細味館 (已結業)

尋晚星期日一家大細到細味館叫咗個雞煲，多麻少辣口味，雞隻係選用玉米雞即係食玉米的雞，肉質爽口鮮味，麻辣花椒八角香葉燉煮，極之地道可口，辛麻咸甜剛剛好。用電子煲上桌，煲身夠高唔會滾瀉。再加配菜䈑筍、薯粉、肥牛、白蘿蔔，食到飽飽滿足。小朋友唔食得辣，想食意粉。店主就煮咗個肉醬意粉比小朋友食，中西合璧店主都煮得一手好菜。肉醬意粉個餐牌無架，想食咩就同店主講啦！店主愛好鑽研廚藝，下次試埋個招牌燘豬手，有得揀辣同唔辣。

🌶自製香辣XO醬炒海參撈飯 $78即叫即炒，保證熱辣辣送到枱面。海參爽口唔霉。自家製XO醬好惹味又唔會好辣，裏面仲有瑤柱同肉碎。萵筍炒得啱啱好，又夠入味👍🏻👍🏻 午餐仲會包湯或紙包飲品。疫情關係店舖用緊即棄餐具，建議大家去嘅話就自備餐具啦♻️

麻辣雞煲，我就食得多啦~ 麻辣鮮豬手煲，我又真係未食過。今次去咗觀塘的細味館試吓麻辣豬手煲，搞搞新意思。瓦煲上枱，焗咗一陣，我哋等時間一夠就打開，新鮮熱辣辣，仲有滋滋聲。不過有一兩舊仲有少少硬，焗耐少少就好，但其餘啲豬手燜得入味，而且夠辣，花椒的麻味剛剛好。配菜有花生、蓮藕、西蘭花。我哋一路傾計，啲豬手更加稔、更加入味，有電煲保溫就唔驚豬手煲會凍。我哋仲叫咗麻辣豬耳、麻辣牛展。麻辣豬耳爽脆、彈牙，調味都有正宗四川味，我鄉下係四川，當然食得出。仲有青瓜中和返，清爽。另外，牛展幾淋，又唔會韌，加埋淋喺面的麻辣醬，啱哂我呢啲鍾意食辣嘅人。呢間開在觀塘，自然多做外賣，有健康主食，又有靚湯。午餐叫外賣都可以好健康，好有住家飯盒feel。麻辣鮮豬手煲或者南乳鮮豬手煲都要早一日預訂。

📍細味館位於觀塘某一座嘅工業大廈🙆🏻‍♀️ 餐廳主打熱辣辣嘅煲、火鍋配料等等🤩今次咁岩經過就順便買咗一個煲返屋企試🤪-南乳鮮豬手煲 $198呢一個煲有分半份同埋全份～我呢個價錢係半份嘅份量🙈4個人當餸食 覺得份量啱啱好🤪 豬手煲入邊有一啲茄汁豆🤩 食落去鹹鹹地 豬手食落煙韌 有咬口 而且都幾入味👍🏻不過南乳味我覺得配花生都係一個唔錯嘅選擇😛佢哋除咗有豬手煲之外仲有雞煲等等...有興趣可以去睇下店舖資訊👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ☆ ☆

觀塘多隱世美食就係人都知啦~今次比我發現呢間川菜餐廳-細味館✨餐廳裝修簡約家居風，令人舒服除川菜選擇， 日有足料靚湯同健康之選 適合唔同口味嘅人🌠水煮牛要早一日預訂，果然冇令我失望😆廚師先爆香過啲醬料，再落高湯~而水煮牛撒上少許辣椒粉同香蒜，見到廚師嘅心思！食落嘅水煮牛比平時個啲辣味更有層次！牛肉薄而鮮香嫩滑、香味醇厚，呢碗水煮牛有齊川菜的“麻、辣、燙”的精髓❗除咗水煮牛，仲有雞煲同打邊爐，真係多元化~即將農歷新年，呢間餐廳仲有麻辣盤菜都幾吸引同特別😜

.👣細味館觀塘成業街19-21號成業工業大廈1樓26室🔸重慶麻辣雞煲 ($178 半隻雞)🍲一上煲已經流哂口水等開餐，用瓦煲熱住，愈煲愈出味！今次試左小辣，辣椒、洋蔥、蒜、薑、花椒等一齊炒，超惹味而且愈食愈辣，略厭差左少少麻的感覺，半隻雞的份量二人食剛剛好，仲加左豆斗、芫茜，吸哂雞油同配料既味道，愈食愈過癮！🤩🤩🤩🤩🤩🤩.🔸火鍋配料推介😎食完雞煲當然唔少得再加湯打邊爐，一次過滿足兩個願望！.👉雜丸拼盤 ($48)雜錦包括牛丸、豬肉丸、深海魚丸、墨魚丸，全部都係手打製作，每一款的味道都好突出！小編最鐘意食牛丸，堅爆汁！！（📣爭咩呀，溝埋做瀨尿牛丸呀笨！）.👉必食魚腐 ($38)魚腐的口感同一般火鍋店食到既好唔同，軟稔稔仲索埋D湯底，變成湯包魚腐，一咬爆汁😋😋😋😋😋！💁‍♀環境好有家庭式既感覺，唔似一般食雞煲既餐廳坐得咁逼，大家有興趣食記住打電話預約先，確保一定有得食！食物好味道：6/10環境舒適度：8/10整體值回頭率：6.5/10

觀塘工廠區除左多人返工之外工廠大廈入面也有許多美食💕.今次由朋友帶路 👩🏻‍🤝‍👩🏼去到成業工業大廈的細味館餐廳中午主打健康小菜+養生湯套餐而晚市更會提供雞煲、豬手煲🤤.🐥 重慶麻辣雞煲 (半隻) $178雖然只是點了半隻雞但份量其實都幾足👍🏻 而且雞肉好嫰滑原先點的小辣 覺得唔夠過癮就再加辣雞煲還是要辣才夠過癮🤪.食完雞煲就可以加湯打邊爐🤟🏻火鍋料的選擇不算太多就點了些基本的牛肉、丸、菜😝.▹必食魚腐 $38因為menu 上寫著必食魚腐所以我們都點了一份😝咬下去是綿綿的～就好似雲朵般☁️.▹雜丸拼盆 $48因為一份有12粒 而店家有4款丸所以我們每一款各點了3款比較推薦牛肉丸 & 豬肉丸😋.▹響玲 $28每次打邊爐都喜歡點一份響玲浸一浸響玲就已經可以吸收晒雞煲的精華真係好邪惡😈.▹安格斯牛頸脊 $108唯一有點失望是牛頸脊的牛味不夠濃和想像中的有點落差🙈.▹萵筍 $28食了這麼多肉 當然要叫點菜來平均一下😆萵筍食起來清脆爽口(๑˃̵ᴗ˂̵)

响工廈林立既觀塘返工既好處就係可以Lunch有好多外賣選擇，放工又可以响工廈入面覓食🤪今次就試左呢間响成業工業大廈既細味館🌶🌶麻辣金皮蛋 ($38)金皮蛋街外比較少見，食起黎蛋白既口感爽口，中間既蛋黃亦都好溏心😌上碟時有粒粒青瓜，加埋有唔同辣椒調製而成既麻辣汁，十分惹味，帶點微辣同鹹香🌶涼伴麻辣黑白雲耳 ($28)呢個涼菜既麻辣汁同皮蛋既差唔多，又帶點酸醋味，黑白雲耳口感無咩分別，都好爽口，份量亦都唔少，好開胃😃🌶 臘肉炒紹粉粑粑 ($88)呢個地道菜式係店家推薦我試下，我無响其他餐廳見過，係四川既家常菜😀紹粉粑粑係紅薯粉既口感但切成塊狀，煙煙靭靭，同鹹香既臘肉炒埋一齊雖然偏油，但味道好香口👍🏻都係一個好嘗試😌餐廳仲有雞煲供應，不過今次食唔哂咁多菜式，下次可以去試埋🤩

上次行開去觀塘見到啲工廈就想上樓搵下有咩小店可以試一試😆隨意遊蕩之中就見到呢家細味館睇佢menu見到有麻辣雞煲🌶🐔心就想決定試一試 始終比較少食所以有啲興趣🧡不過因為想同屋企既媽媽分享所以就外賣買咗返去😆最後仲買多咗份豬耳🐷！買完之後就返去同媽媽開餐😆❤！－🌶麻辣雞煲(半隻)＄178:首先認真，真係幾辣架🌶🔥🔥食到尾條脷都辣到痺哂😂😂！佢啲辣椒油主要集中係底層，所以食到落去真心超辣🤣🤣！媽媽叻啲，我去到一半就開始投降🤣～講返整體，因為我唔係堂食所以當然無用煲仔上菜，我覺得的確係差少少無咁有風味，不過味道上我覺得係唔錯既🐔！用辣椒，蒜，洋蔥同蔥爆炒到成份野好香好惹味🤩，啲雞件數量算多，好足份量～雞既肉質都嫩滑，食到唔會覺得係冰鮮雞死死實實咁🐔❤～幾ok！(我最後悔係無堂食，如果有應該仲正啲🤭🤭)－🌶麻辣豬耳＄38:我自己其實就更加鐘意呢份豬耳🐷😝❤！先又講返個辣度，其實都係咁辣🌶，差在呢份係小食所以我唔會特別用黎送飯食，唔塗汁就感覺無咁辣咁解🤣🤣～豬耳口感好爽脆，佢加咗啲花生碎，芝麻，蒜同青瓜絲咁入去炒，令到份豬耳既整體味道豐富咗，層次感多咗，比起某某連鎖米線店既豬耳更好食🤣！咬下一條咬

今日幫趁呢間新開張工廈餐廳，試吓佢個靚湯+健康主食套餐。打開個外賣盒即刻嘩一聲從未見過外賣飯盒擺到咁靚仔直頭有家的感覺，感受到廚師對出品嘅誠意三色菜有super food秋葵，粟米同紅菜頭，烤雞翼香口入味，紅菜頭飯旁邊有個肉醬，食落去似有啲菇粒，拌飯食爽口又唔太咸，比起平時食飯盒嗰大大pat醬汁，呢個真係清爽又健康好多。飲埋個足料靚湯清潤吓，今餐美味又有營養餐廳格局乾淨企理，晚市有麻辣雞煲，下次會試吓晚市堂食

-🔸韓式燉排骨年糕配糙米飯 $58🔸非洲海底椰南北杏蘋果雪梨燉豬腱湯 +$30-今日lunch聽同事介紹就一齊叫呢間外賣飯盒，價錢唔算太貴但主打健康住家風味，仲可以加$30飲私家靚湯𠻹！每個星期都會出新嘅餐單，每一日都有唔同嘅菜式揀返，啱晒想日日有新意嘅為食貓。今日就揀咗韓式少少嘅燉排骨，醬料真係似足韓菜嘅味道，少少辣送飯一流。排骨份量都幾多而且大舊，仲有口感煙韌嘅年糕，同埋白飯係混合咗糙米健康得多。跟飯加$30有住家靚湯飲，湯入面附上好大塊煲到好淋嘅蘋果同雪梨，非常足料好味，同埋呢個湯啱晒近排開始轉涼，可以滋潤吓呢！

觀塘真的好多野食，特別係工業大廈裡面。今日又去搵食，見到呢間 #細味館 有健康飯同靚湯飲，即時試下先😊#健康主食 同 #靚湯 天天不同，每款主食送飲品或加錢有靚湯，我很喜歡飲湯所以加配咗。是日限定有：#石斛原色淮山靈芝黃芪煲雞湯：有健脾補腎作用，無味精飲落清甜，有家的感覺🥰#香煎雞扒伴日式青芥胡麻醬藜麥飯：藜麥飯🍚食落脆脆地幾特別，仲有很香藜麥味。加上嫩口雞扒同特製胡麻醬，配搭幾好。整體味道唔錯，仲有健康食物選擇，好啱注意健康的朋友👍

好鍾意到觀塘啲工廈尋下寶，今次推介一間家庭式小店，食咗個雞煲好高質！。佢哋午市通常都好多人，因為會係做健康主食同湯品，吸引到好多附近嘅上班族～而晚市就係主打川菜，我今次兩個人叫咗半隻麻辣雞煲再加咗小小丸類，我揀咗最小辣，佢隻麻辣係好正宗，有蒜頭、紅蔥頭同洋蔥等等，唔會死辣，而雞肉做到好多時出面雞煲做唔到嘅滑度，絕對推介！而丸類都幾特別，十二粒有牛丸，豬肉丸，深海魚丸同墨魚丸，感覺上同一般市面牌子唔同，佢哋都好彈牙同肉味魚味濃郁，唔知係咪佢地自製呢？同埋有免費冰茶飲，唔一定要叫飲品，好貼心！。最後兩個人都係食咗$200鬆啲，真係CP值一流！下次想去試下佢地午市嘅健康主食同湯水～

今日同朋友一齊去咗觀塘工業區要上樓嘅一間川菜餐廳晚飯-環境有家嘅感覺，寧靜舒服，店員亦都有禮貌。-食物方面🍴-🥒🥒手蒜香手拍青瓜 （$18） 青瓜本身清甜爽脆，用來做涼拌菜真係冇得頂，加上佢地特調的酸辣醬汁，酸酸辣，辣十分開胃-水煮牛肉(需預訂) （$158）佢係一個傳統嘅四川菜菜式，味道麻辣濃郁，牛肉不錯 肉質滑嫩，入邊仲有芽菜小白菜同埋豆腐等配料，啲配料充分吸收左呢個麻辣湯底嘅精華，非常香口！-酸辣土豆絲 （$58）呢一疊藥房但係而家佢非常之香，師傅炒得絲絲分明，唔會黐埋一舊，味道都係酸甜辣🤭 但係對於我唔係食得好辣嘅人來講，都OK，超推介！-細味館地址: 觀塘成業街19-21號成業工業大廈1樓26室

/ /好耐冇食過川菜啦！！😍今日去開觀塘見到呢間，又幾吸引！試咗兩款外賣自取番去做晚餐🧡水煮牛肉牛肉好嫩口，果然係我最愛嘅菜式今次揀咗少辣，食落都唔算太辣！食得辣嘅我覺得可以試辣啲入面仲有好多娃娃菜，不過吸哂啲辣油😛用嚟撈飯/薯粉真係一流呀！💛麻辣金皮蛋呢個又幾抵食，仲有特別嘅豆瓣味食落好香麻辣，又多蒜😍皮蛋都算新鮮！食落好入味我都等咗20-30分鐘左右先有得拎個外賣🙈記得提早一日whatsapp預訂！因為水煮牛肉唔係日日都有咖！