紅螞蟻

营业中

休息中

今天難得有空去朋友新居探訪，閒聊一輪後，諗住去歎下午茶，決定去到v walk睇下有咩食店。去到見到紅螞蟻，朋友女兒非常開心，因為有兒童餐。她立刻衝入餐廳，捉都捉唔住。我們坐下後即刻叫了一個兒童餐給她，而待應姐姐話落單先，叫我們兩個女人慢慢睇餐牌。兒童餐一到，朋友女兒十分高興，有腸仔，鷄翼，薯條，肉醬意粉，最重要有佢至愛的啫哩糖和橙汁，其實份量都幾足。我們兩個女人就一人叫了一份甜品拼盤，有北海渡牛乳布甸，迷李泡芙和雪糕，賣相精緻漂亮，女人至愛，味道一流。整個下午茶，小朋友食得開心，女人八得過癮，愉快過了一個下午。

天氣太熱🌞，帶住小朋友多數行下商場打發時間同比佢地放電，剛好三點三，吾上吾落既時間，係時候食個下午茶☕️最後簡左紅螞蟻🐜，貪佢地方夠大，坐得舒服😌風沙單骨雞翼 $32: 🐥上菜時熱騰騰，雞翼炸到外脆內軟，重點係一點都不油，食落雞肉嫩滑，難怪食吾停口🦑兒童餐 $60: 肉醬義大利麵🍝好好味，怕小朋友食吾曬（其實自己想食😂）好夠味，茄汁味濃郁，意粉🍝偏焾身，小朋友易食。雞翼色彩光澤，夠顏色夠滷水味🥢腸仔都整埋八爪魚🐙造型，睇得又食得👍🏽薯條🍟脆身，小朋友至愛🎈凍檸檬茶 +$3: 夏天飲涼透心，解解渴😎

今日難得同表妹一齊出街玩，行左一陣玩具街，表妹就扭攰話要坐低休息！只好揾個地方坐低等佢好好休息下～咁啱見到南昌站附近開咗個新商場～就一路去果度揾食！最後就揀咗裝修都幾靚既紅螞蟻～紅螞蟻印象中我細細個都已經食開！不過而家個menu好似似西式cafe多d！d座位都幾舒適～ 我地叫咗個風沙單骨雞翼！個脆漿唔厚，調味都好夠味，就算唔點個甜酸醬都已經好味！兒童餐$60小朋友應該個個都中意食兒童餐！呢個兒童餐仲要有好多款小朋友最愛！有八爪魚腸仔，炸粗條薯條，雞翼，肉醬意粉同啫哩！計落分量一d都唔少！

女朋友就黎生日趁今日放假出去物色一下佢份生日禮物😂行到攰攰下，緊係食個下午茶啦！最後揀左紅螞蟻，貪佢地方寬敞，坐得舒服.甜品拼盤 $66拼盤有三樣，分別係北海道牛乳布甸迷你吉士忌廉泡芙同雲尼拿雪糕球忌廉泡芙嘅空氣感配上冰凍嘅雲尼拿雪糕真係一流👍上層仲淋上朱古力醬，就味道更有層次感布甸嘅牛奶好濃厚，入口極之柔軟😋.芝士汁焗西蘭花 $38西蘭花上有大量嘅芝士係焗爐焗至表面金黃又焦香輕輕一拉就可以拉到絲架！西蘭花嘅爽脆配上濃郁嘅芝士香，正呀！

一個人係條街度閒逛唔知食咩好，最好就搵個地方坐低食個下午茶，見到有間紅螞蟻係隔離，又有下午茶供應就入去試下作為一個雞翼控點可以唔食雞翼，見到有個風沙單骨雞翼，即叫！雞翼炸到脆卜卜，唔會好油，入面既肉仲係好嫩滑，熱辣辣，配埋泰式甜酸醬，食既時候要小心辣咀食完個小食又點少得甜點，我就叫左個甜品拼盤，裡面包括左北海道牛乳布甸，迷你吉士忌廉泡芙，雪糕球，布甸牛奶味好香，泡芺味道都唔錯最後就嘆埋杯即磨咖啡就非常圓滿

今日黎到尼個新商場行街，行到累就求其入左間餐廳休息下，食個下午茶。尼到d位擺得好疏，所以坐得好舒服，牆上嘅霓虹燈掛畫都幾得意，環境乾淨企利。我叫左個老干媽酸菜火鴨絲麵同芝士汁焗西蘭花。個麵比較幼，食落幾彈牙，係我鐘意嘅質地。😋成碗面又酸又辣好過癮，越食越開胃，果然無論係咩加老干媽都會好食。👍酸菜同鴨絲都好足料，分量幾多，鴨絲食落唔會乾。🥦焗西蘭花大大碗，d西蘭花好大塊，好新鮮，食落好爽脆。芝士汁夠多，咸咸地同西蘭花都幾夾。

今日去深水埗幫手湊一陣契女，V.Walk 開左之後，幾乎成日同佢一家去行下食下野咁，由深水埗經欽州街一條直路行去，十五分鐘內到，喺正地鐵上蓋，都幾方便。好啦，帶小朋友去搵下有咩啱我地兩個食😋 行行下見到呢間d座位都幾闊落，見佢有卡位又有兒童餐，仲要小朋友最鐘意既雞翼，好啦，就揀佢.叫左個兒童餐，包一杯橙汁， 成個set $60， 價錢都幾公道，而且份量都唔少。有雞翼，腸仔，波浪紋薯條，肉醬意粉，呢啲都係小朋友好鍾意食嘅野。雖然俾小朋友食，但都睇得出佢地幾用心，雞翼好入味，色水好靚，同埋煮得好林，方便小朋友食。腸仔𠝹咗十字紋，所以炸完好似八爪魚咁，好合小朋友心意 👍另外仲叫咗個生煎蘿蔔糕，新年食煎蘿蔔糕食得多，生煎都係第一次食，點知又幾得意喎。佢煎到表面好脆口，而且好香，入面有一條條蘿蔔絲，令口感多一個層次。$32真係幾抵食，加多$3嘆埋杯凍檸茶簡直係人生一大享受😍 偶然帶小朋友食下佢哋鍾意食嘅嘢，小朋友又開心，大人又食到好嘢，值得啊！

今日黎到v walk有小小肚餓 又唔知食咩好 不過夜晚都約左人食飯 所以我都係諗住食啲小食 咁岩路過呢間 就入去叫左小小野食我嗌左芝士汁焗西蘭花 hkd 38 芝士都幾多下 咸咸地嘅芝士加上爽口ge西蘭花 幾好食！份量適中啦 可以接受然後嗌左個風沙單骨雞翼 呢個係 hkd 32 一上到枱我仲以為比錯左添haha 但佢真係單骨雞翼 皮唔太厚 內裡肉仲保持到嫩 點埋個汁就perfect! 小食黎講okay嘅而野飲就叫左杯即磨咖啡 不過不失啦呢個 下次黎到再試下啲正餐先！

今日又再次黎到南昌呢面做野，做到成4點先可以食野，好想食點辣野黎刺激下自己個精神，見到老干媽立即衝入去。📍老干媽酸菜火鴨絲麵（$39）🔸足料，火鴨絲都吾少。🔸好多酸菜，但個湯又吾會好酸。🔸老干媽的辣味突出，但辣得黎係香的。🔸麵條雖幼但有彈性。📍生煎蘿蔔糕（$32）🔸煎得焦香，香味遠處就聞到。🔸粉漿吾算多，只見蘿蔔不見糕😂🔸非常足料，蘿蔔絲非常多。🔸蘿蔔絲都頗粗，口感幾好。🔸外脫內軟。🔸因爲生煎，即叫即煎，差點辣親個咀仔。