維港冰室

营业中

休息中

試過沙嗲肉片炒河粉，原本係炒牛肉，職員幫我轉咗肉片，一個人食唔晒打包攞走。外賣了福建炒飯非常大盒，上邊好多乾瑤柱，好好吃。今次試常餐，質量都非常好，可惜冬陰功湯只有肥牛，所以叫咗B餐，羅宋湯有香葉非常濃味。

没进去吃过，只是买过面包。面包选项不算很多，不过感觉都是很新鲜出炉的，门口选了就可以付款拿走，站在外面就能闻到香味。面包还可以，有香味，买面包可以试试，是现烤的。目前没有进去坐着吃过，找机会坐下吃了再续评。

以往每個周末都會和家人在此茶記用餐，食物不過不失。然而今日經歷令我徹底失望，在結帳時，收銀員的態度非常懶散，對顧客視若無睹，她與另一位員工高談闊論，毫無對顧客的敬意和關注 。當我要求索取收據時，她的態度甚為粗魯，把收據大聲拍在桌上，這樣的行為令我感到非常不尊重。打開門做生意，結帳果下卻遭到粗魯對待 ，莫怪香港人都寧願北上消費 。收銀員態度對餐廳把關甚為重要，餐廳實在很需要正視問題，對呢位員工進行必要的開除，以改善顧客服務 。銅鑼灣大把餐廳選擇，以後不會再光顧。

經過舖頭見新鮮出爐，就決定買兩個包試試，拎出嚟見佢咁難攞就問不如由兩個紙袋轉做一個膠袋裝曬，佢話唔得，要額外俾一蚊奉勸各位唔想咁樣樣用紙袋裝個裝麵包又冇手拎得曬的話，一係自備膠袋一係俾錢 最後，店員態度真的有待改善

今日我與母親前往**銅鑼灣維港冰室**，點了一份銀芽肉絲炒麵，根據餐牌上的下午茶套餐標示，價格應為 $56，並且包含飲品。然而，看看單據時，卻發現該道菜被收取了正價 $72。我隨即指出餐牌上的價格差異，並向侍應解釋我們所點的是下午茶套餐。對方僅堅決回應：「已經入咗單啦，入咗單啦。」並拒絕修改賬單。即使我再三解釋，對方仍堅持不作更改，態度堅決，彷彿這筆差額理所當然。更令人費解的是，隔鄰桌的客人同樣點了肉絲炒麵，明顯與我們的份量無異，唯一的差別僅在於器皿的大小不同而已。我們點的是下午茶套餐，包含飲品，而對方則是正價餐牌，不僅價格較高，還不包括任何飲品。兩者的實際份量幾乎一致，擺在眼前的對比讓這筆 $16 的差額更加顯得莫名其妙。所謂的「正價」與「套餐」，似乎只是換個盤子、少杯飲料，就能製造出價值上的錯覺。更令我感到無奈的是，這 $16 的差額，可能就讓這家店失去了我這個長期客人。如果他們覺得這樣的收費方式是值得的，那我也無話可說，只能選擇離開。最終，我們選擇不再爭辯。或許這 $16 就是付出的「過路費」，正如海王星的詐騙，真真假假，搶得就搶。

尋日本身諗住行完工展會就去食啲嘢 諗住掃完一大輪嘢 諗住平平哋搵啲嘢食啦 就諗住揀一間茶餐廳 行行吓就揀咗呢一間 諗住睇吓有冇啲宵夜餐食吓 咁呢間冇嘅 但係佢平時嗰啲散叫 價錢出邊差唔多 但係嘢食一落到枱 就估唔到咁鬼大份 我女朋友食完之後 都仲有成個飯盒嘅份量可以帶返去下一日返工食 味道就因人而異啦 我就覺得正常可以的 佢出差速度都好快 可以講話落完之後唔夠幾分鐘就已經可以出到啲嘢食 服務態度同速度都可以 建議如果有宵夜時段就更加正啦

今日自己一個食午餐，入到去侍應好快就安排咗搭枱。之後我再望吓餐廳，入邊有四張卡位四人枱全空。之後我一邊食，一邊再留意吓，發覺佢哋不斷叫人搭枱。凍檸茶嚟嘅時候，阿姐問我你係7–11 A定係7–11號B。我問返佢係咪應該我問你呢？佢叫我自己睇吓張單上面有寫。黑椒焗牛脷飯。成盒飯剩係得兩塊細嘅牛脷。準備離開嘅時候，幫我企起身着外套，都未著完，阿姐已經大叫，一位呢邊啦。下一個客已經企響我面前。問佢攞紙巾，答我依家冇啦，兩蚊啦。成件事每樣嘢分開睇好小事，但係所有嘢發生響同一個餐廳就有問題。

經過好多次，終於有機會試。下午兩點多到人頭湧湧要排隊。我們三人叫了下午茶餐。咖喱牛腩飯，咖喱汁好香好正，牛腩唔夠腍身，同埋唔熱。肉絲炒麵好正，啲麵炸到卜卜脆😋 另外嗌咗個蛋撻餐，蛋撻熱辣辣，不過就冇乜蛋味。另外加多個菠蘿油，黐線的大😂 員工態度好好及友善👍🏻

黎到銅鑼灣呢邊行完之後就係搵野食, dinner time. 銅鑼灣都係多選擇既不過今次就想試下茶記,行下行下見到呢間, 地方又唔算太迫所以入左黎試下.本來想叫常餐不過見到有晚餐咁就試下啦環境算OK, 有卡位坐就更加舒服既.最後點了 薯仔牛柳粒同埋沙嗲肥牛粉絲煲.薯仔牛柳粒(OK)薯仔食落口都唔會太硬算軟身, 幾好味既. 牛柳粒食落口係比較林身, 有口感, 呢個整體黎講算整得OK既.沙嗲肥牛粉絲煲(OK)正常味道, 肥牛口感OK, 雖然話見牛又唔會真係肥得誇張.另外都有三色椒, 鍾意食既應該會覺得呢個係岩食.整體份量都算係OK既.>>>總結<<<如果無特別既目標想食既, 又唔介意茶記, 呢間可以試下.

和朋友夜晚10:15入來，大家食完晚飯之後，好想飲杯奶茶。當時只有三成客，大把吉枱。杯奶茶嚟咗10分鐘之後，一個類似女主管行嚟我哋側邊，望吓我哋。然後問我哋使唔使點啲嘢食，我哋禮貌同佢講唔使啦唔該。再過咗10分鐘，呢個女主管又行埋嚟，今次明示我哋，淨係飲兩杯奶茶唔夠喎，要點嘢食。我哋望吓個餐牌，冇寫需要最低消費，於是同佢講需要最低消費嗎？佢話唔冇，不過最好點啲嘢食啦。我哋見到咁，快快脆脆飲埋杯奶茶就走啦，可能我哋阻住佢班夥計收工掛。今時今日咁嘅服務態度，唔好怪人點解要上深圳呀。

香港人最鐘意去茶餐廳食野，因為快靚正又夠飽👍🏻不過依家好食嘅茶餐廳買少見少，冰室好多都貴得黎又唔好食🥲今日經開銅鑼灣，就過嚟試吓呢間冰室，估唔到呢度都有小菜食😍🥢招牌酸菜魚媽媽至愛，魚片好滑身，呢款招牌小菜好多配料，除咗酸菜，仲有萵筍，木耳，菇類etc 酸辣到啱啱好，送飯真係冇得輸😋👍🏻🥢招牌黑椒牛柳牛柳肉質夠腍，肉味都濃，黑椒汁好香口好夾～仲有個大焗薯配西蘭花同埋蘿蔔，非常滿足😋👍🏻🥢蛋撻&麵包港式麵包，叫左兩個蛋撻，雖然不熱但酥皮很酥脆，餡心富蛋香😆小朋友好鍾意食奶黃墨西哥包, 仲有香港特色嘅鮮奶雞尾包🥖🥐🥯🍹雪糕紅豆冰餐飲方面，叫左杯雪糕紅豆冰，只需加$12。唔止大杯，仲加左好多又甜又軟綿綿嘅紅豆🫘

見佢有個kiosk係賣麵包，蛋撻… 咁就入去試下.叫左菠蘿油，蛋撻，奶茶.菠蘿油，蛋撻，兩樣都係涷… 係涷，連暖都無！咁叫做新鮮出爐咩？！同侍應反應，話希望可以有熱嘅麵包，個位專負責麵包櫃位，帶鄉音式廣東話侍應同我講：「菠蘿油從來都係涷食，個包係唔會熱，熱左就切唔開放牛油」. 呢個回覆令我思想衝擊，完全反轉一直以黎菠蘿油冰火交融嘅賣點！其實成間舖嘅侍應都係鄉音式廣東話，我以為自己北上左，咁我諗佢地其實係唔認識香港食物，對‘新鮮出爐’ 有另一番獨特見解. 蛋撻，我再三要求整返熱佢，佢就話「無得整熱架，換另一份俾你」，新一份係暖嘅.最後附上完整菠蘿油相，成份無食過就埋單.P.S 見到附近嘅食物都係大大碟，堆到山咁高，個飽有咁漲得咁漲… 成個營運模式好似北上咁，不了！

上次食過灣仔嘅維港冰室，覺得啲食物好味，今次行經銅鑼灣，都去咗銅鑼灣嘅維港冰室食晚飯。你家維港冰室好大間，有卡位，坐得都幾舒服！公司三文治 我囡好鍾意食三文治，佢揀咗公司三文治，上碟時，我哋都好驚訝，佢嘅擺盤都幾靚，食落去仲熱熱地，舊午餐肉係熱嘅，感覺完全唔漏，配埋蛋同埋蕃茄食，好開胃，好味👍豉汁蒸䱽魚 好耐冇食魚，就叫咗碟豉汁蒸䱽魚，估唔到佢嘅蒸魚掌握得咁好，條魚蒸到好滑，啲魚肉好正，有鼓汁味，又唔鹹，完全食到魚嘅鮮味！維港小炒皇 呢碟維港小炒王超級惹味，聞落好香，原來佢用咗韭菜、魷魚、蝦乾、鮮蝦、腰果等材料，再用XO醬去炒，所以非常惹味，送飯最岩！雪糕紅豆冰 呢兩杯特飲賣相好靚，杯雪糕紅豆冰有好多嘅紅豆，好足料，雪糕都好好味，我囡超鍾意！柑桔梳打柑桔梳打用咗少少鹹柑桔，鹹鹹地甜甜地，幾好飲👍呢間維港冰室，食物質素好好，我哋都好鍾意食👍📍維港冰室（銅鑼灣）地址：銅鑼灣謝斐道483-499號新城大廈地舖#銅鑼灣美食 #銅鑼灣冰室 #維港冰室 #冰室推介 #美食推介 #抵食美味

今日同媽咪喺銅鑼灣行街，見到依間維港冰室超好生意，又有好多唔同種類嘅小菜同套餐，一於入去食個靚lunch先😍佢嘅小菜套餐包例湯同白飯，例湯仲可以揀中湯或者紅湯白湯，真係任君選擇，中湯係木瓜煲合掌瓜，飲落好鮮甜滋潤，飲得出係冇加味精真材實料嘅住家湯😋去骨水門海南雞半隻 $129雞肉嫩滑，而且去咗骨，食起嚟好方便，份量好足夠。中式牛柳 $91啲牛柳切得啱啱好，肉質鮮嫩多汁，咬落去好有口感，調味亦都恰到好處。維港小炒王 $99入面有好多唔同嘅材料，鮮蝦、魷魚、花生、銀魚仔等等，配韮菜炒得好香，好有鑊氣。冰室黑牛 $15經典懷舊特色朱古力雪糕配可樂套餐只係加呢個價錢真係抵到爛，味道仲唔錯添。椰果紅豆冰 $15清甜嘅紅豆加上 Q 彈嘅椰果，飲落去涼浸浸，消暑一流。呢度環境舒適，裝修仲好新潮好有特色，服務員好殷勤態度又好，真心推薦大家嚟呢度食嘢，性價比超高，唔會令你失望！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@victoryacafe維港冰室銅鑼灣謝斐道483-499號新城大廈地舖📍銅鑼灣港鐵站C出口2分鐘路程#healingbobo #foodie #

上次去完灣仔維港之後，記得佢有小菜。今次特登去銅鑼灣呢間食佢嘅小炒，估唔到有小驚喜喎今次都係被安排坐卡位，然後繼續聽住我個年代嘅MK歌😂真係首首都識唱唔係講笑！今次嗌咗三個餸，三個都唔錯，首先講吓個鹹魚煎肉餅先，平時食蒸肉餅就食得多，第一次試煎肉餅，我覺得幾好食喎，好鬆化，而且鹹魚好香，成件事好送飯， 一塊就已經半碗飯，一份有成8塊😂😂跟住嗌咗個咕嚕肉，真係啖啖肉，係由細食到大嘅味道，菠蘿青椒洋蔥，都係有炒過嘅，我哋擺咗一陣先食，都仲係脆卜卜，值得一讚。🫶🏻🫶🏻跟住仲嗌咗一個蝦醬通菜豬頸肉煲，份量都幾大兜，通菜爽脆，豬頸肉入味。🤟🏻呢個又係可以食半碗飯嘅餸。我哋二個女仔去食完仲可以pack埋第二日Lunch Box😂整體嚟講，中菜嘅水準都OK， 80至$90一個小菜，有湯有飯有嘢飲，如果喺銅鑼灣嚟講，真係唔錯嘅選擇。