羅麥記 (奧海城2期) (已結業)

最近試了晚飯小菜，其中一味是【羅麥記小炒皇】， 韭菜好硬，大部份食晤到；蝦係雪蝦，大小適中，但完全冇味；蝦乾份量合理，但好鹹，感覺冇浸過。以$88來說，應該有其他更好選擇。

尋晚喺青衣城行街 諗住搵間食dinner 見到呢間 裝修幾特別 但一入去發現原來中陷阱2人套餐成$221 又唔抵食食物質素比不上價錢又冇鍋氣 又唔夠熱叫咗2個小菜 -黑椒牛柳冇黑椒味 牛柳又扁pat pat 梅嘅-豬扒 7成都係骨 又冇味 又硬-小食 2個雞翼又難食 有汁 冇味鹵牛肉雲吞 難食 服務態度非常差 冇心做不如辭職呼呼喝喝⋯⋯見隔離枱食扒一對仔女都食不完

之前我覺得羅麥記都幾好食，尤其佢嘅焗豬扒飯。但自從五月之後，好似轉左個廚師咁，焗咖喱又好焗豬扒飯都好都好唔掂☹️以前起碼有蕃茄，洋蔥。而家淨係有啲散收收嘅豬扒。

大年初一去咗羅麥記！沙嗲牛麵餐：不過不失！麵不糊口、奶茶有茶香、但入口無乜茶味！至於魚片頭湯河餐：我第一次食帶甜嘅魚片頭！（Sorry不合我個人口味！）食後也不口渴！一讚！記得一提：新年期間要加一呀！

今日又嚟到奧海城羅麥記食晏，叫咗個羅麥雞翼撈丁，估唔到會咁差好鹹同好甜mix埋每食一啖都要飲啖嘢溝啖吓。上次嚟叫咗個避風塘炒河，勁重味精之餘又無撈暈，感覺上落完調味料就即刻上碟自問一向食得比較重口味，但都確係頂唔住個撈丁～ 最慘嘅係浪費quota之餘，個口苦咗一日

重口味🙊先來例湯，一入口好濃好咸。羅麥雞翅應是招牌菜，味道像瑞士雞翅，算正常。椒鹽豬扒，色香味全不對版，食剩半碟。XO醬西蘭花炒鯛魚片，魚無魚味，只是叫有碟菜餸飯。老公經常係附近做野，常常過來食午餐，他話午餐幾好食的，但今日放工坐地鐵到奧海城同他會合一起食晚餐，試完嚇怕我了。

星期五係奧海城兜左個圈，醒起好耐都冇食羅麥記，又想食下中式茶餐廳就去食。呢個鍾數餐廳唔算多人，可能因為比較樓上。用手機落單好方便。三個人食左兩個飯一個小食。首先講既係蝦多士，炸到卜卜脆，蝦膠彈牙，最鍾意個醬，係manyonise source 再配上酸青辣椒，酸酸地好好味。2.蝦多士已經係最好食，呢個芝士焗飯當年好hit，今日特登叫左個一齊開心share可惜除左份量夠晒大之外，其他方面好普通，無量係個芝士，海鮮，同個包仲有裡面既飯，成碟野好唔夾，但絕對飽肚。3.呢碟羅麥就河粉印象中唔錯，但今日呢碟好鹹，牛肉處理得幾好，但個汁真係出晒事⋯

今晚同太太兩個人叫咗兩個晚市套餐，一個係西芹腰果炒雞柳，另一個係茄子魚柳煲，諗住兩個都係大路嘢，點知上咗架直升機….伏伏伏第一個餸西芹腰果雞柳，將啲唔新鮮嘅下欄雞柳炒埋一碟，食落只係有霉味同油膩；另一個餸，只係將一啲勁鹹嘅現成醬汁倒落去啲厚粉炸魚度…雖然平均70零蚊一個餐，好肯定七成以上俾咗租金(奧海城呢個舖位開親餐廳都做唔長)，食物質素差過類近價錢嘅美心/大家樂。入座果陣見好多枱食剩兼冇人執枱，背景仲要播啲90年代大陸disco歌，彷彿唔洗通關都可以享受返咗大陸港式茶記入面「蹦滴」嘅體驗。唯一加分位係餐廳有卡位同近商場廁所。總結中伏指數：9/10(10分滿分)

下午準備帶阿仔去玩具反斗城放電,  路經羅麥記又見到冇咩人排隊, 於是就一家三口入去食過午餐先。 叫左個雞絲米俾阿仔食, 老婆就點左個肥牛炒烏冬, 我自己就點左個魚旦粉。上餐速度還算可以, 15分鐘就上齊餐。不過非常奇怪係我問WAITER 要醋, 居然回答我沒有醋。作為提供湯粉面既餐廳係完全不能接受。ANYWAY 魚旦粉還算可以, 起馬叫唔難食, 但同傳統粉面餐廳仍有好大既距離。偷食左老婆幾啾炒烏冬, 略嫌太多酒, 當然亦理解炒烏冬係肯定多油既。 3個人食左182蚊, 平均每人62蚊, 作為係奧海城既餐廳又坐得舒服黎講, 都尚算係唔錯既選擇。

再來食個羅麥記茶餐，下午5pm 冇咩人，坐得好舒服。茶餐都有好多款，邪惡厚切午餐肉麵，但我叫左蕃茄豬扒通粉，配炒蛋多士。香濃蕃茄湯，豬扒有點韌，但炒蛋夠滑，多士太多牛油放棄左。

我好鍾意去茶餐廳食早餐，羅麥記係我返工早餐最愛選擇。豬扒通粉湯底濃郁，豬扒又夠大塊，啖啖肉！炒滑蛋亦都非常之滑，配麵包食勁好味！呢間鋪仲要好多卡位，坐得好舒服。

港式茶餐廳，新式夠哂企理，裝修好有港式味道，坐得好舒適，早餐唔多人，食完可以坐一陣吹下水先走人，唔需要急住咁走。咁就試一試味道啦!食早餐都會叫沙爹牛肉公仔麵＋腸仔煎蛋配餐飽熱奶茶茶味唔夠香濃，唔夠滑口腸仔煎蛋配餐飽就不過不失沙爹牛肉公仔麵煮得岩岩好，唔會太淋或太硬，沙嗲唔係一pat醬 ，不過味道就普普通通，牛肉食落軟淋係湯底就稍為鹹左少少整體係好普通茶餐廳水平。唔係咁特別，價錢比普通茶餐廳稍為貴左少少。

咁就一年，依然戴住口罩，依然喺大角嘴揾食，今日落雨避左入奧海城，吾係太想食老麥既情況之下，俾多次機會《羅麥記》，再試下佢既午餐。年幾前食左個凍既早餐，其實附近都好多嘢食就較少返黎幫襯。今日見佢推個午餐選擇都幾多，就叫左「焗住食」- 即係《焗豬扒飯》頂肚。大家理想既焗豬扒飯有咩條件？我既見解係《焗豬》一定熱上，塊扒一定要大大件最好會跟蛋漿焗，最好就用湯匙都切到，多層芝士，炒飯底。大快樂心心快餐店做到既野應該係基本盤。今日試呢碟《焗住食》完全符合以上條件，豬扒足手掌長，未算特別厚切，但的確連蛋漿掃面焗，芝士多到可以拉絲打咭，食到菇亦有蕃茄粒，但個紅汁有頗濃喼汁味，份量剛好完全完全覆蓋飯面，炒飯底。咬落塊豬扒有蛋香亦有芝士微焦既味道，塊扒切落都要用少少力，未致於快餐店「嗱」到𣺉曬既地步。成個飯睇得到食得到有個質素喺度，呢點要讚。入《羅麥記》，杯奶茶可能係最緊要，今次焗飯又得，奶茶亦保持水準，六十蚊喺大商場。滿意！總結 - 可以收貨！

成日聽呢間，今次終於嚟咗食，佢俾我感覺就係高級啲乾淨啲靚啲嘅茶餐廳。今次lunch叫咗幾樣嘢食同朋友share，咁就可以食多幾款～乾炒牛河好食，好夠味，但油咗啲，牛肉片又腍又入味。星洲炒米炒得都夠鑊氣，調味剛好瑞士雞翼撈通粉瑞士汁好濃，雞翼都算滑，但撈通粉就有啲怪。如果係撈麵撈丁會開心啲，但原來轉撈丁要加$10，貴咗啲。仲跟埋個炒蛋多士，少蛋好滑，好食。椒鹽豬扒飯油咗啲，但幾好食嘅，整體都唔錯。呢到價錢尚可接受，都會再幫襯。

係呢頭咁耐都未幫襯過。Weekend都有全日制常餐，定價唔平。炒蛋OK，但塊多士就麻麻蕃茄濃湯豬扒通粉個湯底一D都唔濃😅，豬扒好細塊，但肉質係OK既。總括嚟講一般，應該唔會再試。