紅橋

营业中

休息中

去開太子附近，幫襯過紅橋2次，有2間分店，近酒吧街的較細，幾迫下。教會斜對面的店坐得舒服好多。2次都係食蛋包飯，下次一定要試新! lunch set 我要左58蚊的蜜糖豬排伴蛋包飯，有中西餐湯任選+咖啡。粟米蘑菇湯，裡面仲有好多蘑菇蜜糖豬排伴蛋包飯，賣相好靚個豬排好林，一d都吾鞋!蛋包飯煎得好好，好多蛋汁，而且個蛋沒有過老! 我覺得第一次黎應該試試呢款蛋包飯午餐包咖啡，冷飲加3蚊，吾趕客仲要無一加，埋單只係61蚊真覺得勁抵! 見隔離枱食既黑松露海蝦帶子意粉好juicy，下次可以試下

八點左右嚟到太子，有部分餐廳已經關門😳我同朋友行咗一陣睇下有咩食之後就決定去食紅橋餐廳😛因爲聽朋友講佢已經食過好幾次，話食物質素唔錯🤗Dinner set嘅主菜一共有6款選擇🙆🏼‍♀️最後我就揀咗黑松露忌廉汁海蝦帶子燴意粉🍝個set仲配咗巴拿馬火腿雜菜沙律🥗粟米忌廉湯🌽同餐飲☕️沙律嘅菜好fresh~而個湯真係會有好多粟米粒，同埋好creamy🤩重點嚟啦🤗個意粉賣相好吸引💕好重黑松露味🥰海蝦好爽口，帶子細細粒但係夠哂鮮甜😋海蝦同帶子都有調過味同煎過，十級好食！必試🙌🏼應該因爲個醬汁關係，食完都幾濟，不過真係好滿足同好平，呢個set只係$73‼️一定會再嚟💯

兩口子本身諗住去附近嘅蘭苑x館食晚飯，但去到門口佢竟然話是晚粉麵飯暫停。唯有喺附近兜個圈睇下食乜好，見到呢間紅橋餐廳， 價錢幾吸引， 又免加一， 反正不太餓就普普通通食個意粉啦～卡邦尼海蝦燴意粉 $73老公揀咗套餐C, 餐跟沙律、蘑菇忌廉湯及凍飲。 有點似食緊窩蛋牛肉飯一樣, 自己攪勻啲蛋。整體嚟講意粉軟硬適中， 蝦煎得好香口， 卡邦尼汁濃厚，食到有啲漏。黑松露忌廉汁野菌海蝦帶子意粉 $60我就想叫咗個意粉加12蚊升級配湯及凍飲。 黑松露味濃，帶子比較細粒，海蝦煎得幾香口，個汁好creamy。

I ordered the curry veggie with a fried egg. When it was served, the yolk was totally raw. I told the waitress I cannot eat raw egg, she blamed me of not telling her in advance. However, there is no way I knew the “fried egg”” is raw. This is my first time eating there. Nobody will normally assume the yolk is still fluid when one used the word “fried egg”. Plus there was no picture in the menu. She tried to force me to take the raw egg. I insisted I could not eat. At most I could do was to throw

星期日又來到食紅橋嘅時間，呢度啲質素係有啲保證嘅，所以要排一排隊❤️排隊嘅時候已經諗好嗌啲咩啦全日套餐 ❤️❤️好鐘意佢既黑松露炒蛋，好滑有蛋汁，仲好大份，黑松露味好正，蒜蓉包好有蒜味，烘到好脆身，嗰湯意粉又係好正，白菌湯湯好creamy 仲有好多切粒既菇，最緊要係意粉好彈牙😚😚雞扒仲有蜜糖淋係面頭，成件事好吸引，呢份all day breakfast我真係好鍾意食㗎💓💓💓❤️❤️蜜糖汁豬扒蛋包飯，💕💕煎得幾靚，好似奄列，厚厚的蛋包住炒底既飯，份量不少🤩🤩豬扒厚切，我覺得仍是不錯的，豬扒肉質不錯，不會太過韌，不過略嚴肥左小小，但整體算係CP值好高的西餐廳😍😍

叫咗一客焗芝士牛肉飯，賣相還可以，一啖食落去，竟然係完全冇味，係完全冇味！唔止芝士味，可以係一啲鹹味都冇，我完全唔知自己喺度食緊啲乜嘢，只吃了幾啖飯，牛肉還可以，但份量十分少。聽到隔離枱客人都投訴啲飯無味，但係可以點？唯有照食, 唔知佢哋會唔會改進食物嘅質素，不過真係冇下次，我唔會再嚟食飯啦！！！環境方面頗為擠迫，你一個人去食飯係完全唔可以揀位，因為啲阿姐一定會逼你去一張八人枱度坐，即使成場都係無客。

服務態度超級差，食物垃圾!今晚9:30pm去等外賣時，見門口位置冇客，所以座低等，等左10分鐘有4位客人進來，個waitress拎起我張外賣單叫果4位座，我當時係仲座係其中一個位，佢好似睇我唔到咁就叫客人座低。我就問佢我個外賣仲要等幾耐，佢勁唔耐煩話10-15分鐘，我話而家已經10分鍾了，佢繼續話係無咁快架bo, 你外賣又要包要時間!咁我都明白需要時間等侯，但有堂食客人來要做生意，都可以禮貌點同我講聲，叫我讓張枱出黎等多陣，而唔係拎走我張外賣單就要我下意識離開!難道等外賣不是客人嗎？waitress似老闆娘 紮馬尾辮，不懂服務就唔好開餐廳啦～

今日又同阿仔出動，呢間紅橋係佢㨂，知佢一直鍾意蛋包飯，所以黎試試。兩個人去到即刻有位，阿仔當然㨂鰻魚蛋包飯，我就叫左All day meal,貪佢多花款但又唔會太飽肚。先上個磨菇忌廉粟米湯，足料好味，絕非茶記水汪汪，印象已經不錯👍🏻再黎沙律雞扒配鮮菇湯意粉，意粉湯味鮮香，伴埋蒜蓉包，一流；沙律伴芝麻醬汁都幾清新，雞扒則急凍欠味道，最失色，但個餐六十蚊有找，真係超乎預期。阿仔食既鰻魚蛋包飯，飯不是太濃味，但配上鰻魚一齊入口，層次又不同了，挑剔啲只係鰻魚略瘦，少了香腴的口感，但唔使一百蚊，似乎又過份要求左啲

今日真係不吐不快，趕時間食個午餐，已經只係一個人，以為好快會有位，去到呢間野，有個男人無乜頭髮既serve緊人，佢問我幾多人，我話一個人，佢叫我等等，同時我係見到角落有張抬(只係2人位)已走人，點知佢唔係安排我入座，好啦，諗住佢未執好位，又落緊單，我就等佢落完單😡當時佢在近門口張抬落單，果張抬係三個男人既抬，佢幫呢三個人落完單，都仲唔安排我入座，我已經開始火火地點知佢落完單，走去執餐具，仲要慢慢擺位比人，我就問佢有位未？佢居然答我，你一個人，呢度搭唔搭抬？我話入面角落有張抬啵，然後條友話你得一個人都係要搭抬架勒，當時我係嬲到想爆佢粗🤬大家記住呀，你得一個人就唔好去呢度勒，免得一肚火呀

日前同女朋友去太子花墟睇花，行得耐就自然會餓，要周圍搵嘢食，點知畀我哋見到呢間抵食嘅平民西餐廳，環境優雅，出品又中規中矩。只係座位坐得比較迫夾，不過喺寸土尺金嘅香港，完全可以理解。.香草蕃茄茸海鮮燴意大利飯 ($75)—— 飯粒質地軟糯濕潤，蜆肉汁滲透risotto內，引發提味作用。.蛋包飯配馬蘇里拉雞扒($62)—— 蛋包飯稍為遜色，略嫌少少乾。賣相有少少似女僕Cafe嘅魔法蛋包飯，所以擺盤都算特別。

今晚原本定好咗去旺角果間(紅橋)，點知因為搭錯車，而且這附近亦有一間(紅橋)，所以就唯有來這間試試，以為大家都係(紅橋)，應該食物都唔會有差距，可惜原來真係有好大分別，這間晚餐牌只有4 款選擇，但旺角果間就有6款供選擇，我最喜歡食(蜜椒豬肋骨伴蛋包飯)，點知同一款食物唔同位置嘅鋪會有咁大差距，旺角果間嘅晚餐(豬肋骨)係有8條骨，而太子呢間就只有5條骨，旺角果間個蛋包飯就係滑蛋好有蛋味，但太子呢間就做到啲蛋好乾，就連湯都係旺角果間(紅橋)好飲， 總之總括嚟講就係超...超...超...中伏其實我都唔係先入為主架喇！但我個人就真係覺得太子呢間超唔掂當。

朋友推介黎一試午市套餐試左個豬扒蛋包飯套餐包括左餐湯，餐湯幾特別，南瓜忌廉湯，有野飲，飯嘅份量足夠，蛋包飯外觀非常吸引，個醬汁甜甜地，撈飯好好食，豬扒size正常，蛋包飯個飯都有啲料店內環境舒適，性價比高，值得一試

之前食過西洋菜街果間紅橋，味道唔錯，今次經過另一間分店，見仲未滿座，就再去食多次。主餐牌我地分別嗌左B同C。每個餐都配左個沙律同湯，我地都揀左白湯 (是日係粟米忌廉湯)。個湯係偏稀果種，但味道都夠。煙鴨胸沙律不過不失，用黎墊下肚幾好。蜜莎豬肋骨伴蛋包飯黎講，個豬肋骨好大份，但肉味好似有D太重，反而蜜莎味唔夠。蛋包飯就同之前食既一樣，蛋夠嫩滑飯夠香。不過舊粟米仲瘦左D。黑醋蜜糖豬扒伴蛋包飯反而唔錯，塊豬扒好厚身，同埋係炸過既，面頭淋既黑醋蜜糖汁好夾，同時又解滯，唔錯。呢舊粟米又正常返。其實$80幾蚊可以係太子食到有湯有前菜有主菜仲有野飲既西餐真係幾乎冇，最緊要抵食得黎仲要有質素，CP值好高，抵我地成日黎幫襯既。

早排食過佢lunch，覺得好唔錯，咁啱又係太子，就好想再試晚餐。今次都係跟set menu點，食物味道同埋配搭都覺得唔够上次好。希望佢可以keep到啦～黑醋蜜糖豬扒 伴蛋包飯（$83）我覺得還好，豬扒都算厚同鬆既，味道就普普通通，無咩特別。可能我比較鐘意食骨，啖啖肉既野一般，個人問題。蜜莎豬肋骨 伴蛋包飯（$88）分量都算系多，一舊大既肋骨配搭一舊細既，切開都好多條。不過細果條食落就有豬肉味（我意思系未處理好既會有陣味），大既骨就無哩陣味，好D。個出品我覺得系正正常從，勝在分量多，個名都好靚，不過“蜜莎”系無咩體現到點解取哩個名。值得贊幾系個蛋包飯，外形係幾靚，同埋入面D炒飯係有d蛋醬沾住，一D都唔簡單既。想試既朋友，我覺得揀蛋包飯既set，一定無死。法式芥末子忌廉汁牛肉焗飯（$73）哩個飯份量係幾大既，但味道怪怪個汁係幾酸下。可能食唔慣啦，我同另外兩個朋友，都係開頭食左幾啖，就無再添了，食埋上面D牛肉就算了。西湯、前菜、飲品整體來講，今次無第一次食咁驚喜同好食，應該係同菜式有關，下次有機會再點其他試下。

今天19/4 晚上18:30 我帶同兩位日本朋友到紅橋享晚餐, 我負責點餐，其中一道菜，叫了之前食過好味的豬肋骨,怎料到餐時，只有兩條細小的肋骨，配菜薯角就份量十足，在場朋友都覺份量有問題，我向女職員請示，餐牌上表明三條的，又不肯譲我們轉其他餐，最後肯補回一條小肋骨。大家請看一下當時拍下的相作記錄 失望這份量與我同家人曾試過的不同,絕對不夠食。另外，今次的磨菇忌廉湯比以往的稀。原想開心的帶遠道而來朋友聚餐，這樁小事，使我心中不悦。女職員的應變力及態度，差語氣表示不想應酬客人的要求。日本朋友都表示對方態度不好，不曾遇過的，不愉快的進餐經驗