羅麥記 (V City) (已結業)

唔怪得d朋友話食一次就夠，叫左個磚頭焗飯，好似d汁好似藥水味，抄飯底唔係即抄，抄定ga, 衰過大家樂真心，食物質素好差，基本野都做唔好，咁唔掂架，話好食果d, 不敢恭維

野食味道真係好普通，試下就算。 野飲叫左紅豆粒粒冰，得兩粒冰係紅豆，其他全部普通碎冰。 雞翼撈丁普普通通，最好食係芝士牛肉蔥油餅，芝士食落好香但有啲溜。下次唔會再黎。

大年初一跟親友長輩拜年之前, 先跟自己的五臟廟行個禮, 不過不是太多餐廳食店都會於這個傳統大節開門做生意, 就連一些連鎖集團都會休息。 難道初一就要跟麥記叔叔拜年?! 幸好Vcity內仍有幾間食店照常營業, 於是選擇了羅麥記。以懷舊冰室做概念主題, 門口放了懷舊電視, 風扇, 電話等, 古老當時興, 如果拼湊於家中做裝飾很有型格吧! 室內裝潢亦以懷舊海報品牌為主, 呈現老香港的情懷.手冊般的餐牌, 飛行棋餐紙, 放大版衣夾都是以懷舊做元素, 玩味十足。阿芝芝士豬頸肉撈麵 $50相比新記的芝士撈麵, 芝士味確是不夠香濃較為淡口, 而芝士質地亦較為稀, 味道偏鹹了點, 份量都頗為少, 未能完全地跟量多的撈麵混和一起. 麵條不是用上出前一丁麵, 麵身較腍, 欠缺了彈牙口感.煎香了的金黃豬頸肉質感爽口, 雖為厚切但醃得不夠入味. 整體較為普普通通.吞拿魚菠菜芝士通粉 $55份量跟價錢成正比的一碟.剛焗起的通粉很熱辣辣, 面頭焗焦了的芝士很香噴噴, 芝士多加上creamy醬汁, 可做出拉絲來.吞拿魚除了跟洋蔥合拍外, 原來跟菠菜亦是一個不錯的組合.通粉焗後較為腍軟, 味道亦偏向淡口, 需要混合配

這天到一田超市入貨，晚飯就在羅麥記解決。羅麥記是V City性價比較高的一家，因此平日晚上店內也有七、八成滿座。  咖哩牛腩焗飯($63)焗飯的關係，製作需時。咖喱汁份量不少，夠香夠辣，不過與翠華咖哩相比還是有距離。牛腩尚算軟稔，牛味不算重，飯身也夠煙靱，比一般茶餐廳有水準。  無骨海南雞飯($65)海南雞配油飯，另配酸瓜、雞醬、薑蓉，賣相是對辦的。海南雞是冰鮮雞的關係，雞味一般，但口感挺滑溜，味道還好。油飯帶淡淡雞油香，中規中矩而已。  北海道牛奶咖啡(+$10)羅麥記的飲品水準真的不敢恭維，但人總是重覆犯錯的動物。這天看見餐牌上有北海道牛奶咖啡，便點上一杯試試，沒有中伏，只是也沒有驚喜。沒有北海道牛奶的濃滑感覺，用的也是尋常的咖啡粉，啡香一般，下次還是點奶茶好了。  在V City來說，羅麥記已是中下價之選。多次光顧，個人認為有水準的只有獨沽幾味，下次還是無謂「挑機」了。

經過餐廳門口，已經俾啲舊電器吸引，再睇下餐牌。。。一於入去試下磚頭焗咖喱軟殼蟹飯，真係成舊磚頭一樣，賣相一流，咖喱汁都好好味軟殼蟹都好香如果多啲汁，可以食埋個包添蝦多士:爽口嘅蝦肉，上面嘅汁好juicy ，加上脆脆嘅多士砵酒燴牛脷:啲肉夠林，好味，不過冇乜酒味，但有牛肉嘅香味，都好好味兩個人食左二百幾蚊，ok啦

其實我好鐘意食雞翼, V-city既羅麥記經過好多次, 辣雞翼就一次都未食過 ...襯住上海婆婆排到天昏地暗, 我地就轉移陣地去羅麥記食 ...我地叫左 阿芝芝士豬頸肉撈麵,  焗住食豬扒飯,  避風塘牛肉炒河, 蝦多士, 紅豆冰粒粒奶茶... 阿芝芝士豬頸肉撈麵: 用光面黎做撈麵其實真係無咁好食, 因為麵條會淋d濕d, 會一舊舊 ...但經過我用心地拆返開, 就可以開動啦 ...芝士味幾正, 都好濃, 所以加左落個麵到就有咸味, 真係幾good ...豬頸肉唔夠香口, 不過算係咁啦 ...懶唔想出TST食個時可以頂下癮 ... 焗住食豬扒飯: 見到枱枱都有磚頭豬扒飯, 但個個都食唔到個包 ...為免浪費, 我地叫左個普通豬扒飯 ...我最鐘意汁撈飯 , 而呢到既味道好肯定係媽媽既味道, 因為佢個汁明顯係用茄汁開出黎, 而且亦唔多番茄 ...不過好少食呢隻味, 而我媽係唔會煮飯, 所以食一次都OK既 ...豬扒就比較扎實, 都唔會太乾...都pass既 ... 避風塘牛肉炒河: 避風塘無避風塘味, 炸蒜唔夠多, 牛肉又無味 ...不過河粉

平安夜 放假日 : )等左好耐既聖誕假期終於黎到~~ 但竟然無諗過要食咩好..午餐就是但入左黎呢間羅麥記~其實都係比佢既裝修吸引住~ 成間都係以懷舊冰室做主題既裝修每個角落都放左款式古舊但係好新淨既擺設有懷舊風之餘又夾雜住現代商店既衛生, 所以都幾岩女仔黎坐, 哈哈呢種懷舊 ..應該對我地呢一代黎講無乜共鳴因為真係無經歷過黑白電視黑膠碟不過睇得出呢度既一桌一椅都有用心挑選過!羅麥雞翼撈丁 $55每次去到有香港特色既餐廳, 都抵抗唔住撈丁既誘惑叫左野食後唔使五分鐘就上枱 但係都夠熱辣辣~估唔到有咁大碟!! 唔怪得賣成$55...雞翼夠大隻~ 同埋好滑, 同時醃得好入味, 每啖都有豉油香公仔麵既醬汁份量都唔少, 甚至有少少太過濃味...不過係度一定唔驚食唔飽! 份量絕對比而家街外好多餐廳多好多朋友叫既避風塘軟殼蟹炒麵 $68少少辣.. 炒麵夠鑊氣, 有兩隻迷你版既軟殼蟹係面~~個人覺得個軟殼蟹唔夠"避風塘"風味, 哈哈...即係唔夠香, 脆, 咸同辣....不過軟殼蟹仲保留到有好多肉汁~~ 朋友最鐘意呢點~!因為太為食.. 我地又叫多左個小食: 芝味牛肉蔥油餅卷 $45其實聽個名都知道係芝

屯門好大又多野食試下懷舊茶餐廳有好多舊式電器 員工著校服好可愛的飛行棋紙寫住食物係到架炒蛋唔夠滑多士得少少牛油脆脆的面包磚包圍住睇上面幾多汁 食到下面就冇汁有d芝士係面有蝦、帆立貝、青口、魚柳好多飯 食呢個超飽呢杯紅豆奶茶有驚喜紅豆整到一粒粒冰正方形大大粒原本有3粒架放係到溶左一粒XD奶味茶味都好足

今日去 V City 行街街，行經呢間舖，比佢的裝修吸引住 , 好似好懷舊咁!餐牌就好似以前的手冊咁，而餐紙又好似跳飛機 。點了磚頭焗豬扒飯，紅豆冰粒粒奶茶 和 千層朱古力西多！朱古力西多士就普通咗少少。而豬扒飯塊豬扒好腍，而且D蕃茄醬汁好好味，不過就乾咗D！食完豬扒飯，仲可以食埋磚. 超飽！而個紅豆冰奶茶就有少少特別，因為D冰用奶茶製成的，D冰溶咗後都唔好淡咗，D紅豆又大粒,又腍

同朋友行開屯門市中心, 就走去vcity睇下, 呢度地方大食野地方又多, 比較舒服, 又唔會咁逼.當日下午時間, 冇乜人等位, 我地好快就坐底, 叫左個"羅麥辣雞翼" 賣相一搬 , 味道好似一搬鹵水雞翼, 冇咩特別 ,又叫左個"蕃茄濃湯底牛肉公仔麵" , 老實講d食物賣相同味道都好一搬, $38呢個價錢未免唔值.............

呢個羅麥汁炒牛河，其實好似瑞士汁咁，似某間老牌飯店既招牌菜。汁好多，食到尾都仲有汁剩！牛肉好嬾身，入晒味！總括黎講好好食！店裝潢好有特色，特別係墊檯紙，好經典！ 最重要係夠多位，唔駛等✌🏻️

難得假期下午茶時間到，見唔使排隊又有得坐得舒舒服服咁樣，二話不說就揀羅麥記。點了份大份夾抵食嘅一4磚頭焗猪扒🐷，哇…真係相片與實物一樣樣，成舊磚咁出現面前，我揀咗茄汁焗。等上菜時見到枱面有個牌介紹點食之際，發現舊磚頭仲可以另一多一個汁另上，有咖哩同白汁揀，咁我就試佢個curry。2個汁都好吸引，蕃茄焗猪好入味，猪扒件頭細細有彈性，都有成10件左右。咖哩汁帶微辣，沾包食都唔錯…一個價錢$82有兩個味道享受。👏👏

羅麥記，聽說是兩位愛懷舊的老闆共同創立的。懷舊是不少港人的集體回憶，雖然老土，但舊物隨時間的遠去，反而更顯珍貴。像我自小便是吃茶餐廳長大的，對懷舊的茶餐廳有份情意結，愛的就是食物飄來的回憶之味。  羅麥記的懷舊，在於環境裝潢。牆上有不少懷舊的廣告，感覺後現代多於懷舊，不過那些舊品牌倒是耳熟能詳。餐墊是舊式公園跳棋，餐牌是舊式學生手冊，能感覺到兩位老闆對童年的懷緬。  先來的是羅麥雞翼撈通粉($52)，小小的通粉煮得彈牙，有點咬口。    不過通粉這東西即使篩水功夫做足，也難免會殘留水氣。那醬汁雖然也掛滿了通粉上，但跟配出前一丁相比還是遜色了一點。汁醬甜甜的帶醬油香氣，加辣的關係也甚為惹味，醬汁雞翼依舊肥美入味，甜甜的甚可口。    咖哩牛腩焗飯($63)咖哩是茶餐廳的強項，這兒的更是出眾。咖喱香料味香濃，加上厚厚的芝士同焗，令焗飯十分惹味。牛腩稔滑有牛香，份量也不少，還搭配嫩滑的牛筋，這兒的咖喱真不錯呢!    見食友推介菠蘿粒粒冰($38)，一嚐味道卻不似預期。  冰粒內藏的菠蘿粒質素認真麻麻，欠菠蘿香，只有甜。菠蘿冰味道偏向人工，只有甜味較突出，粒粒冰只是噱頭，不值。  老公的雪糕

今日同老公+BB 一齊去左屯門一田行下, 買BB用品行到累就上左上層食野，果陣晚上8點幾，見到好多間舖頭出面都排左人龍，E, (羅麥記)E 間冇喎, 出面冇人排隊，就入E間LA, 途中老公有同我講，哇, 一個人都冇，好食有限, 但我真係好餓, 照入LA... 好彩, 最後都冇入錯羅麥記, 係以懷舊冰室做主題, 枱與枱之間距離大, 唔錯, 幾舒服, 我們有BB, 所以待應安排左個卡位比我地，在此有D 不滿, 好唔明點解D BB 椅經常都冇條帶扣住個BB, 羅麥記既餐紙好特別，用康樂棋做藍本既設計我地最後選左紅豆冰粒粒奶茶, 磚頭焗豬排飯同豬羅包全部都係佢既經典推介紅豆冰粒粒奶茶, 真係有2,3舊紅豆磚係裏面嫁，除了紅豆磚，個底都有好多紅豆哦初初飲落，只係飲到紅豆冰的感覺，去到中間，又只係飲到奶茶既FEEL, 加"鞋"口其實唔係難飲既，但有得再選我會選雪糕返紅豆冰LAW,都係$38杯豬羅包, 一邊係加左沙津醬既, 另一邊係加左(應該)係燒汁, 我鐘意燒汁果邊多D,有少少辣既感覺 個包又幾好味, 好軟淋淋又鬆軟, 唔係好硬果隻, 比BB食都食到 磚頭焗豬排飯, 等左10分鐘左右就又LA, 下

呢日打算在屯門V CITY 吃，簡單快捷，平日九點多的羅麥記人很少，所以打算舒舒服服坐下吃個早餐。其實之前羅麥記開張之時，我曾經在這裡吃過中午，裝修感覺很古典，價錢偏貴，以為食物是有舊式冰室味道。怎料比普通還要差一點，叫了幾款的食物賣相普通，味道是無乜味，印象差。事隔N個月的今天，想想或許有所改變，嘗試再吃吃看。一坐下，看這個餐牌，真的想不到吃那一樣，因為早餐時段一般茶餐廳收$24既貨色，呢度收$34。選了一款一般茶餐廳吃不到的，All day breakfast $48, 心想算比較不算貴吧﹖但早餐這個價錢吃這個質素真的太貴。味道就是你看圖就可以想像到那種味道。就是多了一片薯餅和兩粒蘑菇，其他的是其他茶餐廳也可吃到的食物種類。叫了一杯熱好立克，來了一杯熱朱古力，費事煩再等侍應改，就只喝，味道很淡，連一杯飲品都是比較差，真是太失敗。這次，真的不會再來。