素年 (黃埔天地百寶坊)

营业中

休息中

食齋就諗起中式嘅舖頭，但係其實西式嘅齋都會帶來一些驚喜🧡最近在黃埔天地百寶坊素年真係令我有另一番體會🤣🖤黑芝麻豆奶黑芝麻豆奶的口感非常滑順，濃郁的豆香與黑芝麻的香氣係match! 🤣特別適合在寒冷的冬天享用，暖入心❤️冬日戀人呢杯其實係藍莓紅莓燕麥奶blend埋一齊嘅，飲落去仲食到一啲碎碎嘅藍莓果肉😆證明係真材實料，飲落去又唔會好甜，果香味重，就算配咗燕麥奶都唔會覺得好滯🥸🥖秘製燒烤醬炸猴頭菇法包炸猴頭菇外皮酥脆，裡面鮮嫩多汁，搭配秘製燒烤醬很不錯❤️❤️整個法包都充滿左層次感，而且包都烘得好脆 配埋啲爽脆嘅青瓜食落去口感極豐富，感受到滿滿的幸福感❤️❤️而黃埔都出咗另一個新menu ；椰菜花扒聖誕樹🎄好打卡able ，味道都做得出色。非常之配合嚟緊嘅聖誕節！除咗椰菜花之外，亦都有蕃茄仔草菇同埋南瓜，唔好以為食菜會唔飽，食完之後係勁滿足！

🍽️🌱🍝不沉悶的素食西餐🔔設加一✅黑松露蛋黃醬番薯條 -$68番薯條嘅份量不少，新鮮炸起都幾香脆，醬嘅黑松露味幾濃。🆗青森蘋果汁 -$32原價要$44一杯，叫嘢食減咗$12所以$32一杯，但係都比較細杯，同出面買玻璃樽嗰隻蘋果汁一樣味。✅斯里蘭卡伯爵茶 （凍）唔使加錢嘅跟餐飲品。味道正常。🆗秘製目式照燒味噌醬焗野菜 -$68只有一棵娃娃菜、三粒菇、三粒西蘭花，同埋一片蕃茄，就咁加啲醬去焗爐度焗，份量好少，蔬菜會變得比較乾身同埋硬，性價比低。🆗自家製菠菜青醬烤大啡菇螺絲粉 -$108螺絲粉嘅份量好多，而且係有幾隻色嘅螺絲粉，撈咗好多菠菜青醬，但係個味道有啲單調。大啡菇就整得好好食，好Juicy唔會乾身。另外仲有兩片心內美蘿蔔、火箭菜、燒過嘅蕃茄仔。✅川味芫荽花椒香辣意大利粉 -$88 呢個意粉係最出色嘅，份量唔少都幾大碟，意粉煮得唔會過熟仲有口感。除咗芫荽好味，另外花椒嘅麻香都好重，特別惹味，配料仲有紅椒絲、黃椒絲、紫椰菜絲、粟米芯同埋百頁豆腐粒。

以前食素冇咁常見，印象中多年前食過呢間餐廳都令我對新派既素菜另眼相看 。到近年愈來愈多人食素，呢間素年仍然屹立，仲開多左幾間分店，可想而知佢果然有實力🙌🏻🌱💪🏻今日同素食朋友兩人叫左兩個餐：⬇️日式照燒豆腐煎純素蛋漢堡有驚喜既豆腐漢堡，配上牛蒡，大葉，椰菜，仲有自家製純素蛋黄醬味噌照燒汁，出奇既夾同埋清新，一啲都唔罪惡既burger，成件事感覺好健康😆而番薯條分量都好多，外層少少脆口裡面既番薯仲濕潤，感覺都唔太熱氣🤭⬇️日式咖喱唐揚猴頭菇野菜定食日式咖喱配唐揚猴頭菇係非常既夾，猴頭菇好入味，口感好好！歡喜🤤🍄‍🟫配上淮山漬物、前菜牛蒡、甜品蕨餅，呢個set 都好圓滿⬇️跟餐可以加錢有埋甜品：青提柚子慕絲蛋糕蛋糕柚子&青提味道酸甜，感覺好清新總結💭： 餐廳質素有水準，將素菜以新穎、清新既形成呈現，咁多年對佢印象都好好，而家既分店更大間舒服，值得一再幫襯🥰

今日同媽咪去咗紅磡新派素食嘅餐廳Dinner 呢度嘅餐牌都幾精美 食物選擇都多 有沙律/飯/漢堡/意粉/小食/甜品等等 我哋叫咗一個Burger同一個意粉不可能肉醬意粉 食落去都確實幾似食緊肉類 意粉有咬口 個汁醬酸酸甜甜 都幾啱小朋友胃口 屬於好味嘅意粉素年經典不可能芝士漢堡 側邊仲配埋即炸番薯條 漢堡扒都幾厚而且夠Juicy 裏面在夾埋番茄同生菜仲有啲醬汁 食落唔會Dry每個主食會配埋飲品斯里蘭卡伯爵茶 跟餐免費熱情果洛神花梳打 正價減$12 水果梳打唔會過甜 味道都幾清新另外餐廳出面會有兩張露天位 我見有時啲人有寵物嘅話可以坐出面

突然想食素但唔想去全統齋舖，呢間感覺好fresh，份量又夠大，冬陰功意粉好好味，上枱時夠晒熱，日式咖喱吉列豬扒飯，豬扒好大件，但咖喱汁少咗D，可問侍應再攞，侍應多數係年青人，個個都好有禮貌，好有衝勁，好值得再來🥰

完全就係那些年我們一起打過卡的餐廳！其實餐廳keep住都係好有心去更新佢哋自己嘅餐單，所以如果曾經鍾意過佢哋嘅朋友仔。如果做嘢附近有一間，都可以午餐嘅時候揀嚟食呀，因為始終喺香港地生活多油多鹽，係好需要呢一啲比較輕食嘅食物，成個感覺都會更加健康。因為我覺得佢嘅素食都感覺好輕身我呢啲平時食開，間唔中都會覺得太太太油膩啦，加埋就係呢排食咗超熱門嘅一個熱香餅、加埋薯餅覺得真係超咗好多熱量所以要更加注意自己平時飲食

平時都有食開呢間餐廳，今日同朋友去食介紹九宮格的日本素食，於是嗌咗一盒，賣相精緻味道不錯，尤其是係嗰個飯團好味，甜品亦都不錯！另外要講講呢我最鍾意食呢就係佢嗰個柚子脆脆配合咗泰式嘅醬料呢好惹味爽口，仲有佢有個冷麵啦佢呢係用咗冬菇煮咗個湯汁所以呢食落去個冷麵嘅質感好好味問咗店員呢話嗰個係淮山麵嚟嘅同我平時食開嘅冷熱呢感覺好唔同。總括感覺九個格裏面呢都唔錯，除了那個豆腐我覺得比較硬同甜品唔夠凍，期間限定算唔錯！

🥗十種蔬菜田園全日早餐 $148雞蛋煎到香口脆邊，用天然意大利香草包托底沙律菜好新鮮，配上自家製蘋果醋沙律汁，感覺好清新。🍔素年經典不可能芝士漢堡 $138漢煲用咗不可能肉，洋蔥，沙律菜，純素芝士，黑醋，蕃薯絲，非常香口，亦都唔會好漏。伴碟嘅炸蕃薯條炸得過燶，入口好苦😖🌽鹽酥粟米條 $68係澳門食過後，就好中意食呢隻粟米粟米香甜好食，味粉辣辣哋，好正！🐤不可能黃金脆雞塊 $58素肉麥樂雞 配上泰式甜酸醬，好惹味🍵京都宇治玄米茶 $28🍏青森蘋果汁 $44🍰日本南高梅柚子青提慕絲蛋糕 $68忌廉有柚子嘅香味，好幼滑蛋糕餡係提子同埋梅，就咁食好酸必須多啲cream去中和

泰式香辣冬陰功意大利粉 ($88)整體極之惹味，辣度好到位，不過唔會留喺口腔好耐。配料份量多，尤其是蘆筍、車厘茄同本菇，食起嚟口感好豐富，同時又帶啲酸甜味同食材本身嘅鮮味。十種蔬菜田園全日早餐 ($148)種類同份量都好足料，整體質素都屬於中上，兩個人食完會有飽肚感嘅 all day breakfast。台式鹽酥雞 ($68)炸得好香脆惹味，雖然無鹽酥雞本身果浸油香，不過勝在調味豐富同飽滿啖啖肉嘅口感搭夠。

食肉獸表示，正餐食素嘅次數真係5隻手指數得晒，而「素年」係我唯一會重刷嘅素食餐廳💚 我今次點咗佢哋嘅招牌菜「不可能肉醬意大利粉」🍝同「素年經典不可能芝士漢堡」🍔，亦點咗「凍伯爵茶咖啡」同「熱榛子燕麥奶咖啡」☕️整體黎講，食物質素好高，絕對係香港素食者天堂😋😋😋🍝不可能肉醬意大利粉意粉煮得彈牙，配上香濃嘅不可能肉醬，味道豐富，好似食緊真係肉醬嘅意大利粉咁！！！真係唔知佢點做到咁真🙏🏻 冇誇張但佢真係我食過最好味嘅肉醬意大利粉🥹🤤🍔素年經典不可能芝士漢堡漢堡包非常鬆軟，質感一流。漢堡內嘅不可能肉排煎得恰到好處，外脆內軟，同樣唔知點做得到，但真係整到好香口😋 芝士嘅味道香濃而不膩，搭配鮮脆嘅生菜，層次感十足，原來素食都可以咁好味！！😋❤️☕️凍伯爵茶咖啡似係好特別嘅組合，但伯爵茶同咖啡嘅香氣交織一齊，帶出獨特嘅風味🤤🥜熱榛子燕麥奶咖啡榛子嘅香氣好吸引，燕麥奶嘅濃郁口感帶來一絲甜蜜。咖啡帶嚟嘅醇厚味道同香氣，配合得恰到好處！總括而言，「素年」嘅食物好！高！質！無論係唔係素食者，素年都係一個值得去嘅餐廳，必試無誤！

最近,我對嚐試素食產生了興趣,於是決定前去一探究竟。這家餐廳採用了簡約的文青風格,以木質餐桌為主調。進門後,我正迷失在寬敞空間的明亮白光氛圍中,接著步入溫暖的黃燈照耀下的走道。這家素食餐廳以全新的西式套餐形式呈現,切合了年輕人的口味。從外表上很難分辨出這是一家素食餐廳,菜單上包括了定食、沙拉等選項。他們在周一至周四還提供晚間套餐。價格方面,從$78起就可以享用基本飲料,在黃埔/紅磡區來說算是相當親民。整體而言,這家餐廳為我帶來了耳目一新的素食體驗。

今日去黃埔試左lee間素年，佢係一間食新派素菜既餐廳，款式新穎，味道很不錯😋，推介比鍾意食素嘅朋友😁。餐廳環境乾淨企理，光線充足，是以木系🪵餐桌為主調，非常舒服，目測有很多人都喺度傾偈用餐，氣氛很好。食物方面，餐廳以素漢堡包和意粉為主；而飲品則以不同口味的咖啡、水果梳打和手工啤酒為主。多元化的選擇適合不同口味的客人。素年經典不可能芝士漢堡 $138如果唔話俾我聽呢個係素漢堡，我真係有一刻以為佢係真正嘅漢堡，因為口感同味道超級相似；另外炸番薯條都好好食，好有驚喜👍。不可能肉醬意大利粉 $98蕃茄味濃，份量大，亦都推介俾大家嘗試。燕麥奶咖啡(熱) $36與一般咖啡不同，這杯咖啡使用的是燕麥奶，燕麥味比較濃，味道非常特別。髒髒咖啡(凍) $40由冰牛奶＋現泡 Espresso，以一定比例調製而成的，完成後再加上少量可可粉，呈現有點髒亂，碰撞出獨特視覺體驗。整體嚟講，餐廳環境舒服，食物和飲品都很出色，係一間非常合適和朋友聊天的餐廳，如果大家有時間，不妨黎呢間餐廳感受一下😊。

🌿素年經典不可能芝士漢堡超大份量，大愛漢堡皮和紅薯條，肉餅我就麻麻地，唔知道點解總覺得有點苦🌿泰式辣味冬陰功意粉鍾意食辣一定要點，應該處於中辣，濃濃的冬陰功味，超正👍🌿熱焦糖燕麥奶咖啡超香的燕麥味，真的好喜歡呢個味道，感覺好溫暖🌿凍朱古力咖啡Ummm，偏苦🥹不是我想要的味道，有一種好消腫的感覺大量的木質裝修，給人一種自然又文青的感覺，影相非常的出片📷玻璃大門的設計讓自然光充滿室內，寬敞闊落的位置不會令人覺得好侷促😌非常值得去打卡

之前試咗深水埗福華街嘅素年，兩個字：好得👍🏻唔鍾意食齋嘅我，超鍾意食得飽。所以今年母親節飯我哋就試吓黃埔呢一間，整體都係OK嘅，整體都偏油膩。福華街分店好多菜式都好可以走5辛，但係呢一間分店基本上所有嘅菜式都含有蒜，蔥之類的醬汁，福華街嗰一間我哋唔食五辛，所以店員都會推薦我哋食其他嘢，令我感覺到佢哋真係好想推介啲嘢食俾我哋。但係黃埔呢一間，店員都好無奈表示大部份嘢食全素都要全部走晒啲汁，最後食全素媽媽只有極少菜係可以食的。如果純素食不吃蛋不吃五辛的人，唔建議食呢一間。但係如果係為咗健康而去食齋嘅人，都可以一試。

朋友在理工讀書，去黃埔那邊食也是很方便，他想吃素食， 唯有找間比較有名氣的素食餐廳比較新潮， 裝修較簡約。餐牌也是很清晰，雖是素食，但有泰式，日式，美式的煮法。有很多選擇。我和朋友選了兩個主食，一個小食，大家分來吃泰式東蔭功意粉意粉有咬勁， 醬汁香濃，泰式風味令人想一吃再吃不可能炸雞塊是用不可能肉(impossible meat)作做成的，炸得香脆，味道與一般的雞塊差不多，是比想像中好吃。素食全日早餐份量看起來很壯觀， 有菜有菇有素蛋有麵包有豌豆。素蛋很有趣，看起來像煎蛋。 吃起來很有滿足感。餐飲的凍伯爵茶很有趣， 第一飲凍的伯爵茶朋友的本地薑燕麥奶很夠薑。