羅麥記 (V City) (已結業)

好難得入屯門，周圍行下搵野食，見到佢個磚頭焗豬扒飯就俾佢吸引左了！星期六的下午都不用等位，正！個飯ok...大家樂的焗豬放入面包到，個面包配住d茄汁食內軟外脆，正！個撈丁就D面好淋，豬頸肉ok...但果兩杯野就唔會再飲！飲水好過！

今時今日懷舊裝修同食物已經唔算咩賣點，同類食肆已經有唔少。一定要食物質素，選擇同價錢都合理，先至有吸引力。 羅麥記裝修不俗，墊枱張康樂棋紙真係後生啲都可能唔知係乜。 衞生同環境就冇“懷舊”，尚算乾淨唔太迫。 食物款式有特色得嚟都幾好食。磚頭焗豬扒飯，豬扒鬆軟，茄汁味道不俗，個麵包先係靈魂，索晒汁，食落香軟，好食過啲飯！ 羅麥汁雞翼撈麵，個汁冇正宗瑞士汁咁香濃，不過用嚟撈麵味道就啱啱好，太濃嘅話就會好鹹。雖然個撈麵食落略嫌黏口。美祿甜麵包，其實只不過係奶醬多加美祿粉，略為調節賣相就好似甜品仲可以賣貴啲，真“聰明”。 紅豆冰奶茶，整體上一般茶記貨色，不過有兩粒内有紅豆嘅冰就幾得意，雖然其實整體味道同口感似乎冇因為呢兩粒冰改變… 喺今時今日當唔少食肆嘅食物悶到爆或者得個樣嘅時候，羅麥記總算取得個不俗嘅平衡。希望可以保持水準吧!

嫲嫲帶我去拜年，之後同我行街街，我介紹嫲嫲食很巨型的磚頭焗豬扒飯。我們兩個人只叫這個焗豬扒飯已經足夠，因為有飯亦有麵包，適合少食飯的嫲嫲及多食焗飯的我。蕃茄汁不會過份酸，豬扒好腍而且有蛋包住炸，炒飯有些濕，嫲嫲教我要用隔夜飯炒。磚頭麵包外面脆入面軟，點茄汁食是很好味，茄汁食完是可以問侍應生再添。

年初一出街食飯，但不是團年飯，只有三個人。而V City有些食店休息，有些太多人等位，我們又不想排隊，而且不是我出錢，所以我不會太揀擇。三人叫了兩個飯，一個小食，因為另外兩個人食得少，所以不用叫太多。蝦多士(6/10)多士好厚，但好鬆軟，不過食到成口油。避風塘炒飯(6/10)，炒飯不太油，每粒飯都是金黃色，但不太有避風塘味道。不夠香，辣和惹味。焗豬排飯(6/10)味道同阿活焗豬排飯是一樣的，但豬排質素較好，比較鬆軟。總體味道普普通通，但又未算難食。如果去到V City不想等位，又想食得平，可以去羅麥記，但有時間等位，同想食較好的，可以不去羅麥記。

今日由九龍趕入屯門開會，見有時間就去食個早餐！到了vcity羅麥記，但剛剛11點只有常餐，叫了茄牛丐配炒蛋和熱奶荼茄牛丐不會太冧，煮得剛剛好，湯酸甜很開胃，牛肉很滑炒炒蛋也不會炒得太熟！很嫩滑奶茶入口充滿茶香，夠濃！環境也很懷舊，入到去回想了童年

露露最鍾意同一班姊妹周圍去食! 今次我地5個女仔一齊黎到屯門VCity一間充滿懷舊感覺的餐廳 --- <羅麥記>我地黎到門口已經好興奮, 因為好似返到以前!餐廳裝潢好用心, 無論牆身, 台椅, 連餐牌都好似學生手冊,充滿懷舊的氣息!一打開餐牌之後我地樣樣都想食, 而且仲全日免加一!haha!選擇困難症又出現啦!最後參考左<羅麥記>十大推介首先, 我地5個叫左一大堆小食:我地係雞翼fans, 叫左3種唔同口味,<羅麥雞翼（原味/辣味）>它家的鹵水雞翼好入味, 而且雞肉嫩滑,露露偏愛辣味多d<避風塘雞翼>露露最愛, 外層鬆脆, 內層肉層嫩嫩的,再加點辣辣的感覺, 超正!!<避風塘鮮魷>又係露露的最愛, 魷魚新鮮彈牙, 再帶點辣味, 醒精開胃!<水牛芝士炸雲吞>香濃的芝士經炸後融化, 咬落去時芝士的香味溢出,令人回味無窮!之後到主菜出場:皇牌<麥sir乳鴿仔>它的特別之處係先鹵後炸, 令味道更濃郁!而且細細隻, 岩晒幾個女仔share<蝦多士> 露露推薦品之一,滿滿

VCITY 是屯門新大型商場，隔離是西鐵，地點十分方便，我返工放工一定坐西鐵，我先後食過3間食店，羅麥記本來不是特別想吃食店，加上OP 食評有一半是劣評，後來，友人去過話OK,我覺得要自己試才知好唔好呢，今日放下午假，就去了一次試下，羅麥記在中午時間無乜人排隊，客人不算太多，十分易揾位，為免中伏，以我所知多土系列最多人彈，我点了腿蛋米粉（28元），加9元要一杯凍奶茶，另外再点了香蕉船（30元），我覺得火腿蛋米粉都OK,米粉好難煮得難食，点食物要有技巧，湯底有些小咸，可以接受，凍奶茶都OK,香蕉船就麻麻，整體只是一般，環境就唔錯，充滿懷舊feel,裝潢以70年代為主，好似回到過去，一邊吃野一邊享受環境，感覺都唔錯，服務就一般，呢度無設套餐，全部散叫，價錢比一般茶餐廳貴好多，真心講句，羅麥記並不太差，又不算特別好食，只可以講只是一般味道:火腿蛋米粉都OK,只是湯底有些小咸，香蕉船唔太得，整體都還可以環境:以70年代懷舊feel,地方舒適，座位坐得舒服服務:我覺得一般價錢:貴過一般茶餐廳，無設套餐，要散叫，今次埋單要67元，唔太抵食番食:徐非有朋友想來，一個人未必再來其實羅麥記食過環境，味道

有時都很想吃港式早餐，特別是濃郁富茶香的熱奶茶，但我又非常怕到舊式的茶餐廳，很怕人多、坐位也狹窄，加上要搭枱，想起也怕!想起vcity有間懷舊茶餐廳羅麥記，就決定到那裡試試港式早餐.早上十時多，餐廳客人不多，可以坐卡座. 餐廳裝修以懷舊為主，餐紙也是棋盤來的，如有骰子可供借用就好.想吃輕怡一點的早餐，故我選了吞拿魚牛角酥配粟米炒蛋 ($34)，友人則選了至尊波蘿油配炒蛋 ($34).熱奶茶熱奶茶入口燙口非常好，茶味香濃，奶味亦不會把茶味蓋過，個人幾喜歡.吞拿魚牛角酥配粟米炒蛋 ($34)牛角酥外表扁扁的，內裡只塗上一層薄薄的吞拿魚醬，賣相不吸引，幸好牛角酥頗酥化鬆軟，都算好吃. 先前要求把炒蛋弄熟一點，都可以做到，熱辣炒蛋也不錯，配上粟米粒，簡單早餐就是如此.至尊菠蘿油配炒蛋 ($34)友人說波蘿油味道食人失望，菠蘿包不夠熱且外皮不香脆，絕不會再到羅麥記吃菠羅包喎.至於服務都只是一般，職員好像未睡醒似的，加上餐廳播放的流行曲超大聲，水吧又播放另外一些歌曲，想靜靜吃早餐就是不行的了. 

今日黎到屯門vcity正想搵間靜靜地既餐廳準備傾生意，無意中一上扶手電梯就見到大大個招牌寫住羅麥記，於是就入去邊食野邊等個客。入座後，見到周圍都係懷舊既廣告牌，好有呢個特色。另外仲見到一些舊年代既設施，真係令人懷念！睇完個環境後，我就見到有個常餐牌，我見到一個叫做海南雞絲米覺得好好奇，因為係其他餐廳係好小食到雞絲米，同埋芝士炸雲吞，所以就諗住試下。先講個炒蛋同多士先，由圖中可以見到炒蛋炒得好滑，一啲都唔會老，而且食落去仲有一些蛋汁係嘴邊漏出黎，火侯掌握得十分好！另外個多士外脆內軟，加上香濃既牛油，同隻蛋一齊食真係另一種滋味！食完個蛋之後，岩岩好就可以食到剛呈上既海南雞絲米。我一睇到就好驚喜，原來初頭我以為無咩特別，點知睇落去，原來真係用原隻既雞肉做成雞絲，不但有香滑既雞肉味，而且個湯底亦都好好味！最後就係呢一個芝士炸雲吞，入面既蝦肉充滿住香濃可口既芝士，而且一啲都唔會油膩，再加上旁邊既醬汁，令人一試難忘！下次有機會既，好想約埋啲朋友試下呢度既晚餐！

今日行vcity，見到有間環境幾懷舊叫羅麥記嘅餐廳，入到去環境都唔錯，有舊式風扇,六,七十年代既相,仲有最特別既就係呢間餐廳既餐牌整到好似學校既手冊一樣,同埋D樓面著到好似學生一樣,令我入到黎真係有懷舊既感覺,我坐低叫左羅麥汁牛河,避風塘鮮魷,紅豆粒粒奶茶，避風塘鮮魷唔太辣都幾好食,杯奶茶都ok,唔會太甜又有茶味，而個羅麥汁牛河個汁味道岩岩好,撈埋D河粉幾好食 ，下次會再黎食 

最近去親屯門定必幫襯食羅麥記，因為環境吸引，食物也算不錯.今日叫咗麥 sir 乳鴿仔，十大推介之一，即炸夠晒熱，肉質都好嫩滑，外皮仲脆的.之後叫多個羅麥記雞翼，雞翼夠入味，少少甜，少少辣，都幾嘢味.最後黎多杯奶，入口滑溜有茶香.

d野好差鹹，難食！純粹食環境～點左兩個咩雞扒撈麵，d姜蔥鹹都想嘔！除⬅️果杯甘既紅豆冰奶茶好d之外，其他不敢恭維！服務態度好一般，我個麵起碼等左4個字漏上，然後仲要上錯豬扒！總之一個字概括：差！！！

放大假同致愛周圍遊到屯門VCity對唔係成日入西區D我哋叫做新嘅商場行下見到呢間裝修特別懷舊嘅餐廳一定要入去試下等位都等左唔係太耐你會發現佢個餐牌係一本手冊好特別(但沒影Ps唔知係咪印唔切仲係14年叫左個十大必食羅麥汁牛河，鴛鴦炒飯同雪花西多等左二十分鐘終於黎啦，登登貌相唔錯但D汁都好似水浸甘唔使錢影響味道D豆仲有啲絲，差D咽死人(見圖個西多我老婆就話好好味啦整體除左條“屍都係值得一“去嘅

今日早上在屯門辦完事，友人突然就起去屯門果間食早餐，果間，即是邊間，想了一陣，哦……羅麥記，專為相機食先的懷舊主題冰室，一去到，基本上由門口一牆，一桌，一物就可能是媽媽，爸爸，自己唔同年代的仿製品，好似時光隧道咁，係咁影，影，影，但餐並不傳統，係比較現代餐牌似小學手冊般入面有介紹羅麥記餐紙更是康樂棋，哈我地點了兩個早餐，魚柳沙律多士，同英式早餐，魚柳應該係雪魚，好滑，雜果沙律夠開胃，多士正常，冇咩特別，而可愛(小朋友性格)友人的英式早餐多豐富，有佢的最愛薯餅，蛋，煙肉，同大大個蕃茄，小蘑菇，佢最討厭的蕃茄汁豆 ，其中蕃茄幾新鮮，同好食，薯餅欠缺了醬，有果醬會更好，餐同樣沒什麼特色之處，正常早餐，普普通通，而奶茶就唔錯，夠茶味，有奶香，不用加糖，總括來就，來參觀影相比試食更有價值 。

因為今日約左個客，所以黎到屯門，第一次行新商場，個客話試羅麥記，所以去左呢到食！因為掛住同客傾單，所以忘記影相！叫了蝦多士，香脆可口，不會油！芝士撈丁，芝士味夠濃，岩哂锺意食芝士既人！還有招牌特飲紅豆冰奶茶，甜度適中，香濃茶味，不會被紅豆味蓋過！如果有機會來屯門會再來食！