統一茶寮

营业中

休息中

去完運輸署後幫襯,朱扒飯不錯可口有味道,價錢一般,整體都好,價錢一般.只是收銀員有點霸道,也許是老闆娘吧,佢是主導問你才能回答,喜歡駡客人,真係前人欠佢要受佢的氣. 這家店不是獨市經營,附近都有其他食市.

小店各樣餸及湯粉都好好食，尤其各款雞最出名好食，雞肉嫩滑好味，薑葱蓉又新鲜惹味，食完也不會口渴，小店所有食物冇加味精，好有住家飯家的感覺，食完一定再回購幫襯。門口收銀姨姨善良友善又细心，茶水各員工哥哥姐姐每次都带著親切笑容有禮貌款待顧客，執枱叔叔都好有禮貌工作效率神速之快，打理店舖每張枱清潔乾淨井井有條，店舖早午餐都好多選擇，每星期有唔同湯水供應。湯味濃湯渣足，所以每次幫襯午餐都必定配搭湯水，每次都食得開心又好滿足😊👍

去運輸處整牌照整左好耐，落一層就見到佢喇係門口俾錢，入去自己搵位坐。叫左個下午茶餐（$45）： 炸雞髀+沙律，配凍檸茶（+$4）炸髀要等15分鐘，係即炸嘅，拎咗飲品同沙律先，到再去拎雞髀個陣差啲俾人收左我杯檸茶同沙律🥲飲都未飲過，好彩我坐得近，叫住左。雞髀好好食，好入味，不過好細隻個沙律冇我唔鍾意食既薯仔😆開心總括黎講： 茶餐廳既餡，快餐店既運作，餐具要自己拎，有好有唔好啦。我會想佢好似其他茶餐廳咁送埋餐會好啲，起碼唔洗驚佢收走我啲嘢，另外份量太少，雞髀大啲就好喇🥹

蜜桃咕嚕雞球飯($50) 🐓🍑🍚$50食到個客飯，都係嗰句，喺金鐘嚟講真係好抵㗎喇！！😂✨蜜桃夠實淨，食落可以咬下幾好，唔會炒到腍晒一pat嘢咁～👏🏻✨咕嚕雞球炸得香口，雞肉肉質都滑嘅，而且唔會上晒汁，食落無咁重口味～✨醬汁酸酸甜甜，正常～✨白飯嘅份量都幾多，我今日都食唔晒！😛沙律🥗($5)$5加個沙律菜夠晒平！佢菜都新鮮，爽口嘅，但芝麻醬少啲就perfect喇！😆

海南雞飯 ($45) 🐓 🍚 喺金鐘可以用$45買到一個海南雞飯真係非常難得！✨雞肉份量都OK，雞肉肉質都幾嫩滑，而且皮同肉中間有啲啫喱，可以補充膠原蛋白！係我鍾意嘅海南雞～🥰✨佢用油飯，質地乾身，有小小香茅香，都幾正常👍🏻✨整體嚟講， $45食到咁嘅水平，我都好收貨！熱雜菜(+$5) 🌽🥬🧄🧅跟餐加$5可以有個雜菜，佢有生菜、芽菜、椰菜、粟米、洋蔥，味道有啲奇怪😀如果就咁單一一隻菜，我覺得會正常好多！

買早餐，講咗要薯餅，但間中只係外賣包咗餐包比我。如下面食客曾講過，個薯餅真係好油，油到…奶茶少奶仍然好奶，唔係我杯茶外賣間中比漏茶，包/薯餅，或其他，要檢查清楚最穩陣

金鐘, 雖然都唔少餐廳, 但大多數都係連鎖式快餐店, 稍為個體既茶餐廳, 我諗得哩間.抗疫措施做得都足, 仲有創意到賣埋廣告, 佢既另一間公司係旅行社黎, 真係物盡其用.雖然價錢比一般茶記貴, 不過金鐘區想食個五香肉丁餐肉出前一丁, 都唔係咁易搵. 原配係一塊餐肉一隻蛋既, 可以改為雙餐肉, 雖然五香肉丁唔係一般大牌子, 不過味道同口感都唔差太遠. 最點題既係佢杯凍奶茶, 雖然佢唔係冰鎮, 但絕對拍得住其他冰鎮奶茶, 有時反而係為左哩杯奶茶去食個餐.套餐係有配薯餅既, 不過好多時都會好快售罄, 到時只可以揀餐包仔. 雖然佢唔會好似某快餐店咁脆口, 但勝在大塊同分明既薯仔粒, 只不過就油左D.

其實一直都有幫襯開本身都唔想寫d乜但係近期真係唔知發生乜野事牛排早餐既牛排可以唔熟(已經好薄)當日心情想食餐肉,一而再而三重點提醒,返到公司打開係跟餐既火腿,一次講完, 第二次都係咁。甚至放塊無煎過既午餐肉落去。。。咁我不如起超級市場自己買再掟落去。飲品一次錯, 兩次錯, 三次錯,雖然唔係連續出事,但其實令人相當反感。早餐可以選擇薯餅/餐包雖然餐包好頹, 但絕對係會好食過塊薯餅因為塊薯餅係起低溫油浸到溶雪當炸左(我成日起屋企炸薯餅, 所以我可以好肯定)吸滿飽飽既億年有味油,唔脆口又林pat pat口感exactly 係食泥一樣曾經同職員反映過,但意見扮接受, 態度依舊,薯餅依然係junk food 之皇(起佢鋪頭入面)(詳情請睇圖)機會已俾太多已經決定唔會再返食早餐了

今朝早上冇食早餐，所以嚟咗統一中心嘅呢間統一茶寮打算買個早餐食。我買咗個沙嗲牛肉麵（加餐肉煎蛋）配薯餅，飲品就叫左個熱零水。平時都有嚟呢間舖頭食開飯，啲飯一般就好快已經整好，但係如果叫湯面類既野一般要等五至十分鐘。塊薯餅都算係好食，不過就稍為燶得滯。個沙嗲牛肉麵既牛肉就真係少得過分，加埋好似四塊左右。餐肉麻麻，煎蛋都可以接受。曾幾何時，都成班同事嚟呢間舖頭食午餐，但依家啲質素好似越做越差，希望下次食會有啲改善。

夠經濟，食物美味，非一般快餐店。在這個地區找個較經濟的午餐確實不易。雖然選擇不多，但每款都非常吸引。無味精，例湯還天天不同，用心製作。絕對是返工人士之選。平！靚！正！

金鐘返工，有時想食得light D、健康少少，尤其是食素，選擇真係唔多，統一茶寮係另一間我經常幫襯的外賣店。統一茶療除了做外賣飯盒外，仲有10至20個座位可供堂食。一連兩日，我都買咗佢哋的素菜飯盒。南乳蓮藕炆冬菇：蓮藕本身冇乜味，但係加咗南乳吊味，炆得粉粉地，味道香口。炆冬菇一向係餐廳拿手小菜，非常入味。整體來講，餸菜份量算多，味道不錯，整體幾滿意。粉絲節瓜炆冬菇：呢個餸非常入味，節瓜又炆得冧，冬菇又香，不過份量可以再多返啲。值得一提的是，加$7就有一碗大大的老火湯，非常足料，另加$5就有一份水烚雜菜，不過份量就少左D，而且味道有D齋。

同事請食下午茶，識食肯定食油🍗加薯條再加紅豆冰。🍗好入味肉又唔會太乾。但薯條送到來公司的時候，已經有小小軟，唔夠脆。不過喺金鐘呢個美食沙漠可以食到呢個質素嘅🍗已經好唔錯，加埋杯紅豆冰，完美呀

要係金鐘搵位食lunch真係唔簡單 😥特別撞岩平日lunch time時間😑今次見到一間普普通通既餐廳係海富中心🤔冇咩時間再覓食下😣就入左統一茶寮🙄見到餐牌有中，西，越式午餐🙂感覺有啲似食堂🤣 價錢大約$40至$60左右🤪以金鐘地段嚟講，算平😋我就叫左香茅豬頸肉檬粉😎 本身都唔抱太大期望，😅始終好似飯堂咁嘅樣🤔拎完個餐後，見到碗野好細😅 同埋覺得有啲唔環保🤨 不論外賣或者堂食，佢地都用外賣碗黎裝，可能係方便食完就掉🤔雖然算價錢平，但始終份量小同味道都麻麻🙄， 豬頸肉比較少，青瓜唔太新鮮，有待改善😣 但是價錢係金鐘嚟講算平，食物品質就有待改善😅

金鐘從來都是一個「午餐地獄」🤦🏻‍♀️平民的選擇是少之又少除連鎖快餐店外茶餐廳數量更是寥寥可數😫😫今日便去試一試那了寥寥可數的其中一間「統一茶寮」12點10分去到已經有短短的人龍在排隊買外賣餐牌大大個掛在當眼處👍🏻方便一邊排隊一邊選擇午餐價錢最平$40 最貴$55金鐘區來說已經相當經濟而我選擇了外賣蘿蔔雲耳炒雞柳飯原來他們有堂食喔！有數張小餐枱👍🏻等了5分鐘左右便有外賣👍🏻打開飯盒一刻我便後悔怎麼沒有叫少飯😱😱😱😱滿滿的飯滿滿的餸👍🏻👍🏻👍🏻雲耳和雞柳是住家飯的味道喔♥️但蘿蔔還沒有淋😣所以最後蘿蔔全都剩下了🤷🏻‍♀️

估不到金鐘統一中心有一間舊式快餐店，可以不需要食連鎖快餐，好開心衝入去，早餐見到有沙甸魚出前一丁，立刻覺得非食不可，飲品選了熱好立克，蛋半熟荷包蛋，正，沙甸魚有2條，配上出前一丁麻油味，真的很爽！真的是久違的味道，早餐32元， 價錢尚可，可以食到特別風格的，金鐘少見。