紅茶冰室

营业中

休息中

每次見到一大班遊客排隊食紅茶，心諗「茶餐廳都要排？！」。當時仲未知點解D遊慕名而來，最近食完幾次終於明白紅茶性價比真係高，屬於高級版茶餐廳，我都食過返尋味，試過一星期食兩次🤭▫️板燒黑椒西冷牛扒 $72▫️兩塊薄牛扒，大量嘅黑椒汁，意粉又多，餐廳出手好大方。相比友人的鐵板西冷，我呢塊嘅肉質唔韌，雖然有鬆肉粉味，但味道唔錯👍🏻 意粉有少少蕃茄蓉襯托，最主要都係撈黑椒汁嚟食，所以蕃茄蓉少啲都冇所謂。平時出去食扒餐都會遇到醬汁唔夠嘅情況，但係紅茶出手闊綽，d汁多到滿瀉🤭 若要挑剔的話，黑椒汁有少少鹹。▫️蒜蓉美國西冷牛扒鐵板 $125▫️叫咗5成熟，但係上碟時已Overcooked。足足1寸厚的西冷，沒有比平價版的好味😟 肉質有點韌和鞋。不過，蒜蓉汁幾出色，好好味又唔過鹹。綜合兩款牛扒、醬汁和配菜，個人認為平價西冷嘅性價比完勝鐵板西冷。另外，之前都有幫襯紅茶嘅晚飯小炒，唔錯！P.S. 只收現金，如可以提供其他支付方式更為方便。

今日跑完步經過大圍红茶餐廳，忍唔住去食咗個普普通通嘅沙嗲牛肉麵，再配一個煎雙蛋加多士，一杯熱奶茶，沙嗲牛肉夠嫩滑，沙嗲汁好香濃，雙蛋煎到啱啱好，多士就脆卜卜，熱奶茶好有茶味，好正！🍜🍳🍞☕️，

港式茶記永遠有佢自己嘅味道同特色 咩餐都會食厭 唯獨茶記真係可以日日食 每日一款唔同嘅碟頭飯 每次諗唔到食咩就一定會茶記做comfort food 今次叫左印尼炒飯 份量就超級有誠意 成碟大過我塊面 仲要係山型 飯量巨多 簡直夠2-3個細食嘅女仔👧🏻 不過係差少少鑊氣 如果唔係真係100分 除左大件夾扺食 茶記都係食氣氛 入去食預左落單姐姐/哥哥 快狠準 一句廢話都唔會有 熱熱鬧鬧 同朋友傾計夾雜住隔離枱嘅update

紅茶我覺得炒蛋好滑、丹麥酥好香、好食、豬扒好大塊、味道恰當，奶茶好滑，凍檸茶檸檬鮮、好夠茶味常餐3 金寶豬扒湯通粉3 Top One丹麥酥3 嫩滑炒蛋2 凍檸檬茶，少冰＄3+$31 熱奶茶$56+$56+$562杯 凍飲$3+$3總共＄174

打工仔日常工作都成日食嘅香港茶餐廳📸紅茶一定係其中一間 除咗午餐晚餐 佢嘅早餐都係一樣吸引🥰$4x嘅🐟魚柳配煎蛋🥚珍寶腸 丹麥多士 熱奶茶 先講最吸引小編嘅就係丹麥多士 首先熱辣辣 再配上牛油 外表酥脆 內裏軟綿 仲可以$11單售一件丹麥多士🤣 然後魚柳係超超超大塊 比起出邊連鎖餐廳差不多價錢嘅早餐 差唔多有兩倍咁大 同樣熱辣辣 外表酥脆 魚肉厚身😋 珍寶腸中規中矩 但係都好過連鎖餐廳嘅普通腸仔 🥚預設左係火腿奄列 但你都可以改煎蛋 或者太陽蛋 小編就鍾意煎雙蛋 最後奶茶細滑

大圍紅茶有個低食午飯套餐今次我試咗南瓜蒸排骨，真係好正！首先，南瓜切塊，放喺碟上，然後將排骨醃好，放喺南瓜上面，蒸大約四十分鐘。蒸出嚟嘅排骨肉質嫩滑，南瓜吸咗肉汁，味道香甜，真係一口接一口，食到停唔到！再加埋一碗中湯，湯底清淡又鮮美，裡面有啲蔬菜同肉，飲落去好舒服，特別適合秋冬季節。南瓜蒸排骨同中湯一齊食，簡直係完美搭配，既有營養又滿足，真係好想再嚐多一次！如果你鍾意蒸菜，呢個絕對唔可以錯過！加埋個凍檸茶一流🤤🤤🤤

一講紅茶自然諗起沙嗲牛肉公仔麵，今日行經專登入去食返個早餐沙嗲牛肉公仔麵 +滑蛋丹麥包早餐價錢$42 沙嗲牛肉.. 感覺退步咗，醬料偏鹹，牛肉都唔夠滑… 炒蛋夠滑好食整體性價比可以接受，早餐價錢正常，但如果要用常餐價錢去食呢個餐就會唔抵了早晨維持到11:30，平日人流唔多，但一到中午餐廳出面總會有一條長長既排隊，質素就正常茶記質素。曾經因為佢既沙嗲牛肉公仔麵，而專登去觀塘到，而家就唔會專登排隊去食。但作為茶記質素黎講，係Ok 的

好多人話佢地態度唔好，我去食曾經某些員工態度非常惡劣，唔知係咪俾人炒咗，最近都見唔到佢。但係食咗幾次員工態度都ok食得太開心，有啲口乾加多杯紅豆冰👌出面好多紅豆冰啲紅豆係腍啤啤，又好稀😓牛角包新鮮出爐，熱辣辣，口感十足，唔會食空氣，好食過普通超市/便利店蛋好滑擺盤都吾錯，唔會散修修食咗幾次都保持咁嘅水準👍🏻

我哋一行七人其中一個小童食其他嘢都唔得要我地出門口食其實只係一間茶餐廳唔知以為佢係五星級酒店餐廳咁巴閉嘢食不過不失咪又係普通茶餐廳味道大圍咁多茶餐廳真係唔洗揀佢

今日晏晝要食飯，行吓行吓就嚟咗紅茶食返個午餐，眾所周知紅茶茶餐廳係小红書入邊極力推介嘅網紅茶餐廳，所以其實入邊都有好多國內嘅人士喺入邊食飯。真係國內人士同香港人嘅比例國內人士係佔足80%。入邊有好多唔同嘅食物，今日我揀咗常餐嚟食常餐係有一個多士，多士烘得非常好食，仲有煎蛋都唔錯，重點嚟了，豬扒公仔麵，塊豬扒勁大塊，煎得好香口好好食，仲有佢而家可以加$9 ，就飲一杯特飲，我揀咗紅豆冰，紅豆冰甜度啱啱好非常好飲。

嗌咗一個麻辣嫩雞拌麵 點知啲雞好鹹直程係黑色 鹹到苦 個員工自己食都頂唔順 話幫我哋換 點知又叫我哋轉其他嘢食 轉下午茶又唔得 又話要收返一半錢 咁咪叫佢攞返嗰個面出嚟俾我哋 點知佢員工重要掉頭話返我哋嘥嘢 語氣極差 冇下次

紅茶這間餐廳雖然保留了香港飲食文化，且食物質素確實有一定的水準。然而，今天我遇到了一個讓我感到這間餐廳缺乏人性化的事件。我看到隔壁坐了一位懷孕的女士作為獨自用餐的客人。雖然大多數的懷孕客人都不介意與陌生人共用一張桌子，但從人性化的角度來看，我覺得餐廳應該避免安排陌生人坐在對面與她共用桌子。更不幸的是，坐在她對面的第二位客人不停咳嗽，甚至還拿出藥物來服用。因此，這位懷孕客人提出了要求，希望能換到其他位置。我分享這個經歷只是為了表達對於業務經營的一些想法，這樣的情況下，少讓一位客人坐在這樣的環境裡，真的會對生意產生如此大的影響嗎？我只是想分享我個人的感受，因為在我去過的大多數餐廳，如果碰巧遇到懷孕的客人，他們通常會盡力為他們安排一個合適的座位，而不會出現這樣難以理解的情況。

入去食個早餐 唔駛半個鐘出番黎。。。首先入去一坐低就吹你落單啲野食黎到 正常食下炒蛋又食個麵食食下個碟炒蛋未食曬，差一啖個女侍應一邊問你要唔要，一邊隻手已經收走左個碟但我個叉仲準備叉緊果舊蛋🫢我即話我叉緊個喎、佢走番轉頭問「駛唔駛整過碟比你」一句唔好意思都無 仲咁串🫠點敢要啊 唔驚你加料咩當然之後當然繼續無改善地係咁收碟。。。收碟。。。趕到你坐多一秒都覺得錯咁杯野飲未飲完，只要你放低左佢就收走🫨 仲未飲曬喎費事出聲，走人🫠唉😮‍💨你話坐左好耐就話啫入去到走都唔夠半小時啊 駛唔駛急咁

大圍呢排多咗啲餐廳可供選擇，呢一間近大圍A出口嘅紅茶館, 經常人山人海。佢啲快餐、常餐、燒味都好好食。 基本上叫咩野食都保持到水準。服務OK，上菜快，速食都唔係咩問題。

除非你真的很喜歡被人鬧，否則真的不建議。餐廳上的侍應全部的態度十分惡劣，往往對每一個客人要求都感到不耐煩。食物質素也是一般，真是貼錢買難受。常餐的多士是燶的，常餐的牛肉麵也是一般。