美味天皇

营业中

休息中

係金鐘睇完玫瑰花. 所以行返灣仔搵食. 平日lunch呢度實在太多人, 下下等候時候時間都要15mins或以上. 所以晚上黎食. 晚餐同午餐有什麼不同? 晚餐貴少少但係會有湯同埋牛油三文治. 若要多士加多$1.講下個湯先, 夠晒濃. 唔會水汪汪.  唔係普通忌廉湯, 不過呢度的餐湯只有一款, 無得選擇. 同朋友都叫左豬扒天使麵, 由於食開知道份量唔細, 所以同左佢地講要小麵. 圖的左邊是正常份量, 右邊是小麵, 朋友說早知咁大碟佢都要小麵, 最後咪浪費囉. 所以各位女友食唔晒真係唔好浪費. 同佢地講. 個豬扒唔un. 剛剛好. 夠軟熟. 朋友都讚掂. 唔好以為豬扒天使麵就同一般茶餐廳一樣, 呢度基本上大部份肉類旁都會有些疏菜. 感覺又會健康d. 一個餐有湯有包, 有主菜. 呢度重有甜品. 去個晚有兩款選擇. 我選左好愛的芝士蛋糕. 可惜朋友話有d硬, 似雪方蛋糕. 由於食慣左, 又覺得ok. 雖然無以前某日本餅店咁軟熟. 但都唔係話好硬, 可能夜晚. 所以感覺真係無lunch咁新鮮. 最後餐飲. 呢度要柚子蜜係唔駛加錢. 大凍天時梗係要潤一潤.  而且真係有料到架. $56唔駛加一,

平日午飯時間很少到美味天皇用膳，原因是店員會催收工，座處較迫。早餐腸仔煎雙蛋，選材製法實難突出，加 $1 可轉牛油餐包至牛油多士，美味度的提升不只一元，值得值得。熱咖啡口味略苦澀，縱使可自由添加合適份量的鮮奶，幫助也不大。整體評分無乜特別。

終於俾筆者搵到間平價餐廳鋸扒啦！灣仔謝斐道既美味天皇一個set lunch仲要跟甜品當然唔可以要求有高級餐廳既水平但係呢個價錢可以鋸扒仲有件甜品仔過下口癮都真係幾正咖黑椒汁肉眼扒意粉($58)脂膏唔算多 煎得亦唔會太老加件cheese cake (日式蛋糕)啱啱好

灣仔雖然是在下經常到來的地區，但是遇上了中午食飯時間，總會遇上了頭痛，原因就是不知道可以吃甚麼嘛，直到一次來到謝斐道，可算是暫時解決頭痛問題。美味天皇可算是經過好幾次而過門而不入，除因為是與普通茶記分別不大，和佔了兩個舖位外，卻有些東西令在下可以思想一下是否進入，其中便是午餐中，可以自配飯，意粉或薯菜，而餐牌卻只有一個，似乎只有點來午餐，其他的似乎沒有，或者是在下遺留了吧。巴西豬扒黑椒汁配薯菜。在茶記裡面，一份午餐可配薯菜，實在少見。豬扒煎不是鬆脆，而是較軟腍的，黑椒汁本身是辛辣的，可是這個醬汁卻不是辛辣，只有散發點點黑椒香味。薯塊卻稍為偏向硬身，不夠脆口，加上茄汁，可加了食味，若能脆口，效果更佳。一杯沒有加糖的奶茶，只有淡淡的的茶香，淡奶的順滑，甘醇而不夠厚，不迥茶味卻沒有被淡奶而沖淡。在下還未坐下，店員便立即詣問在下吃甚麼，仿如要立即要，並吃過後便立即走人，這一點似乎有點過份吧，待在下安頓後，才點菜也未遲呢！

我哋d細勤奮生性，趕及死線前完前工作，老闆就決定請我哋食tea，美味天皇是我哋多年來的不二之選。雖則其食物水準每下愈況，且又不斷加價，然同區別無更好的他選，故只好揀它了﹗美味天皇的午市套餐如雞扒薯菜約$48份，包餐飲和是日蛋糕一款，大大份、極好味又抵食﹗然而，其茶餐索價竟由$23至$36不等，可用「昂貴」來形容﹗若不是老闆請，我哋一定會大感肉痛﹗小妹要了吉列豬扒併鮮果沙律配罐裝可樂$36餐廳蠻細心的，豬扒和沙律是分開用發泡膠盒盛載的，一大塊金黃的吉列豬扒也預先剪成四小塊，方便食用。吉豬仍帶溫熱，可見是剛炸不久的，入口夠香脆入味。遙想當年，吉豬厚身又勁大件，炸得外脆內嫩，肉質鮮美。談笑間，物換星移，一切盡灰飛煙滅，往事只能成追憶……吉豬沙律餐可說係我哋全office人的最愛，超過半數人每次必選也。為的當然不是件日見衰頹的吉列豬扒，而是鮮果沙律也﹗﹗餐廳的沙律頗有驚喜，並不像坊間食肆採用雜果罐頭，而是新鮮即切生果，每次水果均略有不同。是次鮮果有富士蘋果粒、哈密瓜、青瓜、菠蘿和沙葛，拌上茶記常用的沙律醬，鮮爽甜萬分，清新可口，教人回味無窮。不過，鮮果切得頗為大粒，嘴兒不算小的小妹也要張大口才

這次因為跟好友到演藝學院睇舞台劇, 在附近找一家口碑不錯的茶餐廳晚飯. 到達時還在下午茶時段, 可以用平價吃晚餐, 很划算.下午茶餐約有十五款, 價錢是$24以上, 一款麵包或粉麵, 一杯飲品. 在灣仔區用這個價錢吃不到什麼. 煎魚餅一丁麵類可以選任何一款不另收費, 當然來個出前一丁底!不過吃第一口都不覺得是一丁, 茶餐廳喜用麻肉湯底, 但不是~ 都質也不是圓身, 是扁身, 即是一般的大lot買公仔麵.而且大部份一丁都有種硬身未熟透就來到面前, 但今次來到已經淋身, 總之吃到最後都懷疑不是一丁.炸魚餅跟湯底唔夾, 如果是分開食, 都煎得不錯~魚餅是解凍的, 魚餅都重, 口感都可以.配菜椰菜作點綴, 做到營養均衡. 柚子茶足料柚子茶, 柚子絲一大堆, 可能熱飲都較甜, 不是清潤.

自從同事帶過嚟後，我不禁愛上呢度的雞扒薯菜餐，每個月都會嚟一兩次一飽口福。雖則人多要排隊，雖則座位較擠迫，雖則食完就有被趕的不愉快經歷，但小妹仍然無怨無悔，為的不過是雞扒薯菜而已﹗美味天皇的午市精選套餐每日僅得四款，可選配天使麵、扁意粉、薯菜或白飯，奉送是日精選甜品及熱飲一杯。是日有A.煎雞扒洋蔥汁BBQ汁($47)、B.吉列龍利柳香草茄汁($47)，C.肉眼牛扒黑椒汁($55)，以及D.五香肉丁脆皮腸片炒烏冬($47)。我哋揀左A及D嚟share。煎雞扒洋蔥汁BBQ汁配薯菜 – 雞扒、薯格份量多。雞扒煎得外香脆內嫩滑；薯格炸得脆卜卜又香口，配合雜菜及醬汁，食指大動，口水直流﹗五香肉丁脆皮腸片炒烏冬 – 味道ok，但偏油膩，一般。是日甜品 – 選左芝士蛋糕，夠鬆軟，有蛋香，但芝士味未夠突出。$47有扒食，仲包埋甜品及餐飲，係灣仔區算係不錯的選擇了﹗

今天下午下班後，小弟前往灣仔的舊灣仔警署參觀"detour"，參觀前當然要先醫一醫肚啦。來到灣仔後，小弟用O記的App搜尋附近有甚麼值得小弟去吃，而且價格相宜的食肆，找到後，小弟找到謝斐道(大新金融中心後面)一間小型意大利餐廳，本來打算到該處飽餐一頓的，可是由於當時已經是下午三時左右，當小弟去到該餐廳時，該餐廳已經開始供應份量少，難以飽肚的下午茶，小弟最後只有放棄該餐廳，前往隔鄰的美味天王用膳了。走到美味天王門前，看見有肉絲雜菌炒一丁，心想份量足以飽肚，於是便走進去坐下，並叫了它加一杯柚子蜜。等了十分鐘左右，肉絲雜菌炒一丁終於端上來了，結果單看它的份量(包括肉絲、冬菇、麵)，有點令小弟失望。麵吃起上來，有一些靭，爽口程度略嫌不足，而且還有一點油膩，但尚算可以接受。此時小弟吃到中途，發現小弟叫的柚子蜜還沒有上來，於是便叫伙計馬上端上來。結果不足五分鐘，它已經端上來了。最叫小弟驚喜的是，它的精選套餐(包括小弟所叫的肉絲雜菌炒一丁)，都有甜品附送。當時伙計給小弟的甜品，是芒果蛋糕。可是小弟因為健康問題，不能吃雞蛋，便問伙計還有沒有其他甜品。伙計便說還有綠茶紅豆布甸。小弟最後便要求換上綠茶紅豆

是日o岩o岩去完會展聽一年一度的讚美之泉敬拜音樂會，好多人都係聽完午場就去食下下午茶餐醫下個肚，我都唔例外，我反正都有好多年未食過美味天皇啦! 而且午餐食完點心唔夠飽，好快肚餓，係時候醫下個肚。下午茶選擇唔多，真係唔係好揀得落手，不竟我都等位咁耐，結果我隨意想食飽D，咪揀左豬頸肉麵、熱奶茶，諗住食左夜晚可以唔駛食咁多野。豬頸肉唔係好夠味，湯唔濃，駛到d麵都冇乜味，好失望麵質一般，唔夠彈牙，又唔係天使麵，又唔似幼麵，軟木木咁。熱奶茶唔係好夠茶味，麻麻地。朋友食蛋牛治，見件蛋牛治都好似少許厚，好似幾正，但朋友都係話一般貨色。凍咖啡話左少冰都係比左好多冰，又唔認落錯單，不知所謂。食完今次失望的下午茶餐，我短時間內都冇意欲食佢的午餐或晚餐啦。

進行N年無打過的羽毛球活動，出發前先要補充體力加加油。在謝斐道一帶遊走，見這間快餐店頗為四正，於是便入內幫襯一下。我們叫了兩個茶餐，分別是炭燒雞串併鮮果沙律和芝麻雞柳配格仔薯。前者的沙律頗有驚喜，因為它並非一般食肆採用的雜果罐頭，而是新鮮生果切碎，加上薯仔粒、紅蘿蔔、生菜片等，拌上公式化的沙律醬，味道確是不錯且多了一些心思。至於旁邊的炭燒雞串，應該是烤過火了，因為大半部份都是燶的，因此我也沒有多吃。另一款的格仔薯超討好，極大原因是本人酷愛此物之故，而這裏的薯味濃而又沒有雪藏感覺。作生病的我依然吃了三大塊，果然不知死芝麻雞柳大大塊，想像不到是它竟然使用黑芝麻，只可惜雞肉太乾而且味淡，芝麻味亦不突出，我吃了一件便放棄了。飲品要了柚子蜜，沖得頗濃郁，配合這個茶餐又幾夾喎！

印象中很少會在星期日到灣仔，那天到ARTHK12 ，朋友選了來這兒吃一餐，才發現附近的食肆大多沒有開門。從來也把這兒看成一間茶記，到今天依然，我不知道原來現在近五十元吃的茶記午餐可以用「異常抵食」來形容，是大家已經習慣了，還是物價高而我還慒然不知?天使麵說實在如果煮得淋了些，這個要多加注意，好的是雞扒份量多而且煎得很不錯，外面香口而雞肉不會韌。每一個set 也會送一客甜品，芝士蛋糕是不重芝士味，不會膩和漏的，但說到好吃未到它。朋友說另一款椰汁糕很不對版，看他們吃兩口就放棄。這個set 的份量挺大，但那天吃不是那天的重點，ARTHK12 才是我們那天的主菜，所以重要是吃完快快到場館。

成日午餐食同一間, 今次終於試下新野。同事介紹灣仔MTR 附近有間叫TIM'S KITCHEN, 個SET LUNCH 都唔差，所以就去試下。我自己試左個豬扒+天使面，可選飯/薯菜或面。份量都幾大，當然個價錢($46+)就唔係普通茶廳價但都合理。飲品就係咖啡。味道不錯，當然不能同STARBUCKS比，但淡淡既香味增加我既食慾。甜品我ORDER 芝士蛋糕，雖然細左少少，但味道清甜又不膩，抵讚。

午餐 $46雞翼羅宋湯螺絲粉 + 凍檸茶 + Tiramisu灣仔物價黎講, 真係幾抵食上菜速度都幾快螺絲粉有羅宋湯做湯底, 少少辣, 幾開胃, 正 !!雞翼雖然細隻, 但都幾入味, 唔錯份量都OKTiramisu 都係一般啦

星期六 lunchtime甜品 芒果紫米布丁: 幾得意既配搭 味道頗為清淡 不過口感特別CHEESECAKE 味道一般收費與質素是中上的! (以一般茶記而言)唔錯唔錯

上司升級請食下午茶，成日都幫襯大家樂，今次終於轉轉口味，試這店嘅下午茶餐。未講味道前，先說賣相，比大家樂同一般茶餐廳精緻少少，味道方面大致ok,勝在分量足，當午餐都冇問題，所以相比同類型嘅食店貴少少都可接受。今日叫了公司三文治，大大份，睇相已知足料，有火腿、蛋、 豬扒、芝士、蕃茄同生菜等等，味道剛好，唔會過鹹，口感豐富好味道。至於其他茶餐，問過同事，大致上都話ok，炸物唔油又脆口，沙律新鮮又好味，餐飲就一般，奶茶唔夠香，咖啡唔夠濃，質感較稀，飲落嘛嘛。