統一茶寮

营业中

休息中

係金鐘真係好難，搵間有港式feel的茶餐廳，因為金鐘鋪租唔平，所以附近食店以大集團為多，偏偏統一中心2/f, 有間實而不華的快餐店，我原以為只有外賣，所以一直都無食過，原來佢有另一個鋪位可以堂食，當然要食啦，佢午餐，例湯都寫明不加味精，午餐選擇都不少有10樣多，而且每日有一個素食，一個日式，一個西式意粉，呢個價錢同果份熱盛，真的值得大家去食，今日我點了南乳雜菌年藕飯，例湯木瓜唐排，共49元。南乳汁味道剛好唔過咸，年藕片實在好多，如果有斋一齊煮就very good,因為d汁始終入唔到蔬菜內，只在表面，汁配白飯就ok, 湯內木瓜夠生，對頭痛的人很有益。除左飯，原來仲有魚蛋粉麵，中式粉麵都有，附上午餐圖，大家金鐘工作的不妨一試。

中午12:40去到,人流不太多,自已叫了個肉餅臘腸蒸飯,同事叫了個苦瓜排骨飯外加雞翼(加五蚊)。先說我個飯，幾好味,不過並不是一盅盅的蒸飯，是肉餅,臘腸及飯各自分開，盛在同一飯盒內。味道不錯，雖然同想像中的有些不同。同事的苦瓜排骨飯外加雞翼, ok la, 沒太大驚喜,也不致失望。另外我們外加了中湯 (加五蚊), 湯是西洋菜豬骨湯,一般,不過d伙記幾有禮貌，環境也很不錯及光猛，三十幾四十蚊係金鐘食到呢d質素, 很不錯了~~ 另外有清水可自取飲用,很好

星期一，一個遲來的午餐，在金鐘行了良久，只想找一間便宜的食肆，又不想每一次都是那些連鎖式的大XX或美X，記得這裡有一間平價的外賣食店，便來了這裡來到的時候，才發現原來這裡是有位可以坐的，而且在取食物的地方轉彎才見到，我想這是鬼王的福地看看餐牌，這裡有麵，米粉，小食的薯條，沙律，雞脾，燒買等，還有其它像厚多士等等快餐店都有的食物點了一個全日供應的出前一丁麵餐，炸菜鴨胸麵連凍奶茶，只需＄28，現今在金鐘，算是很便宜的了等了幾分鐘便可以取，見到全都是用外賣器皿盛著，少了一份親切感公仔麵算煮得不錯，炸菜則是連肉絲的來貨，值得讚的是鴨胸，有4大片，在這些不會太講究食材的地方，大概食物都量會是一個要素吧至於那杯凍奶茶，忘了叫少甜，就真的好像從前快餐店製作的糖水奶茶一樣。

很久之前因公司附近唔多野食賣, 所以通常都來這裡買lunch box, 仲有寫食評讚好, 有一次, 到來買個咸蛋肉餅飯, 一食, 冧既??!! 一點也不像肉餅, 似豆腐, 很奇怪的, 真係唔及以前, 從此沒再到這裡買飯了, 是轉了廚師或轉了材料呢??

有次無意中行過, 見咁多人排隊既, 買左個肉餅飯盒返公司食, 好食呢, 唔會好味精咁, 之後好多時都黎呢間買lunch, 每日都有十款八款飯, 都係二十多元一個, 都算多choice呢, 另有其他麵, 烏冬, 試過佢既肉片炒河, 唔得啦, d河粉好似無炒過既, 無味, d肉片又唔好食, 咁整體黎講好食既多過唔好食呢, 金鐘返工既你, 不妨試下呢間啦

一直以為金鐘統一茶寮年初因受不起金融海嘯衝擊而倒閉，想不到三月中旬又突然重新營業，身為金鐘人卻從未試過這裡的食物，就趁當值的日子會一會這間位於統一中心的『茶寮』。時值下午兩點，餐廳內人流不多，看看餐牌，叫了一客咖喱雞絲飯跟熱華田。這間茶寮其實是相當港式的快餐店，由買票、取食物、拎餐具都要顧客一腳踢，徹頭徹尾的 self-service。或者當時已經是午市的尾水，咖喱雞絲飯沒有太多雞肉，薯仔卻多得很，可惜遇上微熱的咖哩及已攤凍到硬的白飯，真係令我食到無乜心機。說老實，堂食的客飯，竟仍以膠盒盛載，我知道這是節省成本的方法，但不論以食物賣相或是公眾環保角度去看，也絕不值得鼓吹！

在統一中心的"統一茶寮",看個英文名"United Cafe",如果用球迷的思維去想,大約也會想到去曼聯Cafe,想起United,第一自然想到去Manchester United個United,現今還有人會想起列斯聯嗎?(Leeds United)事實上同足球一點關係也沒有,只係一間港式快餐店而已,早上在附近辦一點事,便來吃個早餐,在這個區域之中,除卻那些連鎖快餐店之外,統一茶寮算是消費最低廉.早餐又是ABCDE,很少在冰室茶記吃魚柳當早餐,來到就要個魚柳拼太陽蛋,再加條腸仔,茄汁豆,搭杯熱奶茶.在快餐店喝奶茶,自然不及冰室沖出來的味道,統一的奶茶,味道偏淡.魚柳也是一貫大路味道,點些沙律醬自然吃得過.如果轉成他他醬當然更好.其他的,兩隻太陽蛋,也煎得幾靚.聽在金鐘上班的友人說,原來此店曾經停業過好一陣子,在最近才重新營業,在經濟不景之下,這些廉價餐廳,身處金鐘這個地段,一定大收旺場.

我在金鐘的時間不長, 未算老屎忽. 有些出名的老茶記仔如孖寶同統一, 若不是兩位老金鐘食友睿過, 都不知是些好東西. 統一茶寮, 小弟開始在金鐘工作時, 已經是一間拉了閘多時的吉店. 從食友口中得知. 統一重新裝修開返. 今早(星期一)便吸引了我先去早餐(外賣), 午餐(堂食).星期一, 通常都是遲放lunch, 遲放工既日子, 早餐呢方面, 當然要豐富一點. 便叫下一碗火腿通粉加奄列. 奄列, 原來不是分開上, 弄好通粉後同我浸湯. 雖然是浸了湯, 但因為是即煎奄列, 蛋邊燶燶地, 內裡雖是全熟, 但用鹽適中, 好味道! 通粉, 同一般有水準既茶記無別. 早餐質素, 唔錯.中午, 放2.30 lunch, 又走黎統一, 食埋你個午餐, 看看行不行. 因為晏去, 只有咖喱雞飯供應, 反正心目中都是想食咖喱雞. 就不作他選了. 汁覺得少了點, 但起碼不是那些一"pat"濃槳既快餐咖喱. 份量同味道都可以既, 加上薯仔的咖喱汁又份外的spice. 只可惜, 都係覺得汁唔夠.快餐店形式, 地方小但座位都算舒適. 噫! 金鍾, 早餐Second choice, 要replace V8了. 順帶