紅 (已結業)

原來已開左好幾年, 每次經過都覺得裏面黑漆漆的😌 今日興起想韓食, 又只有一枱客人, 所以入去試下。那枱客人正在烤牛肉, 飲啤酒, 確實好吸引。一個人就烤不到燒肉了, 韓國既湯類倒是不錯的選擇。一大碗, 熱辣辣的, 很適合較寒冷既天氣, 我試了參雞湯。喜歡韓國菜其中一原因係佢地既餐前小碟, 一般有泡菜, 芽菜, 豆腐, 黃瓜, 菇菌類等, 有d韓店更加可以無限添食。今次既前菜份量好少呀！哈哈😭 等了大約5分鐘, 參雞湯就來了！果然係熱辣辣的, 湯仍滾著; 蒸汽稍為消散, 終於見到主角 - 雞。一人份量剛剛好, 雞已煲得好"淋", 骨肉已分離😂 進食時毫無難度, 只是有太多碎骨。呢個雞湯既配料唔多, 有少許飯, 一個大棗和一條參, 但我不懂分辨屬於那種; 反正湯既味道不錯, 最後把整碗湯飲掉!

見到人地ig話個水冷麵正，就趁入黎元朗順便試下佢！我個人麻麻水冷麵，覺得好一般同好難整得好食，所以有d期待因為我同男朋友中午食得太飽，所以晚餐就淨係嗌左2份肉同水冷麵。店內得兩位待應，而且鋪面都有d細，感覺佢地好忙，可能因為做埋外賣同會幫客燒，但依然態度好好經常留意同主動幫我哋換網，怕我地燶哂，因為我地自己燒我地嗌左調味雞腿肉同豬腩肉，肉既味道都吾錯，醃左嘅雞肉好夠味，而豬都好正！佢有兩個調味料，一個係麻油，而另一個好似係柚子咁既汁，感覺沾左冇咁膩係肉黎之前佢仲有前菜，樣樣都吾錯，估唔到泡菜仲幾好食，吾係間間泡菜都好食，所以抵讚不過如果要生菜包肉就要另叫，$35一份，好似得套餐先包，不過份量都幾多重頭戲，期待已久嘅水冷麵，好好食！顛覆左我以前食嘅水冷麵，佢係勁彈牙，感覺係fresh，吾似食緊一坨野既感覺😂😂，值得讚，好值Encore

兩個人入座，講明唔燒。佢話OK叫我地坐埋一邊，冇問題。當時已經係八點幾，計埋我哋得兩台。我叫咗個豆腐湯，我老公叫咗個辣冷麵。等左大約15至20分鐘，突然有兩個朋友加入我哋，轉左去四人枱。過多一陣我個豆腐湯先來。跟住佢問我，係咪仲有個水冷麵，我話係辣冷麵，無水嗰隻😓朋友落單，一人叫一份。老公個冷麵仲未嚟。最後老公前後等左差唔多半個鐘，果Pat 冷麵先來。再過多15分鐘，走來問我2個朋友頭先叫咗啲咩(當時鋪頭計埋我地先得八個客)。一個朋友放棄左，唔叫。另一個朋友叫多次，再等左15分鐘先到。味道方面，我個豆腐辣湯似韓式快餐嗰隻。而辣冷麵係一pat嘢，味道奇特。有啲似蠔油加甜辣醬？🥴🤢咁嘅味道，咁嘅服務，係要加一㗎💀#完全冇講過唔好意思，唔覺得自己有問題

今日係年三十晚晚上九點出去搵野食基本上都冇咩餐廳仲開緊不過呢間老闆夠勤力就算準備好收爐都煮埋我地個餐今次叫左三樣野第一樣必叫既係炆牛肋骨一向食開係好入味好軟熟食到連汁都唔可以放過既但今次唔知係咪太忙啦煮到老左 太un 但味道依然冇得頂海鮮豆腐湯其實唔洗比多廿蚊叫海鮮太咸了食唔到個種清清地既辣醬味不過都好食既 配飯一流今晚仲試左炸醬麵記憶中係韓國食既炸醬麵係好濃郁汁好結既呢度完全唔同 肉還肉 汁還汁食到底仲見到好多油都係去韓國食算

好耐無食韓國菜……對韓燒麻麻，但喜歡食韓國菜，在香港做得好食的唔易找。這間紅是看食評後決定來試下，地點對路痴來說有點難找(附近大廈名實在太相似)。非常小的一間店，但我們6：30已到有空位，到食完時的時間就要等位了。但應有的韓國菜餐牌都有。不太餓所以只點了泡菜炒飯及拌辣冷麵，冷小碟好好食。炒飯不是很辣，好食，份量充足，拌辣冷麵的麵非常煙韌出色，醬汁吸引，最特別是食的時候唔太辣，到口中沒麵才辣。餐牌有不辣的拌冷麵，怕拌辣人士可選。下次會再去試其他

元朗朋友誠意推介 我住九龍都專登入去食閒日成條街都好靜 唔洗等位叫左個二人餐 有前菜 韓燒牛肉 五花腩 石頭飯 湯 其實份量三 四人都夠 兩人係食到打包最驚為天人係牛肉 我戒左牛多年 純粹因爲覺得唔好食 但朋友話超正超正 忍唔住食少少 點知就停唔到....店內三個員工 兩個老闆都係韓國人 服務非常好 韓燒幫我地燒埋剪埋 燒得火喉剛剛好 抽氣扇抽力好充足 男老闆好細心 提我地牛仔骨要食埋骨邊d肉 但我不嬲都懶食骨所以都係無食豬肉睇落肥 燒完之後唔肥 點個麻油超香 用生菜包肉加埋個好似炸醬既肉好好食石頭飯 同湯 都係好味 係個胃裝唔晒 所以打包番九龍我一定會再幫襯架

朋友帶我去了元朗一間正宗韓國人開的餐廳食飯，這間三代同堂的韓式小店，侍應跟我們說這裡的食物都是由韓國人親手煮的，真的能食到韓式滋味。雖然鋪頭不算大，但坐得都好舒服，牆上也寫了HONG IDEA ，如何食到韓國真正風味這個很有意思的句子。我們點了一個二人套餐，有烤調味特大牛排骨，調味牛仔骨，烤調味雞肉，豆腐辣湯及石頭拌飯。兩個人食都很豐富。基本上肉汁比較偏甜，是韓國人的特色。燒雞肉，雞肉嫩滑。豆腐辣湯，味道鮮甜還有蜆的味道，辣味適中。我最愛的石頭鍋飯，撈埋一齊加埋醬汁食 還有飯焦一齊食很惹味。整體來說不過不失！

元朗韓式燒烤很多區內有名又不是連鎖的紅有兩家, 是鄰店, 一家食燒肉, 一家沒燒肉我們是吃燒肉那家 韓食基本麥茶和拌菜, 茶不錯, 拌菜沒什麼特別我們7個人點了4人套餐+兩個菜有烤牛肋排, 五花肉牛肋排是韓式燒烤醬的味道~烤起來非常香, 加上肉質不錯, 吃不停口五花肉相對失色, 很普通還有烤雞~不錯吃海鮮煎餅從來不是我杯茶, 不過不失另外有石鍋拌飯~拌飯醬好吃是成功的一半拌飯醬是自己加上去的, 味道能自己調節所以這個會好吃~韓式炒粉絲也是甜甜的味道但也好吃套餐以外加點的蔘雞湯~這個出奇的好棒蔘味濃雞肉嫩~水冷麵不過不失沒吃到梨子就是差一點總說, 4人套餐超抵, 不止4人份量唯一是味道偏甜, 所以感覺全部味道都差不多~

元朗形點廣場全面開通，即成最熱泡點。中高檔飲食集團全部進駐。你可吃的全部千篇一律時尚標餐，跟其它地區的商場都一樣，絕無新意。如果你走到形點後面（五分鐘路程）元朗鳳攸南街，你會發現超過30家小型食店，品種包羅萬有，不乏有心好吃的食店。今晚就進一家三代同堂（祖母，母親和兒子）家庭式經營的韓國燒烤店。牛筋骨兩大塊。肉身夠厚，醃制好味道又夠腍。五花腩：三塊厚厚的，面上輔滿蔥花，香煎後夠爽不肥膩。配上新鮮生菜和出色的Kimchi及其它醃菜, 吃出韓風。後再加一客Kimchi 薄餅，金黃色賣相已先聲奪人，脆口但吾乾，中間還爽有墨魚。最喜出望外是食到傳統家庭式Kimchi, 因為太好吃，免費添了兩碟後就加單添一客。誰不知道來的卻是一大盒，只收$30。當言吾執輸，再加一客打包回家！

是咁的~~今日約左女朋友仔同佢d朋友仔打羽毛波 咁打之前就搵左呢間韓國鋪試試 本身都抱住唔係特別期望嘅心態黎食 不過可以話俾大家聽 呢到食嘅lunch有驚喜！大約正午十二點到左 一入黎就有麥茶同三小碟送俾我地 麥茶應該溝過水 麥味唔濃 不過夠冰涼 飲落都舒服（行過黎都幾熱嫁） 不過咁 麥茶免費 咁又唔好太高要求嘅講真 三小碟味道都好好 分別係芽菜 菠菜 同泡菜三樣都有用過野醃過 唔會啖而無味好喇 咁到主菜喇 lunch set選擇唔多 大幾十幾款啦 咁我地就叫左個拌飯同石鍋牛肉set等待嘅時間都合理咁咪飲下麥茶食下三小碟同傾下計先啦拌飯份量好夠 而且都有d牛肉粒（有d地方嘅拌飯係冇肉）落埋韓或拌飯醬將個生蛋黃同d飯撈埋一齊都好好味 飯身唔會太腍或太硬 而且每樣餸都好乾身 唔會撈完食完個底係水味道好fresh好正石鍋牛肉set真係世界級 如果大家覺得拌飯到到都差唔多嘅就一定要試佢嘅石鍋牛肉 熱辣辣上而且d牛肉真係好正 唔似係d好渣嘅雪藏牛肉 食落好有牛味而且非常腍身 但又唔係腍到冇口感 拿掐得好好 墊底嘅粉絲吸曬牛肉湯嘅精華 好好味呀！正因為咁我地都試飲佢嘅牛肉湯！點知仲正好香好濃嘅牛肉

琴晚點咗純豆腐湯同蔥餅，豆腐唔滑，蔥餅得陣麵粉味，伴菜無味，泡菜辣粉重無garlic 味。以我韓國人舌頭黎講算難食，埋單190蚊太貴。呢間只係舖頭仔，食物唔好味，但收梨花園價錢。不推介。

來到本來滿有期望，因為之前有朋友評論不錯，先落單才給你前菜和茶，已有點沒見過的小家，問問如果叫set,少牛多豬比例可以嗎？！答案是不能改，好的散叫，那叫個醬蟹，味較咸不特別鮮味，前菜放下說有一次refill，海節除外，其實份量很少，我問要加就比多少？他說30，好的，試試味，不用加了！為了等朋友就一路叫小食，泡菜餅吧，伙記說不如叫海鮮餅，我不想要海鮮，他就說泡菜餅都有尤魚喎，那有推介嘛？他說在餐牌內😑，咁落個泡菜餅吧，味道尚可。再來炒粉絲，無特別，朋友還未來，自己看看隔離吃什麼，有炸雞，餐牌唔見有，就叫個吧....對不起賣哂，看錶未夠8點😱，他說一晚做兩客，不說佩服不知說什麼！😰朋友來再落個泡菜湯，芝士雞，豬肉燒（太乾無味），三人各吃一半😞，決定結賬吃糖水！埋單$856！元朗選擇韓國餐，伏是第二次了😩

這間店近學校區，應該好多學生來，選左假日去點左牛肋骨才$46（連加一）份量一D都吾少，有五件大大件牛肋，味道徧味，好軟好入味，應該是連蘿蔔一齊煮的，個汁好送飲，是飯小偷，結果叫多個泡菜湯，味道都好好，有豆腐肉片和海量泡菜，泡菜的辣剛剛好(個人喜吃辣）。第二次去除了牛肋骨，試左石頭鍋飯....真是不得了，清清地以蔬菜為主，有少量牛肉碎，加蛋黃。混有一起超好食，石頭鍋令飯慢慢焦起來，冬天最啱食，配侍應提供的韓式辣醬一起食，這個冬天不太冷了第三次試左個牛肉蓋飯，買相是牛肉碟頭飯，牛肉味濃，混蔬菜一起炒的，味道也很好，徧甜的。比以上三款來得失色一點！環境80分，一邊食一邊有韓國Music 播放！還有炸雞的，但做午餐就太過分了留意營業時間兔得白走一趟。可能是最抵食的韓餐

餐廳是韓國媽媽同一仔一女打理的。正宗韓國人。味道不錯特別係小菜。 當晚一行五人大概七點去食晚飯，間餐廳得五張桌子，一係就早到五點幾去到，一係就八點幾到九點先有位。我地七點去到，當然要等位。個日落雨加上有點冷，所以老闆見我地等太久，請我地飲燒酒叫左個四人餐，有牛，有豬，有雞，同不同既小菜。佢地會親自燒埋比你，可能時間關係，都可能係想服務得好少少啦。第一次燒全部牛燒燶左，佢成盆換過牛同雞都好好味，但豬腩肉切得太薄，燒完都變左柴。前菜可以不斷refill。仲食左海鮮薄餅，炒粉絲，泡菜湯。炒粉絲好好味，必試！仲有人參雞湯都好味。

呢間韓燒成日都好多人排隊，佢間鋪好細，入面waiter 同staff 真係有幾個韓國人，唔知係咪韓國人開嘅呢....? 我果晚同老公食左燒肉，真係好好味，我地叫左一份牛，同一個部隊鍋~ 牛佢有yip好左嘅同無yip 嘅比你簡，我地兩款都試過，我比較喜歡yip 好左果款，因為濃味D ~ 肉質兩款都好lum ~~ 好好味~ 至於部隊鍋，我果次係第一次食，好味，不過試一次就夠啦~ haha~~