紅橋

营业中

休息中

太子花園街高CP值西餐，就係地鐵站出嚟幾分鐘路程的紅橋餐廳，夜晚都幾多客人。黑椒汁牛扒 配蒜香羅勒酱燴意大利粉 $96牛扒好嫩配上又香又暖的黑椒汁，暖胃又滿足，蒜香羅勒酱清新所以唔會成個餐都好膩，仲有蔬菜玉米，成個餐的份量好足料。黑松露忌廉海蝦 燴意粉 $72黑松露好多好香，但最出名係個忌廉汁，香濃creamy，每一啖都包住意粉，奶香味十足，必食之選。跟餐仲加左蝦多士同雞翼，蝦多士炸的十分香脆，而雞翼用柚子蜜包裹住不油膩。紅豆冰亦係必叫之選，佢地加入牛奶做的冰，所以唔會越飲越淡，有誠意。🥢紅橋 🌏太子花園街230號地舖

晚上去左花墟買花，購買心頭好後便到附近揾食，經過#紅橋餐廳，環境都乾淨企理，便進入開餐囉。點左2個晚餐同老友分享，套餐有齊餐湯（有中、西式選）、前菜、主菜同埋飲料，價錢都親民。餐湯分別要了中同西式，前菜有煎得香口的單骨雞翼，同埋黑芝麻併厚身蝦肉的芝麻蝦多士。黑松露忌廉汁大蝦意粉，蝦🍤爽口彈牙，煮得柔軟道剛好又索汁，入口有好香口的忌廉松露味，配菜有蘑菇、蘆筍，令口感層次更提升。黑椒牛扒配意粉，牛扒🥩煮得夠晒軟淋，意粉更用了蒜片調味，配菜還有茄子、翠肉瓜、秋葵同粟米，份量多又好味。餐茶點左熱啡同熱檸茶，正常水準。晚餐抵食且味道唔錯，係值得回坊嘅餐廳。

想食西餐唔一定要去高級餐廳，太子有間小店以平民價格提供多款經典西式料理，意粉飯漢堡牛扒等樣樣有齊，大件夾抵食，每兩日更新菜單唔怕大家食到厭，推介俾附近返工嘅OL們👍精選套餐A-G，奉送餐湯同飲品，另可加錢要前菜同小食。湯品中西各一，中湯味清，西湯濃稠、前菜為巴拿馬火腿雜菜沙律，味道鹹香，搭配芝麻醬更加開胃。小食有雞翼同蝦多士，前者塗滿蜜糖，後者炸至脆身，值得加點。主食有牛扒配蒜香羅勒醬燴意大利粉，牛扒夠大塊，肉質嫩滑，啖啖肉好過癮，意大利粉蒜香味濃，食完個口好臭好正💩 另有黑松露忌廉海蝦燴意粉，呢款味道偏淡，淡淡黑松露香氣，入口Creamy。飲品反而值得一試，紅豆冰無論係賣相或味道都有驚喜，薑汁梳打正常發揮夠解渴。

閒日夜晚去到太子覓食，幾間網紅間都無位，就隨便入去左，然後被安排坐左係廁所隔離個位，一坐低就聞到一陣廁所混合香薰嘅味，非常唔開胃，然後就成餐飯都食不知味，淨係想快啲離開。食物叫左一個意粉，一個燴飯，套餐連埋餐湯同熱飲，老老實實真係無乜胃口同心情去品嘗啲嘢食，個口食落全部都係普普通通嘅味道，但個鼻就keep住聞到陣奇怪味。雖然香港地寸金尺土，而呢間都明顯係貼地嘅平民餐廳，但係廁所隔離個位都要劃埋做枱，仲要咁大陣味，真係令人體驗好差，希望餐廳可以改善下😣😣

自從紅橋旺角店結束後就好像失去了一間街坊西餐廳，但原來她們是有太子分店的，今天就去吃一頓晚餐吧。由於我是從主餐牌上單點主食，我另加了$15加配套餐，包括了餐湯和餐飲。餐湯為蘑菇忌廉湯，溫度夠熱也有突出的蘑菇味，不過麵粉落得太多又融不了以致湯裡有些結塊。黑松露忌廉汁野菌海蝦帶子意粉($75)熱辣辣煮好，有很香的松露味，意粉偏幼身但未幼得如天使麵那樣，生熟度控制得不錯。海鮮方面，蝦仁質地爽彈但沒有甚麼蝦味，而珍珠帶子味道偏腥麻麻地。餐飲方面熱奶茶味道不錯，有點港式風味。餐廳環境光猛簡潔乾淨，夏日來說冷氣充足。紅橋可以說是街坊西餐，價錢算是實惠，還沒有加一服務費，經濟之選。

今天途經太子花墟附近，見到一間幾年前曾經光顧過的餐廳，不過這間已是新舖了。我們享用了兩款晚餐，一款是炸軟殼蟹忌廉意粉，另一款是黑松露忌廉海鮮意粉。另外加了 2 份前菜「鴨胸沙律」及 1 份小食「蜜糖雞翼+蝦多士」。首先，跟餐我們點了忌廉湯，湯內有不少磨菇片，夠味的，不過不夠忌廉味，比較似港式茶記風味。沙律是日式胡麻醬的雜菜沙律，伴有兩片煎得香口的鴨胸。軟殼蟹意粉，有一隻炸得酥脆的軟殼蟹，配上濃郁的忌廉汁意粉，相當美味。黑松露海鮮意粉，內有青口、煎帶子、煎蝦仁各一隻，淡淡的黑松露忌廉汁，有着另一種美味。小食是蜜糖雞翼，這些是單骨炸雞翼(有6件)，非常好味可口，蝦多士有2件，炸得香脆，蝦膠厚厚，但質地比較實，這款我覺得一般。餐飲點了兩杯熱咖啡。這頓晚餐吃得相當滿足啊！

有一天，我們在花墟行吓時，到咗夜晚就去咗醫肚啦，經過咗西式意粉點就入咗去，這個環境的確唔錯，到咗夜晚6點，就越嚟越多人排隊啦，我呼籲大家如果唔想排隊6點前入餐廳😉，這個服務態度十分好，老闆好有禮貌地回答問題，我叫咗 D餐（黑松露海鮮忌廉儈意粉$92），晚餐可能用料貴啲所以尚算合理，這個套餐包含中西湯及熱飲，我就叫左中湯，湯十分有益，而我朋友嗌咗C餐（蜜莎豬助骨 伴蛋包飯$92）份量相當充足，又濃郁，真係食唔停口，另外這間不收服務費，價錢相當合理

今日和朋友經過太子，到虹橋吃午餐。午餐時間非常多人等位，我們等了15分鐘才能入座。我點了白酒忌廉汁西蘭花煙三文魚焗飯，紫薯湯，凍奶茶。紫薯湯味道不錯，其他餐廳少有。可能人多的關係，焗飯等了大約20分鐘才到。焗飯味道美味，煙三文魚份量幾多。我們走的時候，出面仍有多人等候。

太子花園街的食肆選擇頗多,與友人選了這間大家都未試過的茶餐廳進膳,沒料到有驚喜,日後出花墟一定會再來！1) 粟米忌廉湯看似平平無奇的忌廉西湯, 湯底濃厚(友人估計是打過薯仔蓉加入做湯底, 未有求證), 足料粟米及洋葱, 口感實在而且滑溜, 份量剛剛好。2)羅勒醬忌廉汁煙三文魚闊條面我愛青醬所以點這個菜, 煙三文魚卷成花放意大利面中央, 看得出廚師製作一點兒也不馬虎。除三文魚外, 碟內尚有少量蔬菜, 如蘆筍及茄子, 三文魚不會太鹹, 非常腍身, 以刀义撕開再加上蔬菜配料來食, 能做到啖啖面條都有餸入口。青醬味道及闊條面口感算是不過不失。3)鮮茄菠羅芝士雞扒焗飯焗飯總是需要時間, 這個菜稍遲才上到枱。菠羅不多, 一件雞扒已切開四份, 芝士與蕃茄醬已焗成一體, 吃起來有少少拉絲, 配撘米飯, 不錯!4)凍檸茶以為要湯就不再有餐飲, 原來兩者皆得。炎炎夏日飲凍檸茶透心涼。

Hainan Chicken Rice                                            The chicken was tender, succulent, and oozing with flavor, while the rice, infused with a subtle hint of chicken broth and pandan leaves, was an ideal complement.  Red Bean Ice                                     With the main course leaving a lasting impression, it was time for a sweet conclusion. I opted for not one, but two versions of Red Bean Ice—both the traditional and the classic variations.Classic Red Bean Ice              

Hainan Chicken Rice                                                The dish was a visual delight, featuring succulent poached chicken served atop fragrant, fluffy rice.Iced Lemon Tea                                 Its tangy, citrusy punch was perfectly balanced with a hint of sweetness, making it a refreshing companion to the flavorsome meal.  Red Bean Ice                              The velvety red bean paste, mildly sweet and creamy, harmonized impeccably with the crushed ice.Pan-fried Scall

星期六過來太子上堂，先嚟過早午餐，未夠十一點就嚟到太子，這個地段，大部分店舖都是11點開舖，所以嚟得安靜，可以慢慢地選擇食咩好⋯⋯五款午餐當中，都幾多元化，無論是西式的意大利飯、意粉及焗飯，又有中日式一字骨蛋包飯，甚至咖哩也有⋯⋯餐湯方便也有中、西式選擇，筆者今次選擇了西湯，忌廉麻菇湯，熱騰騰拎出來，已加分不少，奈何落粉唔混，有點杰的狀態。黑松露忌廉汁野菌海蝦意粉$62~依個價錢又包餐湯及餐飲，套餐熱騰騰拎出來，大衆化價錢，一讚。整體來說:港式西餐廳，港版中西日及咖哩都有，照顧週到，家庭式感覺，店員很有禮貌，雖然沒有即磨咖啡，但誠意撘夠，$68套餐冇收加一，相當合理。

呢日係太子食下午茶餐廳內唔大，由於差唔多6點，人唔太多甘叫左個蕃茄焗豬扒飯配熱奶茶，個盤比較細，食用砌豬扒時候比較唔方便個飯好好食好香，好多香料味，豬扒好大件，個飯係炒底來有炒蛋另外杯奶茶都幾好飲好香滑唔錯，值我再去食，試下其他款式下午茶來講$52甘既價錢唔算平，但個價係值既

抵食之選。焗飯即叫即整，等15分鐘左右，下午茶餐份量跟午餐份量一樣的，相當抵食，食品質素尚可，焗飯或焗意粉最推薦。餐廳環境都可以，坐得幾舒適，服務態度也很好，不錯的

這間茶餐廳路過多次，總是没試，有時人多，有時同行朋友不吃意粉。今日得👫，行過咁好彩有位，終於試到，原來中西餐菜式都有。蜜汁一字骨蛋包飯，茶餐廳來說有驚喜，樣子精美，味道不錯，沙律菜新鮮，蛋包又做得好好。隔鄰枱两位女士也是看到精美即order。😆海南雞飯， 雞肉軟淋，不太肥。另外，不管中西餐，都可選中或西湯，我們選了中湯，蓮藕湯，材料十足的老火湯。👍