影片
港铁奥运站 A1 出口, 步行约6分钟
继续阅读
营业时间
星期一至日
11:00 - 22:00
公众假期
11:00 - 22:00
以上资料只供参考，请与餐厅确认详情
喺大角咀想搵間坐得舒服啲嘅餐廳同朋友坐低食飯傾吓計，見到呢間餐廳啲枱幾闊落，於是入咗去食飯。我叫咗個肉燥鴨髀飯。份量好夠大，跟餐仲有杯$22以下嘅嘢飲，都算抵食。肉燥轉咗做牛肉，入面有冬菇碎，少少辣，不錯的，但就唔會係正宗台式肉燥飯嘅味道。師傅已經將鴨髀斬開幾件，等食客容易啲食，呢個舉動幾細心要加分。朋友叫咗個正常肉燥飯，配鹽酥雞。鹽酥雞冇跟埋九層塔，粉漿有少少厚，唔算好脆。但佢調味幾好，雞肉都算嫩。總括嚟講，呢度嘅嘢食不過不失，裝修唔係驚艷，但勝在食物分量大，環境衛生，坐得舒服。算係咁。飲品方面，我地叫左珍珠奶茶，味道都係正常的。唯一要彈下，係飲品用即棄膠杯上，如果可以環保啲，用返正常水杯就更好。
继续阅读
一個下午，我就在這間在港九新界都有分店的台灣菜餐廳「綠野仙踪」吃了一頓下午茶。這兒的「悠閒下午茶」選擇不少，我就揀了「台式自選系列」的店中推介「台式脆炸雞髀配上湯擔仔麵」+「凍芒果紅茶」（$33）做下午茶。這下午茶的雞髀早已被斬成三小件，澆上了顏色深濃醬汁的炸雞髀，雞皮其實炸得不是太脆，雞髀味道中規中矩，但只留於表面有沾上醬汁的部分。擔仔麵的湯過得去，但與名店「度小月」的有一段距離，幼細的麵條就都可以，湯麵中加上了蘿蔔和青菜，就讓這麵沒有那麼單調，加添了一些吸引的色彩。至於飲品方面，「凍芒果紅茶」的芒果味並不夠濃，雖然都清涼解渴，但味道只是一般。悠閒的下午，在這名字漂亮的台式餐廳吃的這一頓下午茶，只是平平而巳，不過才三十多塊錢的消費，就不能苛求太多了。
继续阅读
今日黎到大角咀試下呢間新開張冇耐的綠野仙踪，原本一直想來試試佢前身「Villa Villa」結果未試過已經摺左，但毫無遺憾，因為呢樹餐廳輪替有如走馬燈，只係有實力先留得低。綠野仙踪以台式食品作主打，門面算光猛企理，以四人枱為主，感覺舒適。台式肉燥套餐有12款比你揀，幾有心思：野飲Menu好多選擇喎！肉燥鹵翼（$50）個肉燥飯未食「燥燥地」地啊，成督「嘔吐物」咁，真係睇見都唔開胃！三隻雞翼隨機擺放毫無美感可言，仲兩隻大一隻細，想太平紳士投訴都冇機會，仲慘過在囚人士嘅膳食。食台式野又點少得飲返杯珍珠奶茶呢？跟餐附送$22以內野飲，聽落好似好吸引，叫左杯最大路的珍珠奶茶，結果都係中伏。珍珠唔夠Q彈之餘一咬就散，失敗！奶茶得個甜字無黎茶香，失敗中嘅失敗！愈飲愈燥索性放棄，短期內都好難再試......
继续阅读
呢間野以前我讀中學成日同同學去食lunch,點知之後close左搵唔返邊到有！估唔到比我十年後遇返😂😂食晚飯又幾抵食 5x 一個餐包野飲👍🏻 雞扒煎過黎再放湯 d皮仲有少少脆 味道幾入味 肉燥一放上枱陣味已經好香🤣米粉係新竹米粉 不嬲都好食 不過飲品一般般 （水蜜桃紅茶）唔太好飲 但overall性價比幾高
继续阅读
早排行過見到villa villa執左，間鋪裝修緊。估唔到隔幾日已經見到裝修完，仲已經開埋新鋪。之前都有聼過依間綠野仙綜，喺其他地方都有分店。平時都好中意食台灣野，見佢係新開咪諗住去試下。餐牌都幾多樣野揀，lunch set仲包埋$22嘅野飲。我最後揀左台式三杯雞配肉燥飯同埋熱紅茶。可能因爲新開業，啲野食等左好耐先有，我地成枱5個人，等左起碼35分鐘到先有第一樣野黎。連飲品都上得好慢，同埋張單都亂哂籠，改極都唔岩，可能因為係新手啦。個set黎到，有碟小菜，不過就唔係好岩我，所以我都無食。三杯雞分量一般，雖然唔係好正宗(覺得九層塔嘅味唔係好出)，但味道正常，反而覺得如果再多少少汁會好啲。至於個飯就有啲失敗，係好港式嘅肉燥，有啲似快餐店嗰啲。同期待嘅都幾大出入，食完覺得中左伏。下次黎都唔會再叫肉燥飯。啲野食真係麻麻，加上又等得耐，應該好耐好耐之後先會再考慮黎依度。8
继续阅读