純寿司

营业中

休息中

家人推介去食話好食，於是就去一試！門口見個餐牌，感覺價錢都比較貴，但望店內都坐了很多人，即是質素都應該唔錯。拿了坐位坐下，望見餐牌每頁都很想叫來食，最後我地揀了“特上壽司御膳”$179及“夏之2色人氣盛”$99。特上壽司御膳包括：壽司類(吞拿魚，吞拿魚中腩，三文魚，三文魚腩，千尋海老，帶子，八爪魚，蟹柳，墨魚，葱粒吞拿魚腩軍腩，三文魚細卷)，另外還有刺身+沙律+天婦羅+小鉢+茶碗蒸+漬物+麵豉湯。夏之2色就是鰻魚卷及帶子卷。剛看御膳套裝內容已經口水不停流，份餐上桌時真係大飽眼福，😂視覺上已經覺得呢個價錢都值！因為肚餓先食壽司。三文魚腩及吞拿魚腩一咬油脂即刻充滿整個口內😍。好滿足！每件壽司的飯不會太大件，份量剛好。魚生厚度適中，不會覺得薄！👍墨魚類及八爪魚類的，咬落去有點彈口的韌，新鮮有口感，好想嚼著多幾下。葱粒香，吞拿魚有淡淡吞拿魚味。沙律菜新鮮，天婦羅脆口。茶碗蒸入面都有些食材，蛋夠滑，有淡淡味道。麵豉湯正常口味。小鉢的芥末味道出。而夏之2色的卷物亦好食，飯量及大小適中，基本上都可以一口吃下，整件食材一口過品嚐！這款有2個價錢，$79/6件件或$99/8件。非常滿足的一餐。好豐富，食

平日過左午餐時間冇乜人。唔洗等位。可以直入。地方幾大。坐得舒服。QRcode 落單。叫咗兩個套餐。佢地有午餐套餐，比較平啲啲。不過感覺冇咁吸引。所以叫咗嗰牛肉烏冬餐。有壽司同刺身。同咪小食。再叫個海鮮丼餐。套餐跟嘅嘢都唔少。需然品質未必太好但算對得起價格。刺身壽司冇腥味。主食份量真係好大。最後食唔曬。可以免費加入會員。有迎新禮品。一罐汽水。一台支可以還一次。如果埋單過$500可以減$50。之後再叫咗幾款壽司。飽到快嘔。感覺如果食到同等飽腹咁，壽司郎貴好多。今次平均$230一位。但係因為叫得太多。正常應該$150左右一位就夠。

今日行過屯門想食日本嘢,見到opentice食評話呢間啲嘢幾好食。見唔使等位就即刻入去試下。啲嘢食好唔好食見仁見智, 等咗好耐終於有嘢食! 阿仔食咗兩嚿, 問我點解呢碟壽司拼盤有血水, 我見到就唔想食囉🤮, 即刻冇曬食慾🤦🏻。 阿仔肚餓食埋側邊嗰兩嚿 即刻轉塲去Beans食🤑。認真失望😖

環境食物可以，但服務不好，空間很逼，佈置是日式設計，全部卡位/榻榻彷置身異地。無人送餐卻侍應上餐（即沒用）通道很逼。今日帶住兩隻小怪獸去試，但新開日本野午餐見沒乜人等試試。我知道要收嬰兒車但由於小孩會走佬所以要安頓才收到車，點知遇著侍應多番提醒，眼見都收緊車啦！收到車啦叫餐啦！兒童餐不易見才叫到，份量偏少，食完送玩具（寧願比多件壽司好過）手卷份量可以,海鰻以啦！午餐加了迷你烏冬，但只屬正常！未到好正！食完問拎濕紙巾，侍應左右觀望，我都沒拎你野我自己清楚咋！總之不好帶小朋友去食飯，佢哋不耐煩。

想食峰壽司原來執左 開左間純壽司 也是同一集團。中午來 排了一陣隊，入了。手機點單。Lunch set款式也算多決定點一個lunch set，其他散點壽司 小食試試。Lunch set 的牛肉稻庭烏冬：有前菜刺身 整體好豐富 食物質素都唔錯；散點壽司：海膽軍艦 京蔥三文魚蓉軍艦 魚子軍艦 海鰻壽司 三文魚壽司 帶子鰻魚卷物 味道都好鮮 小食：炸生蠔 呢個推介👍🏼👍🏼 外脆內軟 入面好Juice 整體的食物都很不錯 價錢合理 會再來😇😇

💖 純寿司 (屯門)✨屯門屯隆街1號錦薈坊3樓320-326號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️我同我嘅同事如果平時冇嘢做我哋就會周圍去食嘢，本身係想食Outback或者壽司郎，點不知我哋低估咗平日晏晝市中心嘅人流😵‍💫跟住佢突然叮一聲醒起話俾我知屯門開咗一間好似峰壽司咁嘅東西，佢話啲嘢食都唔錯叫我要試吓😚不過入到去就真係勁後悔，因為入邊有有強烈嘅裝修聲😅嘈到癲咗，如果門口有職員提前講聲會好啲成餐飯體驗唔係咁好😅-螃蟹羔醬🦀 $22食落去嘅第一啖我就已經同佢講超好食呀呢個蟹膏😍點不知佢答我👉🏻「蟹膏壽司好難唔好食」😂😂明明係佢上次話壽司郎嗰個平價蟹膏唔好食😂，不過我就覺得呢一個蟹膏份量其實幾多鋪滿晒成個飯，仲要蟹味超濃烈👍🏻-明太雙重海老🦐 $14Er….呢個就麻麻哋，食落同爭鮮嗰個明太子蝦冇得比😵‍💫首先唔係好食得出佢明太子嘅味道🥲蝦都麻麻地-墨魚🦑 $14唔知點解近排真係好鍾意食墨魚壽司，好鍾意佢嗰種黏黏嘅膠質口感，不過呢一個又係麻麻地☹️，雖然$14好平有兩舊😂-寿司B定食🍱 $111+茶碗蒸🥚$12其實呢個定食係好抵食嘅，有前菜沙律、炸物、麵豉湯同埋12舊壽司，不過茶碗蒸

中午打算食壽司，就試下呢間，坐低見到有機械人送餐，就用電話落單叫壽司。下單等等下，隔離枱有兩位女士坐低，一陣就催單話未到，一會後侍應就送上壽司來，我們兩個人就討論，人家點餐都要催，我們的等了30分鐘都要催下了，看來機械人送餐要加把勁！ 後來壽司隨侍應送上，我就覺得三文魚一般，其他的都可以，老婆就覺得所有食物都只是剛剛合格，最後食完發覺枱上沒有紙巾，就用電話下單，不是機械人送過來的，有點失望。

期待左勁耐既純壽司屯門店終於開左啦~今晚見人唔太多~唔太需要等位~咁當然要試下先啦~特上壽司御膳($179)連埋細卷一共有十二款壽司~包括吞拿魚~吞拿魚中腩~三文魚~三文魚腩~千尋海老~帶子~八爪魚~蟹柳~墨魚~蔥粒吞拿魚軍艦~八爪魚芥辣軍艦~三文魚細卷一上枱已經覺得d壽司賣相唔錯之餘~仲幾新鮮添呀~醋飯既味道都調教得好好~ 除左壽司外~成個SET仲有刺身+沙津+炸物+小鉢+茶碗蒸+漬物+麵豉湯炸物係蝦天婦羅~新鮮熱辣咁~脆卜卜咁~唔錯~另外小鉢就係芥辣八爪魚黎既~嘩~哩個真係我既至愛黎架~另外~跟餐送既刺身有甜蝦~三文魚同油甘魚~質量一d都唔差架~火炙海鮮TORO丼($179)吞拿魚中腩~三文魚腩~油甘魚腩~蔥粒吞拿魚腩~三文魚子~玉子沙津+炸物++茶碗蒸+漬物+麵豉湯一上枱已經聞到火炙過香氣~輕輕火炙過既刺身食落更加香~食落仲keep到刺身既鮮嫩感~不過有d可惜既係原來唔係跟壽司既醋飯~而係普通白飯~雖然刺身火炙過~一開頭既飯連埋D魚油一齊食真係唔錯既~但當愈食愈落~就開始得返白飯既味道lu~另外~哩個set既炸物係炸墨魚(咀?)相比之下~我覺得壽司set個天婦羅好味d~吸引d~食

最近經過見到多年屹立不倒嘅Benelo 居然裝上圍板，原來有新餐廳進駐。夏天熱屎辣辣，當然想食返啲凍嘢涼快啲，又未見到有食評，於是就過嚟試吓，不過上網一搵，哦，原來係峰壽司集團另一個品牌。峰壽司喺Vcity 已然有分店，咁進取係屯門另一個商場開業？（vcity 同錦薈坊都係新地）呢間純裝修、定價、品質都差唔多，不過比較多set 同卷物選擇。呢份set 有幾種刺身，仲有份炸物（八爪魚），可能我接近6:00 到訪，所以全部炸物都係凍既，油既、淋既。真係冇再食價錢係$158 ，刺身飯有埋茶碗蒸，以為放涼咗啦，點知杯茶仲熱過佢，都幾失望。峰壽司既茶碗蒸有雞肉，呢碗咁岩冇雞肉同白果，只有冬菇、名門卷、蟹柳。

見錦薈坊新開壽司店就同屋企人試吓啦原來係峰壽司嗰間集團嘅峰壽司啲刺身唔太差，每件都係厚肉長尾今日食呢個午市set餐都幾豐富呀😳天婦羅炸得好，刺身都好新鮮啊，下次晚餐都會繼續嚟幫襯。