紅番茄餐廳 (已結業)

平時食到難食嘅餐廳我都忍一忍算數，但今次我真係食完過左幾個鐘都係仲想嘔嘅狀態，本身見到間餐廳好多人食緊，menu望落去都幾吸引，然後本人又係極鍾意食黑松露既一切製作品，完全冇諗到，呢間餐廳嘅黑松露係粉！yes冇錯！！！係啡色果隻好似咖啡粉咁樣既粉，我以為係醬或者係「類似」黑松露切片，完全唔係！！！個忌廉醬唔知係咪溝咗米糊果啲米粉，食落去係好膩，加埋黑松露粉可以話係黑暗料理！！個湯都係！「忌廉湯」好似米糊咁隻色都係小小透明嘅，個人覺得「紅湯」就好啲。講返我嗌嘅果份「黑松露忌廉雜菌飯」啦，食第一啖OK嘅係好濃嘅奶油味，然後越食越奇怪，好鬼痴嘴，冇睇錯！真係入口痴住個口腔，再吞入去好似又痴住喉管咁。然後又冇落鹽咁，得個奶油味同黑松露粉嘅唔到，唔鹹又甜到嘔。最恐怖嘅係食到後面凍咗之後！！！越黎越黏！！完全係倒轉隻碟都唔會跌落黎既程度！！！服務方面係好嘅，所以唔知係咪廚房返工怨氣太大特登搞埋呢啲難食嘅嘢定係今日廚房師傅心情唔好啦。不過都係建議老闆試一試食材可能係我今次嗌嘅食品唔係廚師擅長嘅菜品，不過真心建議改善小小質素，起碼個薯條啲油夠熱先炸，份薯條上台白過我塊面，正常夠火嘅薯條炸完係微黃既，但

叫咗一個鐵板豬扒，配黑椒汁，白湯。另一份就係拿破崙意粉，轉闊意粉紅湯，仍然個侍應同我講咗要等耐少少，點知轉個闊面我男朋友成個鐵板豬套餐食晒我份嘢都仲未到差唔多等咗成半個幾鐘九個字。白湯嚇死人，好似漿糊咁無味，紅湯仲恐怖，飲落去又酸又甜，係真係酸到一個點飲咗一半已經想反胃，分明係用茄膏熬出嚟咁樣😨😰真係好酸。正正常常一個羅宋湯咪幾好囉，整乜鬼蕃茄紅湯。明明鐵板豬，叫咗黑椒汁，點知嚟到幫你倒埋落去變咗做茄汁比錯汁。算數照食。嘩。。個汁又酸又甜又鹹好X鹹。隔籬枱叫咗黑椒汁，倒落去炸一聲嗰啲黑椒汁攻到我會咳添，應該好好味，但點解就偏偏比錯過蕃茄汁我哋叉在未有苦同辣味，三隻味都有齊甜酸鹹。我就係食咗啖汁不咗少少飯已經唔敢食我男朋友啲豬。等咗半個鐘九個字終於嚟到啦，拿破崙闊意粉。嚟到係熱辣辣，但係食落超淡好水汪汪，紅湯佢又非常之濃個喎，個意粉呢就好似淨係攞咗啲蕃茄打溶咗倒落去炒幾下，點都落少少蕃茄醬或者茄膏啦，平時食開嗰啲係好杰撻撻，甚至有啲會加埋啲cream落去炒，好cream又酸又滑又有奶香，但佢呢個真係不得了，真係唔知點解自己會揀咗去呢間食晚餐，坐位非常之迫，唔緊要，食物質素好乜都挽回返。成

電話下了外送單，接受了單，還顯示何時會送到，但等了一小時還沒到！原來老闆未回舖，沒開機收不到單！為何還可以接受顧容落單？等了一小時原來同事沒有午膳吃！唉......

今次嚟紅蕃茄，變差了!點咗個套餐，有西冷同羊架，都係8成熟，另外點紅白湯各一，煙三文魚沙律同小食炸魷魚鬚，甜品係雪糕同芝士蛋糕，飲品有芒果同百香果沙冰.優點:1, 今次唔係坐個地獄冷氣位，但冷氣都算足夠.2, 習慣西湯要配麵包，一片麵包都好，紅蕃茄做到.3, 西冷足料夠大件，配菜薯條亦夠香脆.4, 羊架唔騷肉質鬆軟 Juicy，滿意.5, 近排愛上沙冰，見到沙冰嘅餐廳會加分，今次點芒果同百香果沙冰，夠凍又夠味! 缺點:1, 白湯紅湯同樣唔夠濃郁唔夠熱，麵包亦冷冰冰，期待紅蕃茄提供牛油同熱餐包就一流!2, 西冷口感唔夠鬆軟.3, 西冷同羊架都點黑椒汁，黑椒汁味道濃郁過重.4, 已經要求芒果沙冰唔落奶，但好奇怪質感都好似落咗奶.5, 甜品芝士蛋糕，唔夠薩莉亞嘅甜品出色，唔夠凍又唔夠味.相比起飯同意粉，扒類質素就差D，隔離枱點咗碟意粉，份量多到食唔哂要打包! 下次都係點意粉好D.

此店的外表只是一間不起眼的餐廳，位於深水埗的平民區，所以價錢亦唔貴！當日點了4份下午茶餐，連同加一服務費合共只是$184元，真係抵！令我最驚喜的是估不到是這間餐的奶茶是自己近期飲過最好的凍奶茶。 其出色之處在於茶底味道豐富和濃郁！！！！另外，此店的白汁雞皇焗飯亦算唔錯，上枱時是熱熱的，飯上有香濃的芝士，焗飯是炒飯底，雞的份量亦算足料。雞翅配炸薯條雖然是簡簡單單的小食，但廚師處理得唔錯，雞翅炸起後，內部仍保留肉汁，廚師控制火喉唔錯。 日後值得再來。

原本想話幫襯劉森記，因為都有一段時間無食過河粉米粉，但係忘記咗劉森記冷氣掂唔掂，天氣熱辣辣仲食河粉攪到身水身汗，無謂啦! 結果就去紅番茄食西餐.侍應妹妹問我地中意坐邊個位，我話要最凍果張! 冷氣果然夠凍! 爽YY!點咗炸魷魚鬚小食，黑菘露羊架意大利飯，橄欖油野菌煙三文魚天使麵.記得上次嚟飲沙冰，廚房加咗奶，今次千叮萬囑走奶，因為我唔受得奶，但今晚只有一款口味，藍莓! 都無辦法啦，天氣實在太熱喇，兩杯!突然間侍應妹妹攞咗小小沙冰俾我地試味，話廚房覺得過濃，所以俾我地試味! 首先，濃味夾我重口味啦! 而且.... 咁嘅服務，同樣主打西餐嘅意粉屋俾唔俾到你?魷魚鬚啱啱炸起小心辣咀，可惜份量少咗D，而且外層唔夠炸槳，有待進.反而天使麵同意大利飯份量超多! 有相有真相，咁足份量你又睇吓意粉屋俾唔俾到你?不單只天使麵多意大利飯多羊架份量亦唔少，羊肉鬆嫩又 Juicy，一D都唔騷肉又夠厚，同樣煙三文魚同野菌份量足，最後食唔哂!坐吓坐吓果然係一個地獄位，我咁頂得冷都頂唔住，要轉位!最後埋單$251蚊! 咁嘅價錢，意粉屋又俾唔俾到你?

叫個T骨牛扒7成熟 生到3成都冇 我朋友仲放入口1後來我大聲講,(咁生你仲放入口) 後來貌似老闆娘聽到走黎丢低一句 生就幫你再煮?還是取消?後來我話再煮 然後佢好似好嬲咁一路行一路講(啱食就食 唔啱食就唔好食) 後來我都火滾 同佢講 件扒咁生同你講有咩問題?你咩語氣咩態度?咁取消啦.,後來佢仲趕我走 叫我埋單!我話D野仲未食咁係唔係可以取消?佢話叫我走 唔駛比 豪比我咁話 !真心一句，冇得選擇都唔好去呢間 too bad

第一次食呢間嘢，嗌左個外賣，個侍應態度ok嘅，但真係唔得掂，叫左個蜜糖豬仔脾意粉，由14.58分落單開始，一直等到15.42分先有個外賣，足足等左九個字.... 如果你話有好多客，好忙，咁就算了呀，問題係間餐廳都係得幾台客，真係諗唔明點解可以等咁耐，請問你地隻豬係咪岩岩先劏？？？？講到啲嘢食了，本以為等九個字，食物素質點都高啲，打開個蓋真係呆左，個意粉好明顯係過下水，加左啲汁，仲要完全唔夠味，三舊豬又硬又柴。我真係唔明點解，可以等九個字，個質素仲咁差，真係攞30搵過隔離食牛腩河仲好味。真係伏到不得了，完全唔值得食！

呢間嘢真係堅有料，吳係扮 可以令一個咁嫌麻煩打字既我 特登申請個帳號來寫呢個食評，叫咗一個日本肉眼扒8成，等咗成半個鐘有多，塊扒先到 ，睇到塊扒 個份量真係….. 一塊咁簿嘅扒都唔明點解可以煮咁耐 成間店連埋我得兩台客 另外果台重要係啱啱坐低，不過心諗可能好好食呢，第一刀切落去 個心即刻X左出來 真係要好用力先切得開，望一望好明顯係overcook，擺落口 又老又柴 成塊牛肉乾咁，真係堅肚餓冇辦法 心諗咋咋淋食完就走，反正食咩都係屙返出嚟，食多一啖 真係頂唔順 直接吐番出來 即刻攞錢 擺低離開 個阿姐都問我係咪唔啱食，我真係唔識點答佢，真係好鬼死難食，完全唔知點解可以整到咁樣，自問唔係嘴刁嘅人，難聽啲講可以咩狗屎垃圾擺落口食，平時貴野平嘢都會食，今次真係長知識，真係唔知點樣可以煮到呢個級數，中午過去食，可以令到我而家晚上七點依然係完全冇食慾，但係個肚超級肚餓，如果呢間餐廳個老闆你睇到，可能你真係要對個廚房員工好啲，佢應該好憎你，唔係倒米咁簡單，直情係放血！！如果你地睇完呢段食評覺得好誇張，而又自問好有勇氣 M底 真心推介你過去嘗試，保證令你獲益良多。要令到牛扒好食難道唔太高，但係要煮到

好耐沒來蕃茄屋，店舖算是一間舊式扒屋有點肚餓，叫左個扒餐日本雪花肉眼拼大蝦$98我對食物不是太高期望的但是這個大蝦真是難接受我其實都好耐沒寫個食評是一隻迷你基維蝦我明白$98唔會有咩驚喜物價高企，我也知道的呢隻蝦我真是食唔落我願意比貴D價錢，隻蝦真是要大隻D其實件牛扒同個蒜茸汁也不錯我唔明白點解會比隻有貼誤導人的蝦一隻見得下人的急凍蝦未必好貴我情願這餐牌改做珍寶吉烈蝦也好好睇又大方

我是熟客，喜歡這裏的環境人情味和食物，性價比一流。中午才開舖，我往往是第1名顧客，這裏食物款式多樣，竟然有焗羌飯，啲面番茄湯底夠濃郁，讚。今日午餐有牛扒生菜沙律，等了一段時間，換來是連連驚喜，好正。份量十足，牛扒啱啱好。

本來諗住求其搵間野食完就返歸，一走進餐廳，就被滿滿figure吸引。有鬼滅、Disney、美戰、龍珠、幪面超人、咸蛋超人等，無論坐餐廳任何一處都有一堆係左近。餐廳以西式為主，價錢都幾平，有湯、麵包、主食、甜品、飲品，大部分HK$100.-都唔洗。正所謂一分錢一分貨，食物質數就唔好expect太高........美國肉眼扒司華力腸配飯 (黑椒汁)牛扒薄薄地好大塊，不過就無乜肉味，咬得開唔靭但肉質一般。司華力腸正常水平，同街邊食爭唔多。黑椒汁好似偏甜咗啲，唔夠辣。黑松露蜆肉意粉外觀有驚喜，竟然整咗minions 花紋係碟邊!! 超可愛!! 份量超多，我食咗一半已經投降。  無乜黑松露味，蜆肉也是一般，成個醬比較稠，所以每條意粉都痴著醬，因此比較膩口。餐湯叫咗一紅一白，紅湯較甜，白湯奶味好重。甜品可以揀雪糕或者啫喱，雪糕似係牛奶公司之類；啫喱整得都係稠，個人鍾意稀少少。呢個價錢黎講仲要夜晚絕對係抵食既~

據講佢嘅蕃茄湯粉好好食,所以諗住嚟試下~點知原來只有下午嘅套餐有,晚上主要係扒同埋焗飯焗意粉一類~但既然嚟到,佢個餐亦都有蕃茄湯飲,一於試下啦~佢嘅蕃茄湯都幾香濃,不愧為生招牌~而蒜蓉包都好香脆~我選咗一個薄牛扒~但個牛扒似乎"lar"得有啲過龍,梘水味比較重...而且牛肉味無乜,肉質亦比較韌...但係薯條係新鮮炸起,都幾脆~另一半叫咗焗吞拿魚意大利粉~不過不失嘅菜式,畢竟係好簡單嘅嘢食~但呢度最出名應該係佢勁多模型~唔知係咪因為老闆屋企無位擺,所以開間店嚟放佢啲珍藏呢?下次如果要嚟,都係選午市試下佢嘅蕃茄湯粉好了~晚市嘅選擇唔太吸引,而且扒類味道亦一般~但反而佢嘅蕃茄湯同蒜蓉包好吸引~餐後甜品仲會送雪糕,味道出奇地唔錯~

哩間紅蕃茄，睇住佢開店，但一值未幫襯過，不知不覺間，原來已經開店七~八年了.入到去先知道，佢地唔係餐廳咁簡單，重係一間 showroom, 有好多 figure 模型玩具.正當我運用緊美軍E2偵探機嘅雷達，係店中搜尋女友最中意嘅小熊唯尼之際，佢已經一眼就搵到！女友小熊有種哈佛天文望遠鏡嘅超能力，可以係上億件物件中，只需要0.00001秒就可以搵出唯尼熊，萬試萬靈！menu 有不少心水，最後點咗個石鍋牛尾煲，香煎扇貝白汁天使麵.最驚訝係居然有我大愛沙冰，當然點個芒果沙冰啦！石鍋牛尾鍋，最底要求，起碼個石鍋夠熱，上枱發出咋咋聲先啦，哩點合格，牛尾亦熱到辣咀，牛尾肉嫩多汁，再加上超惹味紅酒茄汁，收貨！其實單單哩個紅酒茄汁已經可以連送兩碗大飯！香煎扇貝 size 就細咗D，白汁惹味，最難忘係望上去好似天使麵份量不足，其實絕對係錯覺，最後都食唔哂！由於我唔受得奶，所以頭一啖沙冰已經感覺奶味好重，甚至蓋過芒果味，失望！暫時嚟講，深水埗最滿意嘅西餐廳係紅蕃茄，下次小熊再嚟探小熊.

上次自己一個人無無聊聊去深水埗行下，見到呢間紅番茄餐廳，門口睇下距地嘅menu，價錢都唔貴，又多嘢配搭，所以入去試下🧐 入到去就比好多marvel嘅figure吸引住，仲有其他嘅動漫figure，鍾意動漫同marvel嘅朋友一定賞心悅目😻😻😻 晚餐好多有set餐揀，咁就揀左個牛扒餐，主餐黎之前，有包同湯，無咩特別同好多餐廳一樣，到主餐牛扒黎，我覺得食落又唔錯窩。咬到，嚼到😆唔知大家有無咁嘅問題，有d牛扒食到個口好似打仗咁，用牙嚼n咁耐都咬唔到😢所以呢間我無發現呢個問題😄 主菜完之後仲有個雪糕仔食🤩呢d就係我鍾意嘅地方，環境唔錯有嘢睇下，野食大份，咩都有d食d，性價比高😎 所有嘅以金錢同野食衡量返抵唔抵食，呢間係抵食嘅