紅蔥頭 (已結業)

星期日二奌半，商場內入山入海，打算往商場外揾食，誰不知一样要等位，好彩不到十分钟被安排入座，由於門外有歺牌，立刻便奌歺，誰侍應告知須自行落单，此举有奌浪費时间，入单后，5分钟左右，免治牛反到，再一会兒雞扒意也到，可惜歺湯及包没到，次序有奌錯亂，忌廉湯偏黄，未知有冇南瓜成分，味道ok,但應是用粉开的，蒜蓉包夠熱，有奌硬，蕃茄牛味浓唯汁量不夠，食到最后似食白反似的，黑椒雞扒写单时加多汁兩字，冇此问題，但黑椒汁味不夠，似蒜蓉汁，雞扒有一陣雪味，歺飯凍咖啡凍檸茶合格，歺庁比茶記乾淨，若嫌冷氣不足。

是日，與大學姐妹去牛池灣探訪友人S的BB。原訂由S訂枱，在鑽石山廣場替另一友人Q慶祝牛一。誰知，所托非人。S當日早上才致電訂位，結果撲了空。S要餵BB，我們三人先行去搵位。最後，被逼屈就在紅蔥頭吃慶生午飯。午市有十多款，售價由$46-$51不等，奉送咖啡或茶，另加$3可配橙汁或凍飲，特飲則須另加$16。客人也可另加$6享用升級優惠，有歐陸式濃湯和法包。蠻口渴的我們，甫坐下，就急不及待地點餐飲了，鮮橙汁和凍檸茶各有棒場客。Q在附近上班，表示特濃芝士焗鮮茄豬扒配蛋炒飯蠻不錯的，故要了一客。蛋炒飯乾爽香口，配上酸甜的茄醬和濃香的芝士，以及醃得入味且軟腍的豬扒，食味甚佳。另一碟蕃茄蘑菇腸仔意粉又是酸甜開胃之作，意粉也蠻富嚼勁，混合腸仔、蘑菇和豆苗，再伴入香濃醬汁同吃，合格也。芝士焗忌廉菠菜龍利飯乃四者中，最為淡味也。個人而言，稍嫌飯底偏濕淋，未夠乾爽香口。怕膩溜的友人，則讚不絕口也。芝士焗忌廉煙三文魚長通粉把三文魚捲成花瓣狀的，色彩鮮艷，賣相尤佳。咬口十足的長通粉沾滿香濃的芝士和忌廉，再配一口鹹香煙三文魚，味濃且香也。最後，要了一件藍莓芝士蛋糕，預祝Q生日快樂。芝士蛋糕質感香滑細緻，芝味淡淡，

中午一個人又是隨意一餐叫個中午set,50左右都幾唔錯，有湯，餐包飲料同飯法包切1/4 再塗上牛油而成的餐包，不過不失湯有紅白，我點左羅宋湯，個蕃茄味都幾出架，又多料食埋湯渣好飽，順便吸收左蔬菜啦，日日外面食係靠呢d補充纖維架啦。豬扒龍利柳燒汁飯，魚好細片仲有醃得好鹹，豬扒幾大片，連骨不過就硬身左點。米好有自家飯的軟熟感，剛剛見到運貨，是澳洲袋鼠絲苗。凍鴛鴦就奶茶或咖啡味都唔突出，杯飲品太甜啦，攪到飲緊糖水咁。食後感是質素同連鎖快餐店差唔多，不過就有人serve.仲有叫餐好攪笑，用紙點好似剔車仔麵咁。

看看時間原來已經是下午2：15分，放飯時間遲了很多很多，沒辦法啦打工仔老闆說那時間放飯就放飯！本人在荷理活廣場工作，一般午飯都在美食廣場搞掂，知道樓下紅蔥頭餐廳下午茶有特價中式炒粉麵飯，自己心諗西餐廳炒中式0野得唔得啊？當然要試過先知道！我叫了個加杯凍飲加$3元。侍應員送到了，單看外表與中式酒樓做法無誤，試試先！飯是即炒，因為食得出，夠鑊氣，個汁幾好味，蠔油汁唔咸，配料有蝦仔雞粒疏菜粒！個汁唔稀唔杰，0岩0岩好！正！杯凍奶茶一般般，但是都飲曬！紅蔥頭西餐廳炒中式0野都幾好喔，下次試試

今日為左見好耐無見既朋友，因為其中一個係抽午飯時間出黎架，所以一定要係鑽石山，只係唸住搵間坐得舒服少少既餐廳，就揀左紅葱頭，入到去，如食神情節一樣，“冷氣有咁大開咁大”，好凍呀大佬！“唔該，比3杯熱水我地丫”…………應完都無人拎黎“唔該，比3杯熱水我地丫”終於有啦根住就等上菜啦，好地地一間西餐廳，要開發唔同菜式係可以，但唔係整啲同間餐廳風馬牛不相及既野比人食囉，唔知大家見到張相有咩感覺，我既第一感覺係“茶記比它好，家中雞粉比它更好”，佢憑啲咩可以收個客$43? 好，撇開外貌，始終係食物，要食落口先能比較味道。現在正式為大家拆解佢真正既味道；豬骨濃湯德國辣肉腸煎蛋湯烏冬豬骨：唔覺有豬骨味濃：少許咸味都無唔知點製作“濃”既部份湯：似水多啲德國辣肉腸：帶少許辣味既脆皮腸一條煎蛋：茶記早餐煎蛋一隻烏冬：似我屋企買真空包膠款烏冬附送……變色生菜做配菜經此一疫1. 非必要，我唔會再去你任何一間分店2. 建議大家都係叫一啲佢有相既菜式，起碼唔洗口同鼻拗3. 希望貴餐廳唸清楚係咪要用自己根本唔擅長既菜式黎趕客，定專心做返好自己本身唔錯既西餐。（所謂既唔錯係幾年前）

大約幾個月前來這店食過，今晚再來試下佢d水準有冇差左。我點了薯條丶鮮菌意大利飯丶鮮茄大蝦墨魚汁面。跟餐有面包和羅宋湯，面包和湯都夠熱，湯唔會太稀而且頗多菜，正。薯條係即炸，好熱，仲要係冇鹽，我like！上面放了酸忌廉，不過如果酸忌廉可以另上更好。鮮菌意大利飯係一個忌廉汁的飯，飯煮得軟硬適中，汁唔會過多，係每粒飯也有汁，忌廉味一般，鮮菌其實得好少好少，不過好彩仲有幾條露荀。鮮茄大蝦墨魚汁面我覺得最好食，個蕃茄汁酸酸甜甜好開胃，大蝦煎過好香又d肉冇霉，墨魚汁面的墨魚汁味係食唔到，比茄汁遮了！面烚得剛好，不會太淋。

正想放棄寫食評，又或再隔一排有 mood有時間才寫吧既時候，看到這篇名為"平民大餐之選"懸留在食評稿件中，有感平靚正既美食真係有需要同大家分享，於是還是的起心肝決定把佢完成。光顧當日又是看電影的日子，又係度度都爆左，唯獨是這家紅蔥頭還可訂枱，訂位後才細心看其他食客既介紹，彈既較多，心諗有點中招既感覺，但見佢定價好經濟，又唔想煩揾位既問題，還是跟朋友來了。結果係~人地點評都係假，要親自試過先知。由於較預訂時間早了半個鐘，店員安排我地坐喺廚房出入通道附近既四人枱，其實我冇特別為意，只係諗如果多張櫈放袋就好了，過左15分鐘，店員主動過來提出幫我們轉去位置較好又濶落一點的4人卡位，超讚！初時以為settle左你就算，但原來店家有暗自follow up訂枱既食客，即時覺得其他食評彈店家服務唔得未必係事實既全部呢！至於食物方面，雖然未至於超有驚喜，但按其定價來看卻是達至應有水平，且有些更高於水平一點呢！我們一行四人點了一個二人餐，另外點了一個沙律及兩個小吃。二人餐食物包括兩客餐湯及蒜蓉包﹑一客小吃﹑兩客主菜﹑甜品及餐茶，這樣豐富每人都係大概$125，抵到呢！雖然最後問店員拿手寫單時有點費時，但整體

之前都黎過呢度食兩三次…價錢經濟…咁唔會有高要求…今晚去食真係嬲到震…叫咗一個二人C餐$218及二人套餐$240二人C餐食物如下：湯&蒜蓉飽牛油帶子配牛柳卡邦尼意粉餐茶&甜品二人套餐食物如下：湯&蒜蓉飽薯蓉焗田螺加拿大AAA穀飼牛蕃茄鮮蝦墨魚麵餐茶&甜品我地一行四人好似要輪住食咁…我地係一人食一份…冇share飲完湯後首先黎咗墨魚麵…跟住當我自己食哂墨魚麵後…再黎兩份牛油帶子配牛柳…叫咗兩個餐唔同嘅牛…黎錯咗…落錯單…fine…咁一個啱照食…食牛柳嘅人食完…追單…先到卡邦尼意粉…跟住又到食意粉嗰位食完…先再黎所謂加拿大AAA榖飼牛…之前黎食都一塊扒啦…上到檯就多多薯條…啲榖飼牛得三條仔咁多囉…main point: mini size成餐飯已經食到無心機…唔想當場嘈佢地…唯有返黎openrice發洩…講真…咁嘅價錢唔會望佢係靚牛…但起碼足夠人食得飽吖…唔好話男人…連女人都食唔飽…仲有啲上菜速度真係不敢恭維…四個人成餐飯係一個食完先到另一個…永久black list呢間嘢…

之前係荷里活廣場的抽獎活動中左$50紅蔥頭coupon, 6月底就到期la, 所以今日用左佢.6:30去到, 有兩至三枱客. 坐卡位, 好窄 (因為老豆有個大肚腩), 唔舒服!我地4人叫左個2人餐再加兩個散叫的.2人餐$208仲有個邦尼芝士煙肉扁意粉, 不過冇影相個餐仲有兩杯餐茶散點的唔記得左叫咩名 ($70), 食左一啖已經唔想再食lad飯有d硬, 個汁唔香, 嗰d係牛肉, 因本人要戒口, 所以冇試d肉媽咪話食到好滯tim最後一個, 羊扒闊條面 ($78), 還ok, 酸酸地, 開胃丫!!!

今日放左工就同女朋友去食晚飯!黎到鑽石山,逛左個圈,決定試下呢間行出馬莎行出商場先搵到ge餐廳!除非好熟呢區唔係都幾難搵!叫左一個2人套餐!有包 湯 一個飯/意粉 同一個扖 仲有甜品同野飲!   個蒜容包幾脆,一定要趁熱食!點個湯更加正呀! 個湯上面都有兩粒麪包!不過唔脆,有D林...我覺得唔加好過加!但係個湯幾'傑',所以幾好飲!色水都唔錯!  呢個芝士腸長通粉好食!D芝士唔'溜'岩岩好,長通粉份量唔錯,D腸加埋D芝士好香口!唔錯!!!呢個豬扖就一般啦!頭尾都軟淋淋,但係中間部分真係幾硬下,唔係好咬得開,咁樣ge豬扖真係唔係好得播!D薯條就不過不失啦,熱就幾熱不過唔係好脆口!反而件cake幾好食,係cheese cake,好快就食左,唔會太甜太膩!飯後食好正!總括黎講,係一間幾適合情侶去ge餐廳,但係扖ge質素就要改善下啦!

第一次寫食評內心難免有點緊張，希望各位不要見怪。佛誕假期可以休息下，去開志蓮靜苑本來想去食齋，可惜沒有訂位，眼見有間紅蔥頭西餐廳這在前面，但是今天是佛誕喔！好應該食下齋菜，與家人商量後都是決定進去紅蔥頭餐食飯。進入餐廳人客都算是幾多，不過不用等位，看一看餐牌都幾多選擇，為有各自點自己喜歡的食物。綜合家人飯後感受，以下對食物的點評：芝士焗南瓜片忌廉汁鮮蝦闊條麵鮮蝦食落去有種牛油味，好爽唔似雪藏貨，闊條麵加上忌廉汁味道濃郁，南瓜芝士是不錯的配搭。芝士焗菠蘿雞粒蛋包紅飯茄汁炒飯裡面有雞粒提子干菠蘿粒，炒得都算是OK，這個蛋做得都不錯，不老不“鞋”而且好滑。迷迭香羊扒伴香草茄蓉汁羊扒有迷迭香的味道而且唔“蘇”成數合格，薯蓉香滑牛油味香濃，羊扒配茄蓉汁真的好好味。紅蔥頭餐廳價錢合理，食物方面質數可以，可以推薦給親戚朋友。

第一次寫，想分享下假期一班朋友約埋睇戲，諗住睇完戲搵間餐廳之後吹吹水，戲後討論一番，由於假期，兩三日前想訂既餐廳大部份都冇位，要walkin試下拎位，由於泊左車係商場又費事假期出面難搵車位，咪由戲院出黎，由上至下係商場順路都睇睇其他餐廳囉，都好多人等位，一黎我地十數人等幾張大枱分分鐘等成個鐘，二黎有d餐廳直頭冇咁大張枱俾我地等，於是去搵之前訂左枱晚紅蔥頭啦，一到達，原來都可以唔駛訂位，大量位置，心諗可能哩度咁多位係因為地點問題，因要走出商場先見搵到間餐廳，坐低睇餐牌見佢有2人餐跟手我地都見冇乜選擇，惟有簡幾個2人餐自己一pair人食，反正見勢色唔對，自在吹吹水，點知點餐已經大件事，得3款2人餐，侍應又要人講幾號配幾號先聽得明，叫餐都搞左成10分鐘咁滯，等左一陣，少甜走甜黎錯晒不在話下，前菜甜品一齊上，牛扒其實叫五成或九成無分別，牛扒用粉乸到無晒味無口感，叫左個鴨胸焗飯黎左鴨胸粥，甜品唔甜，牛扒無牛味，上菜求其上，整好乜上乜，根本無先後次序，傳菜全部兼職咁問幾成熟求其答，多少甜求其講，坦白咁講，收兩百幾一個2人餐，屋村茶餐廳都不如，最慘係搞到成餐飯都無提過套戲，總結，d野食有冇問題? 無

家住慈雲山，每逢星期五是休息日，通常都會去鑽石山荷理活廣場搵食嘢，今天相約女友睇戲兼食飯，看完戲一出後門見到有間西餐廳，正好肚餓，決定與女朋進入試下！黑松露煙三文魚天使麵 $72天使麵軟硬度適中而且條條長度樣，裡面有鮮野菌加上香濃的忌廉汁有少許芝土味，煙三文魚上面有黑松露，美妙的配因而產生，確實好味！香草忌廉汁龍利魚飯 $54新鮮的龍利魚加上雞蛋去煎，龍利魚煎得0岩0岩熟，香味非常，飯軟硬剛剛好，加上香草忌廉汁，不錯哦！(女友境然食晒個飯)紅蔥頭食物味道不錯，下次會再來試其他美食！

紅蔥頭餐廳名字已經聽過很久，不知道與紅螞蟻餐廳有沒有關系？今晚去富山邨探朋友，經過看見鑽石山這裡都有紅蔥頭分店，馬上打電話叫朋友來食飯兼聚舊。到達店鋪，經理帶我們入座，當時客人很少，其實都幾好，清清靜靜與朋友聊天。看看餐牌點了圖片買相不錯的食物，不知道味道如何？讓我將食的感受分享下！香草忌廉汁焗奇趣魚柳飯：飯本身不硬不軟加上雞蛋去炒夠香，香草忌廉汁味道清新忌廉味濃郁，這個忌廉汁顏色像螢光色夠特別，炸魚柳夠晒脆，加上忌廉汁味道出奇好味露筍意大利飯：泰國露筍細細條條，食出用了牛油味水煮，意大利飯裡面有鮮雜菌露筍粒而且忌廉味極重，意大利飯口感煙煙韌韌，加上芝士粉一齊食另有一番風味鑽石山紅蔥頭位置偏僻，如果不是去富山邨的話根本不知道這裡有分店，但總括來講食物都是OK的！

星期6返半日, 收工就即刻同男朋友過左鑽石山, 諗住行街仲未食野, 有d餓. 男朋友話黎呢間試下, 佢屋企人食過話價錢ok, 決定一試黎到見到都幾多人, 但都有位. 岩岩到左tea time, 於是叫左2個tea set環境系幾好既, 但d位有d逼, 人手又唔夠我地落左單,但超過半個鐘, 一杯野飲都未上過, 其他比我地遲落單既, 野食都上緊系催左第2次單之後, 先黎得1杯野飲咁大把! 由dd餓等到好肚餓+一肚氣 好la~ 當人地食飽既時間, 我地先上緊第2個set. 當人地吹完水埋單, 我先岩岩食飽 d野食又唔系好味過人wo~真系唔會再有下次!