臉話無。啲食物飲品上枱，全部放係長枱無人坐個位，要我哋七個人自己傳來傳去。怪唔得呢間餐廳假期都唔洗等位。唔會有下次。

第一次去餐廳點餐，好似食車仔麵咁剔紙仔，有D唔慣。餐湯唔夠熱、又酸，但麵包夠脆。牛扒、薯條都係凍既，雖然個汁唔錯。焗龍脷飯係夠熱，味道唔錯，可惜份量唔夠，汁可以多返小小。

今天星期日，就帶著一家大細去荷里活廣場內冒險樂園輕鬆下！一輪過後周圍搵餐醫肚，終找紅蔥頭餐廳不須等位直接落Order叫o佐有BBQ豬仔骨的套餐給大家食。 餐前湯有鮮甜嫩滑南瓜味道的忌廉湯，再加上脆脆淡黃的蒜容包，有少少暖胃的感覺，再來主菜BBQ豬仔骨，顏色鮮明刀刃夠爽，味道入肉，肉質不粘牙，再有燒汁伴邊也，絕對稱得上好味道。最後一道菜：卡邦尼意粉，有忌廉汁味道，條條分明容易入口 good~~~ 該餐廳價錢合理，食物也ok，值得推介。下次一定會再來！！