影片
港铁佐敦站 D 出口, 步行约9分钟
继续阅读
电话号码
23763101
营业时间
今日营业
18:30 - 02:00
星期一至四
18:30 - 02:00
星期五至六
18:30 - 03:00
星期日
18:30 - 02:00
以上资料只供参考，请与餐厅确认详情
招牌菜
冇計一段時間都會落嚟呢間有得唱歌有得食嘢嘅酒吧，老闆好親民，好好玩，所以我成日都會過嚟！佢近期推出咗二維碼可以隨便點菜！最鍾意食佢啲蜜糖雞翼！仲有辣肉腸意粉！同埋佢個炸墨魚丸，超級好食！近期又鍾意飲佢嘅士多啤梨沙冰😍😍正墨魚丸炸到外邊脆，入邊有咬口！小食超級方便，可以食兩粒又飲幾啖嘢飲唱幾首歌，又返嚟再食幾粒！好食🌟🌟🌟🌟🌟士多啤梨沙冰甜到啱啱好，又係慢慢嘆可以一邊飲一邊唱歌！好食🌟🌟🌟🌟🌟洛神花花茶唱到尾段喉嚨唔舒服可以飲下花茶，方便又潤喉！好食🌟🌟🌟🌟🌟最推介係蜜糖雞翼，個個去親紅館都會去叫嘅蜜糖雞翼👍🏼推介好食🌟🌟🌟🌟🌟💯最低消費$200
继续阅读
朋友仔好鐘意唱歌，搵倒一間響尖沙咀嘅酒吧餐廳，有靚音響而且嘢食又好味最好嘅係環境唔會好嘈，唔會有好多客人猜緊妹/玩緊骰盅，反而好似Cafe咁有人玩緊board game😂呢度每檯客每次可以排2首歌，唔會有人霸住啲歌唱到唔願停，好有規律。嘢食方便，價錢唔算貴，而且整得幾好味意粉類我地點咗橄欖油炒意粉同卡邦尼意粉，無諗過啲意粉又煮得唔錯，唔會太淋，卡邦尼又夠creamy，都只係6十幾蚊呢度仲有全日早餐，味道唔錯甜品推薦心太軟～推薦俾所有鐘意唱歌嘅朋友
继续阅读
我有一班好鐘意唱歌仔嘅朋友。自從朋友帶我去紅館happy hour之後，迅速愛上呢個地方～ 每個月總要來幾次～紅館嘅裝修有氣氛，食物質素高，唱歌音響音效都好好，而且每逢星期二8:00pm-11:00pm都會有Live Band註場，俾各位歌友輪住點歌上台獻唱，好正！嚟呢度嘅客人，大部份都係真正喜歡音樂嘅客人，每次你唱完歌，大家都會鼓掌👏🏻互相支持，氣氛相當好。呢度點歌非常有系統，每檯每次兩首歌，系統會自動排好次序，無得偷雞插歌店主店員亦都相當好禮貌，有時仲同大家傾下計，好nice講返食物先～ 我最愛呢度嘅卡邦尼意粉、蜜糖雞翼同埋芝士肉醬焗肉丸卡邦尼意粉-意粉嘅軟硬度啱啱好，淡忌廉味香滑，芝士味唔會太過濃郁，好味。蜜糖雞翼味道唔錯，唔會太甜。芝士肉醬焗肉丸，唔好睇佢賣相影出嚟好似有啲差 其實佢非常好味！個蕃茄肉醬味道相當好，配合芝士同肉丸，好match～煙三文魚沙律- 醬汁有少少芥末味，好開胃，略嫌太少醬汁，不過我地唔夠汁，問店主攞多少少汁佢地都無問題。總括嚟講呢度真係好正～ 野食款式都好多，價錢中等唔太貴，得閒嚟唱歌輕鬆下都唔錯嫁！
继续阅读
去紅館聽演唱會？原來在漆咸道南一帶，也有一間叫“紅館”的酒吧，改得這個名，除了飲飲食食之外，其實仲可以唱歌，當一晚的明星！此“紅館”位於地庫，外表平平無奇，但而來內有乾坤，甚有隱世feel，最適合一大班人開派對！（聽說是可以包場）入到店內，除了一般酒吧setting外，內裡更有一個小舞台，可以唱k，也可以自彈自唱，開個小型concert也可！（聽說有常駐場歌手！！）食物方面，酒吧也有all day breakfast, .點都要叫來試試，挺有特色的！飲品方面，有酒精和非酒精飲品，任君選擇！
继续阅读
在繁華的都市裡想找一個較為寧靜的地方和朋友聚一聚也不算是一件難事。一個星期日的晚上，朋友藉著他女友有4小時的空檔，特意指定找一家cafe 可以讓她女友既可以坐久些休息一下，又可以玩樂放鬆一下。對於從前總是為拍拖計劃行程的我，找一家cafe 不會算是難事吧。經過openrice 簡單的選擇健議，我們仨最後決定到了一家叫 「紅館」的Cafe & Bar。位置於尖沙咀東漆咸圍，那邊多是檔次較貴的餐廳。從金巴利道轉一個路口，走到漆咸圍，走進一條較少人與車的街道。「紅館」是一間位於地庫的Cafe & Bar，走過一條樓梯，感覺像走進典型的酒吧一樣。一系列的酒樽和有關於酒的裝飾，還以為是走進一家酒吧。我們7點多坐下，還未見有客人，初時都有點兒怕怕，可是隨後的各方面都令我們樂而忘返。店的盡頭有一個小型舞台，放置結他、鋼琴、鼓供客人借用彈奏。我們仨知道可以借玩樂器，馬上走到台上亂玩一番。這裡的晚餐不算太貴，$50-60 一個意粉／ 飯，可是並不包括飲料（需要另外叫）。意粉都算是比較大眾化的選擇，我們叫了卡邦尼意粉，鮮茄香腸長通粉，還有那個....什麼雞扒意粉。吃飽後，我們便轉玩其他東西，有層層疊、竹籤、大富翁，還有...迷你足球機 ！！！原諒我們玩得樂極忘形，都沒有拍太多照。此外，還有一個值得一提的地方是那裡的音樂是可以點歌的，客人還可以走到台上高歌一曲，可是老闆提道，如果有其他客人的話，每枱只可以點唱兩首。（如沒有記錯的話）整體而言，這一晚可以很暢快地放鬆了一晚，玩了一些從前小時候都很愛玩的遊戲。三個人待了差不多四個小時，用了只是四百多元（我們最後叫了4個意粉，2杯飲料，一客小食）。除了食物質素不錯外，我們更享受這裡的遊戲和感覺！
继续阅读
您可能会有兴趣的...