美利餐廳 (已結業)

唔好話唔提，呢間喺大埔的餐廳真係得啖好味🌟！坐低嚟點咗個炸魚柳牛角包，加埋一份薯角。啲牛角包外皮做得脆卜卜，入口即溶咁滑，炸魚柳就酥脆得嚟唔油膩，仲有嗰種鮮嫩嫩嘅魚肉🐟，真係夠曬彈牙。配上嗰啖啖嘅薯角，外皮香脆內裏軟綿綿，咬落去美味得嚟好過癮！沙律我都冇放過，呢碟簡直係新鮮嘅代言詞🥗，啲蔬菜爽口得嚟彩度爆燈，食落去仲有種清新提神感。真係食完之後，我啲行山嘅攰意同埋餓氣全都一掃而空！整體嚟講，呢度嘅價錢相宜，份量又滿足，係大埔呢個地方，真係值得一試㗎！下次行山返嚟，仲要再過嚟光顧！💪👍😄

下午隨便在廣福道轉車站附近選了家飯店想打包小吃帶回去，剛好發現這家店。點了招牌的三文魚牛角包，老闆很熱情跟我介紹牛角包和豬扒包的區別，套餐還可以自選飲品🥤🥤好吃下次試試別的。🔳地址：就在廣福道轉車站等26小巴的地方，很好找，店門口有小黑板寫著「今日菜牌」。隔壁是歇腳亭奶茶店。🔳服務態度：非常好，老闆超級客氣🙏😇🔳等菜時間：薯角是熱的，杏仁霜也是現沖的，沒有等很久，差不多5分鐘左右就能帶走了，趕時間的朋友可以打電話訂餐喔！

捕螢季節到，又要上山去影相，在廣福道下車，看到這間餐廳感覺不錯，就入去了.由於繼第一次來這裡覺得食物質素高價錢又便宜，所以第二天也來這間，在這裏一次過寫完.入內座位自選，侍應很快問食咩，第一次來的我要點時間😂他就很有禮貌的叫我慢慢看😆😆本來打算叫他們的下午茶意粉類，但看到很多人叫包就跟著叫了.餐牌雖然很殘舊，但從右邊的壓花看得出有種高貴的古典美，以前傳統餐廳都比較注重餐廳內的細節.男侍應聲量是比較洪亮那種，但其實很有禮貌，真的是我大聲不等於我沒禮貌😂😂大家不要害怕.朋友叫了青醬三文魚飯但我忘了影相.我是因為覺得牛角包比較肥所以叫了豬仔包，極力推介，非常好食，碎蛋和煙三文魚非常足料，我愛吃這個是因為它本身蛋白質含量極高，薯角新鮮炸非常脆口，份量又多，非常高質. 由於我潛意識覺得它是西餐廳，所以不自覺的叫了熱咖啡，我本身不太喜歡茶餐廳的熱咖啡，但這次喝感覺又沒那麼差.吃了這頓下午茶我回頭看openrice, 原來美利是出名牛角包，我內疚死了，不過其實豬仔包都好好食😂第二日由於都是捕螢，所以都來這間餐廳，這次侍應又很快問吃什麼，為了不再有遺憾，立馬叫了牛角包😆再配沙律， 和茶走少甜. 再幫朋

大埔廣福道有一間餐廳，望落唔係令裝大舖，本身入去都係為食個快飯再翻歸。「幾位？入去坐！」粗豪既男人聲呼喝著。「等陣先」「食咩野」，如果你唔習慣就無可能係呢間餐廳食飯，最有印象既係有個姨姨落完單之後就即刻叫店員將熱檸茶改做凍檸茶，店員一句隊埋去「廚房沖左就無架啦！」，大家聽到呢句都呑左啖口水，嚇親😨。但最後都見到個姨姨嘆緊凍檸茶🤭🤭。黑椒豬扒火腿飯 🐖🍚4/5煎過既豬扒，軟淋既豬扒，唔會全肥膏，唔會過火既乾身，香氣撲鼻既黑椒汁，簡單美味😳。地點:廣福道近街頭位置，相對無咁多人流，但都keep住見到有人幫襯。環境:港式西餐廳，黑白色既裝修，行呢個中西混合文化，所以唔會有炒飯炒麵太重穫氣既野。價錢:每人45蚊食到個碟頭飯包野飲真係抵🤭🤭🫢。原來都多人食佢個下午茶，牛角包🥐，睇落好吸引，大大隻又多料，抵。服務:習慣到呢個語氣就得🫣，相信少啲容忍就會發脾氣開拖。🤣🤣

今日收工經過終於同朋友一齊試下呢間餐廳，每次經過都想試下，叫左一個肉醬意粉，一個小食併盤，一個雜扒意粉，佢既肉醬意粉係我意料之外，非常好食，其他都是一般，肉醬意粉絕絕可以再次encore

呢間由舊址到新址都咁捧場係因為鍾情於佢嘅牛角包🥐仲有佢凍飲唔加錢都係令我回頭嘅主因🤪。。。🦔👉公司三文治整公治材料好簡單 但整得靚整得整齊標緻先係技巧❤首先見到佢排到咁靚件件發光咁已經好吸引人食啦🤤多士烘得脆係基本 重點係佢蔬菜同肉嘅比例好平均 即使無餐肉煙肉呢啲好咸嘅加工食品 就咁雞塊已經好有味道 至於生菜、青瓜、 蕃茄呢啲都唔少 又新鮮 加埋芝士。。。🦔👉牛角/豬仔包 配 沙律或薯角雙併: 碎蛋/火腿/芝士/吞拿魚單併: 豬扒/雞扒/吉烈魚柳 單餸嘅話我好多時叫炸魚柳 絕對外脆內嫩 想簡簡單單食爆餡嘅我會叫呢兩味😚煙三文魚普通地兩三大片 但tuna實大大pat 把刀切埋落croissant很脆的chop chop聲 內餡亦很足夠的 很香牛油味又脆口嘅牛角包加埋咁jenggg嘅餡很令人滿足😋配菜可選: 沙律 or 薯類(薯蓉/薯角) salad會係好firm嘅一球薯仔雜果蓉 薯類就一定係新鮮出爐之無論薯蓉定薯角都好燙口 前者真係大大pat蓉 有時我都濟到唔太食得哂 後者嘅薯角就一定新鮮的炸到好香口 鍾意佢好夠薯好夠泥😆

這裡感覺就是走高格調路線嘅茶餐廳。這裡沒有港式炒粉麵飯，提供嘅食物都偏向西餐廳飲食文化；但這裡裝修、服務、價錢等卻又很有港式茶餐廳特色，所以真的很難將這裡分類。這裡的牛角包很出名，一般午餐都必會有牛角包蛋沙律配羅宋湯螺絲粉的選擇。牛角包很大個，中間橫向切開，夾滿了蛋沙律，但包身依然鬆化、香脆，真的很好味。值得一提嘅係，呢度午餐嘅餐飲冷熱同價，轉凍飲都唔需要加錢。🙂不過今日被牛扒吸引了，放棄了牛角包的選擇，改為點蒜蓉汁牛西冷配意粉，肉質很軟腍，除了側邊的筋位，其餘都輕易切開；仲有少少肉汁，唔亁。但可惜牛肉味唔夠濃郁，入口沒有牛油香。而蒜蓉汁做得幾好，微微嘅蒜香，加少少胡椒粉嘅香味，就算汁很多，但配上白飯吃，完全唔會覺得太膩，或太搶。不過牛扒跟牛角包相比起，下次點餐，還是應該繼續點牛角包會比較有保證。😅

3/22 去完大埔白鷺湖打卡，之後就坐巴士出返大埔市區，個肚打晒鼓，一落車就見到呢間美利餐廳，見到個餐牌諗住入去試吓嘆番個下午茶，又幾平均40幾蚊你餐，有湯或飲品任君選擇。兩個人就叫咗一個蕃茄螺絲粉+牛角包由於實在太肚餓啦個螺絲粉一嚟到就已經食晒 忘記咗影相個牛角包好抵食成隻手掌咁大入邊仲有煙肉蕃茄生菜青瓜沙律蛋好豐富嘅材料另外再嗌多一份西多士美中不足嘅係 糖漿牛油都一次過落晒無得自己加 不過都好味不過餐廳環境就一般，似係開左好耐啲枱櫈環境都好舊式 好耐歷史打卡抵食食物質素環境

今日放假瞓到好晏，就出咗大埔墟睇吓好咩好食，睇平時呢間餐廳都好多大埔嘅街坊幫襯，就同朋友入咗去醫肚😌🤍 西冷牛扒意粉配黑椒汁本身好鍾意食牛扒，而呢塊牛扒都好抵食，薄薄哋又幾大塊，肉質嫩滑又有牛味，意粉亦煮得好彈牙，配埋黑椒汁食好好味😋🤍 豬扒煙肉飯配燒汁朋友就叫咗豬扒試，但豬扒嘅肉質就麻麻哋，口感略嫌有啲硬😖😖🤍 凍咖啡 凍奶茶我同朋友分別叫咗凍咖啡同凍奶茶，飲品整得好出色，咖啡有好香濃嘅咖啡味，即刻醒神晒🤣奶茶就沖得好香滑，值得一讚👍🏻

全部lunch set都係4x-5x凍飲仲要唔洗加錢😮今日食左個黑椒牛扒意粉 佢地會定期轉下menu咁就無咁悶😛黑椒汁夠濃味但又食到牛味👍🏻係牛扒食到鬆肉粉有啲重手左🙈 不過份量一定夠飽 牛扒都大舊整體分數：7.5

美利牛角包出名抵食好味！材料新鮮！組合都係大路野例如：芝士/碎蛋/吞拿魚/煙三文魚等等重可以配沙律或薯角今日收早突然好想食美利突然發現可以係APP 預先落單午餐 $46 連凍飲Last order 5:30 !!!收早嘅"晚餐" 又多一個選擇了

入到餐廳同店員講「兩位」，店員發緊夢咁聽唔到又問多次，雖然輕常都會咁所以起初都無乜反感。之後有位時指一指我同朋友，用好差的態度命令我同朋友埋去坐。我用「命令」係因為佢當時語氣真係好差，我直頭覺得佢似係懲教員/獄長叫犯做野咁。之後命底唔夠1分鐘，店員已經埋來吹我地落單，當時我朋友未揀好，佢又係態度好惡劣咁話。當時無其他人等位，應該又唔係阻佢做生意，同埋只係剛座低。到叫完野食，見到2個餐個價錢都貴過餐牌所示，叫左另一個店員問，佢話加左價........我唔肯定算唔算違反商品說明條例，但覺得好唔老實。講返食物，奶油豬仔包，炸吉豬同著角都好好味，如果只考慮食物質素可以來一試。

放假就要瞓到12點都未起身，大埔墟嘅下午茶🫖好抵食。40蚊有找，有埋嘢飲👍🏼☺️日式咖哩牛肉烏冬，加杯凍華田。個麵就好似茶餐廳嘅早餐水準，味道正常嘅，價錢合理，份量唔多。芝士焗千島醬雞扒飯，本身怕佢太「漏」，會好飽，但原來呢，個千島醬比較淡味喎，唔會食兩啖就full，雞扒好食😋👍🏼好入味，可惜係芝士唔夠，食唔到有cheese 味🥲，份量都係唔多🤨😁不過$40都唔使，又唔expect 有幾多嘅😅加埋杯熱奶茶☕️，地道茶記，夠貼地🤓

朋友住係大埔墟，介紹左幾間性價比高既餐廳，今日去左試美利Murray既下午茶，真係好抵食！芝士焗千島醬雞扒飯HK$36同咖哩牛肉湯烏冬HK$32, 仲包埋野飲，味道係好正常，雞扒好入味，肉質都好滑，但千島醬好似唔係咁夾個焗飯，無咩味道，咖哩牛肉湯似屋企會煮到既味道，咖哩係偏日式既，甜甜地，仲加左大量粟米，口感唔錯，鮮牛肉唔會太韌，咬得開，依個價錢，唔洗自己煮，都食得好開心！飲品就係一般茶記既水準，無伏！

今日去開大埔行山，大埔朋友介紹了一間餐廳食牛角包下午茶。餐廳屬老字號，環境不太新，食物質素有保證，吸引了不少客人在外面等位。炸魚柳牛角包配薯角炸魚柳夠新鮮熱辣大大塊 ，加上菜和番茄做餡料還有沙律醬。牛角包本身十分鬆化，雖然不算是非常熱，但也能保持鬆脆。薯角也炸得非常好味， 大大件夠飽肚。我分了朋友的沙律來試味，也非常新鮮。呢餐豐富下午茶為我剛才行山的願意和肚餓感，全部消除。一份下午茶餐只是三十幾蚊，價廉物美。