緬泰皇宮

营业中

休息中

今日下晝行去黃竹坑食晏，去左係翠華隔來既泰國餐廳，有午市套餐幾抵食。今次就點左芒果蟹柳炒飯同埋炸蝦餅。芒果蟹柳炒飯啲芒果舖滿飯面，個炒飯都幾香水，加上芒果酸酸甜甜既味道，非常配合。跟住仲叫左個小食—炸蝦餅，個蝦餅好香口，而且上台時仲出煙熱辣辣，蝦味濃溢。作為打工仔既泰式飯堂，呢間餐廳都算幾好食幾抵食。

經過咗好多次但都冇入過去突然心血來潮想食泰國野就衝咗入去環境感覺麻麻地好似好霉咁但食物水準唔錯我地揀咗個餐三個人食都好飽坐低每枱都有蝦片仔食住先慢慢諗食咩好貼心侍應好親切我地叫咗飛天通菜好味炒金邊粉不過不失蝦餅好大舊 正啊豬頸肉好大份都幾好味海南雞唔錯嘅選擇嚟滑嘅龍眼冰麻麻地因為大家都好肚餓要搶食所以冇影太多相呢餐飯整睇嚟講都幾滿意啊價錢唔貴合水準

近來偶爾來一下香港仔，多半行色匆匆一個鐘，順道吃頓快午飯。午市，此店剛好坐滿，人流算是不錯。來吃的多是附近工作的白領階級，大伙兒來比較多，點午市套餐。而我點的是一人餐。看樣子，是別人吃的比較美味。這份泰式風味炒河是我選的，我說，不如稱作貴刁，那就人人都明白。不過，就算當它是貴刁，極其量也只是茶記貴刁，而且是很一般的出品。火腿、蝦、蛋、扎肉、蔥、芽菜、蛋，竟然還下了紅腸去炒，別樹一幟，本也無傷大雅，但全都半冷不熱，讓人怕怕。河粉炒得斷，不要說米香、鑊氣欠奉，就連溫度也不足。唯一佳處，在於沒有做得很油膩。另外嚐了這香芒蟹柳炒飯，炒功同樣未見出色，用上最低規格的蟹柳、少量的蛋炒成。現在想來，蟹柳蛋炒飯，其實也不容易做得高明。加入芥蘭，卻確實是好點子，而且鋪面的幾塊芒果甜美無渣，力挽狂瀾，整體尚且不過不失。相對最好吃的，意外地是另加的小吃，燒焗蔗香排骨。香口、甜鹹得宜，份量也不算少。提供的食具是筷子，為一般人來說，其實不太好駕馭，而我，是一般人。肉有點實、那不怎吃得出蔗香的糖釉（glaze）也比較油，吃起來不很便利，拿叉子吃就手得多，只是，依舊不知能從何入口，與方便俐落其實還有一段距離。這裡要

依間泰國菜，我真係算叫做由細食到大啦，以前中學果陣成日放Lunch都會係到食學生餐，早幾日好懷念依度既炸蝦餅，所以約埋以前幾個同學一齊黎食返餐好！芒果汁真係飲得出係真芒果榨，有少少芒果蓉稠稠既口感，唔係超市買果啲勁化學味既芒果汁椰汁冰我最鐘意就係椰汁冰啦！好香既椰子味，但又唔會太嗆，不過飲哂成杯真係會比較飽肚珍多冰入面應該係班蘭葉做成既粉條，咬落好似啫喱咁，依杯比椰冰汁更飽肚，其實個人不太喜歡班蘭既味道，覺得兩啖就好膩，但身邊朋友就十分喜歡粉條既份量都真係幾多幾飽肚，如果點左依杯飲品，點餐果陣可以留意下，唔好一次過點得太多啦，廢時食唔哂，浪費食物又浪費錢生蝦刺身鐘意食泰國生蝦刺身既話必點！醬汁係生蝦刺身既靈魂，佢個醬汁簡直好味到唔識講！好回味！！我覺得算係小辣至中辣既程度炸蝦餅好大塊好厚肉，出面層炸粉既厚度剛剛好，唔會太厚亦唔會太薄，鐘意香口食物既朋友點依個一定唔會後悔咬落真係啖啖肉，剛炸起好新鮮好熱沙嗲串燒蝦球炒金邊粉應該係落左泰式酸辣醬去炒，食落好似泰式酸辣醬既味道，不過無乜酸味，甜味反而比較重，佢係有啲似濕炒咁，唔係乾身果種鐵板炒蠔仔幾好食，蛋漿稀身得黎有少少稠稠口感，但有朋友覺

嗰日男朋友生日，咁我就係屋企附近訂咗間泰國餐廳。預訂左七點鐘，無奈準時到達但係要等人埋單先可以入座。咁禮拜日嘅繁忙時間都預左可能有呢個情況出現，咁我都覺得冇乜所謂啦，人哋餐廳都唔想嘅。咁如是者我哋等左15分鐘啦，終於可以入座，由於我哋等入座嘅時候職員已經幫我地落咗單，我哋嘅食物亦都好快送到，食物質素不過不失，但略嫌唔夠熱。我地點左個兩人餐食，份量都頗多，我哋食咗一半都未有，個職員已經問我洗唔洗上蛋糕，我見佢出邊勁多人等緊，咁我就同男朋友盡量快啲食埋啲嘢。但後尾一上蛋糕之後，個職員已經急不及待想幫我地埋單，態度惡劣。最後同男朋友嘅用餐時間只係用咗30分鐘，野都未食完，就俾人催住走咁，感覺真係好不滿，見佢喺度催三催四，黑口黑面。最後我哋將所有嘅嘢打包攞走返屋企食。如果大家想慢慢地坐係餐廳食嘢，真心唔會推介呢一間，食個快餐都尚可接受。

香港仔呢間泰國菜每次經過都好多人今日同親戚朋友一齊食好想知緬甸+泰國會係咩味道？一行7人可能7點幾還早嘅關係，安排大圓枱枱面有籃蝦片一食，辣嘅鮮搾菠蘿汁幾好飲可能聽到blend 嘅關係😂生蝦欣賞佢炸埋個蝦頭唔會浪費豬頸肉唔會太鞋口好食炒雜菜算好食馬拉盞炒通菜唔知點解食落味道怪怪地😅呢個麻麻地Order 咗一隻海南雞啱啱好，唔會太老而鞋口蒜蓉包應該係今餐最好食Total 叫咗3次！其實仲有。。。。金邊粉好大碟，色水唔得，味道偏淡（比起平時食果啲）椰汁西米糕同千層糕唔知點解要將千層糕叮到就溶？！一pair嘢😓😓😓😓😓走哂味最後應該多人嘅關係趕人走其實好聲好氣溝通下唔得嘅？？

年三十晚又唔想係屋企食，媽咪話想食泰菜，我地就啦啦臨打去緬泰訂枱。每一枱客都會有一籃印尼蝦片，好香脆，睇住餐牌選野食都已經食到停唔到口呀！媽咪話團年飯要食好啲，係甘叫左好多餸。炸蝦餅: 外面炸得好香脆，爽口彈牙，配埋個酸甜汁好好味呀！炭燒豬頸肉: 好大碟，食極都食唔完，燒得剛剛好，配埋個辣汁，好惹味呀！馬拉盞炒通菜：好味泰式炒金邊粉： 呢個有啲失望，炒得唔夠乾身。咖喱牛腩： 有個火爐係下面興住，保持溫度。有一層厚辣油浮係面，略嫌有啲油膩。整個咖喱太過傑身，不過牛腩算炆得幾淋。蒜蓉包： 焗得幾香脆，原本諗住嚟放咖喱到游水，但呢個咖喱太傑身唔太適合。三色冰: 當晚冇曬芒果汁，叫左呢個，都唔錯呀！椰青: 好清甜，岩曬用嚟解辣上菜速度好快，樣樣野食都好味呀，下次多人嚟食嘅，要試下個咖喱蟹！

再到香港仔，等待聽talk前先醫肚。香港仔地方細細，都算多野食，看見這間門面幾靚就入去試下。中午時人也不多，擔心會唔會中伏。都係試左先再講。入去被安排坐近水bar位置。坐低已送上暖水，寒冷天氣有杯暖水，服務即時加1分。看餐牌都幾多選擇，唔知揀乜好，就試試海南雞飯，應該穩陣啦。等左一陣已有得食。賣相一般，不過色相既野唔代表乜，樣衰都可以好味。先試雞，冇乜雞味；唔緊要，那個醬汁才是靈魂所來，唔似其他餐廳的海南雞飯有兩三款醬，這間只有一款，青綠色的。試了，才知中左伏，唔似食開嗰啲醬般酸甜辣，這裡的我食到鹹囉。雞中伏、醬出事，反而個飯好味，黃色飯，不太油膩，有些香料的味道。雞、醬、飯之中，飯是喜出望外。雖然話service ok，但野食中伏，再加坐水bar旁，侍應常出出入入行來行去，都少少影響食野的心情。雖然我一個人來食，但有位的話，就安排坐得好些的枱啦。

呢排醒起太耐無食過泰國菜,突然心血來潮好想食椰子類食品!第一次見到芋頭雜錦煲仔飯,呢個配搭好新鮮,加上冬天,梗係要食個煲仔飯啦~視覺上佢好似好細咁,其實佢個煲底好深,所以份量都幾多幾抵食,而且佢個飯底係用炒飯,令個飯特別香,加上汁好多.入口唔會乾爭爭鐵板牛扒豬扒我就聽得多,炒蠔仔真係好少見,原來分量好多,加上蠔仔勁大粒仲要係新鮮蠔,所以鮮味滿滿+好滑,同D蛋好夾,以為咁多蔥味道太濃,但一D都唔會,D蔥好爽脆,上面加左少少調味令菜式更加惹味馬拉盞炒通菜D菜汁好好味好有咸香,個蒜頭爆得好好所以炒菜gei時候好適當咁融入通菜裡面~菜好新鮮.所以炒完都依然爽口平時我唔係咁鐘意泰式咖哩,因為怕佢好辣,呢個海鮮大會雖然有加辣椒,但加埋少少甜gei咖哩汁,入口都唔算超級辣.係少少刺激的感覺,加上佢落左蛋,令個汁水潤之餘依然有些微黏性,最適合撈飯蝦片就更加唔使講.完全係印尼蝦片的感覺,夠大塊夠脆仲唔油,抵讚!最後我仲食埋飯後甜品-好白好滑好豐富椰子味gei椰汁糕,真係有種去除剛剛濃味食物的罪惡感的感覺~~~

這日難得day off可以遊下香港放鬆下。約左一個住係朋友香港仔嘅朋友訓醒個靚覺之後下午去香港仔行下，而另一個朋友又係香港仔返工，叫我順路陪下佢食Lunch，話十世都冇人會黎呢邊探佢。我都未黎過呢頭，當然把握機會食下其他地方嘅好野啦～呢日朋友就揀左呢間香港仔嘅緬泰皇宮，咩都唔識嘅我梗係OK 啦～朋友話佢聽講呢間係緬泰海鮮菜黎講質素幾好，薄有名氣，所以就黎試下。一睇Menu果然全部係泰式同緬甸式。泰式嘅野就食得多啦，緬甸菜我就真係未聽過，所以我就決定戰一戰佢個緬甸咖哩牛腩飯，睇下緬甸咖哩會唔會同平時食開嘅咖哩有D唔同。緬甸咖哩牛腩飯到啦～上枱嘅時候聞到佢嘅香味即刻勁開胃～份量唔細，食完都好飽。個牛腩腍得黎又入味，牛味都幾香同埋咬口。個人覺得個咖喱汁都幾辣，可能係因為我唔太食得辣嘅關係，不過其實我就唔係好分辨到佢同平時食開嘅咖哩有咩唔同，但個咖喱本身都幾香嘅，算係唔錯。食個飯吹下水又一個Lunch Time，朋友係時候要返office 做野，而我就梗係有下場繼續行下睇下，享受下我難得嘅假期～

今晚嚟到香港仔，突然間想食泰國嘢，咁就入咗去間餐廳。餐廳地方大，至少有兩台大枱喺嗰度慶祝生日。一坐低就送咗碟蝦片唻，咁我就攞嚟食啦，蝦片好好食，但係朋友話係要錢嘅我哋兩個人就叫咗個套餐，套餐有四個類別，可以係唔同類別揀返自己鍾意食嘅嘢。泰式鳳爪鳳爪分量多而且又入味。雖然有啲辣，但係忍唔住要繼續食鐵板蠔仔蠔仔都幾鮮甜。蛋漿好夠味，但係有啲稀，同蠔仔分開。炒通菜菜個份量多，冇發黑呈青綠色，好食炒金邊粉我最期待就係食呢個金邊粉，但個粉好濕，有啲1pat pat，有啲失望

去食飯坐底等咗九個字仲未有嘢到，然後問下發生咩事，話漏單，隔離台都係，食餐飯成肚氣，如果你食lunch你大把時間慢慢等慢慢enjoy,強烈建議你來呢間。緬泰皇宮

呢間泰國野好多人去食，我都食過幾次，我覺得食物味道都唔錯，但係價錢有點貴，分量我認為不太足夠。每次用餐完都會有一個甜品贈送，係一個粟米椰汁糕。員工態度唔錯，坐得幾舒服。平時都要訂定位，因為一到午飯時間就滿晒人，晚飯都係一樣。

同舊同事食飯，就決定搵返一間以前我地成日都會lunch去食既餐廳啦。緬泰皇宮對我呢講都真係有成幾年冇去食過啦~今次唔係食lunch而係食晚餐啦~晚餐既套餐選擇都多，就叫左個自選套餐。馬拉盏炒通菜，通菜又嫩又綠配合香辣惹味的馬拉盏，夠哂味道鐵板炒蠔仔 ，蠔仔肥美有鮮味又夠哂多，配上滑蛋和蔥係一齊食食完都想再食呀燒焗蔗香排骨，就算係燒焗既排骨肉質都好嫩唔會燒都好乾身，面層加左蜜糖，增加左甜的味道。朋友話一定要芋頭休錦煲仔飯，面層夜左好多既豬肉鬆，又有冬菇同嫩滑的雞肉加上芋頭夠淋，味道都唔錯~

家人為我慶祝生日，因有我最愛食的泰國菜，我最愛的餐廳之一，小食應有盡有，令人再次光臨。酸辣鳳爪我勁中意食酸辣鳳爪，勁惹味。燒豬頸肉燒得香香脆，不肥膩，片片肉香。燒焗蔗香排骨大大舊焗燒排骨，充滿蔗甜味。馬拉盏炒通菜除了通菜，還有其他菜選擇，如椰菜，西蘭花，芥蘭等。芋頭什錦煲仔飯我勁愛吃呢款飯，粒粒芋頭，雞肉，什菜粒，冬菇和肉鬆，塞滿個煲，簡單而好味。芭堤雅鐵板炒蠔仔用鐵板上菜，大量芽菜舖底，蛋汁，胡椒和蠔仔，沒有腥味，配飯食，勁下飯。值得一試。