緬泰皇宮

营业中

休息中

佳係附近既我好耐冇食，裝修左幾個月，終於可以食番。堂食要加一，外賣加$1外賣盒就ok。叫左2個海南雞飯1個泰式炒金邊粉，3杯凍檸茶$161 total。今次有啲失手係個飯度，好似未煮熟咁，有啲硬。但個海南雞一如既往，佢有個綠色既酸辣汁，不過我自己鐘意配雞醬食，佢堂食會比埋，外賣係冇既。凍檸茶比以前進步左，我自己好鐘意茶味好濃既茶，又唔太甜，檸檬得2片唔知點解又夠酸。外賣自取可以打定電話，到時先去拎，慳番啲時間。

泰國嘅嘢食相信都吸引唔少嘅人因為通常都比較濃烈嘅口味而且每一樣餸都經過唔同嘅製作所以味道同其他菜係有好大嘅分別香港仔其中一間好出名同埋都幾受歡迎嘅餐廳就係呢一間緬泰皇宮首先一坐到去就有餐前小食就係脆蝦片呢一個就係正宗泰國餐廳應該有嘅小食咁主菜方面我就推薦咖喱大蝦而且一定要配白飯因為咖喱汁係非常非常之多而且甜甜地又充滿蛋香真係會被吸引同埋食慾會大增choi嘅方面最出名當然都係馬拉盞通菜喊到適中通才爽脆亂畫亦都係配飯一流再加啲咖喱汁完全係絕配飲品方面都係大同小異咁就試吓椰汁冰最重要都係唔甜同埋充滿椰香味作為解渴飲品都算係幾好所以呢一餐絕對係幾難忘嘅一餐但只不過泰國嘢通常都係偏貴以香港就係呢一間緬泰皇宮雖然味道十足但價錢都係偏向貴嘅方面所以好味嘅背後都係要付出㗎

放左工入香港仔食晚餐，試左呢間融合左緬甸菜及泰國菜的風味巴餐廳🤤每檯都會有一籃蝦片，辣辣地幾脆口，唔似放左好耐🙈－－－－－－1. 泰皇宮什錦拼盤 4/5拼盤份量都幾多，每樣都至少有4件或以上，中間無骨鳳爪酸酸辣辣，幾開胃，炸多春魚同埋炸蝦餅熱辣辣，香脆可口，燒豬頸肉加埋汁食仲好味😋2. 泰式生蝦刺身 3.5/5份量相對上有點少，蝦爽口但有點腥😕加汁食會較好，蝦頭有經油炸過，味道一般3. 串燒 4/5沙嗲汁係幾好食🤤肉唔會燒到好乾，食落仲有肉汁，調味幾好，唔會太咸4. 泰式蝦球炒金邊粉 3.8/5金邊粉幾有鑊氣，味道中規中矩，份量都大碟，share食都夠食🤪

說來在香港仔舊大街已經吃過了兩間店，今次這間是第3間！而且是同事推介說是不錯，他們還吃過了數次的泰國菜。店舖頗大的，如果多人來吃也有圓桌可以坐~不會很逼。亦有一些多人的套餐當然也有個人的午市套餐吧!! 主食+飲品大約$38起我點了 -  自選湯粉套餐 ($45/雙拼)  扎肉 + 豬頸肉 + 金邊粉。扎肉很彈牙，雖然不是十分厚~但也不會切得太薄。豬頸肉很厚身，但有點太韌 ...  配菜的蘿蔔很入味！金邊粉的份量很多，所以這碗還吃得頗飽的。跟餐飲品選奶茶～茶味較濃，口感香滑都不算太甜。同事點的 - 泰式海南雞飯 ($52) 看起來亦不錯啊~這個是可以配河粉的。

呢一間泰皇宮其實已經喺香港仔開咗好多年不過夜晚我就好少幫襯我通常都會食佢嘅午餐佢嘅午餐有一啲粉面俾我哋揀而且味道都唔錯 同埋啲配料亦都幾特別而且價錢都非常之平只不過係30幾蚊就有一碗麵

🔺冬陰公（小/$88，大$138）還好，不是太濃味，小份量也可以倒出5-6碗🔺馬拉盞炒通菜 $68份量大，夠入味，但有點overcooked🔺泰式乾炒雞河 $70份量大，雖然視覺上不是好吸引，但夠鑊氣，雞件夠大塊，好吃！🔺春卷（小/$36）新鮮炸起，材料豐富，雖然叫了小份量，但也有6舊春卷！🔺熱椰汁糯米飯$36有兩個大飯團，椰汁比較黏口，好吃！🔺三色冰 $28好重同好香既椰汁味，啫喱條很爽口，不甜 不錯🔺龍眼冰$28好多龍眼，夠味，略嫌有啲甜肥仔波指數：3.5/5分

緬泰响香港仔可算是屹立不倒嘅泰國菜館，午市同晚市均大排長龍，價錢平同份量足係其中原因，所以今次同阿sir重臨舊地，係想試下水準會否維持，但結果係好壞參半。餐前會提供一籃蝦片，似係自家炸，辣辣地幾好食⭐️⭐️⭐️⭐️泰式生蝦刺身 $88⭐️⭐️唔太新鮮仲帶點腥，要點多d醬汁先食到，而炸蝦頭又唔夠香脆，所以放棄咗無食蒜蓉包 $30⭐️⭐️⭐️⭐️掛住食唔記得咗影，一客大約有8件，法包外脆內軟，蒜香幼細，唔點咖喱就咁食都好正芭堤雅鐵板炒蠔仔 $88⭐️⭐️⭐️⭐️蠔仔肥大肉厚，蠔味重無碎殼，蠔仲多過蛋，啖啖都會食到超多蠔超滿足，另外蛋亦係另一重點，口感滑到似食腐竹，唯茨汁杰咗dd泰式炸蝦餅(可叫二件)⭐️⭐️⭐️⭐️估唔到有得叫二件，蝦餅非常香脆，蝦味濃口感彈牙，size亦唔細件，必叫蟹汁咖喱炒青口 $98⭐️⭐️⭐️⭐️第一次食泰菜叫青口，估唔到又幾好味喎，青口鮮味大隻嫩口，有成8隻咁多，咖喱純粹香但唔夠辣，超多西芹青椒，好食又抵食三色冰⭐️⭐️椰汁夠香，但三色唔夠吸引，我最鍾意嘅綠色粉條竟然變咗蒟蒻，所以整杯飲品味道同賣相都唔合格餐後送每人一客甜品，椰汁西米糕椰味香濃，二人共消費：$420

同朋友15人行完香港仔水塘，賞完靚古蹟水塘黎到緬泰皇宮🕌餐廳名氣勢磅礡，難得有餐廳可以咁大容納我地15人，唔晒排隊，因為朋友細心訂咗位泰國特色佈置如泰象話明皇宮，環境當然舒適，空間大。行完山當然想舒舒服服食餐飯。我地15人分開兩大圓枱坐，皇宮都有2-4人卡位選擇。呢邊廂我地9人點左個6人套餐再加菠蘿炒飯芭堤雅鐵板炒豪仔夠滑，蠔仔多，好足料 好快被我地清晒泰式蝦球炒金邊粉賣相吸引，有層次感，蝦肉嫩厚，味道泰皇宮什錦拼盤(細)份量夠大，有鳳爪，多春🐟🐟餅和豬頸肉，每樣都不錯海南雞肉滑醬香通菜夠鮮，唔會好油膩，唔算辣，適合唔好辣的食客鮮奶蒸湄南蝦，首次品嚐這煮法蝦肉夠鮮，因為蝦切開一半，另蝦肉更有蛋白味開心好簡單😄就是可以同一班朋友分享美食

緬甸咖喱，你試過未？這天之前，我未試過，這天之後，我可是試過了。這一天，因工作關係，我整天都要待在香港仔。到了放飯時間，獨個兒用膳的我，行到香港仔舊大街，赫然見到一間名叫「緬泰皇宮」，門面看來不錯的餐廳，便入內一試。餐廳地方偌大，牆上的繪畫、掛飾都頗有泰國風味。看餐牌，午市套餐中有一款「緬甸咖喱牛腩飯或撈檬」（$48），挑起我的好奇心，想看看緬甸咖喱與其他國家的咖喱有何不同，便不再考慮其他選擇，點來一試。我的緬甸咖喱飯很快便送到，看樣子，與一般泰國菜館的咖喱飯無異，不過咖喱就的確幾香。試一下牛腩、薯仔和飯，咖喱牛腩有三大件，肉質腍而不韌，咖喱汁也香濃可喜，辣度適中，可帶來足夠的刺激感，但又不會過辣，撈飯吃，實在不錯。不過薯仔就炆得未夠火候，不夠軟腍。這咖喱雖說是緬甸咖喱，但我可真吃不出它與別不同的地方。不過話雖如此，這咖喱飯可還是挺美味的。套餐只需補上$10，便可在餐牌中選擇一款泰式特飲。點來不知多久沒有喝過的「珍多冰」，讓珍多冰的甜味平衡咖喱的辣味。匆匆吃過這頓緬甸咖喱餐，下半場的節目已經快要開始，惟有快快結帳，再繼續下午的工作。

喺香港仔同朋友食飯，要坐得舒服同坐得耐的地方唔算多，今次我哋就去咗食呢一間泰國嘢。服務態度一流。我哋三個人叫咗好多好多嘢食，叫咗炸蝦餅，炸春卷，鐵板蠔，北泰辣雞煲，蒜蓉包，生菜包，泰式生蝦。炸蝦餅同埋炸春卷外面好脆，加埋佢哋配埋的醬，完美。鐵板蠔，將啲蛋再加蠔放係塊鐵板上，加少少黑椒，熱辣辣食真係好好味。北泰辣雞煲，越煲越辣，越辣越想食，正。泰式生蝦個頭係炸脆左嘅，生蝦加埋蒜頭同辣椒點醬食係完美組合。生菜包又係好辣，又係食完想繼續再食～最後大家食到好飽嘅時候，每人再送一碟甜品，真係好正的一餐～

同同事午飯，一行八人，記得哩間餐廳有大圓枱，就入黎坐，因為想邊傾邊食。我哋每人叫左一個午餐set，再點左兩個小食share. 揀左兩個set 同兩個小食同大家分享下。緬甸咖哩牛腩飯 $48 （午餐，跟飲品）咖哩唔辣，牛腩夠軟，易入口。三個同事都點，大家都同意份量就比較大，兩個女同事都食唔曬，只有男同事食得完。自選粉麵套餐——雙拼。雞絲。扎肉。金邊粉。冬蔭公湯底。$40 （午餐，跟飲品）味道ok。冬蔭公湯聞落有辣味，但食落唔辣。粉同飯比，粉嘅份量比較細。小食拼盤（小）$158無骨鳳爪：有一碗滿滿嘅，都有10+隻。酸酸辣辣，ok，味有入到雞腳。炸多春魚：都有8-10條。有少少腥，唔太受歡迎炸蝦餅：四個圓圈，剪一半，有8小件。口感好，最快清晒。豬頸肉：都有10+塊。點左汁會好食啲。炸春卷：我無食，入面好似係素。隨碟附送4小碟醬汁。份量其實都多，我哋最尾打包左一半有多。馬拉盞炒通菜 $68可能女仔多，碟菜都幾搶手。同事覺得唔太油，調味適中。總結：黎過幾次，係一個多人食飯嘅好去處，味道keep 得到，坐位算闊。

午餐和晚餐都不錯,午餐大概50-60蚊到,晚餐就每個人100-150蚊到. 午餐既海南雞飯不錯,以呢個價錢黎講幾抵食.晚餐既小食拼盤幾多種類,而且質素不錯.晚餐時段都幾多人排隊,要大概預15分鐘先入到去.

十幾個人想食泰國嘢，通常都會黎香港仔食依間緬泰皇宮好好食就稱唔上，但夠近，易book枱，食物唔太差，價錢又可以接受，所以耐唔耐就會黎食一次每張枱都會有籃蝦片辣辣地幾惹味，如果脆d就更加好啦十幾個人我地就嗌左個$1738既10-12人餐，再嗌多幾款嘢食依個雜錦拼盤除左鳳爪同炸蝦餅ok之外，其他都麻麻地😂😂😂多春魚都幾腥下依個咖喱蟹既咖喱真係唔錯用嚟點薄餅一流嗌到唔夠位擺嚟左幾輪先擺得晒成餐飯覺得好食就係鐵板炒蠔仔同金邊粉其他都係正常質素啦最後每人仲有一份甜品送每人百幾蚊，質素中規中矩，近既話，嚟食下都無壞

今次去左香港仔舊大街既緬泰皇宮，未叫野食之前己經有好好食既脆薄蝦片，一黎就已經被ko，唔記得影低佢，味道有少少似細個成日食既明x印尼蝦片，之後叫左泰式豬頸肉，配汁辣辣地咸咸地，超級夾，肉質唔會太鞋幾juicy炸蝦餅份量好多，兩個人都食唔曬，有甜酸汁俾你點，唔會太乾👍🏻另外仲叫左個芒果糯米飯做甜品，有黑白糯米，味道尚算ok，但汁太潔，好飽肚。上餐方面都好快，唔會好耐。。地點因爲無地鐵，所以只可以坐巴士！

好耐冇去香港仔食泰國野，今日再次光臨。每一次一坐低就有嘅脆薄博蝦片。泰式拼盤，無骨鳳爪酸酸地非常開胃，豬頸肉爽脆，蝦餅爽口彈牙，春卷皮包餡料野味。咖喱炒蟹，咖喱味香濃，蟹膏豐富。咖喱汁點上蒜蓉包，味道一流。